المساعد الشخصي الرقمي

مشاهدة النسخة كاملة : |--*¨®¨*--|أبوربيع ضيفنا في كرسي الاعتراف|--*¨®¨*--|


أم سعد
24/12/2008, 04:54 AM
.... الـــسلااااام علــــيــــكم ....

عــودة كرسي الاعتراف من جديد .. وذالك بتنسيق وجهود من مشرف القسم الفاضل ..سري للغايه ..(الله يعافيه)

وقد تمت استضافة :
1-مـــديرنا سـعـد بأستضافة اختنا منحاشه ...
2- ابو شوق وكان بأستضافة اختنا منحاشه ...
3- مـــشرفــنا الـــقديـــر كــــنداري بأستضافتي ...
4- مـــنــحاشـــه بأستضافتــــي ...
5- مـــشرفنا فارس القادسيه بأستضافة اخـــونا الـــفزعــه ...
6- مـــشرفنـــا النــشيط الــــفزعه بأستضافة اخــتنا مـــخربــه ..
7- مـــشرفنا فيصل الصمصام بأستضافتــــي ...
8- مشرفنا سري للغاية بأستضافتي..
9- مشرفتنا شعراويه بإستضآفة الـفزعـه ..
10- مشرفنا الكيف بأستضافة مشرف القسم سري للغايــه ..
11- مشرفتنا ام محمد بأستضافتي ..
12- مشرفنا المميز العسكري بأستضافتي ..
http://www.w6w.net/album/35/w6w200504131346006b16fab97.gif

وها هو كرسي الاعتراف يستقبل عضو مميز من اعضاء المنتدى ..
وها نحن نعود إليكم من جديد ... مع مميز جديد ..

لنستضيف عضو لـــه جهود كبيره وبصمه واضحه في منتدى الشعراء ..
مـــبدع في جـــميع اقســام المنتدى بلا استثناء ..
ولكــنه .. أبــــدع بشــكل ملحوظ في ســعـــة الصــدر بمايقدمه من مواضيع رائــعه ..
و أبــــدع بشــكل خيـــالي في قسم الطبخ بما يقدمــه من اطباق ممـــيزه ..


فنتــشرف كما يتشرف كرسي الاعتــراف بتواجد الــمشرف الفاضل

( عبدالعزيز الــربيع)

أخ قريبـ إلى الــجميع.. بـأخلاقه الطيبه... بـحضوره المقنع وسعة صدره .. بـطيبته المميزه واحترامه للجميع .. وبـ العديد من صفاته الجميله بين إخوانه...
لـــه شعبيه واضحــه محبوب من جميع الاعضاء .. حتى ان له جمهور من خارج المنتدى ..(كما يقول أحد الاعضاء)

تمــيز بخــفة دم عـــاليه جداً ووخـــيال واسع سواء في مواضيعه او ردوده ..
حــتى انك قد تقع من الكرسي ضاحكاً بمجرد تخيلك قوقــل رجل :) ومن شياب الشعراء :) ...
جـــدي في وقتــ الجد .. مــرح في وقت المرح وسعة الصدر ..




لــن اطيل الحديث عن هــذه الشخصيه ولكن سأدع المجال لاقلامكم ..
لتسطرون ماتريدون سواء اسـئله او شكــر لهذا المميــز ..


http://www.w6w.net/album/35/w6w200504131346006b16fab97.gif

سري للغاية
24/12/2008, 05:28 AM
ابوربيع .. العاده اللي على كرسي يآمر وينهى .. لكن كرسي الاعتراف اللي يقعد عليه يآكل تبن |44| << يسمع بالمقدمه ..

<< لالا الصدز عاد لاتتميصل وخلك رجال .. ايه بعدي ابوي ..

واحد

اثنين

آكشن

تبطي كلمآت الشكر والثنآء والترييش آن توفي مكآنك يآ مهووي آنت << يبي يقول ينعقد لساني وتضيع الكلمات لشكرك , بس مسوي اسلوب ثاني |44|

الموهيم بس مآنبي نريش لان الرجال اللي يمدحك في وجهك تدري انه ينتفك في ظهرك << ياشين اللي مالقا شي يقوله وبيسوي حكمه

ابوربيع عندي اسئله ودي آكوكسها هنا ..

\

س / كم عمرك .. وفي اي سمستر الحين ؟ ووشو تخصصك ؟ << مصري ثلاثه بواحد

س / وش رآيك بالمنتدى هاليومين ؟ ( وجه لاوي زقمه )

س / مآهو طموحك بعد الطرآسه ..؟ يعني وش الشغل اللي مهتويه لاتخرجت بامتياز ان شاء الله ؟

س / الغالب لهم ميول رياضيه .. فأنت اذا ماتشجع اقل شي بيكون عندك ميول لفريق .. فمآ هو ..؟ ( يمنع بالاجابه ذكر النادي الاسطوري ثهلان |44| )

س / ابوربيع كلمة ولو جبر خآطر |44| قصدي كلمه توجهها للعرآبجه اللي طآيحين بزرف المواضيع واتلاها ولد الزيآدي ..

/

آبوربيع .. آسئلتي لا تنم إلا عن حآلة وآحدن ( متطروخ ) يدور الفراش مير شاف هالموضوع وحلف يرد << المرآجل مشكله ..

وعسآك ع القوه يابوي ..

ويعطيتس الف عافيه جروح الوقت ومسآهمتتس بنشآط المنتدى ومآقصرتي "

* مثبت ..

ملاعب الصيد
24/12/2008, 12:54 PM
سلام عليكم اختي جروح اشكرك استضافتك لابو ربيع

س1ـ مهو شعورك وانت بالاشراف

س2ـ لو اجبرتك الظروف انك تترك المنتدى لمين تهدى مشاركاتك

سـ3ـ الاسم ــ والعمر ـ والعائلة


وبس

الزين كله
24/12/2008, 01:41 PM
مشكوووووووووووووره اختي جروح الوقت

1 كم عمرك
2 وشو الموقوف الي ماتنساه
3متى بكيت وليه
4 وشي عايلتك

أم سعد
24/12/2008, 02:50 PM
حــياكم الله جميعاً ..
وشاكره لكم تواجـــدكم وتفاعــلكم الرائع مع الموضوع .. ربي يعطيك العــافيه ..


ابوربيع ..
حياك الله ..
وهذي اسـئلتي .. جاوب على الي يعجبك منها واترك الي مايعجبك ..

- استمريت عضوه في المنتدى اكثر من سنه وزود وفجئه طلع عضو اسمه ابوربيع مع انك منتسب قبلي .. وينك ذيك الفتره عن المنتدى ..؟؟
- بكل صراحه وش رايك بتواجد العنصر النسائي بالمنتدى ..وهل تمانع من تواجد احد قريباتك عضوه معنا ..؟؟
- وش استفدت من منتدى الشعراء ..؟؟ و وش اكثر شي اعجبك فيه ..؟؟
- لك شعبيه واضحه في المنتدى من زمان ومشاءالله عليك محبوب بشكل كبير من الاعضاء حتى اني اقول ليت الاعضاء يحبوني :) كثر ابوربيع ..تتوقع ايش السبب؟؟...وهل تتوقع فيه احد يكرهك او مايحبك من الاعضاء؟؟
- اصـــعب موقف مرعليك بالمنتدى ..>>هوشه.. او احد فهمك غلط او العكس ..؟؟
- من من المشرفين والاداريين تشوف انه قايم بواجبه على اكمل وجه ويستحق منصبه ..؟؟
- من..؟؟من الاعضاء ترك المنتدى وتحسفت على طلعته وتتمنى رجعته..؟؟ ومن الاعضاء الي ترك المنتدى وفرحت بطلعته ووتمنى عدم رجعته >>طبعا لك الحريه في ترك الاجابه ..
- لاحظت من خلال المنتدى اختلاف كبير بينك وبين اخوك ابوسيوف ..هل هذا الاختلاف في شخصياتكم في الحياه..؟؟
- مشاءالله عليك لاحظنا عليك انك ملتزم او ان صح التعبير مطوع (الله يثبتك ولايضرك) هل نشئت في عائله ملتزمه او انك التزمت فجئه ..؟؟ اذا كان فجئه متى وايش السبب الي أثر فيك ..؟؟ >>برضو لك الحريه في ترك الاجابه..
- هل مريت بمرحلة انك تشيل دروسك بسجاده والا تربطها بحزام وليه العيال دايم الاحظ يسون هذي الحركه ليه ما يشيلون دروسهم زي الناس بشنطه؟؟ >>هذا السؤال كان ودي اسئله سري للغايه |44|
- اذا ضاقت عليك الارض بما رحبت .. لمن تلجأ بعد الله ؟؟ ومن هو الشخص الوحيده الي تشكي له ؟؟

هــذي اســئلتي على سريع .. ولـــي عوده ان ذكرت شي ..

عبدالعزيز الربيع
24/12/2008, 11:34 PM
جروح الوقت

الله يجزاك خير على هالاستضافة

ولي الشرف اكون ضيف خفيف على كرسي الاعتراف

فنتــشرف كما يتشرف كرسي الاعتــراف بتواجد الــمشرف الفاضل

( عبدالعزيز الــربيع)


الله يجزاك خير يا جروح على الاطراء

الله يرفع مقدارك قولي امين


حتى ان له جمهور من خارج المنتدى ..(كما يقول أحد الاعضاء)


صحيح اختي جروح ولا بعد لي جمهور من خارج المملكة |44| <<<< كف قوي



بمجرد تخيلك قوقــل رجل :) ومن شياب الشعراء :) ...


ههههههههههههههههههههههههه

والله يا اني حللت قوقل تحليل تهقونه ياخذ من حسناتي ؟؟!




جروح تسعدني جدا هذي الاستضافة

ويسعدني اكثر انها جت منك , اخت عزيزة واحترمها




وحبيت اضيف شي


اني صراحة من النوع الي اطلع كل شي في الجواب يعني اجاوب الاسئلة من قلب يعني الله يعينكم على طول الاجوبة



وما قصرتي اختي جروح

عبدالعزيز الربيع
24/12/2008, 11:53 PM
ابوربيع .. العاده اللي على كرسي يآمر وينهى .. لكن كرسي الاعتراف اللي يقعد عليه يآكل تبن |44| << يسمع بالمقدمه ..
الله يستر , من اولها يا سري |44|



تبطي كلمآت الشكر والثنآء والترييش آن توفي مكآنك يآ مهووي آنت
ههههههههههههههههه

اعجبني الاسلوب صراحة



بسم الله الرحمن الرحيم

س / كم عمرك .. وفي اي سمستر الحين ؟ ووشو تخصصك ؟ << مصري ثلاثه بواحد
بتناسبني انت ؟؟ |44| <<<<< كف


عمري : 22 سنة

السيميستر : والله مدري اي سيميستر لكن الحين لي اربع سنين في الجامعة

التخصص : هندسة ميكانيكية , ميكانيكال انجنيرانق , او زي ما يسمونها هندسة الحيل




س / وش رآيك بالمنتدى هاليومين ؟ ( وجه لاوي زقمه )


وراه كنه مهوب عاجبك

والله المنتدى الحين حليو يعني احسن من قبل

هو المنتدى وشلون ماشي


بعد رحلة خريم يكون في احسن احواله وتبدا الاحوال في الهبوط ال ما عاد يبقى على خريم الا شهر في هذي الفترة تزين الاحوال ويدخلون العالم يبون يشوفون الاعلان وهكذا

لكن بشكل عام المنتدى ممتاز في نظري


س / مآهو طموحك بعد الطرآسه ..؟ يعني وش الشغل اللي مهتويه لاتخرجت بامتياز ان شاء الله ؟والله احتمال اكمل دراستي براا اذا الله وفق واراد



س / الغالب لهم ميول رياضيه .. فأنت اذا ماتشجع اقل شي بيكون عندك ميول لفريق .. فمآ هو ..؟ ( يمنع بالاجابه ذكر النادي الاسطوري ثهلان |44| )
لا ثهلان خلاص عقب ما كسرنا لمباتهم انا وفيصل كرهت الفريق كله


والله شف انا واحد اذا شفت لقطة من مباراة يوجعني بطني وتجيني حومة كبد مهيب طبيعية واحس اني ودي ابكي <<< حالته صعبة

والله يا انا اكرة المباريات كره ابليس

بس طبعا احب العب كورة لكن اكره الي يهتم بفريقه مرة يهتم باخبار اللاعبين وش اخبار اللاعب الفلاني اليوم كم مرة دخل الحمام تروش باي شامبوا ومدري ايش

الشي اذا زاد عن حده انقلب ضده

لكن من كثر ما عاشرت فتى نجد ومن كثر ما اشفق عليه

صرت اذا قالوا ان النصر فاز استانس
طبعا استانس علشان فتى نجد

لان اذا خسر النصر يقعد اسبوع ما يكلمني مدري وش دخلني انا



زبدة الجواب


افرح اذا فاز النصر




س / ابوربيع كلمة ولو جبر خآطر |44| قصدي كلمه توجهها للعرآبجه اللي طآيحين بزرف المواضيع واتلاها ولد الزيآدي ..


