الى نديم ثهلان

[ابوهـيـف]

مع التحيه والتقدير الى نديم ثهلان اهدي هذه المتواضعه

الا يا نديم اليوم وش عندك اخبار = دخلت البحر والصيد ما عنه طاري
وأنا خابر اللي من قبل كان لك جار = قبل لا تدش الغوص وسط البحاري
سبقكم على دش البحر وسط الاخطار = وعقب ما تليته صار باسمك يماري
وصار يتخفى عنك يبغاك تحتار = يضنك بغبات البحر منت داري
وانا خابرك بالغوص باخص وبيطار = ولا اظن يخفى عنك ماكان جاري
ولو غير اسمه وابدل الدار في دار = يطول الظلام وتاليته النهاري
ابنشدك ماحصلت لولو ومحار = او انك عن الغبه من الليل ساري


وسلامتكم

[سعد العبود]

المعذرة لو تدخلت لكن وضعتها بهذا الشكل لكي استطيع قراءتها ...............

الا يا نديم اليوم وش عندك اخبار
دخلت البحر والصيد ما عنه طاري
وأنا خابر اللي من قبل كان لك جار
قبل لا تدش الغوص وسط البحاري
سبقكم على دش البحر وسط الاخطار
وعقب ما تليته صار باسمك يماري
وصار يتخفى عنك يبغاك تحتار
يضنك بغبات البحر منت داري
وانا خابرك بالغوص باخص وبيطار
ولا اظن يخفى عنك ماكان جاري
ولو غير اسمه وابدل الدار في دار
يطول الظلام وتاليته النهاري
ابنشدك ماحصلت لولو ومحار
او انك عن الغبه من الليل ساري

و أنت سالم قصيدة جزلة من شاعر بدأنا نستنشق عبق أبداعة ................

والله يعين مشرفنا نديم ثهلان على مجاراتها ............

[خالد العنقري]

ابو هيف صح لسانك

الله اكبر انت حي يابو هيف

تشرفت بمصافحت هذه الشامخه يابو هيف

تحياتي لك

[علي العجاجي]

صح لسانك يابو هيف على هذه القصيدة الرائعة

والله يعينك يانديم ثهلان

[نـــد ثهلان يـــم]

ابو هيف

هلا فيك

وراك على ورى ما تتركني بحالي

ولا في بالك شي

عرفت ويش المقصود والرد جاهز

تبيني انشره هنا ولا في موضوع مستقل ؟؟

اعطني الرد الله لا يهينك

تحياتي لك

وداااااااااااااااعة الله

[سيف السيف]

صح لسانك يا ابو هيف


وبانتظار الرد من نديم ثهلان



ومعنى جميل وغطو اجمل :)

[ابو لين]

عرفت ويش المقصود والرد جاهز

تبيني انشره هنا ولا في موضوع مستقل ؟؟


صح لسانك يا ابو هيف

ويالله رد يا النديم نبي نشوفه هنا اسرع شكل ابو هيف مهوب حولك

بس انا من الشفاقة ابي اشوف الرد بسرعه يمكن نعرف وش المقصور

[نـــد ثهلان يـــم]

مرحبا بالزائرين

هذا الرد يا ابو هيف


يا صاحبي لي في البحر عشق واسفار = واحب جني اللي بوسط المحاري
ان كان قصدك نعلن السر بجهار = غزالنا ضاعت بليلٍ غداري
بغيت اصيده والظبي من يدي نار = ثمٍ لجا في الشامخات الذواري
وايضا حداني عنه رجلٍ لهم جار = ومعه الرفيق اللي سعى في دماري
وحاولت ادور عنه في كل الأقطار = وطال الغياب وطال معه انتظاري
خايف عليها من صواديف الأقدار = وخايف عليها من جياع الضواري
وجتني علومٍ عنه من صاحبٍ بار = يقول خبري به سجد واستخاري
واستبدل اسمه باسم يوحي بالأخطار = وانكر ديار الحي وانكر دياري
وجه جنوبٍ لم دارٍ لها كار = تبعد عن دياره مسيرة نهاري
شرقي قهيده لو حسبته بالأمتار = ستين كيلوبين سد وصحاري
ولفى على اميرٍ كما الغيث مدرار = وبدل ذلوله في قصور وجواري



اتمنى اني حققت ما كنت تريد

نديم ثهلان

[ابوهـيـف]

سعد العبود : لاهنت على اللتوضيح والتعليق

خالد العنقري : انا اللي تشرفت بمرورك وابشرك اني حي ارزق الله يحييك

علي العجاجي : تسلم يالغالي اسعدني مرورك

سيف السيف : لا هنت يا ابو عبيد

ابو لين : احسنت يوم عجلت الرد من نديم ثهلان

نديم ثهلان : وفيت وزود وكفايه لحد كذا وانا ما قصدت الا استفزك لتخرج ابداعك

دمتم سالمين

[نـــد ثهلان يـــم]

يا صاحبي لي في البحر عشق واسفار = واحب جني اللي بوسط المحاري
ان كان قصدك نعلن السر بجهار = غزالنا ضاعت بليلٍ غداري
بغيت اصيده والظبي من يدي نار = ثمٍ لجا في الشامخات الذواري
وايضا حداني عنه رجلٍ لهم جار = ومعه الرفيق اللي سعى في دماري
وحاولت ادور عنه في كل الأقطار = وطال الغياب وطال معه انتظاري
خايف عليها من صواديف الأقدار = وخايف عليها من جياع الضواري
وجتني علومٍ عنه من صاحبٍ بار = يقول خبري به سجد واستخاري
واستبدل اسمه باسم يوحي بالأخطار = وانكر ديار الحي وانكر دياري
وجه جنوبٍ لم دارٍ لها كار = تبعد عن دياره مسيرة نهاري
شرقي قهيده لو حسبته بالأمتار = ستين كيلوبين سد وصحاري
ولفى على اميرٍ كما الغيث مدرار = وبدل ذلوله في قصور وجواري



اتمنى اني حققت ما كنت تريد

نديم ثهلان

[خالد العنقري]

صح لسانك يا نديم ثهلان

رد جميل وسبك وحبك طال عمرك

تحياتي

[الصييفي]

و أيضا حداني عنه رجل لهم جار @@ ومعه الرفيق اللي سعى في دماري

سامح الله الجار وكفانا من سعى بالدمار. لقد أبدعت يا ند يــ ثهلان ــم في توضيح المشكلة للمتطفلين أمثالنا فلك الشكر على إبداعك فيما خطه يراعك. و لا أظن "أبو هيف" سيبقى لديه أي تساؤلات بعد الآن.

تشكر يالغالي.

[ابو لين]

صح لسانك يالنديم كفيت و وفيت

العذر والسموحة كان ودي اكون اول اللي يردون بس مدري وشفي المنتدى بعض الاحيان يفتح لي بس ما اقدر اشارك مدري البلا من السيرفر و الا من كمبيوتري