تشكيلة فريق منتدى الشعراء الرياضي!!

[فـــــهـــــد]

بسم الله الرحمن الرحيم

السلام عليكم ورحمه الله وبركاته ....

نقدم لكم حصريا على قناة Orbit Esbn المبارة النهائيه بين الفريقين العالميين ( فريق ريال مدريد الإسباني & فريق منتدى الشعراء الرياضي ) علما بإن المباراه راح تكون في أرض الوطن في الشعراء وبالتحديد في الملعب الشهيييير ملعب نادي[ ثـــــــهـــــــــلان ] وأرجو من جماهير أعضاء ومشرفين المنتدى الحظور ومؤازرة فريقهم للحصول على الكأس الغاليه.....

أما الآن تشكيلة فريق منتدى الشعراء الرياضي :

في حراسة المرمى الحارس المبدع = #عبدالسلام# >>>>>>>>خاصة بشورت وفانيلة davids|3|

وفي الدفاع من اليسار لليمين= مهاجر وأبوريان وفتى ثهلان وأبو عبدالله

وفي الوسط من اليسار لليمين= أفلاطون وفـــــهـــــد ودايم الشوق والعقرب الخطير

وفي الهجوم الخطير= كنداري والسيل وسيف الملاعب >>>>>لا وإذا لبس فنيلة الجمعان وخرو عنه الله يعين سيزار كاسياس;)

ومدرب الفريق المخضرم= فارس تميم>>>>>>والله يعينكم عليه صاحب القوانين الصارمه|4|

وتحياتي للجميع....:)

[كنداري]

اقول يا فهد ترا ابو شعيل طلع من الاصابه ولا مانع له من المشاركه في المبارات
بس خله مع رونالدو والله ما يعتب منططقة الجزاء الا وهو طالع بعكازته ترا ابو شعيل يلعب ماشالله عليه:D

اوووووه مدربنا فارس تميم شكله بينادي خليفه ما ردونا عبدالرحمن البيشي :D
8
8
امزح ترا

وشكرا يا فهد انك حطيتني هجوم

تحياتي كندااااااري

[السامر]

وانا :)


شكلي احتياط كالعاده :D

اشكرك اخوي فهد على التشكيلة بس متى بيلعبون :confused:


<< يقاله مصدق :D

[مدربي رويسه]

ايش التشكيله الرائعه

مادراو انهم بينخقون

وريال مدريد جاي في الشعراء هههههههههههههه

على العموم شكرا على الموضوع الرائع


وشـــــــــــ ك ـــــــــــــرا

[مـ هـ نـ د]

كاتب الرسالة الأصلية السامر
وانا :)


شكلي احتياط كالعاده :D

اشكرك اخوي فهد على التشكيلة بس متى بيلعبون :confused:


<< يقاله مصدق :D

^
^
^
^

الظاهر انا وياك احتياط :D :D :D :D :D

[¼ إحــwـــاس ¾]

<---- ذا بتحطونه لحاق كور والا ايش

هههههههههههههههههههه

انا رئيس النادي :) :)

[فـــــهـــــد]

كنداري >>>>> خخخخخخخخخخخخخخخخخخ أما أبو شعيل ما يحتاااااااااااج الورقه الرابحه للفريق

السامر وولد الضويان وجدل >>>> أشوى إنكم ما لعبتوا ترانا إنهزمنا 3 / 2
===========================================

(تفاصيل المباااااااراه وفضايحها):
1- الحارس عبدالسلام شاف davids بالجمهور وترك المرمى وقام يركض له ويسلم عليه ويقول وقع لي
2- والمهاجر وفتى ثهلان وأبو عبدالله جالسين عند العارضه ويسولفون عن المنتدى فلان كتب وفلان ردوالقهوه والشاهي تدهر
3-أما أبو ريان تسبب في إصابة النجم راؤول ونقل ب84 ددسن غماره الى مستشفى الدوادمي وهو الآن بالعنايه المركزه ونتمنى له الشفاء العاجل
4-أفلاطون والعقرب الخطير عند ال18 يغروون جحر ضب ويحفرون في الملعب يدورون فقع
5-أخوي دايم الشوق يكلم أبو ولف نص ساعه بالجوال
6- وأنا تهاوشت مع المدرب فارس تميم وطردني من الملعب
7-والنكبه السيـــل انفرد بالكوره بآخر الدقايق وصاح الجمهور ومن الهبله زلق وجاه رباط صليبي
8-وسيف الملاعب إلا يدخل كبري في روبرتو كارلوس وما وقف الى يوم جته مزعه بالمنطقه الحساسه من روبرتوو
9- وكنداري جاب هدف ورفع الفنيله وأثره حاط صورة الأفغاني ومسكوه الشرطه يحسبونه إرهابي
10-والمدرب فارس تميم ترك دكة الإحتياط وراح يناظر شنب ديلبوسكي
========================================
يا شباب كلها مزوح تروح وتجي ولحد يزعل
تحياتي ...:D

[¼ إحــwـــاس ¾]

ههههههههههههههههههههه

بما اني رئيس النادي <--- صدق نفسه

انا اتهم التحكيم انه ماكان موفق بالمباراة ..
لان اللاعبين كنداري والسسيل تعرضو لاعاقتين واضحتين من سلقادو وبرافو
وكانو يستحقون الطرد بالمباراة لان الاعاقه من الخلف وبعد الاعاقه رفسو الاعبين

لذا سوف نرفع تظلم واحتجاج للفيفا بانتظار البت بالموضوع

[السيل]

شكراً يا فهد على الموضوع الجمييييييييييييييييل.....

