المساعد الشخصي الرقمي

مشاهدة النسخة كاملة : طبخة من اختراعي ( شي دسم)


عبدالعزيز الربيع
28/04/2007, 02:04 AM
السلام عليكم

كيف الحال

اليوم جايب لكم طبخة على الكيف <<< الكيف ولا سري << مصالة صح؟

المهم اليوم وانا قاعد اتمشى في البيت<<< الراشد طلع ذا مهوب بيت

وتطري في بالي اطبخ شي <<< كان جايع مرة

المهم وادخل المطبخ وادور والقا

نص دجاجة مقطع

ملح وبهارات

فلفل اخضر

بصل

نص ماجي

طمام وصلصته

بطاطس

كوب ونص رز

ليمون اسود

^
^
^
ترى هذي المقادير <<< حركااااات


اول شي نحط البصل مع الزيت في القدر <<< لا يا شيخ

http://majdona.com/upload/uploads/1c652da6a2.jpg (http://majdona.com/upload/)


وبعدين نحط الفلفل الاخضر بعد ما يصير البصل بني وبعدها نكب الطماط

http://majdona.com/upload/uploads/b7941a031b.jpg (http://majdona.com/upload/)

وبعدها نحرك ونحرك <<<< يا شيخ حرك بس

المهم بعدها نحط الدجاج بهذا الشكل مع بطاطس مقطع مربعات ومكعبات ومثلثات ومتوازي اضلاعات

http://majdona.com/upload/uploads/fa525c43cb.jpg (http://majdona.com/upload/)

وبعدها نحط الصلصة والبهارات والفلفل الحار والليمون الاسود

http://majdona.com/upload/uploads/2fc4b60d2b.jpg (http://majdona.com/upload/)

ونحركهم شوي وشوي وبعدين نحط عليها مويه نوصلها لين الدجاج (نخلي طريف الدجاج طالع بس

وبعدين نخليها 10 الى 15 دقيقة على النار

وبعدين اذا فتحنا القدر نحط الرز على الدجاج ونحط شوي مويه ونسكر القدر ونخليه تحت نار دافيه <<< حلوة نار دافيه صح؟


http://majdona.com/upload/uploads/d6332ea5f1.jpg (http://majdona.com/upload/)
بس ترى زودو المويه شوي اكثر من كذا بشوي مرة علشان ما تجيبون العيد


نخليها على نار هاديه 10 دقايق وبعدها نخلي النار مرة هاديه حول 10 دقايق ثانيه ويعدين تصير كذا اخر شي



http://majdona.com/upload/uploads/182b7b79ba.jpg (http://majdona.com/upload/)


وبكذا تكون المقلوبه جاهزة <<<< يسمع بالمقلوبه

هاه عساها جازت لكم

سالفة عشاق
28/04/2007, 02:31 AM
وش هالمقلوووبه خطيره أجل تسذا المقلوووبه .. |44|

بس تبي الحق والله إنها أسرع من المقلوبه المعروفه ..

يعني ماتجلس تقلي وتصفها بالقدر وتسلق رزك وحوسه ..

الجووع يطلع الموااااهب أجل |44|

وأنا أتوقع لما حرقك فيصل كان جايع بس مايعرف يعبر عن جوعه ويخش يسوي شي

يعطيك العافيه ولاهنت ..

طبخه كااااايفه بالحيل وبصراحه تشهي <<< جايعه



وديـ ..
سالفة عشاق

فيصل الصمصام
28/04/2007, 02:48 AM
ابوربيع

الظاهر لو تقعد شهر زياده طلعت تاريخنا كله

ياخوي طيب خل شي بينك وبينك على الأقل <<< من جد حقد هالمره

لا امزح معك بس
اذا بغيت جب صورتنا يوم انا وياك مصورينا وحنا بالهوا طابين بالبركه حقتنا


مشكوووووور على الطبخه الكايفه

وابيك المره الجايه الله لايهينك
تسويلنا مشخووول لحم

أكـفـنـي شـركـ
28/04/2007, 04:37 PM
هذي شكلها كبسة خضار ودجاج مهوب مقلوب(على العموم مشكور وماقصرت

المســــفهل
29/04/2007, 10:54 AM
يقطع ام الفله..

اجل ياعزيز سو لنى هالمقلوبة بالاستراحه ..

الله يعطيك الف عافية على الطبخهـ ..

الأميرال
29/04/2007, 12:04 PM
أحس انه كبسة من جد

مشكوووووووووووووور

وبارك الله فيك

والله يعطيك العافية

سعد
29/04/2007, 12:10 PM
الله الله

أبو ربيع

وش ذا المواهب المدفونه ...!!

بصراحة أنا مبطي ما قط طبخت بس والله شيوقتني لأيام العزوبية والطبخ :D

فيصل أصلاً وش جاب الولاعة معك علشان تكوي يد الرجال فيها ...!!

