ابوعبيد وينك اقلط للمحاورة لاهنت .................

[سعد العبود]

اسعد الله وقت انت تقرأ فيه هذه المحاورة يا سيف الشعر تحياتي وعسى وقتك يسمح للعب ......................:)



يا سيف ماعنك مجناب(ن) ولا صدة=ابزهمك من جبل ثهلان وانادي

قالوا الجمل مختلف ممشاه من مدة=واحدن يقول الجمل مربوط بقيادي


اتمنى ان لا اكون اثقلت عليك بهذه الدعوة تحياتي .................

[هاني]

بيض الله وجهك يابو ابراهيم..وصح لسانك



انظر الى الرسائل في التحكم.....مرسل لك رساله

[ابو قشعه]

لا تناطح الهباد وانت حويشي

[سيف السيف]

هلابك يا ابو ريم ... وابرك الساعات اللعب معك عساني ما اعدمك

واستلم لاهنت


ابشر لك بشاعرٍ ما بيحوا سده = ودور شدادك قبل ماتطمع اشدادي
ماكل علمٍ يجي يافلان ابا اعده=بعض السوالف لها عشرين نقادي

[سعد العبود]

لا هنت ياهاني ووجهك يا طويل العمر بس لي مقصود بالجمع هذا ....................

أبوقشعة :
خابر ابوعبيد جمل مهوب شيء جديد علي وتقول اني حويشي ماتدري ان بعض الحشو اخير من البكار..................




ابوعبيد لاهنت ياطويل العمر

واستلم :



اسمع كلامي وعلمي يا ولد شده=وافطن لدور الفلك ياراع الامجادي

العين فيها رمد والحال منهدة=هاذي روايه عقب تصحيح واسنادي

[ابو قشعه]

ابك بيض الله وجهك يابو عبيد وانا قلتها قبل لا تعرض لجمل وانت حاشى ولا تزعل
ياسعد لا تقارن نفسك ببو عبيد

[الرازي]

صح لسان الشاعرين
وسيف الشعر غني عن الوصف
لكن أبو ريـــــــــم ما يـهــــــــــــــــــــــــــــــــــون شفنا له صـــولات وجــــــــولات
على كل هاذي بادرة جيدة وهي نشر الرديات في المنتدى
والله يوفق الجميع

[الدكتور]

صح لسانك يا ابوريم فعلا شاعر مبدع كما انك اثبت انك الرجل المناسب في المكان المناسب ظهر لنا الجديد وهو انك الشاعر الفحل من ضمن الشعراء .

ابوعبيد الله يعينك شاعر كبير ولك وزنك في المنتدى و اول محاورة نراها لك .


الحقيقة انا مع صف ابوريم وانت يا ابوقشعة الضاهر منتب ابوقشعة الضاهر انك ابوعبدالرحمن بن عقيل الضاهري(انتبه لقشعك لا يحتونها المشرفين):D

[ابو قشعه]

الدكتور الله لايهينك انا ماقلت لسعد شى يزعل هذا مثل لطيف وخفيف على المعده
واعتقد اني حر فى نفسى ياخي انا معجب فى سيف ولا اقارن شعر سعد في سيف
واذا المشرف يابي ينطلني على قولتك ففيه مليون منتدى وانا قررت ان اجيب
احمد الناصر على اساس يلعب مع ابو ريم

[ابو قشعه]

الدكتور لتكون تبي المستشفى وغلاطان

[سعد بن سيف]

السلام عليكم
اعتقد صارت محاربه مهيب محاوره ولا انا غلطان

[ابو قشعه]

اخوى سعد ابن سيف يعني الواحد مايقول رايه انا ماقلت شى لبو ريم والله انه غالى
هو حطني بكره والدكتور وش يبي ون كنت مزعجكم ماعاد اجيكم مره ثانيه

[سيف السيف]

هلابكم جميع والقصد سعة الصدر وابو ريم ماعليه ولاعليكم قصور جعلكم تسلمون جميع..

واستلم لاهنت يا سعد



يا بعد ضلعان حايل عن بحر جده= فتح عيونك وخل المشي متحادي
ياللي معك علم هات العلم ثم وده=اهرج وشكرك على دله وبرادي


كلكم غالين لاعدمتكم

[سعد العبود]

الدكتور : شكرا لك وبصفي او صف ابوعبيد ترا كل الدعوى مزوح وتروح .............

ابوقشعة تحياتي لك :
وبعدين من قال انك بكرة شكلك ما فهمت القصد وحلوه خفيف على المعدة يا لزيز يا رايق ........................

الرازي شكرا لك ..............................

سعد بن سيف لا والله الا محاورة ولا فيها الا غالين طال عمرك والله لا يجيب حرب وضرب مشكور على مرورك.................

ابوعبيد استلم يا طويل العمر :



البحر معروف جزره ونعرف مده=واضن منتب غريب وساكن بلادي

احد(ن)طلع بالفضاء ونقول من قده=دايم على حالته سرداد مردادي



و أنت غالي يا ابوعبيد لاعدمتك ..............