هههههههههههههه

ياخي مشكلة العصر هذولا

الي يكتب موضوع من نفسه افضل عندي من الف موضوع منقول

وياخي اذا ما تقدر تكتب خلاص لا تنقل وتبلشنا

وبالنسبة لموضوع الزيادي صحيح اي ضحكت عليه والموضوع حلو مرة لكن يبقى منقول وليس من ابداعك الشخصي






سري للغاية مشكور على الاسئلة وما قصرت

واتمنى عودتك

عبدالعزيز الربيع
25/12/2008, 12:02 AM
وعليكم السلام اخوي نصراوي وافتخر



س1ـ مهو شعورك وانت بالاشراف


والله ما ادري شعور عادي ما تغري شي اللهم اذا زهقت رحت اتفرج على المنتدى الاداري <<< بيقهرهم


والله شف اخوي الاشراف تكليف

يعني مهوب الواحد يستانس اذا صار اسمه ازرق بالعكس يصير دخوله المنتدى اكثر ويراقب منتداه بشكل اكبر

يعني الاشراف زيادة شغل




س2ـ لو اجبرتك الظروف انك تترك المنتدى لمين تهدى مشاركاتك


الله لا يجيب اليوم الي اترك فيه المنتدى

لكن لو تركته ما راح اهدي مشاركاتي لحد ابخليها لي <<< نذل




سـ3ـ الاسم ــ والعمر ـ والعائلة


الاسم : عبد العزيز عبدالله عبد العزيز السيف

العمر : 22 سنة

العايلة : الغامدي |44|

السيف شفها مكتوبة فوق







مشكور اخوي على المرور وانتظر عودتك

عبدالعزيز الربيع
25/12/2008, 12:07 AM
هلا اختي الزين كله



كم عمرك


22 سنة فقط




وشو الموقوف الي ماتنساه


يوم امي تقومني من النوم يوم الجمعة وتقولي جدك يطلبك الحل والسبت علي اختبار نهائي رياضيات





متى بكيت وليه

يمكن قبل شهر

تذكرت واحد عزيز مرة ( الله يرحمه )




وشي عايلتك


الشهراني |44| <<< كف

السيف يا اختي

هذي ثالث مرة اكتبها





الزين كله مشكورة على المرور وانتظر عودتك

شايل جروحه بروحه
25/12/2008, 12:15 AM
هلا اخوي المهندس ابو ربيع <<<كيف خقيت

لو قالولك تمنى ثلاث اشياء وش وليه ؟
لو جالك ولد ان شاء الله وش بتعلمه اي لغه اول شيء ؟
لو انتقلت شهر عن الشرقيه هل تشتاقلها ؟
هل مريت بعلاقه عاطفيه؟
وش تتمنى منصب حكومي ؟
الي يعجبك جاوبها انا دخلت الموضوع ومافي راسي اي سوال
بس ما ودي اطلع ولا اسئل لذا كتبت اي شيء

عبدالعزيز الربيع
25/12/2008, 01:03 AM
هلا اختي جروح

ابشرك كل الاسئلة عجبتني |44|


بسم الله



- استمريت عضوه في المنتدى اكثر من سنه وزود وفجئه طلع عضو اسمه ابوربيع مع انك منتسب قبلي .. وينك ذيك الفتره عن المنتدى ..؟؟


والله انا كنت في المنتدى من زمان

لكن صارت لي مشكلة مع الادارة السابقة ومع كم مشرف و سمجت الدعوة وطلعت

وجيت بعد رحلة خريم (الي قبل سنتين يمكن ) دخلت اشوف الصور واعجبني وضع المنتدى ذيك الفترة وقررت اكمل

والحمد لله الوضع الى الان تمام

لكن اذا زعلتوني علطول ابطلع <<< انقلع ابرك





- بكل صراحه وش رايك بتواجد العنصر النسائي بالمنتدى ..وهل تمانع من تواجد احد قريباتك عضوه معنا ..؟؟


العنصر النسائي في المنتديات بشكل عام هو سبب نجاح المنتدى

قولوا ليش


من وجهة نظر شخصية انا احس ان المراة عموما اكثر اخلاص في العمل من الرجل

يعني المرة اذا وكلت لها مهمة تخلص فيها وتتمها على اكمل وجه اما الرجل ( طبعا مهب كلهم ) يتهاون بالعمل ولا ينجزه بالشكل المطلوب ولا بالوقت المطلوب


فبالنسبة للمنتديات

المرة تشتغل صح تحط مواضيع وتفنن بالمواضيع ولو كانت مشرفة تمسك قسمها صح وتزينه وترتبه



ولكن


مما ياسفني

ان المراة في منتدى الشعراء ما تطول تلقاها من افضل الاعضاء ومن اكثرهم تميزا وفجاه تقول فمان الله

لييييه طيب

طبعا لكل شخص ظروفه

لكن هذي ملاحظها بكثرة في منتدى الشعراء



وبالنسبة للجزء الثاني للسؤال

لا امانع من تواجد احد قريباتي في المنتدى بالعكس بل واشجع على ذلك

لان منتدى الشعراء منتدى محافظ ومن شانه انه يحافظ على اخلاق الاعضاء بعدم نشر المواضيع الهدامة , ويثقف الاعضاء بعرض مواضيع الاخبار والمعلومات

بعكس اغلب المنتديات


والان قلما تجد فتاة لا تدخل المنتديات

فاذا كان

فمنتدى الشعراء ولا غيره





- وش استفدت من منتدى الشعراء ..؟؟ و وش اكثر شي اعجبك فيه ..؟؟


سوال كثير ما يتردد في بالي بالفترة الاخيرة

وطلعت بجواب اني استفت وجود اعضاء احبهم ويحبوني واقدرهم واحترمهم وبيادلوني نفس الشعور


اكثر شي اعجبني في منتدى الشعراء

الادارة المخلصة والمتفانية





لك شعبيه واضحه في المنتدى من زمان ومشاءالله عليك محبوب بشكل كبير من الاعضاء حتى اني اقول ليت الاعضاء يحبوني :) كثر ابوربيع ..تتوقع ايش السبب؟؟...وهل تتوقع فيه احد يكرهك او مايحبك من الاعضاء؟؟

ههههههه

احلى سؤال

قعدت اقراة خمس طعش مرة |44|


والله بالنسبة للجزء الاول من السؤال ما اتوقع انه موجه لي ,هذا السؤال موجه للاعضاء

اما بالنسبة للجزء الثاني

ما اقدر اجزم الصراحة لكن موجود , ما ادري هم قبل او الان لكن موجود




- اصـــعب موقف مرعليك بالمنتدى ..>>هوشه.. او احد فهمك غلط او العكس ..؟؟

سبب طلعتي من المنتدى في المرة الاول


يوم صرت مشرف سعة الصدر في الفترة القديمة وجتني مضايقات وانتقادات كوني اصغر مشرف في ذيك الفترة

مع اني كنت في ثالث ثانوي

وكتبوا عني مواضيع كلها سب في سب ( طبعا هم ناس من المنتدى ولكن مسجلين باسماء مستعاره جديدة )

ما ادري ليه الصراحة يعني الي يشوفني ماسك ادارة منتدى الساحات على غفلة علشان كل هالمضايقات

والمشكلة صار فيه ناس من الجماعة يكرهوني وهم حتى ما شافوني

فقلت الله لا يعيد هالشراف هو لكم . وطلعت من المنتدى




- من من المشرفين والاداريين تشوف انه قايم بواجبه على اكمل وجه ويستحق منصبه ..؟؟


ابو هتون وام محمد




- من..؟؟من الاعضاء ترك المنتدى وتحسفت على طلعته وتتمنى رجعته..؟؟ ومن الاعضاء الي ترك المنتدى وفرحت بطلعته ووتمنى عدم رجعته >>طبعا لك الحريه في ترك الاجابه ..


الاعضاء الي طلعوا وتحسفت عليهم

انتي , لكن الحمد لله رجعتي , صحيح انك غبتي سنة وشوي لكن الحمد لله انك رجعتي

ام محمد , والحمد لله رجعت


اما العضو الي ترك المنتدى وفرحت




صراحة العضو هو


شاهين


اخوي شاهين من الاعضاء المميزين

لكن الله يهديه عنده اعتقادات غريبة

والمصيبة انه يملك قدرة على الاقناع


فاذا اجتمعوا الصفتين هذي راح ياثر بكثير من الاعضاء






- لاحظت من خلال المنتدى اختلاف كبير بينك وبين اخوك ابوسيوف ..هل هذا الاختلاف في شخصياتكم في الحياه..؟؟


صراحة ما فهمت وش تقصدين

يعني وش الاختلاف الي بينا في المنتدى ؟؟

بس اعتقد ان فيه اختلاف كبير بين شخصيتي وشخصيه ابو سيوف






- مشاءالله عليك لاحظنا عليك انك ملتزم او ان صح التعبير مطوع (الله يثبتك ولايضرك) هل نشئت في عائله ملتزمه او انك التزمت فجئه ..؟؟ اذا كان فجئه متى وايش السبب الي أثر فيك ..؟؟ >>برضو لك الحريه في ترك الاجابه..

الله يجزاك خير


والله الصراحة نشات في عائلة محافظة ولله الحمد

يعني الاغاني ذي مانعرفها ابد ابد

يعني يوم اختلطت بالمجتمع الخارجي كنت استغرب ان فيه ناس يسمعون اغاني <<< بريء


ولكن بالاندماج بالمجتمع يبدا الواحد يضعف


لكن بعد دخولي للجامعة تعرفت على صحبة طيبة الحمد لله وكان لهم اثر كبير في التزامي حتى اني شعرت بسعادة كبيرة ذيك الايام

ولكن الانسان انسان اذ تركتهم فتره احس اني ارجع لورااا


فالصحبة الطيبة هذي الايام هي طريق الالتزام



- هل مريت بمرحلة انك تشيل دروسك بسجاده والا تربطها بحزام وليه العيال دايم الاحظ يسون هذي الحركه ليه ما يشيلون دروسهم زي الناس بشنطه؟؟ >>هذا السؤال كان ودي اسئله سري للغايه |44|


هههههههههه


لا الحمد لله ما مريت بهالحالة ابد

اصلا انا كنت استغرب وشلون يجون ودروسهم بسجادة ولا حزام

كتبي واجد ما يكفيها حزا م ولا سجادة مدري هم وشلون يختصرون كتبهم ولا ما يجيبونها ولا تلقينه جامع ام المواد كلها بدفتر واحد





- اذا ضاقت عليك الارض بما رحبت .. لمن تلجأ بعد الله ؟؟ ومن هو الشخص الوحيده الي تشكي له ؟؟

ااااه

الصراحة انا تجيني فترات ودي انفجر

يعني يكون صدري ضايق مرة مرة

ودي ابكي علشان ارتاح بس ما اقدر , خانقتني العبرة بس ما تطلع

ودي افضفض لاحد بس ما اقدر

ولا ودي افضفض لامي لاني ادري انها بيضيق صدرها علي

وانا ما احب اضيق صدر احد

فاضطر الى اني اكتم الي فيني







مشكورة جروح على الاسئلة واذا تذكرتي شي الموضوع موضوعك خوذي راحتك

عبدالعزيز الربيع
25/12/2008, 01:36 AM
هلا والله اخوي شايل



هلا اخوي المهندس ابو ربيع <<<كيف خقيت


اوففففف شوي خقيت |44|




لو قالولك تمنى ثلاث اشياء وش وليه ؟


1- اصير وزير التعليم ( علشان اشوف حل للفوضى الي عندنا , واعيد تاسيس منهجية التعليم الفاشلة التي تعتمد على الحشو بدل التفكير والابداع )


2- اتمنى اذا قالوا في الاخبار ان الميزانية هالسنة تسجل اكبر فائض في تاريخ المملكة , اننا نحس بهالفائض مهوب بس نسمع فيه ولا نعرف وش هو


3 - ان تنجلي كربة اهل غزة الله ينصرهم , حيث سجلوا ان افقر عوائل على وجه الارض هي عوائل غزة







لو جالك ولد ان شاء الله وش بتعلمه اي لغه اول شيء ؟


تبي الصراحة انا محتار ابدا بالاوردو اول ولا الملايالم |44|

ولكن بما اني ديموقراطي ابترك له حرية الاختيار |44|







لو انتقلت شهر عن الشرقيه هل تشتاقلها ؟


اي شهر يا شيخ


اسبوعين وتبدى العبرة تخنقني |44|







هل مريت بعلاقه عاطفيه؟

لا والحمد لله


لان الحب قبل الزواج بغير نية الزواج اعتبره انحراف ولعب ببنات واعراض الناس

اما لو كان الحب قبل الزواج بنية الزواج فهو ايضا شي غير مقبول لانه من المعروف ان الممنوع مرغوب ومتى حصلت على هذا الممنوع فانك تمل منه بسرعة

يعني اكثر الي يحبون بعض قبل الزواج اذا تزوجوا تكثر بينهم المشاكل



اما الحب بعد الزواج هو اقوى وارسى حب




وش تتمنى منصب حكومي ؟


ان شاء الله ما راح اكون موظف حكومي

ولو غصبوني اخترت وزير ولا ملك |44|






شايل جروحه بروحه

مشكور اخوي على الرد وما قصرت

الزين كله
25/12/2008, 08:30 PM
بااااااااك <<<اصلاً انتي قلتي برب قلطه وجه

شكلك تقول وش تبي ذي موب سألت

بس ماعليه تحملني شوي

ليييييييييييه ماحطيت الجزء الثاني من راي بكم عضو ........؟!


