عميد المنتدى .. تفضل بارك الله فيك

[العامري]

بسم الله الرحمن الرحيم



السلام عليكم ورحمة الله وبركاته


ابو وليد استلم لا هنت :


عميد المنتدى الفاضل تفضل بارك الله فيك=وذيك السالفة ودي يابن مسعود ننهيها

تراني لو حصل بعض الخلاف اقدرك وأغليك=وشات الصلح منشانك قبل تقلط مذكيها




ـ

[سنايدي]

عميد المنتدى الفاضل تفضل بارك الله فيـك
وذيك السالفة ودي يابـن مسعـود ننهيهـا

تراني لو حصل بعض الخلاف اقدرك وأغليك
وشات الصلح منشانك قبـل تقلـط مذكيهـا




ياسلام ياسلام عليك يالكنق
دايم بادي بالخير وانشاء الله ان القلوب صافيه
وينك يالعميد تراني بصفك ولا يهون الكنق

[الصييفي]

الأخ العامري:
مشكور على طلبي للرد،
لكن أبيك تسمح لي و نأجلها لين تصفو الأجواء
لأني بصراحة أشوف أن أجواء المحاورة مهيب مشجعة
و ودي تهدأ الأمور.
أنت أخ عزيز، و بنيخينا غالين علينا مهما حصل من سوء
تفاهم بيننا، و عشمنا بالجميع أن يعودوا كما كانوا إخوانا متحابين،
و يرجع المنتدى كما كان، مسرحا للتواصل و ليس للتنافر.

أشكرك على تفهم موقفي،
و البيتين التالية جواب على بيتيك:


أنا يالعامري كلّي أذان و كلها توحيك= وذيك السالفة يا صاحبي ما نيب ناسيها
أنا اشكر لك شعورك يوم ساس الطيب جا ناخيك= و شاة الصلح ما احد(ن)، حد علمي، طالِبِكْ فيها

الأخ الغالي سنايدي:
مشكور على تشريفك و وقوفك بصفي،
و صفي و صف العامرى عامرة بوجودك.

لك و للجميع كل تحية و تقدير

و يا هلا

[العامري]

الله الله ... صح لسانك يالعميد


وتأمر أمر يبو وليد

ونشوفك على خير في طاروق آخر انتظره منك

في امان الله