مــــثل الذهــــــب !!

[فـــــهـــــد]

السلام عليكم ورحمة الله وبركاته هذي أول مشاركه لي في هذا القسم الشعبي ويالله نبي رايكم في هالقصيدة...

( مـــــثــل الذهــــب )

مثل الذهب مهما علا فوقه غبـار *** يبقى طوال الوقـت سلعـه ثمينــــه

مثل المطر مهما المطر سال مدرار *** لو غاب عام صاحوا الناس وينــــه

ومثل البحر غلطان من قال غـدار *** موجه تساوى لكل طيـر وسفينـــه

ومثل اشتياق الأم أنا أشتاق للـدار *** شوق العمى للشوف بصبي عينــــه

دار سكن فيها الأجداد تنـزار *** غصباً على اللي جاحداً في حنينــــه

دار الشرف والجود داراً للأخيـار *** مشاعري وإن جيت أعبـر دفينـه

للضيف فيها قدر وحقـوق للجـار *** محداً ينام ونفـس جـاره حزينـه

طبايع لأهل الجبل كبـار وصغـار *** شوق عليهـا كلـنـا خابريـنـه

أقولها ومهما الزمن جـار أو دار *** ثهلان مـع الأيـام يـزداد زينـه

تحياتي فـــــهـــــد!

[نـــد ثهلان يـــم]

فهد

يعطيك العافيه على رائعتك الجميله

وهذا يدل على حب الديار و مها بعدت الأ قدام عنها فان القلوب قريبه

وتعيش معها لحظة بلحظه

تحياتي لك وتقديري

[سعد العبود]

مثل المطر مهما المطر سال مدرار *** لو غاب عام صاحوا الناس وينــــه

جميلة ما سطرت أناملك يا فهد .............................

إبداع الاشتياق رسم صورة المحبة فأركمت على هذه القصيدة غيوم التميز .............

صح لسااانك ...............................

[فـــــهـــــد]

نـــد ثهلان يـــم>>>>> الله يعافيك وشكرا على مرورك
سعد العبود>>>>>>>> صح بدنك وشاكرين مرورك

ترى القصيده قريتها وأعجبتني وعدلت منها والحمدلله إنها أعجبتكم ويالله يالشعار عطونا رايكم فيها....

تحياتي فـــــهــــــد!

[ابووليد]

شكور اخوي فهد على هذا الموضوع الذي هوا جزء من موضيعك الجميله التي عودتنا عليها والله يخليك لنا

للضيف فيها قدر وحقـوق للجـار *** محداً ينام ونفـس جـاره حزينـه

طبايع لأهل الجبل كبـار وصغـار *** شوق عليهـا كلـنـا خابريـنـه

الله مااروع هذا البيت الذي يظهر شيمه من شي العرب وهي اكرام الضيف التي وصانا بها رسول الله صلى الله عليه وسلم

مثل المطر مهما المطر سال مدرار *** لو غاب عام صاحوا الناس وينــــه

مع ان المطر يعتبره العرب من احسن نعم الله الى انه يقدر عزيزه اكثر من المطر المدرار..



وصح الله لسانك يافهد ولسان قايله

بس ياليت تقولنا من قايل الابيات لانها جميله جداً

اخوك:ابووليد

[الصييفي]

أخوي فهد: قصيدة رائعة وتعديلك صاب الهدف ولن يضير صاحبها "إذا لم تكن لك" لأن ما فعلته زادها قيمة و لم تضع من قدرها.

و مثل اشتياق الام أنا اشتاق للدار @@ شوق العمى للشوف بصبي عينه

شوق ما بعده شوق ووله ما بعده وله.

تسلم يا فهد.

[فـــــهـــــد]

أبو وليد هلابك وييينك منزمان عن المواضيع وردودك اللطيفه يالله لاتبخل علينا بالقصايد وبالنسبة للشاعر اللي أعرف عنه إنه من أهل حايل وشمري وكتب القصيدة يمدح جبل بحايل وانا لطشتها وعدلتها وكتبتها....

خشم الرعن الله يسلمك وما قصرت وإن شاء الله مايزعل راعيهااا...


تحياتي فـــــــهــــــد!

[سعد الماضي]

تنقل كلام الشمري طير سنجار .. شهادتن سطرتها له ثمينة

يوم انت من صفوة هل العرف والكار..قلت السموحة والشعر لاطشينه

حنا على صدقك شهودن وحضّار .. وانته بري ويديك بالحق امينة