اودي زيمه
19/09/2003, 05:30 PM
قصيده للشاعر سعد محمد اليحي(راعي قويعان)
ياسلام الله على اللي حضر بالمجتمع=عد ماهل المطر من مقاديم السحاب
الشباب اللي يشيلون والي يستمع=قلتها من خاطري والله اعلم بالصواب
ياهل النادي عسى حفلكم ماينقطع=حفلكم تشجيع للحاضرين وللغياب
يوم سميتوه باسم ذهلان اسمه نفع=يشهد التاريخ له عد مافل الكتاب
كل ديره باسم اهلها تضيق وتتسع=عزها من عز اهلها تصان عن الخراب
ياجبل ذهلان ياللي طويل مرتفع=علك الله من سحاب هني مابه عذاب
هل وبله من سحابه على الحزم ونفع=امتلت منه المحاجر وسالن الشعاب
سال منه شعيب تيما على الوادي دفع=حجر الماشين سيله ووقفوا بالجناب
ياجبل ذهلان ولعني الله بك ولع=كل ماقفيت عنك التفت لك لا تغاب
ياهني اللي على راس مزمومك طلع=ماتعوره الركب والقدم مابه عياب
مير ماقبلي شباب عقب شيبه رجع=والمناوي لو تمنيت ماجابن شباب
سامحوني كان زليت عن درب السنع=ادمحوا لي زلتي عند خاتمة الجواب
تحياتي للجميع
ياسلام الله على اللي حضر بالمجتمع=عد ماهل المطر من مقاديم السحاب
الشباب اللي يشيلون والي يستمع=قلتها من خاطري والله اعلم بالصواب
ياهل النادي عسى حفلكم ماينقطع=حفلكم تشجيع للحاضرين وللغياب
يوم سميتوه باسم ذهلان اسمه نفع=يشهد التاريخ له عد مافل الكتاب
كل ديره باسم اهلها تضيق وتتسع=عزها من عز اهلها تصان عن الخراب
ياجبل ذهلان ياللي طويل مرتفع=علك الله من سحاب هني مابه عذاب
هل وبله من سحابه على الحزم ونفع=امتلت منه المحاجر وسالن الشعاب
سال منه شعيب تيما على الوادي دفع=حجر الماشين سيله ووقفوا بالجناب
ياجبل ذهلان ولعني الله بك ولع=كل ماقفيت عنك التفت لك لا تغاب
ياهني اللي على راس مزمومك طلع=ماتعوره الركب والقدم مابه عياب
مير ماقبلي شباب عقب شيبه رجع=والمناوي لو تمنيت ماجابن شباب
سامحوني كان زليت عن درب السنع=ادمحوا لي زلتي عند خاتمة الجواب
تحياتي للجميع