نصيت انا فالمنتدى خشم الرعن

[الحميدي]

السلام عليكم
عميدنا الفاضل يشرفني اللعب معك


نصيت انا فالمنتدى خشم الرعن=وانا هنا فالمنتدا عضو(ن)جديد
عندي سؤال(ن) في خفوقي مندفن=قلت الحلول اكيد عندك يالعميد

[الصييفي]

الأخ الحميدي: |494|
مرحبا بك و مشكور على الطلب.
لي رجاء خاص و هو أن نستمر بالمحاورة
دون انقطاع حتى يشيب البيت،
وإذا كان عند أحدنا ظرف قاهر ينوِّه عنه
عند آخر مشاركة حتى نكون على بينة.
لا أريد ما حصل من "فلان الفلاني" يتكرر.

إستلم يالطيب:


يا مرحبا بالوافد اللّي مشتحن= ينشد، و هو توّه قراره بالبريد
إسأل سؤالك، و ابشر برد(ن) حسن= إما جواب(ن) صح، أو عذر(ن) أكيد

و يا هلا

[سنايدي]

الله الله الله
يا مرحبـا بالوافـد اللّـي مشتحـن
ينشد، و هو تـوّه قـراره بالبريـد
إسأل سؤالك، و ابشر برد(ن) حسن
إما جواب(ن) صح، أو عذر(ن) أكيد
صح لسانك يالعميدي ....خذني بصفك ولا يهون الحميدي
وينك يالحميدي عجل علينا
.
...ملاحظه حبيت اذكرها عن تغيب فلان الفلاني:
فلان الفلاني كان يعتقد ان المحاوره مباشره
وهو ما تعود على المحاورات ذي .......اقصد الي تقعد ايام

[الحميدي]

سنايدي:
حياك الله والصف واحد واهم شي وجودك بيننا
خشم الرعن: اشكرك على تلبية الدعوه وهذا شرف لي
استلم لا هنت :


انا خبرت الناس تشتاق لوطن=واشوف هاجر ديرته عبد المجيد
والبيت ما ينهد في طول الزمن=الا اذا نوو اهلها بالشديد

[علي العجاجي]

الحميدي
خشم الرعن

الله يقويكم وشدوا حيلكم نبي الميدان يشتعل والصفوف ازهلوها

الليل الليل الليل الليل

[الصييفي]

هلا بك يا "سنايدي":
وشكرا لك على المساندة و التوضيح
الخاص بالفلاني. لا يكون إسمه "سواح"
مادامه ما يتعامل إلا مع الرد الحيّ على الهواء؟؟

الحميدي أرحب، واستلم لاهنت:


حب الوطن، ما يقطعه غير الكفن= ويمكن ظروفه تحكمه، لو هو عنيد
والبيت يبنى، دام ما راح البدن= و القلب يخفق للرعن، لو هو بعيد

و يا هلا

[الصييفي]

أبو ابراهيم/ علي العجاجي:
مرحبا بك، و الظاهر أن مشاركتك
نزلت و انا أكتب ردّي، المعذرة!
بشّرني عن ابراهيم عساه رجال؟
مشكور على تشريفك يالغالي.

و يا هلا

[سعد العبود]

الله الله الله

بيض الله وجيهكم يالشعار متابعينكم

وانا بصف الحميدي ولا يهون العميد الغالي
انا خبرت الناس تشتاق لوطـن
واشوف هاجر ديرته عبد المجيد
والبيت ما ينهد في طول الزمن
الا اذا نـوو اهلهـا بالشـديـد

[*سعود*]

ما شاء الله

الله يجعلكم على القوه

عميدنا الغالي وشمعة منتدانا

وينك وين المحاورات والاشعار الزينه

يالله حنا معكم ومتابعين لكم

[الحميدي]

علي العجاجي :
شرفتنا في حضورك
سعد العبود:
حياك الله وقوفك بصفي شرف لي والصف واحد يابعدي
سعود:
حياك الله وشرفت الرد
خشم الرعن :
ناسف على التاخير لضروف طارئه خارج عن ارادتي
استلم لا عدمتك يالعميد :


الجسم صابه ياولد حما الدرن =والله يستر لانقطع حبل الوريد
ما غير حيلتنا ترا كتم الغبن=والبيت ما يبنا وناقصه الحديد

[الصييفي]

هلا و مرحبا بالإخوة:

سعد العبود
و
*سعود*
متابعتكم لها قيمتها،
و الصفوف عامرة بوجودكم.

|494| الأخ الحميدي:
الحمد لله على السلامة،
إستلم يالغالي:



الله يكفينا بلا كل المحن= و يشفي من الحمّى ولد عبد الحميد
كتم الغبن مهوب مردوده حسن= سبة حديد مع سمنت، و لا رصيد

و يا هلا

[الحميدي]

استلم لا هنت :


عله بدت بالراس ثم جات البطن =وانشلًت الا عضاء ثم اصبح قعيد
وش لازم الجوال اذا ما له شحن=في فصلة الجوال محد(ن) يستفيد

[الحميدي]

اخي خشم الرعن :
تشرفت فاللعب معك والتفائل شيء طيب والله يسمع منك

وانشالله نلتقي بطاروق جديد
تحياتي

[قوطي ببسي]

بيض الله وجيه هالربع الطيبين

ودنا انكم كملتوو بس على هواكم والوعد في طاروق جديد

[الصييفي]

الأخ قوطي ببسي،
مرحبا بك، وشرفنا تواجدك.

أخي الحميدي، مشكور على قبولي
و لا قصرت. و إلى لقاء آخر:


ضيعت دربي معك و اخطيت اللحن= من كثر ما تشكي همومك بالنشيد
كثر التواصل للربع ماله ثمن= و لا يقطعه يكود رجال(ن) بليد

و يا هلا

[$البطـ777ـران$]

الحميدي وخشم الرعن

بيض الله وجيهكم ماقصرتوا والله لايهينكم على هالردية

البطران

[الصييفي]

هلا بك يا "البطران"،
و مرورك أسعدنا.
=+=+=+=+=+=+،،،،،،،،،،،،،،،،،،،،،،،،،،،،،،،،،،،،،،،،،،،،،
و يا هلا

[عزيز الجانب]

خشم الرعن جاكم رفيق متزن ... يبغى سماع الرد لاقلته مفيد
له صوله وجوله ولا هو مشتحن ... رد القوافي مايعقيه ولايعيد

عــزيــز الجانــب

[عزيز الجانب]

نصيت لك رجال يقدم مايحرن ...... لاصارما صار ولجا علم "ن" وكيد
عطنا سؤالك يالحميدي واستعن ..... بالله ثم بالرجال يوم انك تريد

عزيز الجانب

[الصييفي]

حياك يا "عزيز الجانب"
و صح لسانك.
++++++++++++++++++++++++++++++++++++

و يا هلا