المساعد الشخصي الرقمي

مشاهدة النسخة كاملة : بعد قراءة الشروط ... استلموا

العامري
17/12/2005, 12:00 AM
السلام عليكم ورحمة الله وبركاته


مساء الخير

استلموا وأقرب شاعر يقلط :


بعد شفنا الشروط الجديدة والقوانين=نقول لريّس المنتدى سمعٍ وطاعة

ترانا حنا على أيّات وجهه مستعدين=يجي يمي الزبون ويحدد له بضاعة
العامري
18/12/2005, 12:44 PM
بعد شفنا الشروط الجديدة والقوانين=نقول لريّس المنتدى سمعٍ وطاعـة

ترا حنا على أيّات وجهه مستعدين=يجي يمي الزبون ويحدد له بضاعة


العبووووووووووووووووووووووووووووووا
علي العجاجي
18/12/2005, 01:02 PM
العامري

مساك الله بالخير وارجو قبولي معك في هذا الطاروق
استلم لاهنت

انا يالعامري جيت والدعوى تبى تزين=وكلٍ بالبحر ياولد يرفع شراعه
تبى تصفا المشاريب وتزين الميادين=ومهما صار حنا ترى ربع وجماعه
العامري
18/12/2005, 02:07 PM
يا مرحبا ببو ابراهيم

هذي الساعة المباركة

وكيف تقول ارجو قبولي!!

انت تشرف اللي تلعب معه

استلم طال عمرك ;) :


هلا واللي طلبته على الراس وعلى العين=ولولا طلبتك جاه مني سم ساعه

عليّه حلف مبطي وانا رجلٍ معي دين=وما بين القضا والوفا شريه وباعه



ـ
الصييفي
18/12/2005, 02:41 PM
العامري وابو ابراهيم:
يعطيكم العافية،
ونبيكم تعيدونا لزمان اول،
يوم كل يستعرض فنه و قدرانه الشعرية فقط.
و فرصة نخلص من هذه الكتابات الحمراء!

و يا هلا
علي العجاجي
18/12/2005, 08:05 PM
الخال خالد المسعود

هلا وغلا وشرفتنا وابشر بسعدك

العامري
الله يشرف مقدارك هذا من طيب اصلك

استلم لابكيتك=Aria

عسى تسلم يابوعامر وتعطي البعارين=ويامالك غضب نفسك افخر بالشجاعه
على ماتشتهي ياعميل الخير ماشين=وكلٍ نجدته يابو عامر من ذراعه
العامري
18/12/2005, 11:12 PM
أبو وليد :

الله يعافيك وأبشر بعزك.


ابو ابراهيم استلم لا هنت :


عسى منتب كما اللي شرا بالدين جيبين=وساهم في قطاع التجارة والصناعة

يقول العود ما فيه حيٍ تجْر من دين=وأقول الحبل لله وصله وانقطاعه




ـ
علي العجاجي
19/12/2005, 01:26 PM
العامري

استلم لاعدمتك

اذا كانك تدين ترى جيناك شارين=وابا ادور مع الناس فالاسهم طماعه
وابا افتح محفظه واشتري سابك مع لجين=ولاني شاريٍ ياعميلي في الزراعه
العامري
19/12/2005, 01:56 PM
استلم يالعجاجي :


بدون مجاملة ما نبا تديين ابو حسين=علشانه قضاعي وجده من قضاعة
مدامه ما تحقق معه واحد من اثنين=سعد يكفلْه والا يقدم له شفاعة




ـ
الصييفي
19/12/2005, 03:57 PM
العامري: |572|
وشلون ما تقبل القضاعي متدين،
و تقبله كفيل؟
وين ابو ابراهيم؟ رد على الرجال وانتبهوا لحبر فارس الحمر!!

و يا هلا
علي العجاجي
20/12/2005, 12:06 AM
عميدنا الغالي

مشكور للمتابعه
يارجال انا والعامري باذن الله ماتجينا خطوط حمر ابد

استلم يالذيب


انا والله قضاعي كعامٍ للمعادين=على حرب الرجاجيل انا عندي براعه
انا عند الرجاجيل مابغى لي مضامين=انا يضمني اسمي وعندي به قناعه
العامري
20/12/2005, 01:01 PM
ابو وليد :

سعد=سعدالعبود |535|

مشكور على المتابعة لاهنت.

استلم يبو ابراهيم :

والنهاية عندك وشاكر لك تشريفي باللعب معي بارك الله فيك.



كفو والله ولا قلت فيكم يالربع شين=أنا ما أسب خالي وأخوي من الرضاعة

واذا جا الجد تامر على خمسة ملايين=هذي تحويشتي لك عطا ماهي وداعة








ـ
علي العجاجي
20/12/2005, 11:03 PM
العامري

كفو كفو قول وفعل يالنشمي
والله ماعاد ورى ردك رد والشرف لي انا في قبولك لي ودايم انت وافي

وانشالله لنا لقاء

تحياتي لك