فلة وخدامة ولكزز وجوال

[ابو قشعه]

السلام عليكم ورحمه الله وبركاته
من روائع الشاعر ضيدان ابن قضعان لكم مع التحيه




بعد الفقر حطت شريحه وجــــــــــــــول


يسعد مسا جوالها والشريحــــــــــــــه


كانت تجيني تشتكي قلة المــــــــــال


وتصيح لاجا طاري الفقر صيحــــــــــة


تقول أبويه دايم الدوم رحـــــــــــــــال


وأمي كبيرة سن دايم طريحــــــــــــة


وأنت الوحيد اللي لك القلب ميـــــــــال


دايم يصارحني وأنا له صريحـــــــــــة


طفله وأنا معشوقها بين الأ طفـــــــال


جريح حب وطاح له في جريحـــ،ــــــة


كنا سوى نرسم على التربة امـــــــال


وأحلام تقتلها الحياة الشحيحــــــــــــة


كم دمعة كانت على الخد تنهــــــــــــال


وإ ذا نزلت ضاقت علي الفسيحـــــــــــة


الله كم صرخة .... وهمسه ... ومــــــوال


الله كم جادت علينا القريحـــــــــــــــــة


الله كم بيت كتبناه يخــــــــــــــــــــتال


وأقول أنا ضيدان وانتي المليــــــــــحة


نخيل لو ماف السما برق وخيـــــــــــــــال


وانكذب الايام لوهي صحيــــــــــــــــــــحة


وتقول لاحطيت لك بشت وعقــــــــــــــــــال


وسخر لك الرحمن عيشه مريحــــــــــــــــــة


أخاف تتركني على عثرة الفــــــــــــــــــال


للفقر ووجيه الحياة القبيحـــــــــــــــــــــــــة


وحبيتها بين الخلايق والازواــــــــــــــــــــــل


حب يطول الوقت محد يزيـــــــحـــــــــــــــــة


وسلمتها قلب تباريه الاهــــــــــــــــــــــــــول


وطاح الخفوق وطيحة القـــــــلب طيـــــــــــحة


راحت وخلتني مع القيل والقــــــــــــــــــــــال


شاعر صواريف الدهر تستبيحـــــــــــــــــــــــة


ودار الزمان وغير الحال با لحــــــــــــــــــــــال


وجاها الزمان بكل ورده وشيحـــــــــــــــــــــة


فلة وخدامة ولكزز وجــــــــــــــــــــــــــــــوال


وأنا عجزت ادفع رسوم الـــــــــــــــــــــشريحة

[المقوع]

الله لا يهينك ياأبو قشعة على هذا النقل لشاعر/ ضيدان بن قضعان .............
( وتسلم الانامل )
وإن كان عندك له قصائد زودنا فيها الله لايهنك .................

[ابو قشعه]

ابشر ولاهنت على مرورك يالمقوع
مع تحياتي ابو قشعه

[أمرو القيس ابن ابان]

الله لا يهينك يابو قشعه وبشر في الشريحه وجوال بس لكزز وفله وخدامه الشهر الجاي علا شان اجمع وهديك ههههههههههههههههههههههههه تسلم اخوي مره ثاني القصيده ممتازه وتستحق النقل والشاعر ضيدان شاعر تعجز الكلمه ان تعبر عنه وننتظر الجديد يابو قشعه
اخوك امرو القيس

[الصحاف]

مثل ما قلت لك يابوقشعة سابقاً

اختيارات رائعة



طبعاً وأنا متأكد انها ما تصدر جزافاً


بل تصدر عن شخص واعي ويعرف الشعر جيداً


لذا كثررررررررر علينا بمثل هذي.

[ابو قشعه]

اخوي امرو القيس لاهنت يالغالي ومشكور علي مرورك

[ابو قشعه]

الصحاف حياك الله وبياك وين الناس خلنا نشوفك ولاهنت
على مرورك