المساعد الشخصي الرقمي

مشاهدة النسخة كاملة : أربــع انواع حلى>>>من حلويات العيد


أم سعد
01/02/2009, 01:52 AM
السلام عليكم ورحمة الله وبركاته ..

حــلويـــات العـــيد الي وعدتكم فيها ..
ومعليش تأخرت فيها بس المنتدى ماكان يشجع ابد ..
:
/
/
:
أربــع انواع حـــلى في صينيه وحــده |245|..
:
/
:
الحلى الاول ..
الي دوائر ولونه ابيض :)
هذا سهل ..
المقادير :
1 كاس حليب بودر
1 كاس شوفان
1 كاس جوز هند
جوز هند >>للتغطيه ..
الطريقه :
- الثلاث اكواب >>نحمسهم على النار لــين يتغير لونهم.. بس مو مره .. شوي..
- نعجنهم بحليب نستله ونكورهم ونغطيهم بجوز الهند ..
* ملحوظه :
انا هنا حرفت وضفت معهم نص كاس كورن فليكس طلع أحــلى ..
:
/
/
:
الحلى الثاني :
الاصفر :)
المقادير :
3 فناجيل سكر
1/2 كاس ماء
1 علبة حليب سائل
1 قشطه
2 كريم كرامل
الطريقه :
- نحط السكر في قدر عالنار لحد مايميع ثم نحط عليه الماء مع استمرار التحريك.
- نرفعه عن النار ونحط القشطه ونحركه لين يختلط ثم نرجعه عالنار.
- بعدين نحط الحليب ونحرك.
- اخر شي اذا بدى يغلي نرفعه عن النار ونحط ظرف كراميل ونرجعه عالنار ثواني ثم نرفعه ونضيف الظرف الثاني.
- نصب في الورق على طول (لانه يجمد بسرعه) وندخله الثلاجه بعد التزيين.
:
/
/
:
http://www10.0zz0.com/2009/01/31/22/927057947.jpg (http://www.0zz0.com/)

بالنــسبه للحــلى الثالث والرابع ماصلحتــهم لانهم صعبين واحد له عجينه خاصه ويحشى تمر ويدخل الفرن >>هذا السمسم
والثاني ياخذ وقت خصوصا في اللآله وبعدين يصلح له حشوه خاصه وحوسه >>هذا حلى الجوزيه



http://www4.0zz0.com/2009/01/31/22/638876012.jpg (http://www.0zz0.com/)

وهــــذي نفس الحلويات صلحناهم ثاني يوم ولو تلاحظون الحلى الاصفر هالمره مربعات يعني ينفع يجي بطريقتين ..

* الصوره لكم علــيها بس ماذكرت اصوره الا وانا طالعه على الارض ..

عطر
01/02/2009, 07:14 AM
وعليكم السلام ورحمة الله وبركاته

اللللللللللللله شي شي بسم الله عليتس

الله لا يضرتس

تصيرين صديقتي الصدوقه :D

تسلم يدينتس يا رب ويديني بعد لأني بصلحهم ان شاء الله

وسهلين بعد

تعالي أنا الحين أتقهوى وما عندي احد كلهم بدواماتهم والله يحيي الجميع >> للعلم أول مره اصلح قهوة هالوقت :D

مشكلة الشهوه والله وش نسوي ونغاير العالم :D:D:D:D

الخيل عشقي
01/02/2009, 08:13 AM
وعليكم السلام ورحمة الله وبركاته


وش هالزين ماشاء الله وش هالسنع


ياحللاه ياصحين من هالحلى مع فنجال قهوه


مشكوره جروح الوقت على هالحلا


وننتظر جديدك في اي وقت حتى لو المنتدى راكد الموضوع يبقى ويتصفحونه متى مادخلوا



تحياتي وتقديري

أبوهتون
01/02/2009, 11:05 AM
وعليكم السلام ورحمة الله وبركاته


ماشـــــاء الله تبـــارك الله وش هالحلـــــى الـزيــــن والله أنــك سنعــــــه والتصـــويــــر واضــــح مــــره وضــــوح الشمـــس فــي كبـــد السمـــاء|44|

بـــس حاولـــي تصلحيــــن لنــا الحلــــى الـثالـــث والـرابـــــع أجلســــي عليهــــن نهـــاية الأسبـــــوع وحاولـــي فيهــــن ترأ مالـــك عـــــذر وبننتظـــر الســـبت القــادم |44|

بــس تبيــــن الجــــد صيــــانــي التقــــديــم حلــــوه بكــــم شــارينهـــــن أكيــــد أنهــــن مـــن ســـوق الأربعـــاء اللـــي بالشعـــراء لاتقــولين لا|44|

وصــــورة الحلـــى الثــانــــي اللـــي تحــت الصينيــــه هــــذا سيــراميــك بــلاط مطبخكــــم لونــه حلـــو |44|

يعطيـــك العــافيــــه أخــــتي الفـــاضلــه جــــروح الـوقـــت علـــى هالحلـــى ماقصـــرتـــي الله يخليـــك لأهلـك ويخليهـــم لك قــولــي آميــن

دمــــتي بخيـــر وســـلام وحفــــظ مــــن الرحمــــن

أخوكم إبراهيم اليحيى ( العسكري )

ام محمد
01/02/2009, 11:51 AM
وعليكم السلام ورحمة الله وبركاته ...


