المساعد الشخصي الرقمي

مشاهدة النسخة كاملة : يامن سمى نفسه (( بمسعاد )) الدور عليك اليوم

زجران
20/04/2005, 04:30 PM
المشرف سعد العبود قرب الله لا يهينك نبي نلعب معك على هالطرق

استلم يامال العافيه



مسعاد انا جيتك الليله وناويها = ناوي اهزك واكزك وسط نيراني
شلة فسادٍ حرام اني لعرّيها = عرّيت الاول ونيتنا على الثاني
$البطـ777ـران$
21/04/2005, 05:25 AM
مسعاد انا جيتك الليله وناويهـا
...............ناوي اهزك واكزك وسط نيراني

ارررررررررررررررررررررررررررررررررقد عن الصف يالذيب

ابن عبوووووود الليل الليل واسمح لي مااقدر اترك صف ذيبان

شعللووووووووها
W A R R I O R
21/04/2005, 08:40 AM
معك ياابويوسف
الليلللللللل الليلللللل الليلللللل

لاتخليه شب عليه ياابويوسف |271|
سعد العبود
22/04/2005, 01:16 PM
البطران معذوور خذ راحتك وزجران يستاهل ....
W A R R I O R:
لا هنت على قضبة الصف يالنشمي وابشر بسعدك ....

هلا والله بزجران حياك الله وابشر بسعدك مسعاد قريب
واستلم يامال السلامة :

ياللي نويت الردية وانت راعيها=لا لا تجيب الردية وسط ميداني
عراك الأول وكلٍ شاهدٍ فيها=كلٍ سمعها وشاهدها بالاعياني
زجران
22/04/2005, 04:44 PM
البطران احسن الله عزاك بجدتك :( بس ابا اكمل ;)

ولاهنت يالذيب على قضبة الصف



استلم ياسعد ولا هنت واشكرك على قبول الدعوه



ياللي تدور هروبٍ في تعازيها = خربت رديتٍ راعيها بطراني

بانت مكاوي في علباهم مواريها= خلّت سعد يقضب البيبان هرباني
سعد العبود
23/04/2005, 03:17 PM
العفو واستلم يا زجران لاهنت :

يا شين بعض البيوت اللي تغنيها=اتكسر البيت وتعسر بالالحاني
برنامجك لو تحطه ما يوفيها=الخله اللي بها من راس زجراني
زجران
23/04/2005, 08:05 PM
البطران فرقة ميامي مازلنا نشوف تأثيرها على شيلات ابوسعديه :D :cool:

(شكلها حيلة العاجز ) |4|



على العموم استلم يابوسعديه



ارنب تدوّر عشاها والعشى بيها = هدّم بيوته وحوّس كل الاوزاني
نرّجع لمحور سوالف ماتدانيها = لارحم ابو شاعرٍٍ ينحاش عجزاني


ملاحظه بسيطه للمشرف سعد
البيت إذا نزل وقروه الناس مايحق لك تغيره !!! اقصد البيت هذا

ياشين بعض البيوت اللي تغنيها
..................اتكسر الاولي واتعسر الثاني

اذا تبي الحق البيت تراه موزون |362| .... الا اذا انت خايف اني امسك البيت واقلبه عليك واقول

كسرت الشاعر الاول وعسرت الشاعر الثاني |310|

والا تدري خذ راحتك سو اللي تبي غير على كيفك لو عقب شهر مسموح


الليل الليل
سعد العبود
24/04/2005, 07:52 PM
انا عدلت وغيري حذف مرتين ؟؟!!! |541| |531|

استلم يا ابوزجريه :

يا كوكب الشعر يا حامي مبانيها=لازم نسميك عنتر كل الأزماني
بيوتك اللي مضت يهتز قاريها=شاعر فحل ربي اغفر زلة لساني
فارس تميم
24/04/2005, 11:18 PM
كفو يالشعار وبيض الله وجيهكم على هالنشاط ،، قواكم الله

يا كوكب الشعر يا حامي مبانيها
لازم نسميك عنتر كل الأزمانـي
بيوتك اللي مضت يهتز قاريهـا
شاعر فحل ربي اغفر زلة لساني

الله اكبر الله اكبر الله اكبر

صح لسانك يابويوسف وبيض الله وجيهكم وقواك الله يازجران

وتراني قاضبن الصفين...
زجران
26/04/2005, 01:01 AM
خلووووووووووووووها استلم يابن عبود


عنتر تواسى على عبله يداويها = واثر الخبيثه تدوّر تتبع الجاني
طبخه طبختيها يالرفلا وكوليها = درب اللكاعه دروبي لا تحداني
سرباح
26/04/2005, 01:39 AM
طبخه طبختيها يالرفلا وكوليها
.................درب اللكاعه دروبي لا تحداني

الله الله يازجران ارقد عن الصف لا يهون ابويوسف
سعد العبود
26/04/2005, 05:42 PM
سرباح:
لاهنت ومشكور على مرورك بأي صف كنت ....
الله الله .....

استلم يا زجران :

الله يعينك على عبله وتكويها=انا اشهد إنك تحدا كل غلطاني
يا حاكم الشعر يا فاهم معانيها=زجران بالشعر ياهل العرف سلطاني
زجران
26/04/2005, 11:20 PM
فارس تميم حياك الله وهذي الساعه المباركه

سرباح المهلي مايولي وإذا انت ماسك الصف انا اشهد ان ماعليه قصور


إلى لقاء قريب ياسعد ونشوفك على خير



نلتقي على الخير
سعد العبود
26/04/2005, 11:30 PM
فارس تميم :
حياك الله يالغالي ولاهنت على المرور الجميل.....

زجران مشكور يا طويل العمر وإنشاء الله لنا لقاء على الخير يالغالي