سلام الله عليكم بعد جيت .... الفاضي بقلط

[العامري]

السلام عليكم ورحمة الله وبركاته

مساكم الله بالخير جميييييع

ونبارك لكم دخول هذا الشهر المبارك

ونبارك للادارة الجديدة ونقول للادارة السابقة بيض الله وجيهكم وماقصرتوا الا بالشر

والصراحة للمنتدى هذا نكهة خاصة لا نجدها في غيره كيف لا وهو يحمل هذا الاسم الغالي على قلوبنا جميعا وأعضائه ابناء الغالية .

لا اريد الاطالة فأنا مشتاق لكم جميعا .



سلام الله عليكم بعد جيت وجيتي لأمرين=الأول للسلام وثاني الأمرين لي حاجة
أشوف الفلم زان وزينوه أصحابنا الغالين=بعد ما كان مختلطٍ جيرافكسه مع انتاجه








ـ

[سيف السيف]

يا مرحبااا بك يا العامري


والله يبارك فيك وعسانا واياك من صوامه

وقوامه وعتقاءه وتقبل الله طاعة الجميع


مروري للسلام والمتابعه التي بلاشك ستكون ممتعه

ومفيده دام العامري احد اطرافها من غير قصور بالجميع


أشوف الفلم زان وزينوه أصحابنا الغالين=بعد ما كان مختلطٍ جيرافكسه مع انتاجه

اجل الفلم من اول ماهوب زين؟ ;)


ياسلام عليك يالعامري

شاعر ومخرج وراعي تصاميم .. مبدع الله لايضرك

محرافٍ طيب ..طرق .. ومعنى

والصف ازهله .. بس لا اوصيك فالشاعر اللي بيجي
اقرص له بطرف الليور:D

لاهنت يالعامري

[الصييفي]

مرحبا بك يالعامري، ;)
و كان بودي نأجل المحاورات حتى نهاية الشهر الفضيل،
لكن لحرصي على تحرك المنتدى، سأحاول الرد،
مع أملى ألا تأخذ بنصيحة سيف السيف، و تفكني من القرص
بالليور.
كم كان بودي لو قام ابو عبيد(عكاشة) بهذه المهمة الصعبة.

كما أرجو أن تكون هذه المحاورة ا بداية خير
و أن يعود هذا القسم إلى عهده العامر بالطيبين.

إستلم يالعامري و ارفق ترى لي مدة ماحاورت الطيبين شرواك:


هلا باللِّي يسلِّم، مرحبابه، و القصيد الزين= نحب الشاعر اللّي عارف(ن) قصده و منهاجه
عسى الله يصلح الاحوال بالمجهود يالذربين= و ترى الفلم متعافي، بس كل(ن) يبغي اخراجه

و يا هلا

[محمد السعيدي]

صح لسانك مليووووووووون يا العامري

وبيض الله وجهك على هالوسيمة الحية

وصح لسان الخشم على هالرد الرائع

[علي العجاجي]

العامري
هلا وغلا من طول الغيبات جاب الغنايم
العميد
بيض الله وجهك ياخال وانت ماشالله عليك والم للرد

شدوا حيلكم يالشعار حنا منتظرين محاوره مثيره

العامري ازهل الصف ولايهون خالي

[العامري]

سيف الشعر :

أبقاك الله يبوعبيد

ومرورك تاج على راس الطاروق ..

عزيت صفي عزك الله بالايمان وطاعة الرحمن

ومدام ابو وليد قلط ما عاد فيها قرص ليور مار الله يجملنا معه .




محمد السعيدي:

صح بدنك وحياك ربي

وعساك تنازلت عن الشرط


علي العجاجي:

هلا وغلا ويييييييييين غيباتك أتحراك هناك ولا عادجيت.

لاتحرمنا من شوفتك وبيض الله وجهك

والصف بنساه لاقضبه مثلك وشرواك.

[العامري]

خشم الرعن :

هلا وغلا ومرحبا

شرفتني بالرد

وشرفت الطاروق بالمرور

وانت وأبو عبيد كلكم فيكم الخير والبركة

ونصيحة سيف بعمل بها عشان أسلم منك والا لو اقدر منيب ذاخر

واستلم طال عمرك :


أنا متوقعٍ غيرك ولكن مرحبا واهلين=بعد ما جيتنا ما فيه لا ليور ولا صاجة
ألا يا ضلع ياللي في محله مثل ضلع التين=علامه ما شباك اللي علينا يعقد حجاجه

[الصييفي]

الأخ محمد السعيدي:
مرحبا بك،
و تواجدك يسعدنا.

الأخ علي العجاجي:
مرحبا بك يبو ابراهيم،
ويش تبينا نسوي مادام بعض الناس مسوين "عم ثقيل"!
تواجدك في اي صف يسعدنا.
وياهلا

[الصييفي]

الأخ العامري:

مشكور على قبولي،
ولو عرفت انك تبحث عن شخص معين ما تقدمت،
الحق عليك اللي ما حددت قبيلك.