ولي باك اذا تذكرت شي

اذا كان مافي مانع

عبدالعزيز الربيع
25/12/2008, 08:40 PM
هلا والله اختي الزين كله حياك الله في اي وقت



ليييييييييييه ماحطيت الجزء الثاني من راي بكم عضو ........؟!


والله انا قاعد اشتغل عليه في مخي |44|

الحين اختبارات وقلق

ان شاء الله بعد الاختبارات



وحياك الله

الزين كله
25/12/2008, 11:46 PM
كل شوي تأجل مره بعد العيد والحين بعد الختبارات وبعد الختبارات بعد 10 سنين قولوا ماقالت الزين كله

عبدالعزيز الربيع
26/12/2008, 12:34 AM
^
^
^
لا عاد مهوب لهالدرجة 10 سنين |44|

يمكن 9 سنين صح تجي لكن 10 احس انها واجد <<< لا عاد تحس

فيصل الصمصام
26/12/2008, 02:02 AM
هلا عبدالعزيز اخبارك شكلك ماطلعت اليوم من البيت


س1_ وش رايك في لعبة ترافيان ؟


س2_ لو خيروك بلد غير السعوديه تسكن فيه وش تختار ؟ بدون اسباب وشرح


س3_ اخوك سيف حي ؟


والله ما اعتقد عندي اسئله ثانيه لأني منيب جاهلك .. اذا لقيت شي جيت

عبدالعزيز الربيع
26/12/2008, 03:36 AM
هلا والله فيصل



س1_ وش رايك في لعبة ترافيان ؟



لعبة سخيفة ومضيعة للوقت

بس تبي الصراحة تفك ازمة |44|





س2_ لو خيروك بلد غير السعوديه تسكن فيه وش تختار ؟ بدون اسباب وشرح


الحين اقول لك اذا غبت عن الشرقية اسبوعين خنقتني العبرة تبيني اطلع من السعودية

بس لو قالوا فترة مؤقته

اخترت كندا





س3_ اخوك سيف حي ؟


ايه نعم , الحمد لله


واذا ذكرت شي تعال هنيا

عبدالله بن سيف
26/12/2008, 04:21 AM
سلا م عليكم

ابو ريع انا ماعندي الا سؤ ال واحد

متى بتجي الشعراء؟؟؟؟؟؟؟؟؟
واذا كنت بتجي جر فيصل مع اذنه وجبه

سعد
27/12/2008, 11:19 PM
وعليكم السلام ورحمة الله وبركاته

أختِ الفاضلة

جروح الوقت

إطلالة جديدهـ مع شخصية من أبرز الشخصيات بالمنتدى

شخص عاصر المنتدى منذ بدايته ذو حضور جميل وخفة ظل واضحة للجميع .

شهادتي في عبدالعزيز الربيع تُعتبر مجروحة .

وأترك للغير الإشادة بأبو ربيع .


يجول بالخاطر بعض الأسئلة وأتمنى أن تكون مقبولة للضيف الكريم .


1) تحديد عضو مُجتهد وتعتقد أنه لم يأخذ فرصته بالمنتدى ...؟

2) سياسة إدارة المنتدى تقوم على مساحة كبيرة من الحُرية ... هل تعتقد إنها سياسة ناجحة أم تحتاج إلى بعض التعديل ...؟

3) هل تعتقد أن إقفال التسجيل حالياً بالمنتدى يعتبرضد أو مع مصلحة المنتدى ...؟

4) تحديد أسم مُعين تجد فيه المقدرة على إكمال المشوار في حال تنحي سعد عن إدارة المنتدى ...!!

5) رائيك وبكل شفافية عن حضور وتواجد الأعضاءحالياً بمنتدى الشعراء ..؟

6) ماهو التعديل أو القرارالذي تتمنى أن تتخذهـ لِيخدم المنتدى ...!!


للجميع دمتم بألف خير وعافية من الله

وديزيمه
28/12/2008, 01:28 PM
السلام عليـكم ورحمهـ الله وبركـاتهـ

اولا:مشكورهـ اختي ع الموضوع.

ثانيـأ:هلاا اخوي انا بصراحه عندي كم سؤاال :على مين طالع خفيف دم..؟!!

وهل اخوك ابو سيوف خفيف دم مثلكـ..؟!!


واذا تذكرت شي لي بأأأكـ

بررب

شعراويه
29/12/2008, 02:10 AM
السلام عليكم



كيفكم والله اني اشتقت لكم ياهل المنتدى




مشكوووره اختي الغاليه جرووح على المووضوووع الرااائع


واستضاافتك اخونا ابوربيع


فعلا يستحق المكوووث على هذا الكرسي <<< متعوب على هل الجمله






اخويا ابوربيع اخبارك ايه


سؤالاتي


1_ مواليد عام كم <<< بتغير عن كم عمرك

2_ ممكن توصف لنا علاقة مع اخونا العزيز الصمصااام

3_ متى بتتخرج ؟؟؟؟




واخيرا ومبروووووك الاشرااااف


|44|

وديزيمه
29/12/2008, 04:57 AM
بأأأأأأأأاكـ


محتاج لك مبلغ لظرف طاري تتسلف من اي الاعضاء ؟؟

كنت في عماره وطلعت السطح ،،، لقيت الاعضاء كلهم يطلوون على اسفل ،، من تدفع منهم ؟؟ >>> نذااااااااااله|44|

غرق المنتدى ومعك قارب مايشيل الا ثلاثه من تاخذ معك ؟؟

عضوين او ثلاثه بالمنتدى تحسهم يقربون لبعض ؟؟

عضو يقطع قلبك من الضحك ...ودك تتعرف عليه ؟؟

كنت في برنامج من سيربح المليون وتبي تتصل بصديق ...من تختار من الاعضاء؟؟

بتروح رحله بريه من تاخذ معاك ؟؟

عندك مشكله ...منهو من الاعضاء ممكن يشارك همك ؟؟

عضو ودك تطلب منه طلب ؟؟وشو هو هذا الطلب ؟؟


اتمنى ان اسئالتي كانت خفيف وحلوهـ

صوت المطر
30/12/2008, 01:22 AM
السلام عليكم..

بسم الله الرحمن الرحيم..



في البدايه احب اشكر جروح الوقت على الاستضافه واهنيها في المنتدىواهني المنتدى فيها عضوه فعااله في جميع اقسام المنتدى وجهد ملحووظ يعطيك الف عافيه جوجو,,

بصراحه انا الضاهر اول من دخل الموضوع بس ماكنت ابي اسألك عن اي شي الا لين اخذ خلفيه عن سموك الكريم|44|

*ماشاء الله جاوبت على كل الاسئله شكلك كذا في الاختبارات|44|>>اجل انتي الله يخلف

عاد ذي اسئلتي حل السهل واذا لقيت شي تسايد ارجع له اذا خلصت من السهل>>امممي تتحدث|44|

الموهيم تحمل المصاله والبثاره اوتسيه|44|

ــــــــــــــــــــــــــــــــــــــــــــــــــــ

اسئله العرق الشعراوي>>حب الخبر<<|44|

1\وش عائلتك|44|>>تبي كف

2\كم عددكم في البيت؟؟

3\سبب تسميتك باابو ربيع؟ وهل هي بالفتحه ام الشده؟

4\وش سيارتك؟

5\وش جوالك؟

6\على حبك للخيوول عسىآ عندك خيل؟
ــــــــــــــــــــــــــــــــــــــــــــــــــــــــــــــــــــــ ــــــــــــــــــــــ



اكمل الفراغات:

1\خمسه اعضاء تحبهم ــــــــــــ وـــــــــــــــ و ــــــــــــــــــ و ـــــــــــــــــ و ـــــــــــــــــــــــ

2\معاك ثلاث ورود لمين تهديهم ـــــــــــــ وـــــــــــــ و ـــــــــــــــــــ

3\امنيه وووحده تبيهااا تتحقق ــــــــــــــــ

4\عضوو تحس انه على نيااته ـــــــــــــــ

ــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــ

exblain|44|

1\هل انت مع او ضد سواقه المرأه؟

2\لو فتحو المجال لدخول الحريم الملاعب بتخلي خواتك او احد قريباتك يروحون؟

3\اذا كانت ترافيان اهدار للوقت فماذا تقوول عن البليااردو؟|44|

4\لو بتصير يوم واحد بنت وش اول شي بتسويه؟

5\رائيك بشكل عام عن الاحداث الحاصله في غزه؟

ــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــ


هذي كل اسئلتي ان شاء الله تجاوب عليها وتاخذ الفول ماارك|44|

أم سعد
30/12/2008, 04:16 AM
حــياك الله اخوي ابوربيع ..
وماقصرت على تواجدك واجابتك على الاسئله بشكل كامل ..
والله يعينك على الاسئله الي جتك ..
بس جاوب اول بأول عشان ماتتراكم عليك الواجبات :) .. اقصد الاجوبه ..


ســعــد ..
حياك الله والله يعافيك على تواجدك ..

وديزيمه ..
العفو .. وربي يعطيك الف عافيه ..

شــعراويه ..
هلااابك نورتي الموضوع والقسم بطلتك ..

صوت المطر..
اشــكرك على ذوقك .. واطرائك .. ماقصرتي يابعدهم ..

واشكــــر كل من تواجد في الموضوع او طرح سؤال ..


>>>ماحبيت اطلع من غير لا اشكــرهم..
ومايحتج احط اسئله الله يعينك على الموجودهـ ..والله يسهل عليك >>شكل عندك اختبارات هالفتره ..


يعطيكم العافيه جيمعاً :) ..

سمى
30/12/2008, 10:33 AM
وعليكم السـلام ورحمـة اللـه وبركاتـه ,’


هلا جـروح .. اللـه يعافيـك ويجـزاك خيـر على مواصلـة مجهـودك فـي ( كرسي الاعتـراف ) ,’

وأحسـنتـي الإختيـار .. بإستضـافتـك للأخ عبدالعزيـز الربيـع ,’


لنستضيف عضو لـــه جهود كبيره وبصمه واضحه في منتدى الشعراء ..
مـــبدع في جـــميع اقســام المنتدى بلا استثناء ..
ولكــنه .. أبــــدع بشــكل ملحوظ في ســعـــة الصــدر بمايقدمه من مواضيع رائــعه ..
و أبــــدع بشــكل خيـــالي في قسم الطبخ بما يقدمــه من اطباق ممـــيزه ..



أخ قريبـ إلى الــجميع.. بـأخلاقه الطيبه... بـحضوره المقنع وسعة صدره .. بـطيبته المميزه واحترامه للجميع .. وبـ العديد من صفاته الجميله بين إخوانه...
لـــه شعبيه واضحــه محبوب من جميع الاعضاء .. حتى ان له جمهور من خارج المنتدى ..(كما يقول أحد الاعضاء)

تمــيز بخــفة دم عـــاليه جداً ووخـــيال واسع سواء في مواضيعه او ردوده ..

