ياهن

[ابو قشعه]

ياهن ياليت اليالي يعودن= ياليتهن ياهن لو يرجعني

ياهن لو قالوالي الناس ممن= اللي جرالك ليه قلبك يحني

قلت البلا ياناس من صاحبي هن= اللي غدابي من سنينٍ مضني

إن جيت أوصف هن غطا على هن= غطا على الخفرات في زينهني

خدها كما بدر الدجا يوم بين= تجهر خدوده فالظلام أجهرني

وعيونه اللي سود صفٍ هدبهن= ياسعد عيني كانهن ناظرني

وشفايفه تقول بالدم صبن= راعي ثمانٍ بالعسل يقطرني

أجروح قلبي يوم لقياه يبرن= تبرى جروحٍ قبلهم مابرني

ومن عقب فرقاهم وأنا تقل منجن= أسهر وغيري فالمنام متهني

لاوهنيك يانجومٍ تعلن= يضوى على من السماء نورهني

في كل ليله نورهن ماتغبن= يطالعن بهن ويطالعني

ياليتهن يمه بخطي يودن= ويخبرني عنه ويبشرني

ياقايد الخفرات ياكامل الفن= ياوافين بالزين ياسيدهني

كل البنات بزينهن مايساون= شبحة عيونٍ بالهواء ولعني

عليك عنق الريم وظنك أزين= انته عديم أجناس زينك فتني

ياعود موزٍ ناعم الغصن لين= ياداي وانت دواي لاتمتحني

أعرفك من مليون لوجن يمشن= ويازين زولك وسطهن لو مشني

والله مادام الهبايب يهبن= ومادام نجم الجدي ينظر لهني

ومادام رجليه على الحزم ياطن= منساك ياكود الليالي خذني

وباتمنى كود ترجع ولااظن= ينفع معي ياهن كثر التمني


اليكم هذه القصيده لصديقي محمد سعد العضياني

[الصييفي]

صح لسان الشاعر وشكراً لك يا أبا قشعة على اختيارك الجميل و المميز. قد يكون هناك بعض الملاحظات المطبعية في البيتين الرابع و الخامس:
إن جيت أوصِّفْ هَنْ غطى عليهن @@ غطى على الخفـرات في زيـنهني
خــدّه كما بـدر الدجى يــوم بـيَّــــن @@ تجهر خدوده، في الظلام أجهرنّي
ويسلم الجميع.

[ابو قشعه]

مشكور اخوي الرعن ولاهنت على المرور وتسلم على الملا حظا ت