ارسل سلامي ردت(ن) ياصخر

[سنايدي]

السلام عليكم ورحمة الله وبركاته
كل عام وانتم بخير
ومبروك عليكم الشهر
ومبروك لسعد المسعود على ادارة المنتدى
صخر بغيت العب معك على هالطاروق
استلم لاهنت


ارسل سلامي ردت(ن) ياصخر مع فوح الاطياب =وانا خبرتك في ثقال الحمل ضاري لشيله
حنا قرينا عن قضيه هنا في صفحة كتاب= نبغا نحاسب من ظلم قبل لا يخلى سبيله

[علي العجاجي]

سنايدي

بيض الله وجهك على هالقاف والظاهر شياطين شعرك ماربطوا الله يكيفينا الشر ;) :p

خالي صخر

الليل عجل علي ذبحني المناقز بصفك

[الصييفي]

الأخ سنايدي: |110|
عافاك الله على نجدتك لإحياء الشعبي،

حاولوا أن يكون شعركم نظيف في هذا الشهر الفضيل،
و بعد العيد إن شاء الله نرجع للعهد السابق.


وينك يا صخر رد على الرجال،
وأنا دائما سأكون بالصف المقابل لا بو ابراهيم لين يصير
هو راعي الوسيمة،
في ذلك الوقت سأكون بصفه و الا أرد على وسيمته.


و يا هلا

[ابوساره]

سنايدي

حياك الله وانا بصفك يا نوعيه .

وينك يا صخر رد على الرجال .
**************************************************************

[سعد]

وعليكم السلام ورحمة الله وبركاته


أخوي سنايدي

وأنت بصحة وسلامة وعلينا وعليك يتبارك

والله يبارك فيك ولاهنت علي مبادرتك بإنعاش القسم من جديد

وينك ياصخر...!!

وتراني بصفك يا سنايدي

[فارس تميم]

وينك ياصخر ،،،، انا ماسكن صفك ولايهون اخوي سنايدي قواه الله

عجلوا علينا ترانا متابعين ومشتاقين للمحاورات زي اول

[صخر]

السلام عليكم ورحمة الله وبركاته

الشهر مبارك على الجميع
آسف على التأخير والسبب انه ماتطلع عند التنسيقات الخطية ولا الشعرية

أشكرك يا سنايدي على اختيارك اللعب معي .

الغالي ابو ابراهيم أبشر بسعدك يالغالي .

العم خشم الرعن (حقك علي )هذاني جااااااي .

أبوساره (أمرك سيدي ).

رئيسنا العزيز نبارك لك جميعاً على رئاستك لهذا المنتدى ونقول (وفقك الله وسدد خطاك )

الغالي فـــــــارس تميم اسمع البيت عشان تشيله (والا تبي المكرفون)

استلم يا سنايدي لا هنت :

يا مرحبا بك صاحبي ياعميلي سيد الاحباب **

وانا على خبرك اشيل الحمل وازن مكيله .

أصل القضيه غيرتن تكشف الاعدا والاصحاب **

وما ضاع حقٍ يطلبه صاحبه ولد القبيلة.

[سنايدي]

علي العجاجي :
حياك الله يا أبو ابراهيم ولا أشوفك ماسك صف؟ :D
خشم الرعن :
حياك الله ياابو وليد ولا توصي حريص :D
أبو ساره:
حياك الله
سعد:
حظورك شرفنا طال عمرك
فارس تميم :
شرفت الرد

مشكاي للقاضي وانا ياصخر للحق طلاب = مير المصيبه قاضي المحكمه ضيع دليله
اليوم تحذيره وباكر تراه احساب وعقاب = كلن على ماقيل ياصاحبي ياخذ حصيله

[صخر]

استلم لاهنت :

لا كن يبيلك تكشف المتهم وتصوغ الاسباب *

وان مانفع قاضيكي هذا يجي واحد بديله .

قوّ الدليل وثبته مثل تثبيتك للاطناب *

ولكل صاحب حق يومأً يجي (حقه يجيله .


سنايدي (وين الصفوف )!

[سنايدي]

استلم لا هنت:

صدام جاه الويل يومه طمع في راس مشعاب=ما ينفع الظالم ليا من غزا..جنده وخيله
والحق بين ما جهل من درس في علم الاعراب =ايلوح برق(ن) نسمعه دون ما قطًر مخيله

[صخر]

سنايدي وين الصفوووووووف !!؟

استلم لا هنت :

صدام حوكم وانحكم له قصاص بسيف الأرقاب *
والا عقاب المفتري طردةً عنـا تشيـــــــله .

والحق ظاهر نحمدلله ظهوره مابعد غا ب *
يلوح برقن ننظره عقب ما قطر هميله .

[الصييفي]

يعطيكم العافية،
و حنا متابعين لين ياصل الشعيب،

سروها يا مال الغنيمة.

و يا هلا

[سنايدي]

اشكرك يا صخر على قبول دعوتي
وانشالله انتقابل في طاروق ثاني
....................