لكن من جاب الأهداف ....؟؟؟؟

[أفــلاطون]

هههههههههههههههههههههههههههه


والله يا شكله بيطلع فريق يسمع باللعب والتفاهم ..

بس التشكيلة عالمية مادروا عنها المنتخبات الثانية ماشاء الله


4- 4- 3 بعدي والله


على العموم اشكرك على الموضوع الطريف .ز

تحياتي لك

[ابوساره]

ههههههههههههههههههه

موضوع رايق وجميل ,,,,,,,,,
اوما انا ابى احط كوبري بروبرتو صدقتك ,,,,,,,,
السيل الى جاب الاهداف الهدف الاول جابه ابو ريان تدري كيف ؟؟؟

كانت ظربت مرمى لنا وجاء ابو ريان وقال لعبد السلام خلها انا ابشوت الكوره قال عبد السلام طيب ورجع ابو ريان كيلو ورى الكوره وجاك يمشي مليون وقال ( الله اكبر )
وعينك ما تشوف الا النور الكوره يا الله طلعناها من جول ريال مدريد ناشبه بالمقص ( ما شاء الله عليه ) ,,,,,,,,,

الهدف الثاني جابه ابو عبدالله
طريقة الهدف :
راح ابو عبدالله لكاسياس وقاله ابى اسجل قول قاله كاسياس بشرط قال ابو عبدالله اشرط قال كاسياس ابيك تزبطلى توقيع وانا ناقز صاد الكوره وافق ابو عبد الله وتم بحمد الله تسجيل الهدف الثاني .

تحياتي لنجوم المباراة <<<<<<<< دخل جو لدرجة انه صدق .

[دايم الشوق]

اول شي مشكوووور على الموضوع الجمييييل الاكثر من رايع <<<< طالع على اخوك بالمواضيع الجميله

وثاني شي متى ديفدز نقل لريال مدريد<<< تدقيق الدعوه

اما حقت كندااااري رفع الفنيله والاه حاط صورة الافغاني ومسكوه يحسبونه الاهابي هذي اقوى شيييي

واما سيف الملاعب صادق انا قاعد اناظره من اليوم وانا اكلم بالجوال يبي يحط كبري <<<<حركااااته ما يخليها لاتصدق يا سيف والله ما عندك ما عند جدتي خخخخخخخخخخخ

تحياتي,,,

[العقرب الخطير]

ههههههههههه

الله يرجك يا فهد

بس ابشرك صدت الضب ... والمباراة مدري وش سالفتها بس اذكر ان ((جوتي)) و((هيليقيرا)) ضببو معي وخفسنا الملعب تخفيس حنا والضب
وانا تضاربت مع الحكم الرابع وفزعوا معي ربعي ((جوتي وهليقييرا)) وشقينا اذنة وكتبنا على صلعتة :- ذكريات ابو خالد << انا.... وذكريات ابوجيكاندو << جوتي...وذكريات ابو عزيز<<< هيليقييرا

وسحبنا على المباراة ورحنا نتقهوى بالفياض

هذا اللي انا اذكرة

وشكرا اخوي فهد

[كنداري]

الله يطقع ذي الشرطه خذتني تحسبني ارهابي وانا ما سويت شي <<<<يرحم

بس قولي والله يا هو مهوب صاحي تصدقون انه دبل كوبري باثمنيات يا ناس

بس الله يقطع ذي الشرطه ماخلوني اتهنا بالمبارات خذوني على طول وابشركم اليوم اجرو جميع التحقيقات ودرو اني منيب ارهابي
اما يالعقرب ذكريات ابو خالد << انا.... وذكريات ابوجيكاندو << جوتي...وذكريات ابو عزيز<<< هيليقييرا ههههههههههه خبااااال

ومشكووووووووووووور يا فهد على الموضوع الاكثر من رائع والكاتب الاروع
وتسلم يمناك طال عمرك

تحياتي لك كندااااااري

[عبدالسلام]

