مـــسابقــة تنــسيف الـــذرعـــان (2)

[أم سعد]

الـــــسلامـ علــــيــكــم ...

مـــسابقة تنسيف الذرعـــان .. سبق وطرحناها في المنتدى قبل سنه ونص يمكن !!
نجحت نجاح كبير .. وشاركوا فيها أعـــضاء وعضوات مشاءالله ..
وفــازت فيها بنت الشيخ الله يذكرها بالخير ..

فبعد نجاحها رح نسويها مره ثانيه واتمنى يكون فيها تفاعل ..


:!rosita:

(( مـــسابقــة تنــسيف الـــذرعـــان 2 ))
كـل عضو ينسف عن ذرعانه ويصلح أي طبق يعجبه ويجيده ..حـلى/كيكه |567| /كبسه/مكرونه/سلطه/عصير... أي شي ان شاءالله بيض المهم نشوف مشاركاتكم تنور القسم ..
يصور الطبق الي صلحه بالخطوات كامله .. ومو مشكله اذا كانت صوره وحده الي هي النهائيه بس..ويرسله مع المقادير علي..
أي عضــو يدخل الموضوع لازم يشارك مالنا شغل >>غصب هي |245|..
لاجد ترى ماهي صعبه صلح اي شي والقط له صوره بالجوال وارسله..وانتم يالاعضاء مالكم حجه ترى هذا مشاءالله ابوربيع والعسكري كل يومين منزلين لنا شي .. بربسوا اي شي وشاركوا فيه المهم تشاركون ..
وان تصيعبتوها بالمره .. يا اخي كل يوم اهلك يصلحون حلى صوره وشارك فيه ..(المهم تشاركون)
اما خواتي الغاليات العضوات .. بصرااااحه منتوب مسموحين ابد .. لازززم كلكم تشاركون .. ياناس نبي نشوف مشاركات نسائيه بالقسم والله ما اشوف الا ابوربيع والعسكري هم الي مشاءالله يشاركون .. والبنات ياخزيااااه مانشوف لهم مشاركات نهااائي .. لذالك نبيكم تعوضونا في المسابقه :)..
ونفس الكلام .. يعني مستحيل يمر على الاقل اسبوع ماصلحتوا حلى والمسابقه بتستمر اكثر من اسبوع.. خلوا عنكم التعجيز و ورونا سنعكم ..
الفائز بالمسابقه رح يحصل على وسام تحت اسمه .. والوسام مقدم من رئيسنا سعــد الي بصراحه نشكره على جهوده وتشجيعه وكرمه مع الجميع ..يعطيك العافيه ابو محمد |364|

شـــروط المسابقه :
- نستقبل الاطباق من اليوم لــيوم الجمعه 9/11 بعدها رح ننزل الاطباق عشان التصويت ..يعني المسابقه بدت من اليوم الثلاثاء .. تنتهي الجمعه.. فمعكم عشرة ايام ..
- رح يكون هناك سريه تامه بالنسبه لصاحب الطبق بحيث نطرحها للتصويت ويكون التصويت بناء على شكل الطبق مو عشان صاحبه .. لذالك لحد يكتب اسمه على الطبق .. واذا حبيتوا تكتبون (منتديات الشعراء) يكون احسن ..
- مثل ماقلنا المسابقه تضم اطباق من صعنكم .. أو من صنع اهلكم >>هذي للشباب .. يعني ماتجيبونها من منتدى ثاني او من قوقل .. لان هدفنا من المسابقه تشجيع المواضيع الي من انشاء اعضائنا ومحاربة المنقول ..


واخـــيراً...
نـــبي نشوووووف مشاركات الجمـــيع .. اعضاء و عضوات ..
وننتظــر تنسيفكم لذرعانكم واطباقكم الي متأكده انها بتبيض الــوجه .. |300|

[سمى]

جروووح .. ما شـاء اللـه تبــارك اللـه .. اللـه لا يضـرك .. مشتطــه بكـل الأقســام ,,

ومواضيعـك دائمــأ مميــزه @..@ ,,

وصراحــه مسابقـه ما عليهــا كــلام .. وان شـاء اللـه كـل من دخــل بيشــارك ,,

\\

ياللــه ما ودي أطول عليـك @..@ ,,

واللـه يجــزاك خيــر .. ما قصرتــي علـى اجتهــادك .. :) ,,

[الكيف]

هلآ جروح ..

والله مسابقة ناجحه ومهيب صآحيه البته ..

انا كنت بشارك بالنسخه الاولى بس للأسف .. داهمتني الاختبآرات ..

وان شاء الله اشارك المره هذي .. بس عندي سؤال !