إستلم لاهنت:


طلبت اللِّي فضوا، و أنا هنا من حسبة الفاضين= ورى ما قلت وين فلان، هذا اسمه و ذا "باجه"؟
مدام ان لك زعيمه، دوره في شبّة الاثنين= و مصير اللّي يدور للمواجه يرجع ادراجه

ويا هلا

[سنايدي]

صح لسانك يالعامري على هالطاروق
وتراني بصفك ولا يهون خشم الرعن
خشم الرعن
صح لسانك
واصوا واصلوا واصوا واصلوا واصوا واصلوا واصوا واصلوا

[العامري]

سنايدي:

صح بدنك ولا هنت

وغريبة ماسك صفي!!!

مهيب عادة !!!



خشم الرعن :

أنا ما أدور الا الفاضي

لكن ماتوقعتك

والحمدلله أنك أنت اللي جيت فاللعب معك مكسب.

واستلم:




ألا يا خشم يا خشم الرعن وين أنت غادي وين=تركد لا تخم العلم خم الريح ديباجة

وأنا يوم المواجه ما عليّه من حسن وحسين=بسيفي ما يجفلني قريع طياس با ناجة





ـ

[سعد]

وعليكم السلام ورحمة الله وبركاته

أخي الكريم العامري

علينا وعليك يتبارك وجعلنا الله جميع ممن يصومه ويقومه احتساباً


وبارك الله فيك أنت وعميدنا الغالي .. ولا تهون يالذيب أنا بمسك الصف مع الخشم .




سلام الله عليكم بعد جيت وجيتي لأمرين = الأول للسلام وثاني الأمرين لي حاجـة
أشوف الفلم زان وزينوه أصحابنا الغالين = بعد ما كان مختلطٍ جيرافكسه مع انتاجه




هلا باللِّي يسلِّم، مرحبابه، و القصيـد الزيـن = نحب الشاعر اللّي عارف(ن) قصده و منهاجه
عسى الله يصلح الاحوال بالمجهود يالذربيـن = وترى الفلم متعافي، بس كل(ن) يبغي اخراجه




أنا متوقعٍ غيرك ولكن مرحبـا واهليـن = بعد ما جيتنا ما فيه لا ليـور ولا صاجـة
ألا يا ضلع ياللي في محله مثل ضلع التين = علامه ما شباك اللي علينا يعقد حجاجـه




طلبت اللِّي فضوا، و أنا هنا من حسبة الفاضين = ورى ما قلت وين فلان، هذا اسمه و ذا "باجه"؟
مدام ان لك زعيمه، دوره في شبّـة الاثنيـن = و مصير اللّي يدور للمواجه يرجـع ادراجـه




ألا يا خشم يا خشم الرعن وين أنت غادي وين = تركـد لا تخـم العلـم خـم الريـح ديباجـة
وأنا يوم المواجه ما عليّه من حسن وحسيـن = بسيفي ما يجفلنـي قريـع طيـاس بـا ناجـة


واصلو وحنا معكم متابعين ومستمتعين .

[الصييفي]

الأخ سنايدي:
مرحبا بك يالطيب،
و تواجدك في أي صف مكسب،
و المهم حضورك.

و يا هلا

[الصييفي]

رئيس منتدياتنا الغالي، أبو محمد:
مرحبا بك،
تواجدك يسعدنا،
و وقوفك بصفي يشرفني،

و يا هلا

[الصييفي]

مشكور يالعامري مرة ثانية،
و هذا من طيبك،

إســتلم سلمت:


أنا ماشي بدرب الطِّيبْ و احْسِبْ خطوة الرجلين= أخاف يصيبني فيها عوار(ن) يصعب علاجه
عليك الله و امانه ما يجيك من ايّ قطيفي شين= و سيفك رجّعِه وسْط الجفير، و شدّ مزلاجه

و يا هلا

[العامري]

سعد:

مرررحبا ومسهلا

وشاكرين مرورك واضافتك ومسكتك الصف

عسى الله يوفقك ويعينك



استلم يبو وليـــــد:

وصح لسانك وعساك ماتهون

وشاكر لك تشريفي باللعب معك

وترا النهاية عندك




أنا لوّي بشهرٍ غير قلت الرجل صابه عين=ولكن بينه وبين القرين رباط وسياجة

عقب شهر رمضان لنا لقا والله عليك يعين=دخلنا بالسلام وبالسلام ابدا بمخراجة






ـ

[الصييفي]

أخوي العامري:
مشكور على قبولي في هذا المشوار القصير،
و الشهر الكريم له روحانية ،

لنا عودة بعد العيد، إن شاء الله،
لك تحياتي يسبقها تقديري:


عسى الله يقبل صيام الجميع، ويخزي اللّعين= و يكفينا شياطين البشر في الوقت و ابراجه
نعيش بصحّهْ، و نرجع عقب عيد الفطر صافين= و كل(ن) يدخل الميدان يتخيّر على امزاجه

و يا هلا

[سعد العبود]

صح لسان الشاعرين وبيض الله وجيهكم ..........

محاورة تدل على تميز الشاعرين ...................

غالين وستضلون غالين

ولنا معكم لقاء إنشاء الله ....................

[العامري]

صح بدنك يبو يوسف

ولا عليك زود

ومرحبا بعودتك

ولنا الشرف بلقائك

[الصييفي]

هلا و الله ببو يوسف، |494|
حضورك أسعدنا،
و ننتظر مشاركاتك بعد العيد إن شاء الله،

لك أعذب التحيات.

و يا هلا