هاني الله يحييك ودنا نسولف معك لاهنت (محاورة).................

[سعد العبود]

السلام عليكم ورحمة الله وبركاته ..................

الحقيقة من خلال متابعتي لبعض مواضيع المنتدى وجدت شاعراً مبدعاً في المحاورة من خلال قرأتي لبعض ابياته وهو العضو العزيز هاني ارجو ان يتكرم ويشاركني هذه المحاورة .............................

استلم يا هاني وترا يا جماعة الكل له الحق في النقد والتوجيه من غير تجريح للآخرين ونحن نسعد بتوجيهاتكم ................



مرحبا في مرحبا والملعبة نظم ومعاني=ولا يجي بالملعبة يا كود قواد الكتيبة

قمت ادور فالبحور الزاخرة حصلت هاني=اثر هاني شاعرٍ صنديد ما يرضى الغليبة


ارجو ان اكون ما ثقلت عليك يا اخي العزيز هاني ....................
تحياتي .......................:)



مرحبا في مرحبا والملعبة نظم ومعاني=ولا يجي بالملعبة يا كود قواد الكتيبة

قمت ادور فالبحور الزاخرة حصلت هاني=اثر هاني شاعرٍ صنديد ما يرضى الغليبة

[هاني]

عليكم السلام ورحمه الله وبركاته...
حياك الله يااخوي ياابوابراهيم ...وهذي الساعة المباركة ..واشكرك على

اشادتك فيني...واعتبرها شهاده اعتز فيها ...وتشجيعك لي هواللي حمّسني

اني ارد عليك ...مع شكري وتقديري


اخوك /
هاني

استلم الله لايهينك:


البقا من شاعرٍ بالملعبه ينقى السماني"="وكلّ رجالٍ يبا ياخذ من الملعب نصيبه

عارفٍ قدري وكلٍّ له مكان ولي مكاني"="كانِ ودِّك تبتدي حدد لنا ويش الضريبه




البقا من شاعرٍ بالملعبه ينقى السماني"="وكلّ رجالٍ يبا ياخذ من الملعب نصيبه

عارفٍ قدري وكلٍّ له مكان ولي مكاني"="كانِ ودِّك تبتدي حدد لنا ويش الضريبه

[سعد العبود]

تسلم والله ياهاني وشكرا لك على قبول الدعوة :

وستلم لا هنت :


الخبر بين ولاضنيت يبغى ترجماني=قدم عينك في يدينك وسط بيتك وتحكي به

كان هو غايب عن الحفلة يقول اني فلاني=عارفه لو هو تنكر في ملابسه الغريبة

[الصحاف]

بعدي يالنشاما

الخبر بين ولاضنيت يبغى ترجماني *** قدم عينك في يدينك وسط بيتك وتحكي به

كان هو غايب عن الحفلة يقول اني فلاني *** عارفه لو هو تنكر في ملابسه الغريبة

يالله ياهاني خلنا نرد وراك.

[هاني]

حياك الله...

واستلم لاهنت:


البنادم زلِّته باسبابِ هرجاتَ اللساني"="من يودّ العلمِ يارجالِ ملزومٍ يجيبه

ان عرفته؟فانت والله من عواريف الزماني"="والقمر يكمل بنصف الشهرِ واخرته يغيبه

[ابوعبدالعزيز]

ابوريم وهاني بيض الله وجيهكم على القصيد الطيب....

وتراني بصفك يابوريم ولايهون أخوي هاني:) .

[سعد العبود]

بيض الله وجهك يالصحاف................

مشكور يا ابوعبدالعزيز .................

الله الله ياهاني استلم لاهنت :


من خلقني الله وفي هرجي لساني هو حصاني=حافظه عن ناس ما معهم مواثيق صعيبة

بينه يابينها للي يعلون المباني=عارفين قرايته من عقب ما رز النصيبة

[أمرو القيس ابن ابان]

الله لا يهينكم
ونا بصفك يابوريم ونرد وراك :

من خلقني الله وفي هرجي لساني هو حصاني حافظه عن ناس ما معهم مواثيق صعيبة

بينه يابينها للي يعلون المباني عارفين قرايته من عقب ما رز النصيبة

[الصحاف]

يالله ياهاني أنا في صفك وبرد وراك.


البنادم زلِّته باسبابِ هرجاتَ اللساني"="من يودّ العلمِ يارجالِ ملزومٍ يجيبه

ان عرفته؟فانت والله من عواريف الزماني"="والقمر يكمل بنصف الشهرِ واخرته يغيبه

[المقوع]

الله لا يهين الشعار على هذه المحاورة الجميلة اللي امتعونا بها في هذا
المنتدى000

[هاني]

حياك الله وحيا الله الشباب كلٍ باسمه

والعذر على التأخير .
واستلم:


ودّي احرف سالفتنا معكِ في موضوعِ ثاني"="مانبيِّنها تراها من صحيب اليا صحيبه

شدّساس البيت واحذر لاتحطه فاللِّياني"="والنجوم اللي تِطالعها ترى ماهي قريبه

[الصحاف]

ودّي احرف سالفتنا معكِ في موضوعِ ثاني" ="مانبيِّنها تراها من صحيب اليا صحيبه
شدّساس البيت واحذر لاتحطه فاللِّياني" ="والنجوم اللي تِطالعها ترى ماهي قريبه




بعدي والله يا هاني

يالله يا سعد

عجل علينا.

[سعد العبود]

الله الله ..............

ما ابطى من جاء ياشاعرنا ...................

مشكورين الجميع الصفوف والضيوف:) ..................

