مصنع خمور في الشعراء

[حنيف]

بسم الله الرحمن الرحيم


بيان رقم (1)

بفضل من الله ثم رجال الحسبه واحد المواطنين النبلا تم القبض على فلبيني الجنسيه يصنع الخمور في مزرعة احد المواطنين وتم مداهمت الموقع وتشكيل خطه محكمه في الايقاع به واسفرت المداهمه عن القبض على المذكور وهو متللبس بجرمه المشهود حيث استغل المذكور غياب كفيله عن المزرعه واستخدامها لاغراضه السيئه ،،،،،،


لاحول ولا قوة الا بالله

[ابوشوق]

لاحول ولا قوة الا بالله

حتى الخمر وصل للشعراء

حسبنا الله ونعم الوكيل

مشكور ياحنيف على الاخبار الطازه

[حمر عين]

!!!


مشكور يالغالي

[أبوجاسم]

حسبي الله ونعم الوكيل

مصنع خمور في الشعراء


يعطيك العافية ياحنيف


والله يوفق أسود هيئة الأمر بالمعروف والنهي عن المنكر.




تحيتي

[أبو جاسم]

حسبي الله ونعم الوكيل

مصنع خمور في الشعراء


يعطيك العافية ياحنيف


والله يوفق أسود هيئة الأمر بالمعروف والنهي عن المنكر.




تحيتي

[مطنش]

تسذذذذذذذذذب


طيب منهو راعي المزرعه ؟؟؟؟؟؟؟؟؟؟

[شايل جروحه بروحه]

تصدق اعجبتني كلمه بيان رقم 1
كانك من الي يطلعون الي يقولون تم القبض على الارهابين بالسعوديه 1

والله سمعت انا ان البيوووت القديمه يعني الشعراء القديمه بيهدمونها
لان يقلون فيها مصانع وما ادري ايه من ذا الكلام
بس ان شاء الله ما يهدمونها لانه ازين مافيه الشعراء هي
ويهدمونها على سبب تافه يوم مريتها مكتوب ازاله على جدرانها
وين عايشين يبو ازاله
بس موضوع احس انه تسذب خمر بالشعراء ولا بعد
فلبيني انا اخبر ما فيه فلبيني الا الي يعبي بنزين بمحطه الامير وبس......

[فارس القادسية]

الخبر صــحيح ..

ومشـــكــووور ياحنيــف ..

[{ابوصعب}]

لا حول ولا قوة الا بالله

الله يكفينا شر الفلبن

[الصييفي]

الله المستعان،
هذي فيض من غيض،
و أظن ما بالشعراء فلبينيين كثار،
أعرف واحد له أكثر من 10 سنوات
لا يكون هو الخايس.

على أي حال البنقاليين يمكن لهم أنشطة أبشع

وما دام هالعماله ما يجيهم كفلاؤهم الا كل سنتين مرة وش توقعون؟؟

الله يكفينا شرهم و ما عملوا

[سري للغاية]

الخبر صحيح 100 %

والله يستر .. وهذا اهمال من الكفيل تلقاه صافطه كم شهر او كم سنه بالكثير ,

[شعراويه]

الله يكفينا شرهم يارب

[حنيف]

تسذذذذذذذذذب


طيب منهو راعي المزرعه ؟؟؟؟؟؟؟؟؟؟

8
8
8
8
8
اتمنى انه على قولتك سذب بس لا تقول تسذب ونت ما تدري عن اي شي في الشعراء طيب!!!



------------------------------------------------


تصدق اعجبتني كلمه بيان رقم 1
كانك من الي يطلعون الي يقولون تم القبض على الارهابين بالسعوديه 1

والله سمعت انا ان البيوووت القديمه يعني الشعراء القديمه بيهدمونها
لان يقلون فيها مصانع وما ادري ايه من ذا الكلام
بس ان شاء الله ما يهدمونها لانه ازين مافيه الشعراء هي
ويهدمونها على سبب تافه يوم مريتها مكتوب ازاله على جدرانها
وين عايشين يبو ازاله
بس موضوع احس انه تسذب خمر بالشعراء ولا بعد
فلبيني انا اخبر ما فيه فلبيني الا الي يعبي بنزين بمحطه الامير وبس......