<< بيتحرى جروح تجي وترد وتقول ما قصرت .. وتمت إضافة الطبق للاطباق المصوره

بدون زعل جروح :D

شعراويه
29/04/2007, 04:22 PM
هههههههههههههههههههههه

والله حركااااااااااااااات عبدالعزيززز


بصراحه سنننننننننننع وذرب

الله يعطيك العافييييه

شمعة الجلاس
29/04/2007, 05:47 PM
وشذا السنع من جد عصر السرعة ما تعوق الأمور معك
عشر دقاياق شايفه شغلها معك
هذا وانت يدك مكويه
ما شاء الله تبارك الله
تسلم الأيادي

عبدالعزيز الربيع
30/04/2007, 12:39 AM
وااااااااااااوك

مشا الله والله اني نسيت الموضوع

والله اثرني سنع وانا مدري

سالفة

وش هالمقلوووبه خطيره أجل تسذا المقلوووبه ..


والله مدري انا قلت كذا بس الاسم من عندي مدري وشلون يسون المقلوبه بس الظاهر ان فيها خضار الدنيا
بس انا يوم دورت ما لقيت الا بطاطس بس


وأنا أتوقع لما حرقك فيصل كان جايع بس مايعرف يعبر عن جوعه ويخش يسوي شي

يعطيك العافيه ولاهنت ..


ايه فيصل الله يهديه التعبير عنده بالسالب

سالفة مشكورة على مرورك وما قصرتي

عبدالعزيز الربيع
30/04/2007, 12:43 AM
فيصل انت سالفتك سالفة

ياخوي طيب خل شي بينك وبينك على الأقل <<< من جد حقد هالمره
بيني وبينك اشياء واجد وكل الي طلع ما هو الا غيض من فيض

لا امزح معك بس
اذا بغيت جب صورتنا يوم انا وياك مصورينا وحنا بالهوا طابين بالبركه حقتنا


نصدق عاد اني مفكر احطها بس قلت مشوار سكنر وغثا

فيصل مشكور على المرور

وترقب فيه فضيحة قريبة في سعة الصدر

عبدالعزيز الربيع
30/04/2007, 12:46 AM
جني الشبارم

الله يعطيك العافيه على المرور

المسفهل

ابشر بالي يسويلكم محشي دينصور في الاستراحة بس خل سالفة توافق

الاميرال

مدري ليه حسيت انك مدرس

مشكور على المرور

عبدالعزيز الربيع
30/04/2007, 12:52 AM
ابو محمد


وش ذا المواهب المدفونه ...!!

هذا ولا شي هذا وانا مستعجل (وجه متكبر )

بصراحة أنا مبطي ما قط طبخت بس والله شيوقتني لأيام العزوبية والطبخ


لا تذكرني يا ابو محمد بالعزوبيه تكفى <<< الي يشوفه عنده 4 حريم و 54 ولد

فيصل أصلاً وش جاب الولاعة معك علشان تكوي يد الرجال فيها ...!!


لا هذي الكويه من زمان كواني بالولاعة يمزح (وجه صعيدي)

كان ناوي ياسمني علشان ما اضيع << بعير

ولا بعد كان ناوي يسولي وسم السيف (ثلاث نقاط وخط ) بس يوم حط النقطة الاولى فقعت وجهه ولا كمل

<< بيتحرى جروح تجي وترد وتقول ما قصرت .. وتمت إضافة الطبق للاطباق المصوره

بدون زعل جروح






ايه والله على طاري جروح وينهي يا سالفة ؟؟؟



ابو محمد مشكور على المرور وما قصرت والله

عبدالعزيز الربيع
30/04/2007, 12:59 AM
شعراويه


والله حركااااااااااااااات عبدالعزيززز


بصراحه سنننننننننننع وذرب

الحمد لله هذا علشان الواحد اذا جاع ما ينحد لحد

مشكورة على المرور وما قصرتي اختي











شمعة الجلاس


وشذا السنع من جد عصر السرعة ما تعوق الأمور معك

ايه والله الواحد لازم يمشي مع العولمة صح



هذا وانت يدك مكويه


ايه تشوفين اصلا ما عطا الاكل نكهة الا كوية فيصل

شمعة الجلاس مشكورة على مرورك الراقي وما قصرتي

أم سعد
01/05/2007, 03:40 AM
مشاءالله عليك يابوربيع .. من جد شكلها تهبل ..
خصوصا لون الرز شي ...

>> تقول ليت كل الرجال تسذا


صراحه انا شفتها العصر وطبقتها لعشانا ..

ماقصرت وتمت اضافة الطبق للاطباق المصوره >> عشان سعد
الا مير ياسعد ورى ما اضفته عني يوم اني غايبه .. والله ماعلي حطوا معي مشرفه تعاوني ولا عاوني انت >> ماهنا حيا

يعطيك العافيه يابوربيع وتسلم يمناك على ذا الشغل ..