متى تصيرين ما تستقبلين الطبخآت ..؟؟

بص ..

وشاكرين لك ادهارك ..

[أبوهتون]

وعليكم السلام ورحمة الله وبركاته

لك كــل الشكـــر أختي الفاضلــه جــــروح الوقـــت على مجهـــــودك الــواضــح والملـمـــــوس للجميـــع

فــي مــــوضوع هــذه المســـابقـــه وبـــاقي الــمواضيــع الأخــــرى

بالتــــوفيـــق للجميـــــــع

دمــــــتي أخــــــتي برعـــــاية الله وتوفيقـــــــه

أخوك إبراهيم اليحيى ( العسكري )

[غلا نجد]

موضوع حلو جروح الوقت بس الله يعين أهل الاعضاء بيحوسون المطابخ خخخخخخخ


مشكووووره دائما متميزه

[عبدالعزيز الربيع]

جروح الوقت


مواضيع مالها حل


متميزة بجميع ما تحمل الكلمة من معنى


ما تقصرين والله اتمنى من جميع الاعضاء واولهم انا انا نقتدي فيك وبنشاطك المنقطع النظير



مشكورة اختي



المهم ما اطول عليكم <<<< قاعد يرفع الصور

[سعد]

وعليكم السلام ورحمة الله وبركاته

أختِ الفاضلة

جروح الوقت

وتُجددي الإطلالة مرهـ أخرى بموضوع شيق أخذتِ على عاتقك متابعتهُ وإنهاء أجراءات التصويت وفرز الفائز من الأعضاء .


أتمنى من الجميع المشاركة والتفاعل لِيُحالفُنا النجاح .


دمتِ بحفظ الرحمن ورعايته

[عـــروبــه]

هلا جروح عساك على القوه

إن شاء الله إن كاني نبزت سويتلكم مكرونه تهبل >>>سبحان الله جميع الرفل يجدون طبخه المكرونه


مشكوره

[أم سعد]

هــلااااا فيكم جميعاً :) ..
و
حــياااااكــــم الله ..



سمــى ..
تسلمين ياعمري على المشاركه ..
وانتظر مشاركتك بالطبق ..



الــكيــف ..
عادي نستقبل الاطباق كل ذا الاسبوع وتحديدا للجمعه مش الي بكرى لاااا الجايه 9/11..
وماعندنا مشكله ننتظرك لين تصلح الطبق الي بتشارك فيه ..
ويعطيك العافيه ..


العســكري ..
مشكور اخــوي .. ماقصرت ..
بس ما قلت لنا بتشارك في المسابقه ولا لا!!؟؟
عالعموم ننتظر مشاركتك ..


غــلا نــجد ..
هلااافيك اختي ..
عادي خلهم يحوسون على اهلهم .. بعد يحمدون ربهم نعطي عيالهم دورات في الطبخ >>الله يخلف كان انتي الي بتعطينهم ..
ونفس الكلااااااام .. انتظر مشاركتك عالخاص ..


أبوربيع ..
بصراااااحه انا الي اشكرك على تفاعلك وكونك اول عضو شارك بالمسابقه ..
والطبق مشاءالله |364|
يعطيك العافيه ...


ســعـــد ..
حي الله .. الرئيس ..
والله يعطيك العافيه .. ويجزاك خير على التشجيع والدعم ..
وبصراحه تواجدك في المسابقه ومتابعتك شرف لنا ..
كـل الشكر لك ..



عـــروبه ..
اهــلين اختـــي ..
ان شاءالله انك منتيب رفلا :) ..
وأنتظر طبقك سواء مكرونه او غيرها ..
وان شاءالله تفوزين ..

[وديزيمه]

مشكور اختي جروح ماقصرتي عساك على القوه بس عندي سوال لما اصور الطبق ارسله لمين ؟؟
ولا احط الصوره في الموضوع اذا في الموضوع اكيد بيطلع اسم الي مسوي الطبق
افيديني افادك الله

[أم سعد]

^ ^ ^


هـــلاا وغـلا ..
حياك الله وديزيمه ..
الطبق اذا صورتيه ارسليه لي انا مع الطريقه .. ورح انزله بأذن الله في المرحله الثانيه من المسابقه عشان التصويت ..

[أم سعد]

ام محمد ..

اشوف اسمك من بين المتواجدين من كم يوم ..
وراه يكافي لها الدرجه مواضيعي ماتستاهل مجرد رد !! حتى لو بكلمه ..


والله توقعت لك انتي بالذات حضور قوي خصوصا وانك راعية سنع مشاءالله وخاصه في المطبخ ولا موضوع المطبخ على مين !!

عالعموم

انتظر مشاركتك في الموضوع ..