8
8
8
8
لا ياشيخ جد والله اهم شي اعجبتك اقول يا الحبيب اجل ما خبرت الا فلبيني عند محطة الامير شكلك تسمع في الشعراء على العموم حتى محطة الامير على قولتك مافيها فلبيني سراج وعيال عمه كلهم من بني بنقلا ثاني مره لا تكذب الرجال ونت اصلا ما تدري الشعراء جنوبك او شمالك زين يا الحبيب ؟؟؟؟؟

وفيه وحد يقول لو الخبر صحيح كان قلت لمين صاحب المزرعه ما حبيت اذكر صاحب المزرعه لان ماله ذنب في الموضوع كله..... ان كان فيه ذنب فهو قلة الامن في الشعراء ونتشار السرقات

تقبلو مروري

[أخت أخوها]

لاحول ولا قوة إلا بالله
الله يكفينا شر الشر
بصراحه انا ما أستغرب إني أسمع مثل هالأخبار
خصوصاً انه في الفتره الاخيره انتشرت ظاهرة
مصانع الخمور وتلقونها في المزارع او الاحياء القديمة
وكله بسبة هالعمال الاجانب .
تلقى كل واحد منهم جاي للسعوديه على اساس انه سواق او غيره
ويوم رتب اموره وصفى له الجو انحاش من كفيله وقعد يخرب ويفسد.
والله ما اقول الا حسبي الله عليهم .والله يجزاهم خير رجال الامر بالمعروف والنهي عن المنكر ويسسدد خطاهم.

[السعد]

الله يستر وهلفلب ملاعين شغالين بهالخمر
الله يكفين شرهم
وشكرا على هذا الخبر
والله يوفق رجال الهيئه
والشرهه ماهيب على العماله بل على كفلائهم الي مطنشينهم
( والخبر صحيح)

[كاتم العبرات]

حسبي الله ونعم الوكيل

مصنع خمور في الشعراء


يعطيك العافية ياحنيف


والله يوفق أسود هيئة الأمر بالمعروف والنهي عن المنكر.

[كنداري]

واحد ويسوي لعمره خمر,, صار مصنع!!

عالعموم يمكن الخبر صحيح لان العماله الي هناك ماخذين راحتهم عالأخر كفلائهم مايجونهم الا بالعطل وبوقات الدوامات ماعندهم احد ومن الملل قسم بالله يمديه يصنع قطار ومحد درا عنه

انا ماالوم الكفيل على انه ماينتبه لهم لان الكفيل مشغول بدوامه بديره بعيد عن الشعراء وماشوف لهم ذنب ابد .. يعني بيقعد كل ماخذ له فتره يتردد على المزرعه مشاااااووووير.., ولا يقدر ياخذ العامل معه ويخلي المزرعه مافيها احد عشان كذا لازم نتحمل الي يصير

وانكانهم بيفتشون كل العماله بيلقووون الهووايل,,..(وانا انصح بيوم من الايام وبتخطيط من الجماعه الي هناك تجي مداهمه بسيطه على المزارع عشان يخافون هالعمال وتقل المصايب)

والله يستر علينا,,,

[بنت الشيخ]

حسبنا الله ونعم الوكيل


مع ان الخبر مهوب بشارة عشان ننزلة بالمنتدى

[أبو عزوز]

حسبي الله عليهم
مصنع خمر في الشعرا
حتى الشعرا صار فيها مصنع خمر

[MSSK]

مشكور على الموضوع

ولاكن كل الشغله كم قاروره صحه يسويها ابو الشباب ويحطها في دورت مياه مهجوره وانتم بكرامه والفلبيني له 13 سنه في السعوديه وغير مقيم في الشعراء كان يتنقل بين الشعراء ومنطقه ثانيه وهذا كل مافي الموضوع لا مصنع ولا غيره ................

[ابوشوق]

نعم صدقت اخووي مسك.. هذه السالفه اللي صارت

[حنيف]

لا فيه مصنع ونا متاكد منه لانه بعد ما مسكوه يقول ابيع لناس في الدوادمي ولا ابي اتطرق المهم انه يبيع ويوم داهموه كان يعبي قواري موية صحه كرتونين واعترافه المذكور بالبيع متاكد منه ميه بالميه لاني حضرت الموقع اول مره اشوف برميل ازرق بحجم برميل البتروميل وتقولون استعمال شخصي هههههههههههه المهم المره الجايه الظاهر بجيب صوره من ملف التحقيق ورتاح هههههههههه للاسف مشكلتكم تهونون الامور لحد ما يجي اكبر من كذا ؟؟؟؟؟؟؟؟؟

[MSSK]

هلا وغلا يا حنيف
حنا ما ندافع عنه ولا قلنا أنه يستخدمه شخصي قلنا يبيع بس مو بشكل الي تقوله مصنع خليت الدعوه سايبه بالمزرعه ومن صيغت كلامك ان المزرعه مهمله من راعيها .......

