ابوسفر اللعب معك مكسب اقلط الله يحييك

[سنايدي]

الشاعر الجزل محمد السعيدي :
اللعب معك له طعم خاص وارجو انك تشرفني وتجاريني على هالمحراف

استلم ياعصابة راسي:


مرحبا ياخوالي وابتدي بالسلام=خاطر(ن) انتشيبه يوم اقول النشيد
يامحمد توكل والهمام الهمام=شاعر(ن)لاتهيض قال جزل القصيد

[محمد السعيدي]

الشاعر الرائع سنايدي : يامرحبا والله ومسهلا , الشرف لي لا عدمتك , استلم :



مرحبا يا البناخي ياسليل الكرام= ياهلا بك وانا حاضر على ماتريد
هدّ خيل المشاعر لاتشد اللجام = مايفل الحديد إلا بضرب الحديد

[سنايدي]

الله الله
استلم يالذيب:



يوم فاض المشاعر ترجمت بالكلام=خاوني ناوي(ن)مشوار ماهو بعيد
ديرت(ن) قدمنا كله خراب وحطام=شوف حال العرب وش صار شي(ن) جديد

[سواح]

سناااااااااااااااايدي


كعادتك جزل



محمد السعيدي ماقصرت


الليل الليل يالله شدو اللهمه

[محمد السعيدي]

سواح : ياهلا وسهلا , شرفت المحاورة

سنايدي : استلم لاهنت



وين ودك تودينا عداك الملام = خلنا في الظلال و تحت غصن الجريد
لكن ان كان عزّمت المشي للامام = ياعسى فالنا ياخوك فالٍ سعيد

[سنايدي]

سواح :
حياك الله وجودك شرف لنا طال عمرك
محمد استلم لا عدمتك:


يازمان العجايب يوم شفنا هشام =سافل(ن) يحسب انه خالد ابن الوليد
هو لعين الصلايب دايم(ن)فالظلام=لاذلف مانقصنا وان حظر ما يزيد

[سعد العبود]

الله الله .........

صح لسانكم وبيض الله وجيهكم

واصلواااااااا وازهلوا الصفوف

[محمد السعيدي]

سعد العبود : حييت يابو يوسف , يشرفنا وجودك طال عمرك.


سنايدي استلم يا الحر :


ذا زمان المعزه ياهشام ومرام = اسرحوا وامرحوا والمال يملى الرصيد
مادبل كبدي إلا يوم طاح اللثام = عن بنات النشاما منهو المستفيد؟

[سنايدي]

ابويوسف :حياك الله وشرفت المحاوره يابعدي

ا ستلم يابوسفر:


خمًت(ن)لاتمادت حل فيها الرجام=قادها عاجز(ن)....!ياكيف قاد القعيد
يوم عزًم وقال انه يشد الحزام=احتزم في حزام(ن) يحسب انه جويد

[محمد السعيدي]

سنايدي : المعذرة على التأخير واستلم عافاك الله :




ناس مايعرفون الحل ولا الحرام = لو تقول الرصيّص رز قالواعصيد
واعرف العنكبوت يصير بيته هدام = لانفخته بفمك راح كله هميد

[سنايدي]

______________________اخي الشاعر محمد السعيدي
اشكرك على تلبيتك الدعوه
ونلتقي قريباً انشالله _____________________________________________