ياللي لاجل مخلوق خاصمت مخلوق .....

[ابو ريان]

هذه القصيده للشاعر عبدالرحمن العجاجي ( دحمان )

ياللي لاجل مخلوق خاصمت مخلوق
= أثبت ماعندك مبادئ صداقة
وادعتني مع طلعت الشمس بشروق
= رغم إن شوفتك اعتبرها شفاقة
الله حسيبك يوم تنوي بـي البوق
= تبغى الرواقة بس مامن رواقـة
أدركت ماعاملتني ليه برفوق
=وانا الوفي من بد كل الرفاقة
ماينفعونك ناس ماعندهم ذوق
=مهما تعاملهم بلطف ولباقه
لكن الايام العجيبة لها سوق
=أحد ربح واحد خسر من بطاقه
ابترفع اللي تحت واطمن الفوق
=خلك مراقبها بصمت وحذاقه
شفت ويش سوت ضيعت ملك فاروق
= عقب المعزه ماوجد سد فاقه
قلته وانا من ضيقة الصدر مخنوق
=والموج له بين الضلوع اصطفاقه
قال انت ملحقني مشاريه واحقوق
=كني على ماقيل قطاع ساقه
يالايمي ماهمت بمهيض الشوق
=اللي عليه اعظام جسمي دقاقه
مسكين حظي بالهواء مامن اوفوق
=ماعاد لي بمواصل الحب طاقه
بالجو غيم شين وارعود وابروق
= والا ورب البيت مااقوى فراقه
ذنبي على اللي وهقوني بخازوق
= قالوا لي الشهلول مر مذاقه
قلت انت كفو وبالمهمات ماثوق
= مير العجيب اترافق أهل الحماقه
حيث ان مشكلتك من أسباب مطفوق
=املفق التهمة بربعه لفاقه
لاشك سدك ماحفظته بصندوق
=مجروح روح وصرت للنفس عاقه
مانيب شامت من سرق بات مسروق
=وعن كلمة الحق الكثير ايتصاقه
صبر جميل وكل مطرود ملحوق
= تقنص بدال امعصص الذيل ناقه
تعبير عن ماصار من شخص مرموق
=واخر قرار أنهيت معه العلاقه


الشاعر / عبدالرحمن بن عبدالله بن سعد العجاجي

الدمــــام

[سعد العبود]

صبر جميل وكل مطرود iiملحوق
>>>>>>>>>>>>>>>>>>تقنص بدال امعصص الذيل iiناقه

تعبير عن ماصار من شخص iiمرموق
>>>>>>>>>>>>>>>>>>واخر قرار أنهيت معه iiالعلاقه

شكرا لك يا با ريان فقد اجدت اختيار القصيدة التي تطرحها .................

قصيدة من جزالتها تجبرك على ان تبحر في موضوعها .......................

صح لسان ابوعبدالله ...................................................................... .

[ابو قشعه]

صح لسان العجاجي وتسلم يابو ريان على النقل

[سيف السيف]

سبق وان قرأتها اعتقد في مجلة اليقظه اذا مانيب غلطان

وهي قصيده رائعه لشاعر جزل ونبحث عن قصائده دائماً

صح لسان شاعرها عبدالرحمن العجاجي وسلمت يداك يا ابا ريان

اسلم وسلم

تحياتي

[القناص]

مسكين حظي بالهواء مامن اوفوق
*************************ماعاد لي بمواصل الحب طاقه

صح السانك يابوعبدالله ....
وبيض الله وجهك ياابو ريان على النقل الرائع.....

الــــــــــقـــــنـــــــاص

[الصحاف]

أباريان

سلمت يداك على نقل مثل هذه القصيدة الرائعة المثخنة في الجزالة,

وهي لمن؟ لشاعرٍ تعجز الحروف والكلمات أن تعطيه حقه الذي يستحقه.

فعلاً قصائد أبي عبدالله رائعة مع ما فيها من التورية والغموض.

[ابودحيم]

ابوريان

بيض الله وجهك على نقل مثل هذه القصائد الجزله

وصح لسان ابوعبدالله و لسان ناقلها

قصيده مملوءه بالجزاله وقوةالوصف

لك اطيب تحياتي

[الكاسر]

مشكور يا بو ريان على هالقصيده الجزله وصح لسان ابو عبدالله
ومشكور على النقل

[ابو ريان]

بسم الله الرحمن الرحيم

السلام عليكم ورحمة الله وبركاته ....... أما بعد

سعد العبود و ابو قشعه و سيف السيف و القناص و ظمـــــ ثهلان ـــــأ والصحاف و ابودحيم و الكاسر صحّت أبدانكم وأشكركم جميعا على مروركم على الموضوع وبيض الله وجيهكم

الأخ سيف السيف إعتقادك في محله هذه القصيدة لابو عبدالله

سبق وان نشرت في مجلة اليقظه تقريبا من حوالي الأربع سنوات

وأشكرك مره ثانيه على مرورك للموضوع وتسلم لنا يابو عبيد

ويسلمون لنا الجميع


أخوكم ابو ريان;) :)

[عبدالسلام]

تسلم يا ابى ريان على نقل قصيدة الشاعر المبدع ابو عبد الله
نتمنى ان نرى في المرات القادمة مشاركة ابى عبدالله بنفسه ونتمنى ان نرى ذلك قريبا
ان شاء الله وليتك انت بعد تكتب من خواطرك اذا عندك ولا تبخل علينا وبلغ ابى عبدالله ان المنتدى منه واليه .

[الصييفي]

إخوتي بتصفحي للصفحات القديمة
وجدت هذه القصيدة الرائعة لعبد الرحمن عبد الله(؟)
العجاجي (قد أكون أخطأت باسم الوالد)
و التي أوردها، مشكوراً، " أبو ريان"،
و حبيت يراها الآخرون.

و يا هلا