أنـا أشهـد :p ,’


||



مـا ودي أزيـد فـي الكـلام .. وأطـول السالفـه وهـي قصيـره :p ,’

بـس عنـدي كـم سـؤال .. وهـذي هـي :


سـ 1 ] ما هـي نقطـة ضعفـك ؟ّ!

سـ 2 ] فـي لحظـات الحـزن العميـق كيـف تتغلـب علـى حـزنـك ؟ّ!

سـ 3 ] دمعـه سقطـت مـن عينـك مـن كـان سببهـا ؟ّ!

سـ 4 ] مـا هـو هـدفـك وطمـوحـك والـذي تـرجـي أن لا تقـابـل اللـه إلا وهـو محقق ؟ّ!

سـ 5 ] مـوقـف أثـر فيـك .. وآخــر أسعـدك ؟ّ!

سـ 6 ] أي مواضيعــك أحـب إلـى قلبـك ؟ّ!

سـ 7 ] ما هـي طبيـعة المـواضيـع التـي تعجبـك ؟ّ!

سـ 8 ] أفضـل مـوضـوع قرأتـه فـي منـتدى الشعـراء طـوال فتـرة انتسـابـك ؟ّ!

سـ 9 ] إختـر ثـلاث أعضـاء .. واكتـب سلبيـات و إيجابيـات و مثـير كـل منهـم ؟ّ!


//


وأخيـراً .. أشكـر لـك رحابـة صـدرك > :p ,’

وآسفـه علـى علـى الإطالـه وكثـرة الأسئلـه .. وأكيــد لـك الحريـه فـي تـرك الأسئلـه اللـي ما جازلـت لـك :p ,,

ولـي عـوده بإذن اللـه بأسئلـه ثانيـه > :p ,.

السهران
30/12/2008, 12:59 PM
السلام عليكم مشكوره ياجروح الوقت على الاستضافه وعز الله انك اخترتي الشخصيه الموفقه
والله ياابو ربيع ماعندي اسئله الاعضاء الله يهديهم ماخلوا شي|44| بس ماحبيت ادخل بدون مااسلم عليكم والله اني مبطن عنكم

ماصار
31/12/2008, 01:18 AM
مشكورة اختي جروح الوقت والله مبطين عنكم والله يابو ربيع ماعندي الاسؤال واحد يصلحلك انا خابرك رجال تحب الخيول لو خيروك بين حصان وفرس وش بتختار او وش تحب اكثر الفرس ولا الحصان هذا اللي عندي

أبوهتون
31/12/2008, 10:38 PM
وعليكم السلام ورحمة الله وبركاته

أشكــــــرك أخــــــتي الفـــاضلـــه جــــــــروح الــوقــــت علـــــى نشــــــاطك الملحـــــــوظ

فـــــي جميـــــــع أقســــــــام المنتــــــدى وعلـــــى نشــــاطك الــــواضــــح فــــــي هـــــذا القســــــــــــــم وعلــــــى إستضــــافتــــك

لأخــــون العـــزيز ومشـــــرفنـــــا الفـــاضــل والغــالــــــي علــــــــى

قلــــوبنـــــا أبــوربـيــــــــــــــــــــــــــــــــــــــــــع فــي ( كـــــرســــي الإعـتــــراف )

ومـــاعـنـــــــدي أســـــــئلــه لأخـــوي أبوربيـــــع جميـــــــــع الأخــــــوان والأخـــــــوات ماقصــــــروا بالأسئــــله

ولـو عـنـــــدي أســــئلـــه راح تكــــــــون مشــــابهـــــــــــه لنفــــــــــس الأسئـــله

وأخيـــرا أشكــــــرك أخـــــي عبـــدالعـــــزيز علــــى طيبــــــة قلبـــــك وسعــــــة صـــــــدرك اللـــتي

تتمتــــــــــــــع بهـــــا وجميـــــــع الأخــــــوان والأخـــــــوات يشهـــــــدون علــــى كـــلامـــي

أتمنـــــــى لـك التـــوفيــــــــــــــق فــــي الإشــــــــــراف

دمـــــــــــت أخــــــــــي برعــــــــــاية الله وتوفيقـــــــــــــــــــــــــه

أخوك إبراهيم اليحيى ( العسكري )

عبدالعزيز الربيع
31/12/2008, 10:52 PM
السلام عليكم ورحة الله وبركاته


اعتذررررررر من جد على السحبة الاليمة

زي ما قالت اختي جروح

والله اختبارات الدنيا


تصدقون اجل حول 8 اختبارات في اسبوع واحد بس تصدقون ولا لا ؟! <<<< قولوا لا عطوه جوه

والله حتى منهن 3 في يوم واحد

لا وبعد باقيلي 3 توني ما خلصت <<< انجز

وواحد يوم الخميس

مير الله يصبرنا بس


فيه احد |44| <<<< يحسبه الشات



المهم

وش ذا بعد انتم والله يا اسالتكم اجمد من اختباراتنا


بس لا والله انكم ونستوني يوم شفت الي ردوا واجد حسيت ان فيه ناس تدخل المنتدى والله ما قصرتوا خلوكم كذا علطول <<< وش يبي ذا




المهم ياله جا دور الاجوبه



نشوفكم الرد الجاي |44|

عبدالعزيز الربيع
31/12/2008, 10:56 PM
وعليكم السلام

هلا والله اخوي عبد الله بن سيف وش اخبارك يا خوي




متى بتجي الشعراء؟؟؟؟؟؟؟؟؟
واذا كنت بتجي جر فيصل مع اذنه وجبه


هههههههههههههه

والله ما ادري يا خوي لكن ابشر ان جيبت مالك الا من يجر فيصل مع اذنه وان ما طاع يجي قصيت لك اذنه وجبتها لك <<< يا مجرم

مشكور على السؤال

ولو اني احسبك بتسالني عن وقت النزل للسمن والقمري لكن ياله حصل خير <<<< اقول توقع بس

عبدالعزيز الربيع
31/12/2008, 11:26 PM
هلا والله ابو محمد يالله ان تحيه


ما قصرت على الاطراء يا مال العافية


وبالنسبة للاسئلة يا ابو محمد بما انها جميعها تصب في مصلحة المنتدى فبيكون جوابي عنها صريح ومفصل

آمل انك تتحملني |44|

) تحديد عضو مُجتهد وتعتقد أنه لم يأخذ فرصته بالمنتدى ...؟

والله يا ابو محمد ما اقدر اقولك ان كل الاعضاء ماخذين حقهم


بس حاليا فكرت ما لقيت احد

بس احيانا

واعتقد ان الكل يوافقني

يكون فيه اعضاء مجتهدين ويكتبون مواضيع ومدهرين لكن بعد فتره نلاحظ انه غاب ولا صار زي اول


والسبب يكون واضح للكل

انه ما وجد تشجيع او تحفيز من المشرفين والادارة

والتشجيع يكون( باوسمة) اوكتابة عبارة خاصة تحت اسمه او وضعه في لوحة الشرف التي في اعلى صفحة المنتدى الي لها تقريبا 6 شهور وهي قريبا |44|


على سبيل المثلا يا ابو محمد لا للحصر :

عندك اخوي ( الخيل عشقي ) مشاء الله مدره في المنتدى ويخدم جميع الاقسام بلا استثناء , اعتقد انه ما اخذ حقه .





) سياسة إدارة المنتدى تقوم على مساحة كبيرة من الحُرية ... هل تعتقد إنها سياسة ناجحة أم تحتاج إلى بعض التعديل ...؟


بالنظر لاعمار المنتسبين للمنتدى فاتوقع من وجهة نظري انها تحتاج للتعديل من فترة لاخرى




) هل تعتقد أن إقفال التسجيل حالياً بالمنتدى يعتبرضد أو مع مصلحة المنتدى ...؟

والله توني ادري ان التسجيل مقفل

ولو اني داري كان ما يردني الا الاقتراحات والشكاوي |44|

يعني ابضرب لك مثال يا ابو محمد


هل تذكر جواب اختي ام محمد لما سالها واحد من الاعضاء كيف جيتي المنتدى ؟

جاوبت عن طريق البحث ( يعني بالصدفة)

تخيل لو كان التسجيل مقفل يوم شافت ام محمد المنتدى

كنا راح نخسر ام محمد

لكن الحمد لله انه كان مفتوح وقتها


والله العالم كم خسرنا من ام محمد في تقفيل التسجيل في الفترة الحالية

هذا تعبير مجازي يا ام محمد واني اعلم انه لا يضاهي احد كفاءتك في جميع المنتديات





) تحديد أسم مُعين تجد فيه المقدرة على إكمال المشوار في حال تنحي سعد عن إدارة المنتدى ...!!

والله يا ابو محمد فكرت كثير وبما اني وعدتك اول الرد بالصراحة فاقول لك

انه مافييييييييه ولا احد يستطيع يشغل مكان ابو محمد

وغلطان من يظن ان هناك من يستطيع

غلطان غلطان

ما اقول الا الله يصبرك ويجعل تعبك في ميزان حسناتك امين




) رائيك وبكل شفافية عن حضور وتواجد الأعضاءحالياً بمنتدى الشعراء ..؟


والله مقبول نوعا ما


ولكن يحتاج للتطوير

والتطوير هذا ما يقتصر على احد

يكون من الرئيس الى اصغر عصو فينا



) ماهو التعديل أو القرارالذي تتمنى أن تتخذهـ لِيخدم المنتدى ...!!

ان تتغير لوحة التميز في اعلى المنتدى بمعدل شهري





ما قصرت يا ابو محمد على الاسئلة واتمنى اني جاوبت عليها بالشكل الي يخدم المنتدى واعذرني على صراحتي



شكرا

عبدالعزيز الربيع
31/12/2008, 11:32 PM
هلا والله اختي وديزيمه وغلا يالله ان تحيها



على مين طالع خفيف دم..؟!!


|44|

ما ادري والله يمكن خالي




وهل اخوك ابو سيوف خفيف دم مثلكـ..؟!!


برضو
|44|

والله الا سيوف خفيف دم بس على ثقل شوي

يعني ما يفلها مع اي احد

يعني يشوف اذا الرجال يسوى ولا لا <<<< حركات يا ابو سيوف
|44|





وياهلا والله اختي ومتى ما لقيتي سؤال انا اجاوب برسم الخدمة

عبدالعزيز الربيع
31/12/2008, 11:39 PM
هلا والله اختي شعراوية

يا مرحبا والله

تو ما تفقعت عيوني <<< من الاقتراحات الي راح ترسل لسعد انه يلغي اللون الفسفوري |44|




اخويا ابوربيع اخبارك ايه

والله بخير يا مال الخير



_ مواليد عام كم <<< بتغير عن كم عمرك


22 سنة <<< بيختصر عليك المشوار والحساب

والله ان مواليد 1407 هجري ميلادي اعتقد 1987





_ ممكن توصف لنا علاقة مع اخونا العزيز الصمصااام

والله ما فهمت السوال لكن اعتقد انك تقولين ممكن تاصف لنا علاقتك مع فيصل صح ؟؟


اذا كذا


وش اقول بس


فيصل اعز انسان عندي

اخوي الي ما جابته امي

اعزه هالادمي يا ناس

اذا ابطيت ما كلمته تجيني حكة في المفاصل


هذا اقصر وصف للعلاقة الي بينا




_ متى بتتخرج ؟؟؟؟



عام 2010 ميلادي الله المستعان بس



والله يبارك فيك يا رب



حياك الله اختي شعراوية واذا تذكرتي شي الله الله

عبدالعزيز الربيع
31/12/2008, 11:40 PM
برب


بكمل الاجوبة بعدين

عبدالعزيز الربيع
01/01/2009, 01:46 AM
هلا والله اختي وديزيمه


محتاج لك مبلغ لظرف طاري تتسلف من اي الاعضاء ؟؟

ابو سيوف , فيصل الصمصام




كنت في عماره وطلعت السطح ،،، لقيت الاعضاء كلهم يطلوون على اسفل ،، من تدفع منهم ؟؟ >>> نذااااااااااله|44|


اهم شي العدل وعلشان ما احد يزعل ابدفهم كلهم مرة وحدة <<<< فاهم العدل خطا



غرق المنتدى ومعك قارب مايشيل الا ثلاثه من تاخذ معك ؟؟

ما راح اركب القارب لين انقذ جميع الغرقى <<< رح ارقد بس




عضوين او ثلاثه بالمنتدى تحسهم يقربون لبعض ؟؟

بيني وبينك ) و ) حنين الاماكن




عضو يقطع قلبك من الضحك ...ودك تتعرف عليه ؟؟

سري للغاية



كنت في برنامج من سيربح المليون وتبي تتصل بصديق ...من تختار من الاعضاء؟؟

على حسب السؤال

يعني لو السؤال رياضي مثلا لو اتصل على اي عضو راح يجيب الجواب من تحت الارض




بتروح رحله بريه من تاخذ معاك ؟؟

اكيد كل الاعضاء




عندك مشكله ...منهو من الاعضاء ممكن يشارك همك ؟؟

احب احتفظ بهمي لنفسي



عضو ودك تطلب منه طلب ؟؟وشو هو هذا الطلب ؟؟

شعراوية

ما تكتب باللون الفسفوري لانه خر على الاعضاء |44|





اتمنى ان اسئالتي كانت خفيف وحلوهـ

الا يا زينها والله


ما قصرتي يا اختي

عبدالعزيز الربيع
01/01/2009, 02:13 AM
هلا والله اختي صوت المطر يا هلا ومرحبا



بصراحه انا الضاهر اول من دخل الموضوع بس ماكنت ابي اسألك عن اي شي الا لين اخذ خلفيه عن سموك الكريم|44|


تحرجيني كذا |44|

وعسى صار عندك خلفيه عن سموي الكريم |44| <<<< انقلع برااا



*ماشاء الله جاوبت على كل الاسئله شكلك كذا في الاختبارات|44|>>اجل انتي الله يخلف

ليتني كذا في الاختبارات الله يخلف بس




\وش عائلتك|44|>>تبي كف


والله شكل عايلتي بيتبرون مني من كثر ما كتبت اسمها في ذا الموضوع |44|

انا عبد العزيز السيف <<< وش المطلوب ؟؟!




