" فرسان مكة يسقطون الهلال والقادسية تزيد من جراح الاهلــي "

[¼ إحــwـــاس ¾]

بسم الله الرحمن الرحيم ..

السلام عليكم ورحمة الله وبركااته .

مسااء الخير للجميع ..


فرسان مكة يسقطون الهلال

بجدارة واستحقاق فاز فريق الوحدة على ضيفه الهلال 3-2 في المباراة التي

جرت مساء أمس الخميس ضمن الجولة الخامسة من الدوري السعودي لكرة

القدم.

http://sports.naseej.com.sa/Images/123004_wehda.jpg

سجل للوحدة ديسلفا(39و85) وعدنان اللحياني(90) فيما سجل للهلال

عبدالله الجمعان(23) وتراوري(46).

بهذا الفوز يرتفع رصيد الوحدة إلى 9 نقاط ليحتل المركز الثالث مؤقتا في

حين تجمد رصيد الهلال عند 6 نقاط محتلا بها المركز السادس.


القادسية يزيد من جراح الأهلي

زاد فريق القادسية من أوجاع مضيفه الأهلي عندما أستطاع الخروج بنقطة

من المباراة التي جمعت بالفريقين مساء اليوم الخميس ضمن الجولة

الخامسة من دوري خادم الحرمين الشريفين.

http://sports.naseej.com.sa/Images/123003_ahli.jpg

تقدم الأهلي بهدف السبق عن طريق محمد شلية الذي عكس كرة حاول مدافع

القادسية تشتيتها لكنها تأخذ طريقها نحو المرمى كهدف أول في المباراة.

في الشوط الثاني وتحديدا في الدقائق الأولى أشهر الحكم المرداس البطاقة

الحمراء في وجه الكاميروني ألونجي لاعب الأهلي ليستغل فريق القادسية

النقص ليسجل هدف التعادل عن طريق البرازيلي ماركوس.

بعد هذا الهدف أشهر الحكم المرداس البطاقة الحمراء الثانية في المباراة

لمسجل هدف التعادل القدساوي البرازيلي ماركوس.

بعدما تساوت الكفيتن عاد فريق الأهلي لتسيد مجريات المباراة وحاول

مهاجموه في تسجيل هدف لكن يقظة مدافعي القادسية حالت دون ذلك حتى

أطلق الحكم صافرته معلنا نهاية المباراة بالتعادل والذي يعتبر بمثابة الخسارة

للفريق الأهلاوي الذي خسر حتى الآن 8 نقاط ..

تحياااتي للجميع ..

[السيل]

يعطيك العافية يا جدل على هذا النشاط... ومبروك للوحدة الفوز..

[دايم الشوق]

مشكووووووور ياجدل على التحليل ومبررررررررررررررروك للوحده الفوز وحظ اوفر للهلال

تحياتي,,,

[فـــــهـــــد]

مبروووووووووووووووك للوحده وبصراحه الهلال في تدني منذ بداية الموسم وما نقدر نقول الا هاردلك

وشكرا أخوي جدل على هذا التحليل الرائع وإلى الأمام سر....

[أفــلاطون]

ذكرتوني بالمدرسة

اذا منه انهزم الهلال اجي متأخر علشان مايضحكون علي بالطابور

واذا جيت متأخر تصير الحصة كد بدت ولا القى استقبال حافل

[ابوساره]

ما شاء الله مبسوطين الشباب لا وبعضكم يقول فوز الوحده مستحق

وفهد يقول الهلال في تدني ليش يا فهد الهلال بدى الدوري بثلاث تعادلات وفوز على وصيف الدوري الفائت الاهلى كيف يتدني مستواه وهو بعد تعادلات حقق فوز

بس عمر المهنا الله يهديه حطم المسيره الهلاليه التي لو لا ظلمه ما كان الفريق الهلالي مني بهزيمه حتي الان

وللاخوه الى يقولون فاز الوحده بجداره ويهنون بعض كأنهم وحداويين اليكم مقطع من البلنتي الظالم ليسكتكم:

http://www.yagaherhom.com/video/hw01.rm

وبالتوفيق للزعيم في المباريات القادمه .

[¼ إحــwـــاس ¾]

هلا والله بكل اللي ردو ..

واقول لسيف الملاعب ..