ومشاركة جميع الاخوات الي تواجدوا في الموضوع

[بنت سعد]

مشكوررررررررررره جروح هذي المواضيع اللي تفتح النفس

تبث روح النشاط في المنتدى<<<<<تبيلها تركيزخخخخخخ

وشكراااااااااااااااااااااااااااااااا

[أم سعد]

^
^
^

حي الله بنت سعد ...

ومشكوره على المشاركه ..
وعاد نبي المشاركه الفعليه .. المشاركه بالطبق ..

انتظرك ..

[عبدالعزيز الربيع]

سلام عليكم


وش علوم المسابقة




متى نبدى التصويت يا جروح

[أم سعد]

^
^
والله المفروض امس ..
حت كتبت الموضوع وخلاص حطيت صور الاطباق لكن لما عرضت الموضوع للمشاهده طلع واحد من الاطباق اكسات شكل فيه مشكله في الموقع الي حمل منه ..
عالعموم ارسلت لصاحب الطبق يحمله من جديد وماقصر ..
ان شاءالله الليه تنزل الاطباق ..


ويعطيك العافيه على المتابعه والاهتمام ..

[بنت الشيخ]

اصبروا اصبروا اصبروا


كان قلتوا لي يمكن ابي ادافع عن لقبي واشارك للمره الثانيه


يعني لو ما اجتماع خريم كان مادريت عن الماسبقة :(


يالله بالتوفيق للجميع


يعطيك العافيه ياجروح الوقت على هالنشاطات الحلوه



سؤال خات : بتاخذون توقيعي ولا بتخلونه لي >>>> كسرت خاطر روحي وانا اسأل

[أم سعد]

يعني لو ما اجتماع خريم كان مادريت عن الماسبقة :(

يكاااااافي يعني مادخلتي المنتدى الا عشان الاجتماع ؟؟؟

مير الله يبارك بذا الاجتماع الي خلانا نشوفك بالمنتدى ...



يعطيك العافيه ياجروح الوقت على هالنشاطات الحلوه

الله يعافيك ... وياليت لو نشوفك بالمنتدى على طول .. وربي منوره ..



سؤال خات : بتاخذون توقيعي ولا بتخلونه لي >>>> كسرت خاطر روحي وانا اسأل
لو بحلف انك ما دخلتي المسابقه ولارديتي الا عشان الوسام :p ..
الا ياعمري بناخذه بعد الي بياخذ وسام لازم يجلس معنا بالمنتدى ويسمتر مهوب ياخذ وسامنا ويناحش >>>والله لو انك صانعته :p ..


لاجد ماعندي خبر .. الخبر عند ابو محمد لانه هو راعي المسابقه والي يدعمنا الله يعافيه ..

بنت الشيخ يالطماعه ما سدك سنه مدري سنتين معك الوسام بعد ريضه |44|


حياك الله ياعمري وان بغيتي تشاركين اجلنا عشانك انتي تامرين امر ..

[الكيف]

واله يا انا اكبر مهايطي !!

متهيض بالمسابقة ومدري ايش وآخرتها ما شاركت |44| ..

عـالعموم المدزبلة ان شاء الله بنشارك ..

شـوكرن ..

[أم سعد]

الـــكيف ...

والله انتظرت طبقك لين اخر يوم بس ماجا شي .. شكلك لاهي بأجتماع شويه..
عاد لو انك طالب منا ننتظر كم يوم عشان تشارك اجلنا ..
وترى انا قايله في اول المسابقه اذا كنت بتشارك انتظرناك ..


عالعموم ..
ماقصرت يكفي متابعتك وتواجدك بالموضوع ..
وان شاءالله تشارك في المسابقه الجايه >>هذا اذا صار فيه مسابقه :)

حياك الله اخوي ..

[أم سعد]

اتمنى اذا كان فيه مشرف على هذا القسم ان يلغي تثبيت الموضوع ايل له سنه مثبت ..

[أم سعد]

^
^

لاااااااااااا حياة لمن تنادي ..


مدري هل بيجي يوم ونشوف مشرف على هذا القسم ؟؟!!


ام انه حلــم .؟

[عبدالعزيز الربيع]

اتوقع انه ابعد من الحلم

لانهم اذا حطوا مشرف يتعلقون فيه بشكل حتى لو هو ما يدخل مدري ليه

[أم سعد]

^
^
شـــي واضح والدليل شف تاريخ ردك وتاريخ اليوم وللحين الموضوع مثبت

عن جد شي مخجل مسابقه منتهيه من سنة جدي وللحين مثبته .. المشكله لو المرحله الثالثه اعلان الفائز هي المثبته اشوى لكن المرحله الاولى مشكله ..