\كم عددكم في البيت؟؟


حنا الحين 8 مع امي وابوي الله يحفظنا جميع وجميع المسلمين





\سبب تسميتك باابو ربيع؟ وهل هي بالفتحه ام الشده؟

هي بالشدة

والسالفة اصبري شوي انسخها لك من موضوع قديم لي




هي وش قصتها


ان جد ابوي الله يرحمه جاه ولدين

واول معروفين اهل الشعراء العيارة تلصق في الواحد لين يموت سواء كانت زينة او شينة

فقرر جدي انه يعطي عياله القاب تلصق فيهم ولا تجيهم عيارات شينة ولا شي شين

فسمى ولده الكبير محمد ولقبه (ربيع)<<< زي عصير الربيع

وسمى ولده الصغير الي هو جدي عبد العزيز الله يرحمه ولفبه (ربيع ) تصغير


وركب اللقب


فصاروا يسموننا عيال الربيع (بالشدة)








\وش سيارتك؟


اف جي كروزر ( اسود )





\وش جوالك؟

نفيقيتر نوكيا برضو اسود




\على حبك للخيوول عسىآ عندك خيل؟

لا والله ما عندي

لاني ما نيب افضى واجد




والله كل الاعضاء احبهم واقدرهم لكن ما دامك حددتي ابذكر الي طروا على بالي

\خمسه اعضاء تحبهم ــــــفيصل الصمصام ــــــ وــــــــجروح الوقت ـــــــ و ـــــــــسمى 9ـــــــــ و ـــــــــام محمدــــــــ و ـــــــــــابو هتون ــــــــــــ




\معاك ثلاث ورود لمين تهديهم ــــــسعد على صبره ـــــــ وــــــالخيل عشقي على تميزه ـــــــ و ـــــــــام محمد بمناسبة عودتها لنا ــــــــــ




\امنيه وووحده تبيهااا تتحقق ـــــــالله ينصر اهل غزة ـــــــــ





\عضوو تحس انه على نيااته ــــــــ ما فيه ـــــــ






\هل انت مع او ضد سواقه المرأه؟


والله الصراحة في الوقت الحالي انا ضد سواقة المراة

لان الشعب وبالاخص الشباب للاسف غير مثقف وغير واعي

لما يتم تثقيف الشباب هذاك الوقت انا مع سواقة المراة


يعني مثلا الحين في الجامعة حريم الدكاترة حقينا يسوقون وهم سعودين

لان الي ساكنين في الجامعة اغلبهم مثقفين ودكاترة فما راح احد يتعرض لهم بخطر




\لو فتحو المجال لدخول الحريم الملاعب بتخلي خواتك او احد قريباتك يروحون؟



والله الي ما طرت

عساي اروح انا

بس الحمد لله خواتي ما يشجعون ولا يحبون الكورة وهذا من فضل ربي





3\اذا كانت ترافيان اهدار للوقت فماذا تقوول عن البليااردو؟|44|

البلياردو صارت لعبة مغازل





\لو بتصير يوم واحد بنت وش اول شي بتسويه؟

ابروح السوق

ابشوف المرة وش تحس به اذا راحت السوق تقعد اربع ساعات ما عندها اي مشكلة



\رائيك بشكل عام عن الاحداث الحاصله في غزه؟



الله ينصرهم امييييين

المشكلة اني متابع اخبارهم من قبل الضربة بشهر


لا حول ولا قوة الا بالله

والله احيانا تخنقني العبرة

اخواننا يذبحوت ويقتلون حنا ناكل ونشرب وننام

والمشكلة توقف عند الاشارة وجنبك واحد مشغل الاغاني على اعلى شي ما يحس ذا


الله ينصرهم

مالنا غير الدعاء





هذي كل اسئلتي ان شاء الله تجاوب عليها وتاخذ الفول ماارك

هاه بشري كم جبت |44|

عبدالعزيز الربيع
01/01/2009, 02:14 AM
هلا والله اختي جروح


ومايحتج احط اسئله الله يعينك على الموجودهـ ..والله يسهل عليك >>شكل عندك اختبارات هالفتره ..




مشكورة اختي والله يقبل منك ويجزاك الف خير

ايه والله عندي اختبارات

عبدالعزيز الربيع
01/01/2009, 02:30 AM
هلا والله اختي سمى

وش اخبارك وش علومك

وشلون اختباراتك عساك مبدعة الله يوفقك



سـ 1 ] ما هـي نقطـة ضعفـك ؟ّ!


اذا بكى واحد قدامي على شي يسوى



سـ 2 ] فـي لحظـات الحـزن العميـق كيـف تتغلـب علـى حـزنـك ؟ّ!


اذكر الله

اقرا الي احفظه من القران




سـ 3 ] دمعـه سقطـت مـن عينـك مـن كـان سببهـا ؟ّ!


شخص عزيز وغالي الله يرحمه بس


المشكلة اني اشتاق له للحين




سـ 4 ] مـا هـو هـدفـك وطمـوحـك والـذي تـرجـي أن لا تقـابـل اللـه إلا وهـو محقق ؟ّ!

ان يكونا والدي راضين عني وان اكون قدمت للاسلام ولو شي يسير

ان يسلم احد على يدي




سـ 5 ] مـوقـف أثـر فيـك .. وآخــر أسعـدك ؟ّ!



القفراء في الحج

والله شي يقطع القلب يجيك حاج جايع ويمشي من صباح الله لين اخر اليل يدور له مكان ينام فيه هو وحريمه

طبعا انا اتكلم على الاجانب

وانا اجزم انهم يدفعون اكثر مما ندفع حنا علشان الحج

الله يقبل منهم



اما الموقف الي اسعدني

جابوا لنا في الحملة في الحج ناس واجد توهم مسلمين امريكان وفلبينين ومن نيوزلاندا ويحكون عن اسلامهم

واسم على يد الشيخ الي يلقي المحاضرة اكثر من 5 اشخاص وهو يلقي المحاضرة كانوا يكلمونه في التلفون وحنا نسمع على السبيكر ويسلمون





سـ 6 ] أي مواضيعــك أحـب إلـى قلبـك ؟ّ!


هذا


http://www.alsh3ra.net/vb/showthread.php?t=13709




سـ 7 ] ما هـي طبيـعة المـواضيـع التـي تعجبـك ؟ّ!

اي موضوع من ابداع العضو نفسه





سـ 8 ] أفضـل مـوضـوع قرأتـه فـي منـتدى الشعـراء طـوال فتـرة انتسـابـك ؟ّ!


هذا


http://www.alsh3ra.net/vb/showthread.php?t=13843





سـ 9 ] إختـر ثـلاث أعضـاء .. واكتـب سلبيـات و إيجابيـات و مثـير كـل منهـم ؟ّ!



والله يا سمى ماش فقعت راسي وانا افكر ما لعت بشي لو انك انتي كاتبة الاعضاء صح

ان شاء الله اذا تذكرت جيت وكتبت




يعطيك العافية يا سمى على الاسئلة الي زي العسل


ما قصرتي والله

عبدالعزيز الربيع
01/01/2009, 02:31 AM
هلا و الله وغلا اخوي السهران



السلام عليكم مشكوره ياجروح الوقت على الاستضافه وعز الله انك اخترتي الشخصيه الموفقه
والله ياابو ربيع ماعندي اسئله الاعضاء الله يهديهم ماخلوا شي|44| بس ماحبيت ادخل بدون مااسلم عليكم والله اني مبطن عنكم







يا مرحبا والله

وما قصرت على المرور يا بعدي

الله يسلمك من كل شر

عبدالعزيز الربيع
01/01/2009, 02:34 AM
هلا والله اخوي معشي الفرس




والله يابو ربيع ماعندي الاسؤال واحد يصلحلك انا خابرك رجال تحب الخيول لو خيروك بين حصان وفرس وش بتختار او وش تحب اكثر الفرس ولا الحصان هذا اللي عندي



والله انا اشوف الفرس احسن

يعني حنونة اكثر من الحصان

والحصان اذا جاء وقت الافراس ينسى منهو راعيه



مشكور اخوي على المرور وما قصرت

عبدالعزيز الربيع
01/01/2009, 02:35 AM
هلا والله وغلا يا ابو هتون



ومـــاعـنـــــــدي أســـــــئلــه لأخـــوي أبوربيـــــع جميـــــــــع الأخــــــوان والأخـــــــوات ماقصــــــروا بالأسئــــله

ولـو عـنـــــدي أســــئلـــه راح تكــــــــون مشــــابهـــــــــــه لنفــــــــــس الأسئـــله

وأخيـــرا أشكــــــرك أخـــــي عبـــدالعـــــزيز علــــى طيبــــــة قلبـــــك وسعــــــة صـــــــدرك اللـــتي

تتمتــــــــــــــع بهـــــا وجميـــــــع الأخــــــوان والأخـــــــوات يشهـــــــدون علــــى كـــلامـــي

أتمنـــــــى لـك التـــوفيــــــــــــــق فــــي الإشــــــــــراف



يا مرحبا والله

ما تقصر يا الغلالي


وتشريفك للموضوع يكفي



ما قصرت يا ابو هتون

سمى
03/01/2009, 07:11 PM
ســلام ,’

جيـت .. وجبـت معـي كـم سـؤال > :p ,’

وهـم عـاد آخـر ثـلاث أسئلـه لـي إن شـاء اللـه :p ,.

,,

سـ 1 ] شخصيـه تعتـز بهـا ولـم تقابلهـا ؟ّ!

سـ 2 ] فـي أي قـرار تتخـذه .. هـل تحكـم عقلـك أم قلبـك ؟ّ!

سـ 3 ] قـرار إتخـذتـه وندمـت عليـه ؟ّ!

||

والله يا سمى ماش فقعت راسي وانا افكر ما لعت بشي لو انك انتي كاتبة الاعضاء صح

ان شاء الله اذا تذكرت جيت وكتبت

إختـار مـن اللـي شاهـدوا الموضـوع تحـت > نشبـه :p ,’

//

وجـزآك اللـه خيـر .. تحملتنـا وتحملـت أسألتنـا الكثيـره .. ما قصـرت :p ,’

ام محمد
04/01/2009, 01:15 PM
http://www.moveed.com/data/thumbnails/24/orr.gifالسلام عليكم ورحمة الله وبركاته

مشكوره اختي الفاضله جروح لاستضافتك هالشخصيه البارزه واللامعه

اخي ومشرفنا القدير عبدالعزيز
http://www.moveed.com/data/thumbnails/31/wagon_sm_wht.gif
حياك الرحمن بهالكرسي
http://www.dubaieyes.net/gallery/data/media/25/nsaym-lil-2-2.gif
حقيقة انت شخصيه مرحه ومحبوبه لدى الجميع وتعجبني عفويتك وخفة ظلك وصراحتك ..
شخصيه خلوقه ما قد شفنا منها الا كل تقدير واحترام ..
من علمك الطبخ ...(سؤال مفاجئ )مافي مقدمات ..خخخخ

ما هو رأيك بالشاب الي يدرس ويشتغل ..؟وهل تؤيده
هل تؤيدأن يفكر الشاب بالزواج وهو طالب او توو معين بوظيفه (يعني لسى ما كون نفسه معتمد على الله ثم على والده )
هل قد فكرت تجاهد في سبيل الله ..
ما الذي تتمناه والدتك فيك ولم تلبي رغبتها ..
ايهما اقرب اليك والدتك ام والدك ام اخوانك..
من اعز اصدقائك والقريب منك ..