انت ما تدري ان الاهداف الثلاثة سبب ابو ريان و المهاجر ابو ريان هو الي يقول لي انا انتضرك تاخذ التوقيع من دفدس بس المهاجر قال لا اقعد لا تروح الا بعد المبارة على كيفك الحين لا قال ابو ريان عشان خاطري يا المهاجر قال قال انت المسؤل قال ابو ريان اية ورحت وحا الهدف الاول وتهاوشو على دفاعهم وجا فتى ثهلان قال ميد ابو ريان ليتك ما خليتة يروح الحين تلخبطت الاوراق قال ابو ريان خلااص وانالسة مستلم توقيع دفدس اسمع دعاوي على من ابو ريان (جعلك الحمى جعلك الماااااااااااحي عجل المبارة مهمة ) وقلت انا خلاص طيب انا جاي ويوم جيت طبعا كانو متهاوشين المهاجر وابو ريان (يعني معد يبون بعض في المبارة) قامو العيبة الاجانب يسحبون وابو ريان يبي ينكب المهاجر شاتها فية وتصفق وجه المهاجر وتدخل هدف وانا اناضر الكورة والثاني دخل من غلطة دفاع (انا برا الخساااارة وبس وافضل لو ان الادارة تغير موقع لعبي من حارس الى لاعب وسط او هجوم اكيد افيدهم في خدماتي

[فـــــهـــــد]

السيل وكنداري وسيف الملاعب وأفلاطون والسامر وجدل وفتى الشعراء ودايم الشوق وولد الضويان

==================================================

مشكورين على التعليقات اللطيفه والحلوه ويالله نبي نشوف المواضيع الحلوه وأرجو إنكم كلكم تكتبون مواضيع مهوب ردود وبس....

================================================

خبر عاجل <<<<أعلن رئيس نادي مانشيستر يونايتيد الإنجليزي عن شراء اللاعب العقرب الخطير بمقابل 14 مليون دولار لإعجابه بهذا اللاعب ووافق رئيس نادي منتدى الشعراء الرياضي (أكييييييييييييييد أبو شعيل) على انتقاله إلى صفوف نادي مانشيستر ونتمنى له التوفيق ....:eek:

تحياتي...:D

[كنداري]

8
8
8
8
ترا ما نشيستر كانو يبوني بس انا ما بغيت اتخلا عن فريق منتدى الشعراء
<<<<وده يروح لمانشيستر منقهر من العقرب
ههههههههههههههههههههههههههه
وشكرا اخوي فهد على الاخبار اول بأول

[¼ إحــwـــاس ¾]

احسن شي ان الفريق المقـــابل

ما قدم اجتجاج ... لان النادي يلعب بـــ 12 لاعب
وانا اخبـــر المباريات يكون فيها 11 لاعب

[فـــــهـــــد]

كنداري>>>> العفو أما أخوي جدل شكرا على الملاحظه بس ترى المدرب الي كاتب التشكيله أكيد انه ما عنده سالفه

تحياتي...

[فارس تميم]

( المدرب الي كاتب التشكيله أكيد انه ما عنده سالفه )

ماعنده سالفه هاه
اقولك امسح ردك اللي فوق هالحين لاوريك الشغل
ولا والله العظيم اني ماخليك تلمس الكورة المباراة الجايه مع برشلونه لا انت ولا كنداري وامسكم حراس واقدم عبدالسلام
لااروح واجي الا انت معتذر وماسحه

[فـــــهـــــد]

^
^
^
ههههههههههههههههههههه المدرب فارس تميم أنا متهاوش معك وطلعتني برا الملعب ظلم ليــــه؟ اما تبي تقدم عبدالسلام بدالي على قولة المثل: "جنت على نفسها براقش "!!|3|


تحياتي...:)

[العقرب الخطير]

<<<< معد يكلمكم راح مانشستر

[نــواف]

اما جحدتي مظبوطه تراي امزح
ومشكور على الموضوع الحلو

[عبدالله..~]

مشكور مع اني دفاع بس والله مسكت رونالدو ماخليته يدخل الـ18 وراؤول عديت فيه وجبت كبري
وسجلت هدف بس انتم ما شفتوه ( عاش مصرف ) طرقة الهدف
ناولي الحارس ورحت وعديت براؤول ورونالدو وفيجو وزيدان وبيكهام وطب علي كارلوس صح اني خفت لاكن سحبت به ورحت لكاسياس قال تكفى خلني اصدها وانا قلت لا صدها بجهدك وجريت به والمرمى فاضي ويوم شتها ودخلت لقيت كل العالم طالعه من الملعب وما فيه الا انا اثر المباراة قظت وانا اعدي بالعالم|3|

[فـــــهـــــد]

العقرب الخطير <<<<<< لاتنسى ناي ثهلان سير علينا من إنجلترا إلى الشعراء (فرق)....

نواف <<<<<< لاتزعل تراك في دكة الإحتياط ولاتنسى فيه مباراة جاية مع برشلونه وإن شاء الله بتلعب يالله سخن من الحين وشكرا على مرورك....

فتى ثهلاان <<<<<< ههههههههههههههههههههه حلوة أهم شي الجمهور صفق لك شكرا على ردك....