من اللي غيرك

[ابو قشعه]

منقول لصالح السكيبي
ـــــــــــــــــــــــــــــــــ

ياصاحبـي دنيـاك هـذي عجيـبـه "
"والوقـت يـا (فهـاد) للنـاس خـداع
كيف الخوي يانـاس ينسـى صحيبـه "
"من عقب مـا كـان لمشاكيـه سمـاع
اليـوم صـدري ودي آشـق جيـبـه"
"ياكود انا القى لضيقة الصـدر مطـلاع
جتني على صـدري همـوم ٍ عصيبـه"
"وابحرت فيهـا دون مجـداف وشـراع
يامـن رمـى ذاك الحجـر فـي قليبـه"
" وحرك سكون الجّـم والنـاس هجـاع
قلت: الطفل معقـول؟؟ ينسـى حليبـه"
"يمكن..ولكن كيـف؟! يذكـر الياجـاع
واخـذت افكـر بالفيـاض الرحيـبـه"
"يمكن بعد تنسى وفـا الغيـم للقـاع!!
يـا وقتـنـا والله نـاسـك غريـبـه"
"هذي صحيح وجيههـم اوهـي قنـاع!!
اشـوف نـاس ٍ مـن بعضهـا قريبـه"
"واشـوف نـاس ٍ قربهـم كـنـه وداع
واليـوم يا(فهـاد) بالنـفـس ريـبـه"
"يا صاحب ٍ كنـت بيمينـه لـه ذراع؟!
قل لي: وخبر صاحبك ويـش عيبـه؟؟"
"او عيبـه: انـه للـوفـا دوم تـبـاع
وقل لي : من اللي غيّرك لأجـل اجيبـه"
"واعلمه مـن كـان يشـري وينبـاع!!
ان كنـت مـا تـدري فهـذي مصيبـه"
"وان كنت تدري شف مسافات الاوجاع...
ترى الخـوي وقـت الشدايـد يجيبـه"
"والا الرخـا كـل ٍ يجـي فيـه فـزاع
نسيت عشـرة صاحـب ٍ تلتجـي بـه"
"ونسيت يـوم نقسّـم الهـم بالصـاع!
اي والله اشره والعتـب ويـش ابيبـه"
"دام العتب مثل الصدى وسط الاسمـاع:
واحـذر تـرى دنيـاك هـذي عجيبـه"
"ووقتك ترى يا صاحبـي دوم خـداع...

[ولدالذيب]

الاخ ابو قشعه
ماشاء الله عليك على الاختيار المتميز فانا مقصر با الردود على مشاركاتك السابقه المتميزه وارجو المعذره كما اسجل اعجابي لاختياراتك
تحيااااااااااتي
ولد الذيب

[سيف السيف]

ابو قشعه


اختيار رائع ونقل موفق يدل على ذائقه شعريه راقيه



صح لسان القايل وتسلم يد الناقل


تحياتي لك

[ابو قشعه]

ولد الذيب تسلم ياخوي ومتقصر وشاكرين ومقدرين

[ابو قشعه]

تحياتي لك يابو عبيد ولاهنت يالغالي ومشكور على مرورك ونبي قصيده
منك ولاتحرمنا

[الصحاف]

نعم نعم نعم

تلك هي القصيدة

وذلك هو النقل

حينما يبدع الشاعر قد لايصل اليك إبداعه

وحينما يبدع الناقل.. يصل إليك إبداع الاثنين معاً.

[ابو قشعه]

الله يعافيك الصحاف ونشهد انك راعيها

[أمرو القيس ابن ابان]

ابك صح لسان الناقل و الشاعر والله انك منتب سهل يابو قشعه والنقل المتميز دائماً اسلوبك

[ابو قشعه]

تسلم اخوي امرو القيس ولاهنت على مرورك