كم نسبة حبك لهذا المنتدى ...
اذا طلبنا منك باقامة وليمه لاعضاء المنتدى من راح تعزم ...؟والعزيمه نساء ورجال يعني الوالده تتولى النساءبالبيت وانت تتولى الرجال باستراحه ولا مخيم ..ابد فكرت ونسقت ..خخخ
وبشررررررررط انت الي تطبخ كل شي ..http://up.qatarw.com/u/files/a6ty85w2nq2p7ok7jask.gif
http://up.qatarw.com/u/files/eq3xqxqcn19sbiiym1kf.gifhttp://www.mowjeldoha.com/mix-pic/animated-gif/animat-79/haushalt032.gifhttp://up.qatarw.com/u/files/ul5h2n6zgetuovnryu71.gifhttp://up.qatarw.com/u/files/25f8t2r8zbvriqn0ussn.gif


ما الذي تفكر ان تفعله اول ما تتخرج باذن الله من الجامعه ..
ادري اسئلتي ماصله بس ذا الي جا في بالي حاليا ..ما شاء الله قدك انعصرت بما فيه الكفايا ..

وفي الختام نبي منك دعاء لاخواننا الفلسطينين ..
ولي عوده باذن الله http://www.moveed.com/data/thumbnails/24/orr.gif

ربي يحفظكـ

الخيل عشقي
04/01/2009, 01:42 PM
اخوي ابو ربيع


صراحه ماخلوا شي الاخوان والاخوات الافاضل كل الاسئله خلصوها مابقى شي << حلوه خلصوها


لكن لابد من حب الخبر نجي نشوف ونقرا وشفت اطرائك لاخوك الخيل عشقي كذا مره ووصلتني هداياك من عبارات جميله ومن ورود

وهذا سبب كتابتي هنا ماحبيت اطلع قبل لا اشكر اخوي الفاضل عبد العزيز الربيع على طيبته وعلى كرم اخلاقه


وشهادتنا فيك مجروحه شخص محبوب من الجميع ماشاء الله تبارك الله عسى الله يزيدك محبه واخاء لانك والله عزيز وغالي علينا وتستاهل كل خير



ولا انسى ان اشكر اختنا الفاضله جروح الوقت الي اتاحت لنا الفرصه للاستمتاع بمشاهدة المقابله الشخصيه مع ابرز شخصيات المنتدى واخفها دم دون قصور بالاخوان والاخوات



تحياتي وتقديري اخوك / الخيل عشقي

عـــروبــه
04/01/2009, 02:53 PM
وعليكم السلام ورحمة الله وبركاته :) جروحه

أزيك وسنه جديده وشها حلو إن شاء الله علييك|501|


وعلى الي تحبينهم




( عبدالعزيز الــربيع)

أخ قريبـ إلى الــجميع.. بـأخلاقه الطيبه... بـحضوره المقنع وسعة صدره .. بـطيبته المميزه واحترامه للجميع .. وبـ العديد من صفاته الجميله بين إخوانه...

حتى ان له جمهور من خارج المنتدى ..(كما يقول أحد الاعضاء)




أنا أشهد>>> إجحدها



سلام ياهندسه :d
شلونك عساك طيب

قلبت راسي وش أسألك بعد ماقريت أسألة الأعضاء عشان ما يجينا شيء مكركر >>متكرر


بغيت أسألك وش أسمك وتقول

مصطفى الصانع

وعمرك وكل الاسئله الي مرت وقلت :

بترد وتقول: حاولت أرد على أسئلتك اختي عنكبوته المفيد (منها وغير المفيد >>>غَبنها ذاك الرد
فلذالك حفظن لماء الوجه >>نون التوكيد


بسألك كذا سوال من خيالي الجامح والله يعني ويعينك

^
^
^
المقدمة



أ_) عبد العزيز و هوياته 1-


1-هل انت من النووع الذي يفضل لبس الزي الرسمي ( شماغ أو غتره - عقال -زبيريه - مشلح )

ولا تحب الكاجوووووول >>>>بخخ يا حبي لذا الكلمه جينز تي شيرت وما إلا ذالك ( وشكلك سمح )

2- لون تحبه ........

3-لون تكرهه ...........

4-صفه تكرها بنفسك ......... صر شيء وقل طيبتي


5-شيء سويته وعضيت أصابعك ندم عليه..........(موب لازم تجواب بس قل نعم فيه ولا (لاء لايوجد)


6-وشي هوياتك؟


7-وهل انت من أحد أصدقاء الكتاب إن كان شعر رويات مقالات وإن كان نعم عطنا أحد الكُتاب المفضلين لديك
|180| |180| |180| |180|







أسئله فيسولوجيه


طبعا الواحد أول ما يتخرج من الثنوي يحس إنه بطل خلص ذا السنه وجاب مجموع وببتتغير حياته إلى حد ما مجتمع ثاني مفتوح
هنا يكمن السؤال ؟


1- تحس إنك تغيرت عقب الثنوي طبعا عوض عن نضوج العقل يعني في شخصيتك أقصد مثل قبل نلقاء ناس أول ما يدخلون الجامعه لسانهم مربوط وإذا دخل يكون لسانه منطلق والعكس صحيح



واحد

إثنين

ثلاثه

2-صف شعورك يجيك إستاذك ويقول فلان خلاص تخرجت بتكب الدراسه أول شيء بتسويه ؟



عبد العزيز و احلامه وتخيلاته <<<من يريد السياحه في عقل أبو ربيع يتفضل بالركوب:d


1-سياره تتمنى إقتنائها.........


2-تخيل لو قالو لك وش تبي تصير...... (علما انه إستحاله يصير يعني تبطي تصير )
مثلن :أصير ملك , مخترع ,الي تبي


3-مشيت ولقيت طاقية الاخفاء طيب ما شيء معي للحين جاوب وبمنتى الصراحه

هل بيذبحك الفضول تدخل بيوت الناس وتشوف كلن على حقيقته هاه إعترف أو من باب الفضول بتبيثر على ناس وتحاول توصل لأشياء ما يبونك توصلها أو وش بتسوي


4-عبد العزيز الربيع وش يشوف نفسه بعد 10 سنوات
إن كان في حياتك الإجتماعيه ، العمليه ، السياسيه >>بتورطك


5- إلى أي درجه من التعليم يكتفى عبد العزيز الربيع

-جميعنا يعلم إبن آدم ما يملى عينه إلا التراب وعلى طريا ذالك

6-هل انت إنسان قنوع



|180| |180| |180| |180| |180|


عبد العزيز والأطفال ..................1-
هل انت ممن يحب الجلوس مع الأطفال ومداعبتهم؟ ولا على حسب المزاج ؟ وعلى حسب البزر ؟ وعلى حسب قربهم منك ؟ >>بحل يا انا عند سري


2- هل هناك فئات عمريه ماتحب تسولف معها ولا على حسب شخصية كل شخص ؟



3-أول طفل لك إن شاء الله ما ذا تريد جنسه ( ولا انت من النوع أهم شيء الخلقه الكامله )

4-ما رأيك هل تعتقد إن الواحد أول ما يجي له طفل إن كانت بنت لازم يسميها على أمه ولا ولد على ابوه ويحس عقوق ومنذا الحتسي<<<خربت الاخلاق

5- بصراحه متناهيه هناك من يقول إن البنات يجذبون أكثر من الأولاد

يعني وش يلفت نظرك بنت دنن ( تجنن ) وفستنها وصعنونه ولا العيال إلخ إلخ .....





|180| |180| |180| |180| |180|




عبد العزيز والمنتدى


بصراحه ومن دون مجامله <<<ماتبي تقول كذب


أ- ( قد كرهت عضو في المنتدى على مدار الخمس سنوات التي انت موجود فيها لو ما كرهت يعني ماتستصيغه
ولا يستفزك

ب-( سبب رجوعك كا مشرف يعني قبل موب كنت معيي أيام الإنتخابات يوم نقوول من نبي
( بعدين صح مبرووك عليك الأشراف والون الازرق)


ج-( بما إنك كنك عود بدو كل ما صار شيء حطيت موضوع بقسم الشكاوي هل يتنفذ الي تبيه


د- عضو في قسمك تعجبك مواضيعه ولا تقول انت لا انا عارفه يعني عضو غيري


ما رأيك باسألتي وهل تنصحني اعتمد قبل ( دايم ) على خيالي الجامح |180| |180|


|180| |180| |180| |180| |180|


عبد العزيز والمجهول ..........


ا ا ا ا ا ا ا ا ا ا ا ا ا ا


ا ا ا ا ا ا ا

ا ا

ا ا ا ا ا ا ا ا ا ا ا ا ا ا


ا ا

ا ا ا ا ا ا ا ا ا ا ا ا ا ا




ا ا ا ا ا ا ا

ا ا ا ا ا
^

^


حسيتك إرتعت يوم قريت الي فوق >>>فجاءه أصير عرافه


شاكرة لك حسن القراءه والإنصات والإجابه إذا لقيت سوال ماودك تجاوب عنه عادي جاوب لايضيق صدرك
وبعد ما تجاوب بحلحل نفسيتك حلحله



ومتى ما بغيت جاوب والله يعينك على إمتحناتك انت تختبر الحين وحنا موسعينن صدورنا >>>على بالها تعطيه بوش

وه قسمك أسمه يجيب المغص وعقبال مانقولك يا بشمهندس اد الدنيا


|343||343|وشكرا ً |343|

واحد من الناس
05/01/2009, 04:44 AM
هههههههههههههههههههههههههههههه


الله يعينك ياعبدالعزيز


مشكوره اختيى جروح على استضافه ابو ربيع

والله ماعندي اسئله >>ماخلت شي عروبه

والله يوفقك باختباراتك ويسهل عليك

غلا نجد
05/01/2009, 11:14 PM
مشكور أخوي على اجاباتك ماعندي اسئله الاعضاء ماخلوا شي

عبدالعزيز الربيع
09/01/2009, 12:39 AM
هلا والله اختي سمى


سـ 1 ] شخصيـه تعتـز بهـا ولـم تقابلهـا ؟ّ!


محمد صلى الله عليه وسلم



سـ 2 ] فـي أي قـرار تتخـذه .. هـل تحكـم عقلـك أم قلبـك ؟ّ!


على حسب الموقف والله

يعني لو كان الموقف يحتاج سرعة اعتقد ان القلب هو الحكم

اما لو كان الموقف يحتمل تحكيم العقل فاظن ان العقل هو الحكم

ومهوب شرط ان حكم القلب دايم خطا

وكذلك مهوب شرط ان حكم العقل دايم صائب



سـ 3 ] قـرار إتخـذتـه وندمـت عليـه ؟ّ!


الحمد لله ما فيه



وبالنسبة لسؤالك الاخير ابجاوب عليه بعدين يبيله مخمخة


وشكرا على الاسئلة

عبدالعزيز الربيع
09/01/2009, 01:20 AM
هلا والله ام محمد

الحمد لله على رجعتك



حقيقة انت شخصيه مرحه ومحبوبه لدى الجميع وتعجبني عفويتك وخفة ظلك وصراحتك ..
شخصيه خلوقه ما قد شفنا منها الا كل تقدير واحترام ..


الله يجزاك خير على الاطراء وما قصرتي



من علمك الطبخ ...(سؤال مفاجئ )مافي مقدمات ..خخخخ



والله الصراحة بالنسبة للطبخ

بدات تجربتي فيه بعد مسابقة تنسيف الذرعان 1 واستمريت عليها


ما هو رأيك بالشاب الي يدرس ويشتغل ..؟وهل تؤيده



والله انا الصراحة اؤيد بقوة

اولا زيادة دخل وثاني شي فايدة وتجربة

بس طبعا ما ياثر شي على الثاني




هل تؤيدأن يفكر الشاب بالزواج وهو طالب او توو معين بوظيفه (يعني لسى ما كون نفسه معتمد على الله ثم على والده )


والله انا الصراحة في الوضع الراهن والفتن الي على افا من يشيل

انا اشوف ان الشاب يتزوج اول ما يبلغ |44|

بس ما ادري صراحة انا اشوف الي يدرس لو تزوج صعب

يعني اول ما يتخرج ممتاز



وانا اشوف حاليا ان الشباب في هذي الفترة متجهين للزواج المبكر وهذا شي ممتاز



هل قد فكرت تجاهد في سبيل الله ..