[المقوع]

بيض الله وجه الشاعران ( سعد العبود و سيف السيف) على ماقدموه وهم كلهم شعار...........

ورسالة لدكتور/ الظاهر إن الشعار يقدرون يردون بأنفسهم .......... ومالها داعي العصبية................

وأنا أضم صوتي لصوت أخي سعد بن سيف .......{ وأكرر مرة ثانية مالها داعي العصبية وحنا كلنا إخوان وجماعة }........ < وأعتقد أن كلن حر برايه >

والسلام عليكم ورحمة الله وبركاته

[الدكتور]

ابوقشعة وش جاك عسى ما شر لا يكون متضايق عشان مزحنا معاك خلك مرح يا ابوقشعة والا تحب تمزح ومش عايز الناس معاك يمزحوا.

رد رسالة للمقوع انا ما رديت عن احد من الشعار ولاني متعصب لكن الموضوع محاوره يعني لازم صفوف قلت انا مع صف ابوريم بس ماهو قصدي عصبيه .

واعتقد زي ما قلت انت كل واحد حر في رأيه . والشعار كلهم في قلبي.

[سيف السيف]

الله..الله..واستلم يابوريم لاعدمتك


لو كل واحد عرف ياصاحبي حده=ماصار وسط العراق احروب واجهادي
على البسيطه جبال اطويق ممتده=مازعزع الضلع نشره جتك فالرادي




جميع الاخوان اللي تفاعلوا مع الموضوع ... لاهنتوا على تفاعلكم وثقتنا فيكم كبيره وفي تقبلكم للمزح فديتكم

[سعد العبود]

وبيض الله وجه كل من شارك معنا فردا فردا................

نعم نعم استلم ياسيف لاهنت :




حماي حده ترا الموضوع جا ضده=ساق القضية بطيش وبطش وعنادي

كانه تغطرس يجيه الضرب في خده=يقصر حدوده رجال(ن)جوها هادي

تحياتي ..................

[ابو قشعه]

يالبي شعرك يابو عبدالله ولاهنت

يابعد ضلعان حايل عن بحر جدة

فتح عيونك وخل المشي متحادي

[علي العجاجي]

الله الله تسلمون يا(سيف وسعد )وعساكم على القوه ونبي محاورات اكثر واغلب الاعضاء اعتقد شعار.................؟؟؟؟؟؟؟؟؟
الدكتور/ ابو قشعه :ترى الدعوى مزح وضحك وسعو صدوركم

[الدكتور]

بيض الله وجيهكم يالشعار

انشهدددددددددددددددد يا ابوريم
حماي حده ترا الموضوع جا iiضده ساق القضية بطيش وبطش وعنادي

كانه تغطرس يجيه الضرب في iiخده يقصر حدوده رجال(ن)جوها iiهادي

[سيف السيف]

اللهُ اكبر يجيك العلم وترده=بعض السواليف لاتعطي لها وادي
اللي معه علم لا لا يندرق سده= لايشغل الناس في علمٍ بلاقادي


هاني .. ابو قشعه .. الرازي .. الدكتور ..سعد بن سيف .. المقوع... علي العجاجي


لاهنتوا ومشكورين على مداخلاتكم وتفاعلكم .. ومتأكد ان الغلا اللي بصدورنا لبعض اكبر من اي محاوره .. والشك زايل لاعدمناكم .. واتمنى يكون تفاعلكم بصوره ايجابيه تخدم المنتدى وتشجعنا على اننا نعيد التجربه مره اخرى .. وشي واثق منه انكم تغلون بعض وكل واحد يحترم الثاني ..

وتراني احب الهوشات والظاهر ابا اروح اقص لي اسم مستعار لزوم المضاربات|4|

المهم عساني والله ما اعدمكم كلكم اخوان وغالين

برايفت لعلي العجاجي .. ابرك الساعات اذا شفنا محاورات في المنتدى وهذا مطلوب من الاعضاء وانت اولهم يا ابو حسين:) وبلاشك ان الشعار بيننا واجد لكن الاسم المستعار خلانا ماعاد نعرف ربعنا :) لكن غلاهم موجود في كل حالاتهم



ابو ريم صح لساانك وتسلم على هالطاروق اللي اسعدتني المشاركه فيه

والجايات اكثر انشاءالله


للجميع كل الود

[سعد العبود]

ابوعبيد استلم لا هنت :


الهجمة اللي خطيرة جتك مرتدة=وحققت فيها هدف ياكبتن النادي

لي عادةٍ اضرب المقهور في كبده=من شان غل(ن) بقلبه دوم يزدادي


تحياتي مقرونة بتقديري الخاص لجميع من شاركنا في هذه المحاورة من نقد وتعليق وتوجيه نشكر الجميع فرداً فرداً .................

ابوعبيد الحقيقة انا من يشكرك على قبول هذه الدعوة وتحياتي لك ومزيداً من الابداع إنشاء الله ..............................

و انا بأنتظار القادم

[أمرو القيس ابن ابان]

الله لا يهين ابوريم وابو عبدالله
وترني بصف ابو ريم ودعوه ترها محاوره وصفوف