وصيه

[ابوشعيل]

وصيه امرأه لزوجها قبل وفاتها

ويقال انها خرجت من المستشفى واحتفلوا بخروجها بالعزايم والدوريات
وقد اخرجت من المستشفى لعدم وجود لها علاج .....

وقــــــالت

ترى الذبايح و أهلها ما تسليني "=" أنا أدري إن المرض لا يمكن علاجه

أدري تبي راحتي لايا بعد عيني "=" حرام ما قصرت يديك في حاجه

أخذ وصاتي وأمانه لا تبكيني "=" لو كان لك خاطرٍ ما ودي إزعاجه

أبيك في يديك تشهدني وتسقيني "=" أمانتك لا يجي جسمي بثلاجه

لف الكفن في يديك وضف رجليني "=" ما غيرك أحدٍ كشف حسناه واحراجه

أبيك بالخير تذكرني وتطريني "=" يجيرني خالقي من نار وهاجه

سامح على اللي جرى ما بينك وبيني "=" أيام نمشي عدل وأيام منعاجه

همي عيالي وأنا اللي فيْ كافيني "=" علمهم الدين تفسيره ومنهاجه

[مســ الليل ـاير]

صح لسانك .
(مع تحياتي للكل)

[ثهلان]

8
8
8
8

قصدك صح لسان اللي كتبت القصيدة ..

تراه مهوب ابو شعيل ،،

يقولك هنا وصيه امرأه لزوجها قبل وفاتها :D


ومشكور يا ابو شعيل على هالموضوع والقصيدة الحلوة ..

ومشكور على كتابة القصيدة لنا وصح لسان القائل :)

[أفــلاطون]

قصيدة رائعه في الحقيقه ..

تسلم اخي ابو شعيل القصيده رائعه جدا ومؤثرة ايضا

خصوصا

أبيك في يديك تشهدني وتسقيني "=" أمانتك لا يجي جسمي بثلاجه


تحياتي لك

[كحيلان]

يالله ان ترحم حالها
خايفتن على عييلها

صح لسانك ولسانها

تحياتي

[عبدالله]

تسلم اخي ابو شعيل علي القصيده صح لسانك ولسانها تحياتي اخوك عبدالله

[نــواف]

صح لسانك