كثيرا




ما الذي تتمناه والدتك فيك ولم تلبي رغبتها ..


اصير امام الحرم |44|

ان شاء الله احقق رغبتها




ايهما اقرب اليك والدتك ام والدك ام اخوانك..



والله ماش اسئلتك يام محمد غريبة |44|

والله الصراحة اكيد والديني اقرب من اخواني




من اعز اصدقائك والقريب منك ..



ابو سيوف وفيصل الصمصام


كم نسبة حبك لهذا المنتدى ...


100 % |44| <<<< تنقص احيانا



اذا طلبنا منك باقامة وليمه لاعضاء المنتدى من راح تعزم ...؟والعزيمه نساء ورجال يعني الوالده تتولى النساءبالبيت وانت تتولى الرجال باستراحه ولا مخيم


والله اكييييييد كل الاعضاء بلا استثناء وانتي يا ام محمد على راس المعازيم |44|





ما الذي تفكر ان تفعله اول ما تتخرج باذن الله من الجامعه

والله افكر اني اشتغل الى ما تتوفر لي فرصة لاكمال الدراسة طبعا خارج المملكة



وفي الختام نبي منك دعاء لاخواننا الفلسطينين


الله ينصرهم امين و يسدد رميهم




اسئلة العسل

والله ما تقصرين

مشكورة اختي ام محمد على هالاسئلة وما قصرتي

عبدالعزيز الربيع
09/01/2009, 01:21 AM
الباقي بعدين ان شاء الله يبيلهم قعدة

شاهين
09/01/2009, 07:04 PM
اما العضو الي ترك المنتدى وفرحت

صراحة العضو هو


شاهين


اخوي شاهين من الاعضاء المميزين

لكن الله يهديه عنده اعتقادات غريبة

والمصيبة انه يملك قدرة على الاقناع


فاذا اجتمعوا الصفتين هذي راح ياثر بكثير من الاعضاء



!!

تركت المنتدى مؤقتاً بس

لا تواخذني اذا قطعت عليك الفرحة .



ما جيت أحكم على موقفك لأنه يخصك أنت , لكن جيت أعطي رأيي


حسستني وحسست غيري من كلامك إني أحمل أفكار غريبه سلبية راح تاثر على الأعضاء بشكل سلبي من دون ماتبين هالأفكار . وهذا في نظري تعتيم

ان كنت أحمل معتقدات ماناسبتك انت . فمن الواجب عليك كشخص متــّـزِن مناقشتها أمامي أو إحترامها في غيابي

يعني من الظلم التعتيم


فقط.


وكل عام وانتم بخير بعد الزحمة

عبدالعزيز الربيع
10/01/2009, 01:33 AM
لكن لابد من حب الخبر نجي نشوف ونقرا وشفت اطرائك لاخوك الخيل عشقي كذا مره ووصلتني هداياك من عبارات جميله ومن ورود

وهذا سبب كتابتي هنا ماحبيت اطلع قبل لا اشكر اخوي الفاضل عبد العزيز الربيع على طيبته وعلى كرم اخلاقه


ههههههههههه

من حقك علينا يا الخيل عشقي هذا الاطراء فبصمتك بالمنتدى لا تخفى على احد



مشكور اخوي على المرور والشكر

عبدالعزيز الربيع
10/01/2009, 02:22 AM
كالعادة يا عنكبوته مدري عروبة رد اطول من الموضوع الاصلي |44|


بس تبقى ردودك لها طعم ورونق خاص


والله من قريت ردك وانا ودي تخلص الاختبارات علشان ارد عليك



سلام ياهندسه |44|
شلونك عساك طيب

بخير الحمد لله



عنكبوته المفيد (منها وغير المفيد >>>غَبنها ذاك الرد

ترى اسمك عروبة الحين |44|

وشكل الرد من جد غابنك للحين ما نسيتيه



هل انت من النووع الذي يفضل لبس الزي الرسمي ( شماغ أو غتره - عقال -زبيريه - مشلح )

ولا تحب الكاجوووووول >>>>بخخ يا حبي لذا الكلمه جينز تي شيرت وما إلا ذالك ( وشكلك سمح )



لا والله انا الصراحة من اهل الزي الرسمي

طبعا البس جنزات وحركات للجامعة لانهم يقولون لنا احيانا البسوا بدل





2- لون تحبه ........

3-لون تكرهه ......



احب اللون الاسود واكره اللون الاصفر





-صفه تكرها بنفسك ......... صر شيء وقل طيبتي


انا صحيح طيب بس مهوب لدرجة اني اكرهها فيني


صفه اكرهها في نفسي هي البرود طبعا احيانا لان غالبا البرود نعمة




-شيء سويته وعضيت أصابعك ندم عليه.........


لا والله الحمد لله ما فيه





-وشي هوياتك؟




وااااجد

ركوب الخيل والزراعة والطبخ وصيد السمك كل شي





-وهل انت من أحد أصدقاء الكتاب إن كان شعر رويات مقالات وإن كان نعم عطنا أحد الكُتاب المفضلين لديك

والله انا اقرا بس مهوب لكاتب معين

يعني انا اقرا الكتاب ما اقرا الكاتب





أسئله فيسولوجيه

الله يستر



- تحس إنك تغيرت عقب الثنوي طبعا عوض عن نضوج العقل يعني في شخصيتك أقصد مثل قبل نلقاء ناس أول ما يدخلون الجامعه لسانهم مربوط وإذا دخل يكون لسانه منطلق والعكس صحيح



والله ما فيه شي جذري تغير فيني بعد الجامعة الا ان طلعاتي براا خفت عن اول




-صف شعورك يجيك إستاذك ويقول فلان خلاص تخرجت بتكب الدراسه أول شيء بتسويه ؟


بروح ابشر امي




عبد العزيز و احلامه وتخيلاته <<<من يريد السياحه في عقل أبو ربيع يتفضل بالركوب



|44|

عسى السيارة تكفي






-سياره تتمنى إقتنائها.........


ما فيه

الي اتمناها شريتها


-تخيل لو قالو لك وش تبي تصير......


ما فيه شي مستحيل اختي عروبه

ودي اصير سواق تاكسي طبعا تجربة بس |44|






-مشيت ولقيت طاقية الاخفاء طيب ما شيء معي للحين جاوب وبمنتى الصراحه

هل بيذبحك الفضول تدخل بيوت الناس وتشوف كلن على حقيقته هاه إعترف أو من باب الفضول بتبيثر على ناس وتحاول توصل لأشياء ما يبونك توصلها أو وش بتسوي


ههههههههههههههههههههههههه

الله يقطع بليسك على ذا السؤال

اصلا انتي ما سالتي هذا السوال الا وتفكيرك كذا

والله الصراحة وانا صغير كان هالتفكير يمر علي يوميا

لكن يوم كبرت شوي خف هذا التفكير صار اسبوعيا

بس اذا لقيتي هالطاقية علميني |44|




-عبد العزيز الربيع وش يشوف نفسه بعد 10 سنوات
إن كان في حياتك الإجتماعيه ، العمليه ، السياسيه >>بتورطك




طبعا بعد كلمة ان شاء الله

متزوج لي 5 سنوات وعندي بنت عمرها 3 سنين ونص وولد عمرة سنة

موظف في شركة محترمة بس للاسف دوامهم كرف من 6 الصبح الى 3 العصر


وبالنسبة للسياسة والله انها تقصر العمر خاصة السياسة العربية





- إلى أي درجه من التعليم يكتفى عبد العزيز الربيع


اتوقع الماجستير يكفيني






-هل انت إنسان قنوع


نعم






عبد العزيز والأطفال ................




|44|





هل انت ممن يحب الجلوس مع الأطفال ومداعبتهم؟ ولا على حسب المزاج ؟ وعلى حسب البزر ؟ وعلى حسب قربهم منك ؟


لا والله على حسب البزر طبعا بس عموما انا احب الجلوس مع الاطفال حتى لو اني ما نيب فاضي





- هل هناك فئات عمريه ماتحب تسولف معها ولا على حسب شخصية كل شخص ؟


اكيد على حسب الشخصية

ولكن عموما ما احب اسولف مع حقين الابتدائي ما قبل رابع ابتدائي خصوصا البثرين



-أول طفل لك إن شاء الله ما ذا تريد جنسه ( ولا انت من النوع أهم شيء الخلقه الكامله )



اكيد اهم شي الخلقة الكاملة

وبالنسبة للجنس ما يفرق الي من الله حياه الله




ما رأيك هل تعتقد إن الواحد أول ما يجي له طفل إن كانت بنت لازم يسميها على أمه ولا ولد على ابوه ويحس عقوق ومنذا الحتسي<<<خربت الاخلاق


مهوب شرط ولا هوب عقوق ولكن انا من الناس المقتنعة بالتسمية على الوالدين




يعني وش يلفت نظرك بنت دنن ( تجنن ) وفستنها وصعنونه ولا العيال إلخ إلخ .....


هههههه

والله ما ادري بس انا افضل الي يدنن سواء كان بنت او ولد











قد كرهت عضو في المنتدى على مدار الخمس سنوات التي انت موجود فيها لو ما كرهت يعني ماتستصيغه
ولا يستفزك


ايه والله فيه اكثر من واحد





سبب رجوعك كا مشرف يعني قبل موب كنت معيي أيام الإنتخابات يوم نقوول من نبي

ما كنت رافض ذيك الايام

لكن الادارة كانت رافضة اشراف المشرفين السابقين ما ادري ليه



( بعدين صح مبرووك عليك الأشراف والون الازرق)


الله يبارك فيك يا رب




ج-( بما إنك كنك عود بدو كل ما صار شيء حطيت موضوع بقسم الشكاوي هل يتنفذ الي تبيه



هههههههههههههههههه

اما عود بدوا

يعني كل هالفترة كنت بنظركم كذا |44|


والله فيه اقتراحات تتنفذ وبعضها يسحبون عليه وبعضها يدرسونه حتى الان |44|



د- عضو في قسمك تعجبك مواضيعه ولا تقول انت لا انا عارفه يعني عضو غيري


اي عضو يكتب من نفسه تعجبني مواضيعه


ولكن بما انك حددتي

جروح الوقت تعجبني مواضيعها



ما رأيك باسألتي وهل تنصحني اعتمد قبل ( دايم ) على خيالي الجامح |180| |180|




اكيييييييييييييييييييد اعجبتني

خصوصا خيالك الجامح هذا لازم تحللينه

اعتمديه قبل

من جد اساله ما شاء الله

والدليل ان لي كم يوم افكر بالاجوبه |44|




حسيتك إرتعت يوم قريت الي فوق >>>فجاءه أصير عرافه


ههههههههههههههههههههههههه

انا راح بالي لقصة ام محمد ريم والمجهول |44|




وبعد ما تجاوب بحلحل نفسيتك حلحله



والله

اجل عطيني التحليل عساه زين بس |44|




والله يعينك على إمتحناتك انت تختبر الحين وحنا موسعينن صدورنا


الحين انتي تحاولين تخففين عني ولا تزيدين همي حددي بالضبط |44|





اختي عروبة (عنكبوتة)


الف الف الف شكر على هالاسئلة العسل والله ما قصرتي



وابشرك انها هالمرة كلها مفيدة بالحيل ما فيه منها الي غير مفيد ابد



وما قصرتي اختي

عبدالعزيز الربيع
10/01/2009, 02:24 AM
هلا والله اخوي واحد من الناس


يالله حيه ومشكور على الدعاء وما قصرت


يعطيك العافية

عبدالعزيز الربيع
10/01/2009, 02:25 AM
اختي غلا نجد


مشكورة على المرور

عبدالعزيز الربيع
10/01/2009, 02:36 AM
هلا والله اخوي شاهين

يالله حيه



تركت المنتدى مؤقتاً بس

لا تواخذني اذا قطعت عليك الفرحة .