انا مدري النصر له بلنتييين في مباراة القادسيه ..
كسرة البيشي .. الواضحه والثانيه اللي بيد الهداف وقالو انها ثابته يله مهيب مشكله

ولا قلنا شي ...

وتتهموت ان النصر اي مباراة يحتج .. على الحكام ..

بس انا الى الان ما شفت اي واحد احتج على المهنا ..
وما اعتقد ان المهـــنا ضد الهـــلال ,, يا ما كان له وقفــات مع الهـــلال ..
ولكن سرعان ما تناسيتوها ,, واذا تبيني اجيبها لك .. انا مستـــعد ..

يكفـــي الايقـــاف اللي صدر بحقه .. عشان وقفته مع الهلال..
ولو كان لكم حق صدقوني بتاخذونه
الشـــقير مهوب مقـــصر معكم ..

[فـــــهـــــد]

يا أخوي سيف أنا ما أتكلم عن نقاط أتكلم عن مستوى أقول للمره الثانيه الهلال في مستوى متدني وأنت أكيد شفت لعبه في الدوري ما أتوقع لعب بطل دوري ولي العهد العام وبطل الدوري قبل العام وإذا كان معجبكم مستواكم بهذا الشكل شدوا حيلكم ....

تحياتي لك ســـــــــيف الملاعـــــب....

[ابوساره]

يا حليلك بس يا جدل

(((بس انا الى الان ما شفت اي واحد احتج على المهنا )))
اكيد منتب شايف احد لان لاعبيين الهلال يدرون ان البلنتي اذا احتسب ما فيه رجعه فيه ابد مهوب مثل الانديه الاخري احتجاجات وتهديد بالانسحاب ,,,,,,,,

بعدين اذا عمر المهنا معنا ليش يحسب علينا بلنتي ظالم وبعدين ترانا ما نسينا بلنتي الكاتو ,,,,,,,,

وتجيني وتقولى ان النصراويين ما احتجوا على البلنتيين الى ضد القادسيه انا اقولك ليش لان الرئيس المحترم عبد الرحمن بن سعود صرح وقال مهيب بلنتي لان الكوره هي الى ذهبت ليد اللاعب بعدين وش دخلنا في النصر حنا نتكلم عن البلنتي المحتسب على الهلال ظلما وما قلت رايك فيه .

وشكرا لك .

[¼ إحــwـــاس ¾]

طيب يا سيف ..

نفس مباراة بلنتي الكاتو ..

الشريده والجمعان .. كان يستحقون كرت احـــمر .. باعتـــراف رئيس اعضاء الشرف

هذلول بن عبدالعزيز ..

غـــير هدف فكتور .. اللي مهوب تســـلل ولا حسبه .. وطرد فكتور ..
وهدف سعد الشهــري اللي الغي بحجه التسلل وهي مهيب تســـلل

اخ سيف انا ما اتكلم عن بلنتيات تقدير الحكم يدخل فيها .. انا اتكلم عن اعتدائات واهداف ملغيه .. يعني البلنتي ممكن يجي وممكن لا .. بس هاذا هدف وجا ووالغي ظلم ..

يعني تقدير الحكم ما يدخل هل لمس اللاعب والا لا ...؟

[ابوساره]

تخرج اخوى جدل دائما عن الموضوع الرئيسي وهو بلنتي الوحده على الهلال

ارجو منك فقط توضيح وجهة نظرك تجاهه .

وشكرا

[¼ إحــwـــاس ¾]

انا بتقـــديري .. مثل بلنتي الاهلي اللي على النصــر .. يوم يطيح المشــعل

تقــدير من الحكم ..

بس في مباراة النصـــر احتسبهـــا من ورى خط النص .. هاذا المشكله لانه ما اظن ان عيونه عيون صقر عشان يشوف ..
بس بالمباراة هاذا اعتقد ان مكانه اقرب .. ويمكن يتخــذ قــرار نسبه الخطـــأ فيه اقل من بلنتي الاهـــلي .. المــثـــير للشك ..

وبعدين نفرض مثـــلا انه لم يحسب .. هل انت بتــفرح بالتعـــادل ..؟؟؟
هاذا واحد .. وهل بتضـــرك هالنقــطــه ..

طيب ولا يهمك .. اعتبر ان المباراة انتهـــت بالتعادل اخوي سيـــف .. وزود للهلال نقطه برصيده .. يعني هالحين عنده .. 7 نقـــاط .. وعليك الحســاب .. وبالتوفيق انشالله