على العموم اذا مو عاجبك يا ابو شوق او مسك ترى بتحقيق معه افاد بشياء اخرا ما حبيت اذكرها وللاسف متاكد منها ميه بالميه

وبعدين وش ألي محقق وانا عندي كلام ماودي اقوله وافاد باشياء وللاسف ....... وشوي تقول انا الي ماسكه ........ أقول لك لا تخلي في بطنك شي ........ هذا كلام انت مسؤل عنه وألي بيقراه بيؤله تأويل غير صحيح

وارجو منك التوضيح .......... موهوب تقط الكلمه بعدين تسكت قل الي عندك

[الشعراويه]

لاحول ولا قوة الا بالله
حسبنا الله ونعم الوكيل

[ابو لين]

لا حول ولا قوة الا بالله

ما فيه شي غريب في هالدنيا والشعراء و غيرها فيها من المصايب

مثل ماقال كنداري غياب الكفيل عن المزرعة و تسيب العمال يمديهم يسوون اللي يبون ولا احد يكتشفهم
و غياب العقاب الرادع هو من اهم اسباب اختلال الامن و كثرة الفساد

بس ودك اللي لقو عنده مصنع الخمر انهم يغرونه في غر لين يطلع مع عيونه و عقبة يشبون بالباقي و يحسحسونه لين يعرف ان الله حق

عاد عقب هالتعليق ينقل الموضوع لمنتدى العامةلان مهوب محله اخبار الجماعة

[حنيف]

مسك

ترى الاصل من نقل الموضوع الفائده لديره ومعالجة كل شي يضر الديره ونذكر السلبيات قبل الايجابيات عشان نقدر اننا نشوف لها حل ونرفع صوتنا للمسئولين الي يقدر يشوف حل بنسبه لديره.... مو تشنجات وتكذيب خبر وحميه عند البعض ...... المهم بالموضوع كله ان فيه نواقص في الديره وسلبياتها وخيمه اليوم خمر بكره مدري وش يصير هذا هدفي من الموضوع كله ولو لحظنا ان الشعراء بيئه خصبه جوال وموبايلي شغاله وبدون اي تواجد امني يعني اي احد يقدر يستغل الموقع ذا لغرض سيئ والله يحفظ ديرتنا من كل شر ياليت يكون فيه نقاش جاد وبعيد عن اي تشنجات لمصلحة البلد ولا ليه نجتمع هنا عشان يسلموووووو وعشان ولكمووووووووو؟؟ وموضوعك رائع ....

هذا كل الهدف من تنزيل الموضوع للفائده فقط

[الرجل الذي كويس]

طيب كم كان يبيع القاروره ؟
وهل كان العرق اصلي والا مغشوش
اهييييييييييييييييييب يالفلبيني هو ما سمع الشاعر اللي يقول


حكومتنا الرشيده تسجن الرجال عشر سنين
.................... رضيت الحكـــــــم والا ما رضيته يالفلــبـيــني

[نجدية]

!!!!!!!!
؟؟؟؟؟

[ابوشعيل]

مصنع خمور والا استخدام شخصي اتوقع ان المصنع لازم يديره كم نفر
بس اللي صاير برميل لاستخدامه الشخصي
واعجبتني اسود الهيئه ترى السالفه بسيطه
مايحتاج لها اسود ولانمور اطرف واحد يقدر
يمسك الفلبيني مايحتاج تستاسدونهم

[الكيف]

لا حول ولا قوة الا بالله

آخر مكان فكرت يجي فيه مصنع الشعراء

مير الله يجزا رجال الهيئة يوم مسكوه

[يامال فرقا العين]

لا حول ولا قوة الا بالله

حتى الشعراء ما سلمت من الخمر

مشكور اخوي/حنيف
على الخبر

[الــبــالــود]

لاحول ولاقوة الا باالله
في الشعراء
ودي ان صاحب المزرعة في المنتدى

[فيصل الصمصام]

البلا في كل مكااان لاتستغربون من شي

وانا يوم قريت الموضوع ماتفاجأت

لكن الله ينتقم منهم ان شالله


مشكور ياكاتب الموضوع وماتقصر على الخبر

[شعراويه مره]

لاحول ولاقوة الا بالله
حتى الشعراء وصل لها بعد هالامور
ماخفي اعظم

الله يستر علينا باالثياب ثم التراب

[MSSK]

