مرحبا بالعضو الجديد: القْـليـّب

[سعد الماضي]

مرحبا ياللي كسبت اسم القليـّب
جعلها وبل الحيا ديرة خوالي

أنت يا راعى الوفا مجناك طيـّب
من رجالٍ ما افختوا درب المعالي

[السامر]

صح لسانك يا ابو علي ..

وحيالله القليب ويستاهل ألف ترحيب مدام انه من طرف ( ابو علي ) ..

حياك الله يالقليب تحيه اهل نجد للسيل ..

[سعد الماضي]

السنكليون أكبر الأرقام المستخدمة حاليا ومقداره واحد أمامه 27صفر
وتستاهل أكثر..
هذه خاطرة وليدة لحظات ولأني شاعر ورقة وقلم فإن ساعتي بيوم إلا أني تأثرت بما قلت لي :
أحلى الليالي بدرها فى السما فوق = زينةْ بقمراها وزينن سماها
فيها رجالن كلهم شيمة وذوق = ومزودينن بالسوالف حلاها
واغلى الليالي شوقها للوفا شوق = باللي غلا شوفه يجدد غلاها
السامر اللي له من الصدق منطوق = جنـّب سبيل الخايعة ما مشاها
وفى المنتدى اللي للمشاكيل معشوق = السامر افكاره لذيذن جناها
لعل فاله خير واحسان ووفوق = ويكتب له بدنياه كامل صفاها
مع وافر الاعتذار عن مستواها

[السامر]

صح لسانك يا ابو علي ..

بيض الله وجهك وما قصرت .. والقصيدة جاءت بأعلى مستوياتها وافضلها واحلاها ..

بما انها من قلم الشاعر المبدع : (( ابو علي ))

بيض الله وجهك .. ولاهنت على هالقصيدة الرائعة ..

[القليَب]

السلام عليكم ورحمة الله وبركاته
مساكم الله بالخير يا اهل الشعراء ديرة هلــي ....

شكراً لك يــا اخوي /سعد الماضي على هذه الابيات الرائعة جدا جدا ...

امل قبولي ضيفاً خفيفاً عليكم في هذا المنتدى ...

احب الشكر كل من قام بإعداد هذا الموقع الرائع وقام بالتواصل بين الجميع ...

احب أن اوجه الشكر لك يا سعــــــد الماضي ( ابوعلي) على هذه الابيات مرة اخرى وشكر للجيمع .....


اخوك الصغييييييييـــــر ( القليّب )