لا بالعكس فرحتي برجعتك غطت على فرحتي بتركك المنتدى



حسستني وحسست غيري من كلامك إني أحمل أفكار غريبه سلبية راح تاثر على الأعضاء بشكل سلبي من دون ماتبين هالأفكار . وهذا في نظري تعتيم

ان كنت أحمل معتقدات ماناسبتك انت . فمن الواجب عليك كشخص متــّـزِن مناقشتها أمامي أو إحترامها في غيابي


السؤال الي جاني واضح واجابتي كانت عليه ايضا واضحة يعني ما اظن ان فيه تعتيم



وسبق وناقشتك بهذي الافكار اخوي واظنك تذكر

وسبب عدم عرض هذي الافكار هو احترامها في غيابك



وكل عام وانت بخير اخوي

أم سعد
12/01/2009, 04:59 AM
مشــاءالله اول كرسي اعتراف توصل صفحاته لهذا العدد..
وهذا يدل على حب الاعضاء لك >>الاحب الخبر :p
مثل ماقالوا الاخوان كل الاسئله طرحت عليك ومابقى شي..
لكن بما ان جلوسك على كرسي الاعتراف كان امنية الغاليه سالفه عشاق وكان عندها سؤال مسبب لها قلق ماتنام الليل من كثر تفكر فيه |44| ..فبسألك ذا السؤال :

http://www.alsh3ra.net/vb/images/al-sh3raa/misc/quotes/quot-top-left.gifاقتباسhttp://www.alsh3ra.net/vb/images/al-sh3raa/misc/quotes/quot-top-right.gifhttp://www.alsh3ra.net/vb/images/al-sh3raa/misc/quotes/quot-by-left.gifالمشاركة الأصلية كتبت بواسطة سالفة عشاقhttp://www.alsh3ra.net/vb/images/al-sh3raa/misc/quotes/quot-by-right.gifhttp://www.alsh3ra.net/vb/images/al-sh3raa/misc/quotes/quot-top-right-10.gif
<<< تقول متى تحطون عبدالعزيز الربيع بكرسي الإعتراف
عندي سؤال مهم ..

وين وديت الرسمه بعد مانسختها لجروح يا عبدالعزيز الربيع ..؟

عاد تدرين وربي إني ودي أعرف جواب السؤال إللي سبق طرحه فوق ..
مسبب لي قلق عجزت أنام الليل من كثر مافكرت فيه <<< والله لو هو نتايج إمتحانات
http://www.alsh3ra.net/vb/images/al-sh3raa/misc/quotes/quot-bot-left.gifhttp://www.alsh3ra.net/vb/images/al-sh3raa/misc/quotes/quot-bot-right.gif

وفيه كم سؤال مني ودي اعرف اجابتهم ..وطبعا جاوب على الي يعجبك والي مايعجبك اتركه ..

أكثر إنسان حبيته بالوجود (بعد والديك واخوانك طبعا)..؟؟
شخص غالي فقدته للأبــد ..؟؟
اعظم هديه قدمتها لك الدنـيا ..؟؟
لوبأستطاعتك إرجاع الزمن إلى الوراء إلى أي يوم بترجعه.؟؟

لو ماكنت عبدالعزيز السيف .. من تتمنى تكون ..؟؟
شخصيه تتــمنى تقابلها ..؟؟
تعتقد ان الانسان بستطاعتة ان يكون حزين اذا اراد..؟ او سعيد اذا اراد..؟؟اي ان هذا الامر بأعتقادك يقررة الانسان..؟؟
في بعض اللحــظات يمر الانسان بسعاده لدرجة يتمنى الدنـيا تتوقف والزمن يتوقف ولايتحرك عن ذيك اللحظات وياكثر ماسمعنا جملة تمنيت الدنيا توقف..هل مريت بهذي اللحــظه ..؟؟
متى تـحس انك اخطائت..؟؟ومتى تحس انك بحاجه ان تبكي ..؟؟
يقولون الشيطان تلميذ المــرأه .. وش رايك ..؟؟
وش رايك في المنتديات المختلطه (رجال و حريم) وهل تتوقع فيها شي من ناحية الدين ..؟؟
من ودك نستضيف من الاعضاء على كرسي الاعتراف بعدك ..؟؟
قصـة حياتك الي كتبتها انتشرت بشكل رهيب وتعدى انتشارها برى النت حتى انك قلت مره ان امك سمعت الحيرم يتكلمون فيها ..هل تحسفت انك كتبتها وماودك انها تنتشر وخصوصا انك تكتب بأسمك الحقيقي ..او عادي عندك ..؟؟وايش بتكون ردت فعلك لو كنت في مكان عام وجتك بالبلوتوث ..>>عليها اسئله :p ..؟؟
وهل نزلتها في منتدى غير الشعراء ..؟؟ وعلى طاري غير الشعراء كم منتدى تكتب فيه غير الشعراء ..؟؟
نوع الكتب الي تحب تقراها..سياسه..ثقافيه..فلسفه..شعر ..الخ ..؟؟
وايش احسن كتاب قريته وتحس انه افادك >>ناويه تروح المكتبه وتبي كتاب يستاهل
وهل انت من النوع الي يروح للمكتبه عشان يشتري كتب يقراها >>غير كتب الجامعه والدراسه ..؟؟
واخر سؤال من يوم صرت مشرف والكل ينتظر مواضيعك بسعة الصدر..متى ان شاءالله بنشوف لك موضوع في القسم ..؟؟


هذي اســئلتي وتراي مختصرتها مررره ومحذفه نصها >>تسمع بالاختصار :p
ومثل ماقلت لك الي ماتبي تجاوب عليه اتركه ..
والله يعطيك العافيه وجميع من تواجد في الموضوع..

عبدالعزيز الربيع
19/01/2009, 01:25 AM
ههههههههههههههههههههه

هلا جروح

الله المستعان يا سالفة

الله يذكرها بالخير

كانت دايم تهاوشني مدري ليه


وين وديت الرسمه بعد مانسختها لجروح يا عبدالعزيز الربيع ..؟

عاد تدرين وربي إني ودي أعرف جواب السؤال إللي سبق طرحه فوق ..
مسبب لي قلق عجزت أنام الليل من كثر مافكرت فيه <<< والله لو هو نتايج إمتحانات

هههههههههههه

والله يا هو قديم السؤال ذا

بس تراني جاويتها من زمان

كان جوابي لها انه في كتاب الفيزياء

هذا الكلام قبل يمكن سنتين

اما الحين والله مدري وينهي

اخبر مرة كنت افتش في الدروج ولقيتها في درج من دروجي والظاهر انها للحين موجودة <<< دروجه فيها اشياء من قبل ما يولد للحين موجودة




أكثر إنسان حبيته بالوجود (بعد والديك واخوانك طبعا)..؟؟

اصغر خوالي


شخص غالي فقدته للأبــد ..؟؟


جدي الله يرحمه



اعظم هديه قدمتها لك الدنـيا ..؟؟

اممممم....

والله الدنيا ما قمت لي شي ابد لكن النعم كلها من الله واعظم هدية الاسلام



لوبأستطاعتك إرجاع الزمن إلى الوراء إلى أي يوم بترجعه.؟؟


ايام الابتدائي في العطلة الصيفية

والله ياهي ذكريات


لو ماكنت عبدالعزيز السيف .. من تتمنى تكون ..؟؟

عبالعزيز السيف |44|





شخصيه تتــمنى تقابلها ..؟؟

فكرت واجد في السؤال

مالقيت احد في الوقت الحالي





تعتقد ان الانسان بستطاعتة ان يكون حزين اذا اراد..؟ او سعيد اذا اراد..؟؟اي ان هذا الامر بأعتقادك يقررة الانسان..؟؟


انا اعتقد بهذا الاعتقاد بنسبة 70%

لان الانسان تصيبه احيانا نوازل يحزن لها وهي ليست بارادته

ولكن الاغلب ان الفرح والحزن الذي يقرره هو الانسان نفسه




في بعض اللحــظات يمر الانسان بسعاده لدرجة يتمنى الدنـيا تتوقف والزمن يتوقف ولايتحرك عن ذيك اللحظات وياكثر ماسمعنا جملة تمنيت الدنيا توقف..هل مريت بهذي اللحــظه ..؟؟


والله عصرت مخي كثير ما لقيت لهذه اللحظات الي تقولين عنها وجود في ذكرياتي




متى تـحس انك اخطائت..؟؟ومتى تحس انك بحاجه ان تبكي ..؟؟

احس اني اخطات اذا انبني ضميري

احس اني بحاجة للبكاء اذا ضاق صدري ولكن البكاء صعب احيانا اتمناه ولكن ..




يقولون الشيطان تلميذ المــرأه .. وش رايك ..؟؟


مشكلة والله

لا طبعا كلام خاطئ من اساسه

صحيح ان كيدهن عظيم

لكن ليس لدرجة ان يكون الشيطان تلميذا لها




وش رايك في المنتديات المختلطه (رجال و حريم) وهل تتوقع فيها شي من ناحية الدين ..؟؟


ما فهمت وش تقصين بمختلطة

لان ما اعرف منتديات حصر على جنس معين

ولكن فيه فرق بين المنتديات المختلطة المحافظة وبين المختلطة المنفتحة والفرق واضح

وبالنسبة هل فيه شي من ناحية الين

انا الصراحة لا اعلم و من قال لا اعلم فقد افتى




من ودك نستضيف من الاعضاء على كرسي الاعتراف بعدك ..؟؟

انا الصراحة ذاك اليوم ادور في كراسي الاعتراف وتفاجات اننا ما استضفناك على الكرسي لان توقعت كانت لك استضافة في فترة غيابي عن المنتدى لكن تفاجات الصراحة

ان شاء الله انتي الجاية




قصـة حياتك الي كتبتها انتشرت بشكل رهيب وتعدى انتشارها برى النت حتى انك قلت مره ان امك سمعت الحيرم يتكلمون فيها ..هل تحسفت انك كتبتها وماودك انها تنتشر وخصوصا انك تكتب بأسمك الحقيقي ..او عادي عندك ..؟؟وايش بتكون ردت فعلك لو كنت في مكان عام وجتك بالبلوتوث ..>>عليها اسئله :p ..؟؟


ههههههههههههه

والله انا جاني خبر انها انتشرت بس مهوب لدرجة انها انتشرت في النت انا ما اخبرها الا في منتدى الشعراء ان كانت انتشرت في النت كله هذي مشكلة والله


وبالنسبة هل تحسفت ولا لا

لا والله ما تحسفت ولا شي بالعكس والله مع اني ما كنت ادري انها بتنتشر لكن ما اعتقد ان فيها شي يخليني اتحسف انها باسمي الحقيقي


وبالنسبة للبلوتوث |44| ابنهبل طبعا لو جتني بالبلوتوث <<< قل قسم




وهل نزلتها في منتدى غير الشعراء ..؟؟ وعلى طاري غير الشعراء كم منتدى تكتب فيه غير الشعراء ..؟؟

لا والله ما نزلتها الا بالشعراء اصلا هي ما تنفع الا بالشعراء

وانا اكتب في منتدى واحد غير الشعراء بس موب كثير زي الشعراء



نوع الكتب الي تحب تقراها..سياسه..ثقافيه..فلسفه..شعر ..الخ ..؟؟


احب اقرا في التاريخ عموما والتاريخ القديم خصوصا




وايش احسن كتاب قريته وتحس انه افادك >>ناويه تروح المكتبه وتبي كتاب يستاهل


كتاب ((The secret )) كتاب ممتاز انصحك تقرينه بس خوذي الي تحسينه مفيد وخلي الباقي




وهل انت من النوع الي يروح للمكتبه عشان يشتري كتب يقراها >>غير كتب الجامعه والدراسه ..؟؟

احيانا

وغالبا اروح وانا عارف وش غرضي





واخر سؤال من يوم صرت مشرف والكل ينتظر مواضيعك بسعة الصدر..متى ان شاءالله بنشوف لك موضوع في القسم ..؟؟


والله في الفتره الحالية المنتدى ما يشجع الواحد يكتب لكن ان شاء الله متى ما تعدل المنتدى وفضيت ابشروا





اختي جروح

ما قصرتي على الاسئلة الله يعطيك الف عافية ومشكورة

وسيع الصدر
08/02/2009, 10:18 AM
انا سا كن في الشعرا ء وجانا رش خفيف
|44|
خخخخخخخخخخخخخخ

عبدالعزيز الربيع
05/03/2009, 12:46 AM
^
^
^

شاطر

أم سعد
09/03/2009, 05:18 AM
الله يعطيك الــ1000 ـــــــف عافيه ..

ماقصــرت كفيــت ووفيت ..


نشــكر لك تواجدك وتواضـعك .. واجاباتك الوافيه وسعة صدرك ...



يعطيك الــعافيــه اخوي ابوربيــع وشاكرين لك تواجدك على الكرسي ومتابعتك له ولاسئلة الاعضاء ..


كــل الشكر لك ولتواجدك ..

ماصار
09/03/2009, 05:41 AM
ننتظر المتورط الجديد بكرسي الاعتراف