بئس الشفافية

[الصييفي]

بعض العــرب ســـايلٍ شـــفَّافْ = يــــلــوّنـه لــــونْ مـــاعــونِـــه

إن جـا معكْ صـــار لكْ ميــلافْ = و ان راح ســـكّين مســـــنونـة

مـا يعـرف الحـق و الانـصــاف = دايــــمْ و ذمّــتــه مــرهـــونـــة

لاجـــا يـبــي حــاجـته ما خـافْ = و ان جــيـت له كشَّـــرْ سـنونـه

الســـلعة اللي مـعــه تـــنـعـافْ = قشــــرا و لاهـيـب مضـــمونة

ودِّك تــعـلــقــه فـي خـــطّــــافْ = مـابــيــن وجْــنــته و جْـفــونـه

في الشِــبـْط في يوم بـردٍ جــافْ = بــاطـــراف "ليـنة" يحطـونـه

حـتى يـجـي عِبْـرةٍ تـنْــشــــــافْ= للغِــرْبْ و اللي يــعــرفـونـــه

و يا هلا

[ابو قشعه]

تسلم ياخشم الرعن قصيده جميله

[ولدالذيب]

ههههههههههههههههههه
رائع يا خشم الرعن
والله اقديت فيه
تحياااااااااااتي
ولد الذيب

[المتنبي]

ياخشم الرعــن يا هــدّاف **** فضحت شكله ومضمونه
أنا اشهد انك ضابطٍ للقاف **** أحـب شعـرك ومكنـــونه

[ابوشعيل]

ودِّك تــعـلــقــه فـي خـــطّــــافْ @@@ مـابــيــن وجْــنــته و جْـفــونـه

في الشِــبـْط في يوم بـردٍ جــافْ @@@ بــاطـــراف "ليـنة" يحطـونـه

حـتى يـجـي عِبْـرةٍ تـنْــشــــــافْ @@@ للغِــرْبْ و اللي يــعــرفـونـــه


صح لسانك ياخشم الرعن .....

ومثل ماقال اخوي ولد الذيب .... اقديت به

[سيف السيف]

خشم الرعن


صح لسانك وتسلم يمينك

على هالقصيده الثائره


ويحق لها ان تثور


لاهنت ولاتحرمنا من هذي ومثلها لاعدمتك

تحياتي لك

[سعد العبود]

في الشِــبـْط في يوم بـردٍ جــافْ @@@ بــاطـــراف "ليـنة" يحطـونـه
ــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــــــ

من شاعر(ن) مثلكم ينخاف@@@ خشم الرعن لو تعرفونه
قام يتخير مـــــــن الأصناف@@@ جاب المواثيق مــــامونه

صح لسانك يا خشم الرعن قصيدة جميلة ...............................

[همام]

تسلم يا خشم الرعن

[ثهلان]

إن جـا معكْ صـــار لكْ ميــلافْ @@@ و ان راح ســـكّين مســـــنونـة ( ياكثرهم مع الأسف )


صح الله لسانك يا خشم الرعن .. وقصيدة هجومية على من يستحقون أن يتهجم عليهم .. تقبل فائق تحياتي لشخصكم الكريم .. وننتظر إبداعاتك القادمة ..

[محمد بن عبدالله]

أخي خشم الرعن
صدقت
مما يحز في النفس أنه أوشك في زماننا أن يكون كل العرب كمن عنيت

[السامر]

لاجـــا يـبــي حــاجـته ما خـافْ @@@ و ان جــيـت له كشَّـــرْ سـنونـه

الســـلعة اللي مـعــه تـــنـعـافْ @@@ قشــــرا و لاهـيـب مضـــمونة

صح لسانك " خشم الرعن " على القصيدة وما قصرت ..

[الصييفي]

أبوقشعة: تشكر على مرورك وبيض الله وجهك.

ولد الذييب: لاهنت وشكراً لك.

المتنبي:شـكراً لك على الأبيات و الإطراء .

أبو شعيل: تشكر يالغالي وبيض الله وجهك على هذا المنتدى و لا يهونون أعضاء الإدارة و المشرفون. أصبح المنتدي مكانا للتلاقي كل يوم وهوّن علينا البعد عن الديرة وأهلها.

سيف السيف: شكرا يبو عبيد على تواضعك وأنت جوهرة تاج المنتدى الشعبي والأعضاء الآخرون قوام هذا التاج.

سعد العبود: تشكرعلى هذه الأبيات وأنت محرك المنتدى اللي يجيب له الحماس ويضفي عليه روعة الأدب والإنتماء وأنا دائما أضايقك أنت و الأخ هاني لكن حلمكم كبير.

عبد ربه: مشكور يخوي على مرورك.

ثهلان: شكراً لك وأنت كبير مثل من تسميت به.

محمد بن عبدالله: شكرا لك والله يهدي الجيع. مشكور يالغالي.

السامر: تشكر يخوي على مرورك، وليش ما تفك اللطمة ؟

الشكر والتحية لكم جميعاً

[نـــد ثهلان يـــم]

خشم الرعن
صح لسانك على هالقصيده الجميله التي جست فيها وضع صاحبها ونفور المجتمع من تلك العاده الذميمه
ولقد وضعته في القالب الذي يستحقه
نريد المزيد على شاكلة هذه القصيده لأن لها مذاق خاص
تحياتي لك

[الصييفي]

أشكرك يا ند ثهـلان يم على مرورك و هذا فيض من ذوقك و شهادة أعتز فيها من شاعر من وزنك و لا يهونوا بقية الشعار الذين كشفهم لنا هذا المنتدى الحبيب.