ما شاء الله عليكي يا جروح ..مرتن سنعتن مافيها كلام ...يا حظ الي بياخذك |30|

نصيحه خوذيه نحيف ما راح ياخذ بيدك شهر|68| الا وما شاء الله بيغدي|....تبارك الرحمن يبيلك تسوين توسعه على الابواب ...عشان يقدر يدخل .|44|.



حقيقة انتي راااائعه وطباخه ماهره وشكلك تحبين تسوين الحلى اكثر من الموالح ..عكسي ..




\\


**برايفت ابو هتون ...الله يهديك ما خليت شي فصفصت البنيه حتى بلاط مطبخهم علقت عليه|44| ...


جرووح قولي أمين يالغلا...:!rosita:


جعل ربي يوفقك ويسعد قلبك ويحقق كل أمالك ويرزقك بالزوج الصالح الي يهنيكي ويسعد ايامك

السهران
01/02/2009, 02:35 PM
ماشاء الله عليك ياجروح الوقت
حلى لايمكن وصفه عليك بالعافيه
وننتظر الحلويات الجديده الله يعطيك العافيه

ماصار
01/02/2009, 02:57 PM
يعطيتس الف عافية ياجروح شهيتيني بالحلا اما الاصفر اللي بالوصط فيه شي اسود والله ياشكله حلووووووو
ماشالله عليتس تاكلينهم بالعافيه بس بقيلي وحده من الاصفر

أم سعد
02/02/2009, 03:32 AM
عـــطر الخزامــى ..

هـــلا والله وغلااااااااااا ..
نــورتي المطبخ والموضوع بطلتك ..

الله يسلمك ياااارب .. ولاتنسين الا صلتيهم اسدحي لنا تجربتك مدعمه بالصور ..

اما القهوه والله ماتنشرب الا مع الصباح بالعكس هذا وقتها >>نظام عجز |44|
من جــد احنا تعودنا عليها كذا خصوصا ذا الايام جدتي جايتنا وشي اساسي قهوة الصباح حتى اني صرت ما افوتها يا اقوم بدري عشانها او اوصل ..

يعطيك العافيه وتسلمين ياعمري على التواجد ..

أم سعد
02/02/2009, 03:33 AM
عــاشق الخيل ..

حــي الله الخــيال ..
هــذي والله الساعه المباركه الي شفناك فيها بالمطبخ.. :)


وش هالزين ماشاء الله وش هالسنع

مشكور على الاطراء
ياحللاه ياصحين من هالحلى مع فنجال قهوه
مايغلى عليكم والله لو اقدر


وننتظر جديدك في اي وقت حتى لو المنتدى راكد الموضوع يبقى ويتصفحونه متى مادخلوا

ان شاءالله بتشوفون مشاركتي انا والاخوات هنا ..
الله يعطيك العافيه يارب ..
اسعدني تواجدك..ماقصرت ..

أم سعد
02/02/2009, 03:36 AM
العـــســكري..
حــي الله شــيف المــنتدى وصاحب وسام التــميز بالطبخ ..

ماشـــــاء الله تبـــارك الله وش هالحلـــــى الـزيــــن والله أنــك سنعــــــه

الله يعافيك وتسلم اخوي على رفع المعنويات..

والتصـــويــــر واضــــح مــــره وضــــوح الشمـــس فــي كبـــد السمـــاء |44|
التصوير تصوير جــوال والظاهر كان ماني غلطانه انــه N 70


بـــس حاولـــي تصلحيــــن لنــا الحلــــى الـثالـــث والـرابـــــع أجلســــي عليهــــن نهـــاية الأسبـــــوع وحاولـــي فيهــــن ترأ مالـــك عـــــذر وبننتظـــر الســـبت القــادم |44|
مالقيت الا اصـعب شــي ..والله انا حدي حلى برابيس يعني احط ذا على ذا وادخله الثلاجه اما الي بالفرن والله ما احبه والا اسويه الا ناااااادراً ..


