إلى الشاعر سعد الماضي..

[التميمي]

الأستاذالشاعر سعد الماضي حفظة الله :
لقد أعجبت كثيراً بمشاركاتك وقصائدك ورمزاً لهذا الإعجاب أهديك هذه الأبيات المتواضعة .. وشكراً..

يابو علي ياسيد الشعر بيطار
شعرك جزيل جزل سهل عسيري .
جددت عصر للفرزدق وبشار
وأحييت شعر الشنفرى والنميري .
ورفعت قدر الشعر من عقب مابار
والشاهد الله صرت للشعر أميري.

[خالد العنقري]

صح لسانك يا لتميمي

بنتظار شاعرنا العملاق ابو على

تحياتي

[سعد الماضي]

لقد فاجأتني يا تميمي ولكي أثبت لك أنك مبالغ أشد المبالغة فقد جاءت هذه الأبيات متواضعة


لا هنت يا مصخّر جزيلات الافكار = حبك بقلبي يا التميمي كبيرِ
حلمت اصير وصرت اميرٍٍ للاشعار = وحققت لي حلمي بوقتٍ قصيرِ
سجلتني في مرتبة روس الاشعار = محدٍ يحصّل مثلها لو يطيرِ
ودور الفحول اللي يذكّر فى الاخبار = دورٍ تقدّم ما لهم به خشيرِ
الله يثيبك زود رفعة ومقدار = لا شك عن قدرك يقل اتعَـبيري

إن كانك تشوفها زينة فهي ما زانت الا باسمك

[ولدالذيب]

بيض الله وجه التميمي وصح الله لسانك
انصفت شاعر الشعراء سعد الماضي
وبا الفعل هو امير الشعراء ولاهو احمد شوقي اطيب منه
تحيااااااتي للشاعرين التميمي وسعد الماضي

[سعد الماضي]

يا جماعة هدوا اللعب
والله إن معظم اللي معنا في هالمنتدى أعرف مني بالشعر
بس هي تصانيف ساعة تجي القريحة ولا به أزين منها وساعة تغيب ولا به أنكد منها
ولا تعطونني ألقاب فوق المستوى وإن سمحتوا لي في وقت لاحق وضحت لكم بعض الأفكار المنطقية
تحياتي يا ولد الذيب