سري للغاية
01/05/2007, 02:26 PM
يارووووووووووووووووووووووحي

وش ذا الحركاااااات ياشيف ابوربيع .. توني ادري انك مهارات << توني ولا بوش |44| << هها بس

بس هالمهارات ماطلعت الا من الجوع لان الجوع كافر ,, والحاجه ام الاختراع << اطلع برااا|44|

وتراك شهيتنا بس ماتحس ان مزاجك مدري وش يبي .. عاد ندري انك جوعان بس تحشرها فلفل مره وحده

وثاني مره اعزمنا عشان نذوقها لان من برا الله الله ومن جوا يعلم الله|44|

ومشكووور يالغالي ولاهنت

عبدالعزيز الربيع
02/05/2007, 01:52 AM
مشاءالله عليك يابوربيع .. من جد شكلها تهبل ..
خصوصا لون الرز شي ...


هههههههههه

عاد تصدقين لو انه اسود تراه احسن <<<< جبرا بالخاطر



>> تقول ليت كل الرجال تسذا


ايييه والله <<< اقول تقلع بس

ماقصرت وتمت اضافة الطبق للاطباق المصوره >> عشان سعد


ما قصرتي

يعطيك العافيه يابوربيع وتسلم يمناك على ذا الشغل ..



جروح شكلك ما شفتي الصورة تراي اطبخ باليسرى

عبدالعزيز الربيع
02/05/2007, 01:55 AM
وتراك شهيتنا بس ماتحس ان مزاجك مدري وش يبي .. عاد ندري انك جوعان بس تحشرها فلفل مره وحده


اصلا من قال ان فيها فلفل <<< نكب


وثاني مره اعزمنا عشان نذوقها لان من برا الله الله ومن جوا يعلم الله


لا تراها زينه طلعت خاصة السمك تراه شي <<< مشكلة النوم

سري مشكور على المرور وما قصرت ولا يكثر << خربها

سري اشكرك بعنف

أم سعد
02/05/2007, 03:40 AM
جروح شكلك ما شفتي الصورة تراي اطبخ باليسرى

الا والله شايفتها ..
بس انا ما اعرف ايدي اليمين والشمال الي اذا ناظرت الساعه وين فيه والي فيها الساعه يعني الشمال تبيني اعرف خلق الله خخخخخخخخخخخخخ

لا امزح بس ما انتبهت

وانت مشاءالله عليك تسنه جايز لك تنبهني ..


مشكور مره ثانيه ونحتر طبق اخر << ما تنعطى وجه

فارس القادسية
02/05/2007, 03:49 PM
والله الطبــخة ياخي شهويتني .. ودي ارووح اسويها ...

وصدق الجووع يطلــع ....

مشــكووور أبوربيَع .. وماقصــرت ..

ابوشوق
02/05/2007, 03:52 PM
الله طريقه روعه ...

تسلم يدينك يابو ربيع...

منتب بسيط اختراعات وشغل عدل

يالله الله يوفقك لمايحبه ويرضاه..

عبدالعزيز الربيع
02/05/2007, 10:04 PM
فارس

وصدق الجووع يطلــع ....



يطلع بلاوي والله


مشكور فارس على المرور وما قصرت

عبدالعزيز الربيع
02/05/2007, 10:05 PM
الله طريقه روعه ...

تسلم يدينك يابو ربيع...



العين ما تعلى على الحاجب يا ابو شوق

مشكور يا ابو شوق على الرد

كاتم العبرات
26/05/2007, 10:52 AM
تسلم يدك يابوربيع
وعقبال ماتصير عضو في المطبخ العربي >> يسمع بالدعاوي

عبدالعزيز الربيع
26/05/2007, 12:56 PM
كاتم العبرات



تسلم يدك يابوربيع
وعقبال ماتصير عضو في المطبخ العربي >> يسمع بالدعاوي


وشذا اول مرة اسمع فيه

مشكور حبيبي وما قصرت

أبو جاسم
12/06/2007, 11:03 AM
يابوربيع يبيلك تسويلنا وحدة في القريب العاجل

مطنش
12/06/2007, 01:37 PM
والله شلها كايفة<<< يذكرني يومنا بشبرميه نقنص سماانه او سمن (طائر لونه اصفر) ياحنا دبينا من السمن صايدين 25 سمن وبـــس

خشم الرعن
22/10/2007, 09:05 PM
يعطيك الف عافيه بس الجوع مسوي عمايله هههههه

المخواه
05/11/2007, 11:46 AM
قد جربتها وكانت طبخة ممتازه وكل يوم افطر واتغدا واتعشا منها وبعض المرات اصحا نصف الليل وقعد اكل منها حتى يجيني النوم ولك الشكر