بــس تبيــــن الجــــد صيــــانــي التقــــديــم حلــــوه بكــــم شــارينهـــــن أكيــــد أنهــــن مـــن ســـوق الأربعـــاء اللـــي بالشعـــراء لاتقــولين لا |44|

مــشاءالله عليك وعلى حبك الغير طبيعي للشعراء والشبرميه :)
ما اقول الا الله يرزقني كثر ماتمدح الشعراء |44|


وصــــورة الحلـــى الثــانــــي اللـــي تحــت الصينيــــه هــــذا سيــراميــك بــلاط مطبخكــــم لونــه حلـــو |44|

ايه السيراميك شارينه من الشعراء :p


يعطيـــك العــافيــــه أخــــتي الفـــاضلــه جــــروح الـوقـــت علـــى هالحلـــى ماقصـــرتـــي

الله يعااااااااافيك ..


الله يخليـــك لأهلـك ويخليهـــم لك قــولــي آميــن

الله يجــزاك الجنه ووالـــديك امــين ..ماقصرت ..
الله يعافيك وتسلم يمينك على هالرد..

أم سعد
02/02/2009, 03:42 AM
ام مــحـــمد ..
يــالله حــيهاااا تو ماتبارك القسم والموضوع ..
اسفرت وانورت والله >>>مبسوطه لانك من زمان مارديتي على مواضيعها :)


ما شاء الله عليكي يا جروح ..مرتن سنعتن مافيها كلام ...
ماعليك زود يا ام محمد انتي ام الســنع..الله يعافيك ..

حقيقة انتي راااائعه وطباخه ماهره وشكلك تحبين تسوين الحلى اكثر من الموالح ..عكسي ..
احــرجتين يا ام محــمد وربي .. لكن من جد اذا كنت كذا فهذا من ذوقك .. تسلمين ..
وفعلا انا ما احب اصلح الا الحلى >>الا قولي ما اعرف اصلح الاهو :p

جرووح قولي أمين يالغلا...
جعل ربي يوفقك ويسعد قلبك ويحقق كل أمالك ويرزقك بالزوج الصالح الي يهنيكي ويسعد ايامك
الله يــجزاك الجــنه امــين ويعطيك بمثل دعواتك..
تســلمين على روحك الطيبه وذوقك ورقي تعاملك ..
اسعدنــي تواجدك وردك الي فقدته في مواضيعي السابقه ..فلا تحرميني هذا الحضور الرائع..

أم سعد
02/02/2009, 04:03 AM
ماشاء الله عليك ياجروح الوقت
حلى لايمكن وصفه عليك بالعافيه
وننتظر الحلويات الجديده الله يعطيك العافيه



حياك الله اخوي السهران..
وان شاءالله بتشوفون باقي الحلويات ..
والله يعافيك على حضورك ومتابعتك الي نورت موضوعي ..
وننتظر الطبق >>> تنفيذ الحكم :p
مشكور يالسهران وننتظرك ..

أم سعد
02/02/2009, 04:04 AM
يعطيتس الف عافية ياجروح شهيتيني بالحلا اما الاصفر اللي بالوصط فيه شي اسود والله ياشكله حلووووووو
ماشالله عليتس تاكلينهم بالعافيه بس بقيلي وحده من الاصفر


ياهلاااااا فيك اخوي ماصار ..
عاد ترى الاصفر هذا اســهل واحد فيـــهم..
والاســود الي فوقه هــيرشي حبيبات الي تزين فيه الحلويات ..
واكلناهم بالعافيه منذ مبطي >>من ايام العيد |44|

يعطيك العايفه اخوي ماقصرت ..

بنت سعد
02/02/2009, 01:43 PM
لا لا ليش الخيانه ياجروح هالحين ماجاء ذا الزين والسنع الا يومني رحت تراه دين عليتس تسوينه لي الامني جيت

بس مشاءالله عليتس صينيه تفتح النفس..

أم سعد
07/02/2009, 11:41 PM
^
^
طبعا ردي انحذف مثل باقي ردودي ..
مدري وش ذا المنتدى المخررررف ..اوووف ..



عموما الله يعافيك يا بنت سعد وماقصرتي على المرور..

عبدالعزيز الربيع
08/02/2009, 01:07 AM
ما شاء الله ما شاء الله

وش ذا الحلا الزين

<<<< من زمان ما كتب رد في المنتدى علشان كذا ما يدري وش يقول

بس ما شاء الله حلا ولا اروع

وطريقة التقديم الطراحة تفتح النفس


بس وش اسم الحلا الي على شكل وردة


ما قصرتي اختي جروح دايم مواضيعك مميزة


ما قصرتي اختي

أم سعد
09/02/2009, 01:12 AM
ابــوربيع ..
حياك الله اخــوي..
ايـــه نسيت الكتابه بالمنتدى بعذرك..الظاهر هذا مرض يصيب المشرفين |44| مير من صرت مشرف مالعاد نشوف الا اسمك... ليتك للحين عضو احسن :)

قصدك الي بطرف الصينيه الاولــى...!!! هذا مهوب حلى حلى.. لااا زي الكليجا وامي الي مصلحته مدري كيف بس المهم انه للزينه والي بياكله ياكله عادي :p

الله يعافيك على التواجد وماقصرت..