با حنيف أنا لا أكذب الموضوع وأنا طرحت وجهت نظري فقط وانا يا حنيف ما تحدثت عن جهل في الموضوع ولا أريد أن أخالف الرائي ولا الحدث وعن اي تشنجات تتحدث عنها هل هي مني ولا منك أضفت رائي يخصني ورديت علي بكلام لا يخدم الموضوع المطروح الذي تتكلم عنه وتقول أنا حققت وانا عندي معلومات وافادني وغيره ولم تقم برد على طرحي ألاخير خليت كلامك مبهم وغير مفهوم !!!!!!!!!!!!
وما هو المستفاد من طرح ها الموضوع هل هو من الاشياء السلبيه الي راح يستفيد منها أهل الشعراء ولا هو تشهير و ترويج ل أشياء صاقطه لا نفتخر أنها تعرف عن بلدة الشعراء ولا انها موجوده بها لان بعض من يقراء هنا أو يكون عضو في النتدا لا ينتمي لها وممكن لا يعرفها الا بذكر

أبحث عن مواضيع نستفيدمنها وتشرف بلدتنا وتخدمها
ولا اتوقع نحن اعضاء المنتدا نستفيد من مواضيع بهذا المستوا أرتقي بكتاباتك ودعنا نستفيد منها ............ ودعنا ننظر ونعرف أين السلبيات الحقيقيه المستفاد من طرحها وتخدم الجميع وليس سلبياتك التي تتحدث عنها التي تسيء ولا تخدم

وبعدين وبالعاميه وش حميه يا أخي أقول وأقول أرتقيييييييي بعباراتك وأعتقد وأجزم هذا هو القصد من طرحك !!!!!!!!!!!!!!!!

[شاهين]

آخر مكان فكرت يجي فيه مصنع الشعراء

خليتوه مصنع خمور ... برميل وصار مصنع خمور




ودي ان صاحب المزرعة في المنتدى

وش بتسوي انت وزغدك؟


--------------------------

[saab1]

هههههههههه اضحك عليوش بتسوي انت وزغدك؟ اللهم أعزالمسلمين واحفظهم من كل مكروه وذل من اراد بهم مكروه

[ساهر]

الله يكفينا شرهم بعدين مثل ما قالوا الشباب
تراها قاروره حقت راسه وجيتوا وقلتوا مصنع بعدين
يا حنيف تقول اني محقق مع الفلبيني واخرتها يطلع
قاروره يا حبكم للحتسي وتكبير المواضيع





والف تحيه للمحقق حنيف |110|

[وسيع الصدر]

لا حول ولا قوة الى بالله

الخبر صحيح 100%

[سيف شعيل]

الله يعافيك ياحنيف

[ولد شيوخ]

جعله لـ |429|أو|407|أو|542| وهاذي فوق راسة :DALLANI2:أنشاء الله

[ابـو دحيم]

لاحول ولاقوة الا بالله حتى الشعراء صار فيها مصاانع خموور كله من ورا هالاجانب حسبي الله عليهم ومشكور اخووي على المووضوع

[ابو تيماء]

لا حول ولا قوة الا بالله
حتى الشعراء جاها خمر الله يستر

[راسـي]

اذا كان برميل ازرق و كبير فهو مهوب شخصي ابد

و اذا كان يعبي قوارير فمعناتها له زباين خاصه

و يمكن خاصه جدا

بس السؤال

هل ما يتردد في المجالس صحيح

و وش المغزى من الطريقه حقت المداهمه

و ليه

حنا خبرنا بالربع يحبون الستر

وش معنى هالمره فضايح

و من المسؤل <<<< اقصد المسؤل عن ذلك

و لا احد يسأل وش يدور في المجالس

ترانا نحب الستر



مره





زي الاسود

[عطي الله]

السلام عليكم ورحمة الله
اخواني الاعزاء حتى لوكان مصنع خمر
مالمشكله كانكم لاتتابعون جرايد
او معزولين عن العالم
الشعراء مدينة كمدن المملكة فيها مافيها
من الغثاء
اينكم من السرقات الحاصله لم يخلو بيت من
دون ان يتعرض للسرقه
اينكم عن مايوجد في البيوت القديمه من اثار تجمعات مشبوهه
اينكم من السيارات الغريبة التي تدور ليل نهار وتقف على الخط
علني مع ناس مشبوهين ويتم تبادل مامعهم علنن امام الناس
اخواني الطرح يجب ان يكون هادف اذا كنتو تريدون مصلحة البلد
دون التحيز
على فكره الموضوع طلع من باب النقاش الى الاتهامات
ووووووووووووودمتم بخير

[ولد شيوخ]

لاحول ولا قوة الا بالله