يامل قلبٍ تجره في الهوى نورة

[ابو قشعه]

يامــل قـــلبٍ تجــره في الــهـوى نـــورة

قصيده للشاعر الكبير((سعيد بن دوغان))...وإن شاء الله إنها تحوز على رضاكم


يامــل قـــلبٍ تجــره في الــهـوى نـــورة
___________جـرة حـبال عـلى مــطوية الجــالي

لــقــيـتـها البارحـة والنـفــس مـسـرورة
___________ثـم رحـت قـدني مـن المسـيار متبالي

يوم اشبحت لي وانا ابغى اقول ماجورة
___________فـزيت من مـقـعـدي ثم طاح فـنجالي

اهـتـز قـلبي ودارت الارض بي دورة
___________وقـمـت اتصدع على يمناي وشمالي

الــله عـطاهـا جـمال الـكـون والـكورة
___________مـن شـافـها يامـحمد صابـه هـبـالي

وزودٍ على زينـها وثــلة ومســتورة
___________ وتزين الــقاع في الاقـفى والاقبالي

ياشبه ظبي من القانص نوى الذورة
__________مـاصـاده اللـي تركـد لــه بالـسـهـالي

أبو دليــقٍ على الامــتان منـــثــورة
__________والـخد براق صيــف يشعـل اشعــالي

لو ينــشكى حبكم في كـل منــشورة
__________ماعــد خــط القـــلـم من كـل ماجـالي

مريت خلي واثر ذيك القاع محظورة
__________ ومن زار ذاك الوطن ماراح متشالي

ياليت عندي من الذكرى لها صورة
____________وأكتب عـليها هـدية واحـدٍ غالي

[السامر]

اهـتـز قـلبي ودارت الارض بي دورة
.................................وقـمـت اتصدع على يمناي وشمالي

الــله عـطاهـا جـمال الـكـون والـكورة
................................مـن شـافـها يامـحمد صابـه هـبـالي

------------------

صح لسان الشاعر وتسلم اخوي ابو قشعه على النقل الرائع ..

وما قصرت ..

[الصحاف]

أبوقشعة

صح لسان الشاعر وسلْمت يدينك.

شهادتي فيك يابوقشعة مجروحة .

[ابوطلال]

صح لسانك

[ابو ريان]

بسم الله الرحمن الرحيم

السلام عليكم ورحمة الله وبركاته أما بعد :

شكرا لك يابو قشعه على نقلك الموفق لهذه القصيده

وصح لسان قايلها


اخوك ابو ريان:) :) :)

[ابو قشعه]

هلا والله فيك ابو طلال ولاهنت على المرور

[ابو قشعه]

تسلم اخوي الغالي ابو ريان ولاهنت