استلم لاهنت :


احرف الموضوع لكن لا تغش الامتحاني=والدروب وساع والدعوى ترا ماهي غصيبة

ارفع الراية مدام إنك على خشم ثهلاني=بس لا تبدي بعلمٍ شين ثمٍ تنكوي به

[هاني]

ياهلا بالصحاف..تراك محمسني

استلم :


الطريق اللي تبعته كلِّه ارفاع اوطماني"="الهدف ترميه لكن بندقك عجزت تصيبه

خذ نصيحه والشهاده مالها عندي ضماني"="الِ مام ان كانِ كبّر لازم انك تقتديبه

[سعد العبود]

الصحاف محمسنا كلنا.................

والحمد لله على عودة المنتدى.......................
استلم ياهاني :

والله إني ماخبرت إني رميت الا الثماني=دايمٍ عزمي شديد وضربتي دايم عطيبة

لا تشتت فكر من يقرا كتاب الزعفراني=ومن يخون العهد ياهاني ترا ربي حسيبه

[هاني]

هلا وغلا

استلم:


انتبه كانك قريته اوسمعته بالاذاني"="لاتحسب الذيبِ يعدي كلِّ ماتوحي قنيبه

حذِّ خيلك وانتبه جوِّد مقاضيب العناني"="من يسد النوبِ كلٍّ ياعميلي ينتخيبه

[سعد العبود]

هلا بيك والربع وينكم يا صفوفنا .....................

استلم يا طويل العمر:

وابك انا قاري الكتاب وحافظ السبع المثاني=طاعة الله واجبة والسالفة ماهي رتيبة

حافظٍ سرك الى من جيت للأوطان عاني=ولو سلبت علومنا الدعوى ترا ماهي نهيبة

[هاني]

مرحبا بك:



الهبوب ان كانِ هبّت غطت سهيل اليماني"="ولاتحسب اللي بديته لازم انك تنتهيبه

الحقيقه لوتغيب لزومِ تاليها تباني"="وانتبه ماكلّ درب ياعميلي ينمشيبه

[سعد العبود]

هلا وغلا :


الخبر عندي مقره واحتويته واحتواني=من وقف ميقاف ثابت عجز بالدعوى طليبه

المحقق بالقضية صار بالدعوى مُداني=اختلف نهج التوجه يا عجب والله عجيبة

[شعراوي]

الله الله الله

سلمتوا

متابعينكم

[بعير نت]

سعد العبود........هاني

بيض الله وجيهكم واصلوا الله لايهينكم .....

[الصييفي]

تسلمون على هذه الردية اللي مالنا إلا نقول الله يعافيكم، وكل بيت يوحي بأنه أحسن من الثاني. أنتم (سعد و هاني)عمار الملعبة في هذا المنتدى.
طلبي أن تكونوا حليمين إذا جاكم واحد ملقوف مثلي وطش له كم بيوت موزونة وحلوة لكنها مختلفة اللون والطعم والرائحة (مهيب يم الغطو اللي ما يعرفه إلا أنتم).

كلنا ربع و بنيخي والزعل ماله مكان(ي) @@ و ان ظهر من بعضنا تقصير ما نبغي نعيبه

[هاني]

السلام عليكم ورحمة الله ...

مساكم الله بالخير جميعا...

الشكر لجميع الأخوان على مرورهم الذي اعتبره تشجيعا لنا ..وبارك الله فيهم

خشم الرعن...خذ راحتك...وان كان ودك تلعب ترانا حاضرين ..ابدا والا بدينا



استلم يابوابراهيم:




احمد المحمود مالي فالرخيص امن الغواني"="من يبيع بسوقِ واسط ماهقيته يشتريبه

كلِّ ماقفّا النهار الليلِ يارجال داني"="والديار الممحله من عقبكم صارت خصيبه

[سعد العبود]

مشكورين يا شباب ...................................................................... ....

خشم الرعن ليت الله يهديك ونلعب معك محاورة لو تبي بالفصيح;) .......

خذ راحتك يا خشم الرعن تسعدنا مشاركاتك .......................................


استلم يا هاني :


وابك انا مثلك ولو طال المدى فالكل فاني=كل خلق الله تعرف العلم والجاهل غدي به

راس مال الطيبين الطيب والا الشين شاني=يا طبيب اللعب والمعنى وانا أشهد يا طبيبه

[هاني]

حياك الله يابوابرا هيم..

واستلم:



الرفيق اللي بوقت اللازمه ماقد براني"="كالحصان اللي على الشدات ما يلفح سبيبه

مركبينه فوقِ مايبرد لهيب المودماني"="والاوادم من علومه مستشكه مستريبه

[سعد العبود]

وين الربع اختفوا ما نشوفهم......................

حياك يا الشاعر وستلم لاهنت :

هزني علمٍ وصلني بالدقايق والثواني=راعي الغبشة غبش والا الضعيف يشق جيبه

كان هو فوق الجبل مرتاح ماعنده حساني=الذنوب كثار وابليس العور دايم نديبه

[هاني]

هلا وغلا..


استلم:



يبدو انك ماتطوّر عايش بعصر السواني"="كلِّ مامني عطيتك علمِ حذرا تستعيبه

المغفل بين ونفرقهِ من بين الذهاني"="شف مهلهل عقب اخوه كليبِ ماخلى عسيبه

[سعد العبود]

مرحباً الف .............

استلم :


كيف أجي درب الجهالة لا ابيه ولا يباني=كيف نمشي في دروبٍ جابها شكٍ وريبة

الله الرحمن ياهاني عن الزلة وقاني=انت مجهول الهوية يوم انا نجم سري به

[الصييفي]

من شعركما وحسب فهمي المتواضع صارت العملية "لعبة الكنز" أومن قصص أغثا كرستي. الله يوفقك يالعبود ولعل وعسى تخمع ياهاني(خمعة ما تكسر شي لكن تطيّر الغبار حتى تبين بعض الخيوط "الدلائل".)