الدقَّـــة القــديــــــمـة

[الصييفي]

زيجاتنا دقّة قديمة= قهوة و تتبعها وليمة
مابه كروت ولا فنادق= و طيب النسب راس الغنيمة
دخوننا من عود(ن) أزرق= ولا به معسَّلْ أو نميمة
ولافيه "طقاقة" أغاني= مغير"عرضة" وسط "خيمة"
ندخل مداخيل(ن) تشرف= و نخرج بإحسان(ن) وشيمة
وبناتنا تصبح مدارس= واولادنا سمعة و قيمة
وسلوكنا الإسلام كله= نصبر، ولانرضى الهزيمة
وقت الغضب رعد و عواصف= ووقت الرضى أمطار ديمة
نرفع غصن زيتون عالي= ونعلق سيوف(ن) صريمة
والى جهل أحد(ن) علينا= ماجت عواقبها سليمة
في ديننا كل المزايا:= حزم(ن) مع قلوب(ن) رحيمة
و العدل والإحسان شرعه= والأمن عسى الله يديمه


ويا هلا

[السيل]

صح لسانك يا خشم الرعن.......................


وتسلم على هذه القصيدة..............

فـي ديننـا كـل المـزايـــــــا @@@ حزم(ن) مع قلوب(ن) رحيمة

و العدل والإحسـان شرعـه @@@ والأمـن عسـى الله يديـمــــــــه

[فـــــهـــــد]

دخوننا مـن عـود(ن) أزرق * * * ولا بـه معسَّـلْ أو نميـمـة
ولافيـه "طقـاقـة" أغـانـي * * * مغير"عرضة" وسـط "خيمـة"

وصح لسانك خشم الرعن وبارك الله فيك وبيض الله وجهك على القصيدة فعلا هذي عادتنا وتقاليدنا، ، ، والعدل والإحسـان شرعـه * * * والأمـن عسـى الله يديـمـه

تحياتي فــــــهـــــــد

[سعد العبود]

نرفع غصـن زيتـون iiعالـي ونعلق سيـوف(ن) iiصريمـة
والى جهـل أحـد(ن) iiعلينـا ماجـت عواقبـهـا iiسليـمـة

كلام أستاذ(ن) معبر ** فيه المعزة والشكيمة

اتمنى ان تكون زيجاتنا في هذا العصر دقة قديمة ولكنها للأسف اصبحت دقة غشيمة ينظرها الجاهل بأعتزاز وينظرها الحاذق بأشمئزاز................

صح لسانك....................

[سعد الماضي]

صرت مشرف للمواهب ولامست القلوب = تطعن قلوب العرب في رماحٍٍ من ورود
جيتنا بالحب والحب للروعة اسلوب = وصغت وقتٍ يحـّلالاه ياليته يعود
ودك انك تنشره في 800 قروب = وودك انك في الجرايد تحطه في عمود

[ابودحيم]

وبـنـاتنا تـصبح مـدارس.......... واولادنــا سـمعة و قـيمة
وسـلـوكنا الإســلام كـله............نـصبر، ولانـرضى الهزيمة

صح لسانك يا خشم الرعن و بيض الله وجهك

و دمت لنا وللمنتدى

اعذب تحياتي لك

[سعد الماضي]

كل المشاركات اللي زخرفناها ما عاد نقدر نقراها فهل عندكم لها طريقة؟

[نـــد ثهلان يـــم]

نـدخل مـداخيل(ن) تشرف و نـخرج بإحسان(ن) iiوشيمة
وبـنـاتنا تـصبح iiمـدارس واولادنــا سـمعة و iiقـيمة
وسـلـوكنا الإســلام كـله نـصبر، ولانـرضى iiالهزيمة

خشم الرعن

صح لسانك على الأبيات الجميله والمعبره

وخا صتاً في هذا الزمن اللذي افتقد اهله الشي الكثير من العادات

والسلوم الجميله

تحياتي

وداااااااااااااااعة الله

[الصييفي]

الأخ السيل: عسى الله يجيبك لين تسقي ديارنا@ وتكثر الما في منابع بيارنا
شكراً على مرورك، و دمت محروساً.

أخوي فهـــد: تسلم وشرفتنا بمرورك ذي النكهة الخاصة.

ســعد العبود: أشكرك يبو ابراهيم على مرورك و كلامك الذي اوافق عليه دون تردد.
على فكرة، كلمة "شكيمة" تعني دائماً لجام الفرس، رغم أننا نستخدمها رمزا للشجاعة و القوة والتحمل.
شكراً لك على مرورك.

سعد الماضي: أهلا بهالطلّة يبو علي رغم أنني لا أعرف ماذا زخرفت، و لا يجي منك دائماً إلا كلام راق، لك تحيتاتي.

أبو دحيم: تشكر يا حبيبي على كلامك الجميل و لا أدري كيف ينعتونك بالشايب و هذا توقيعك؟؟

نديــ ثهلان ـــم: تشكر يالغالي على مرورك ومبروك على الثقة الممنوحة لتشرف على المنتدى الشعبي، فأنت قدها و قدود.

[علي العجاجي]

زيـجـاتـنا دقّــة قـديـمة قـهـوة و تـتـبعها ولـيـمة
مـابـه كــروت ولا فـنادق و طـيب النسب راس الغنيمة

صح لسانك ياخالي على رائعتك الجديدة.........
وياليت تعود دقه قديمه بس ياقلها هالحين.....

[ظناني الشوق]

إبداع مابعده إبداع قصيدة إجتماعية رائعه ومعناها سامي

لك كل التحايا العطره ياغالي

لك تحياتي

[حمضيات]

صح لسانك اخوي خسم الرعن

وبيض الله وجهك

[بدر الدجا]

صح لسانك يا خشم الرعن

[سيف السيف]

صح لسانك يا خشم الرعن


قصيده رائعه وجزله


وشكلك تبي تورطنا ..


راضين فيهن بزينهن وشينهن

ما يحتمل الوضع او مايسوى انهن يعلن الثوره

ونبلش عاد :)



كل ماتكتبه يا خشم الرعن يروووووق للاذواق


كن بخير

تحياتي لك


.

[الصييفي]

علي العجاجي: تسلم يبو ابراهيم على تشريفك ومازلنا في انتظار روائعك، و كم علينا أن ننتظر؟



ظناني الشوق: شكرا علي مرورك و تشجيعك ولك أطيب تحية.



حمضيات: تسلم يخوي على مرورك. ولدي سؤال لك : هل يتلقى "منتديات الشعراء" أي أجر على عرض توقيعك الذي وضع دعاية "ببلاش" لأحد المشروبات الغازية؟؟



بدر الدجا: بارك الله فيك، و لا عدمناك.


ســـيف الســــيف، "ســـيف الشـــعر": الله يسلمك يبو عبيد، و لا خوف عليك، الخوف منك.

ويسلم قلمك اللي يخط أبدع الأبيات واللوحات الشعرية. لا تحرمنا منها لا عدمتك.