المساعد الشخصي الرقمي

مشاهدة النسخة كاملة : ثــــلاثــه في واحــــد << إعلان مو عنوان حشا


سالفة عشاق
23/04/2007, 03:08 PM
مســاء الخيــر ..

http://www.l22l.com/l22l-up-1/6b018e394b.jpg

الصوره مو واضحه .. او بالأصح مو مأخوذه عدل ..
طبعاً فيها ثلاث أصناف وراح أبتدي من الصح إللي بالوسط ..

المقادير ..

بسكوت شاهي مطحون / شعيريه بكستانيه مكسره صغار مره بس مو مطحونه
6جبن كيري / حليب نستله كبير / 2 م ك زبدة الفول السوداني (بينات بتر)

يخلط الجبن مع الحيب ويأخذ منهم مقدار بسيط لتغطيه بعدها يُضاف البينات بتر معهم ويخلط وبعدها تُعجن فيها البسكوت والشعيريه ..
راح يتكون عندك عجينه سهلة التشكيل قسميها كور صغيره وقبل لاتصفينها بالصحن غطي الصحن ببسكوت مجروس مع لوز أو إذا تحبين كورن فليكس ..
وبعدها صفي الكور بالصحن ورشي عليها بشكل بسيط من الخلطه إللي تركناها على جنب وشوي هيرشي سايل وبعدين أغرسي عود الأسنان فيها ..


الثاني .. وهو كيكة الوز إللي مرسوم عليه بالتشوكليت

المقادير ..
علبة بسكوت شاهي مطحون / 1م b.b
2/1 ك لوز مطحون بس مو ناعم مرهـ / 2/1 ك زيت
2/1 ك سكر مطحون / 3بيضات + فانيليا
تُخلط جميع المقادير السابقه مع بعضها البعض وتوضع في قوالب أو قالب واحد كبير ثم تُخبز بالفرن لحد ماتنضج
التغطيه ..
4 جبن كيري / نص حليب نستله
ثم تُزين بالكاكاو المذوب جالكسي مثلاً أو أي نوع وبالطريقه إللي تحبين ..



الثالثه .. وهي إللي على شكل فيونكات ..

المقادير ..
ك سمسم/ ك طحين / علبة قشطه / وشوي b.b

تُعجن مع بعض وتفرد بعدها تقطع حسب الرغبه أنا هنا قطعتها مُستطيلات مو كبيره مره وجمعتها من المنتصف وصارت مثل الفيونكه بعدها تقلى بالزيت وتُقدم ..
بس بحكم أني أعشق التشوكليت غطيتها بكاكاو بني وبعضها زينتها بالأبيض ..


وبالعـــافيه ..
وياجروح لاعاد تقولين نزلي مواضيع صار كل القسم مواضيعي ..
وديـ ..
سالفة عشاق

أم سعد
23/04/2007, 04:34 PM
هلا وغلاااااااا بطباخة المنتدى ..

مشاءالله عليتس .. تنفعتس ما تضرتس >> صارقتها من سعد

جد جد مشاءالله .. 3 انواع حلى بيوم واحد !!


>>> تقول ليتس عندنا اذا جت دورية الجماعه ..


بجد مشكوره وما قصرتي وحلا اعواد التمر يختلف عن طريقتنا >> مصليحنه اليوم من زود الادمان ..




ما قصرتي .. وتمت اضافة الطبق للاطباق المصوره ..

سالفة عشاق
24/04/2007, 08:20 AM
يالله حيها ..

جروح اقلطي تقهوي << تحسبها بالإستراحه

على كذا بفتح محل وأبيع << من بعد المدح طلع لها ريش

أما الاعواد ترى مو مثل حقتك أبد هذي شطحه من عالم الطبخ |44|

وديـ ..
سالفة عشاق

الكيف
25/04/2007, 03:48 PM
ما شاء الله عليتس اثرتس طباخة !!!

اما لو اني طباخ تسان تلقونني مع محمود المصري حق المطعم عند بقالة الامير اشتغل معه << ارقد يرحم والديك

صراحة حلا رائع اختي سالفة ولا هنتي

المســــفهل
25/04/2007, 07:22 PM
اللهـ ..اللهـ

يعطيتس الف عافية [[ سالفة عشاق]]..

ولد ابراهيم
25/04/2007, 07:34 PM
من شكلها قلت انها زينه وبدت سعابيلي تطيح على العموم ماقصرت

سالفة عشاق
26/04/2007, 09:19 AM
الكيف ..

حياك .. أجل خلاص إتفقنا إنت عليك المحل وأنا علي الطبخ << مايعوق معها
وبتغتني أحسن من محمووود وتمر من عنده وتقهره << حركات بزران |44|

المسفهل ..
لاهنت على الرد يابعدي

ولد إبراهيم ..
حياك والعين عادة تأكل قبل الفمـ ..



وديـ ..
سالفة عشاق