هــدّاج (الجيمية)

[سعد الماضي]

هــــــــدّاج

ناجى أحد الإخوة زميله ذات مرة بحرف الجيم, فوعدت بأن أنظم بيتين كل كلمة فيهما فيها حرف جيم
فكانت هذه القصيدة, وحيث أن اسم ذلك الأخ لا يحمل حرف جيم فقد رمزت له باسم مُنْجـِد



الجسم جذه جور ابو جيد وحجاج = وعجزت اجبّر جرح جسم ن زجاجي
ما يرجهن ومرهج ن جفنه ارهاج = واوجـِس جحيم الجمر جنب الحجاجِ
جور الجمال اجج جحيمي وانا ساج = جاف ن جفاني لا يجي ولا يناجي
ماج وجحدني زجني جوف الامواج = وجرعني امواج الخليج الهماجِ
مجروح جوا الجوف من جرم مغناج = وجنيف جيته ما وجدت العلاجِ
وجزمت اجيب الجيم وانسج على آج = واجهدت اجيب الجيم باجمل مزاجي
أجمل مجال الجيم تمجيد هداج = جاه ووجاه وجا له الجود لاجي
عن منهج اجواد الرجاجيل ما ماج = وجنسه جعل جيله للاجيال تاجِ
مُنجـِد تجيه الهجن برجالها افواج = عن جفوة الجافين جنـّه هجاجِ
جاد وتجمل ويتبلّج تبلاّج = جاهم بجهد ن توّجه بانفراجِ
عجَّل بواجبهم عن الجوع بافراج = ومن الجذل جا للجميع ابتهاجِ
منجد لمن يجري ورا المجد فلاج = وجذوع مجده ما حجزهن سياجِ
منجد نِجاد انجاد ما هوب هلباج = عْن المجتمع ما يحجزه برج عاجي
جوده يجث الجدب عجّاج ثجّاج = جرى وجت جَروة جميع الفجاجِ
جدد جميله لي بنجد ومعي داج = وجميل منجد نجدة الجود تاجي
بين الجرِير وعاج واجلة وفرتاج = وجُبّة واجا والمجمعة والنباجِ
جزل ن برنجيّ ن للافجاج بواج = ما يجزعه تجوال جنح الدياجي
وان جمّل الهجعة من الجو وهاج = يجهم ونجم الفجر فى الجوّ ساجي
أجزم فلا له جنس مجنى ومنهاج = جعله مْجار ولا يجيه انزعاجِ
تمجيد منجد جل عن نسج نساج = والجدي والجوزا لمجده محاجي
وجهّزت لي جيب ن من الصاج للصاج = جكس ن جديد ن ما جلب فى الحراجِ
جكس ن مجرّب ما يرجك ببطناج = داج الجزيرة ما لجا فى الكراجِ
وجنّبت جمس ورنج وانتاج الادواج = وْلا احتجت تجديد الجْلـَد والبواجي
جبته ووجهته لوجهة جبل عاج = وجينا الجبل والجيب في عاج داجِ
أجمل من اجلة والجياسر والانجاج = جوّه جميل ولا يجي به عجاجِ
وجبنا الجمل عجلـِين والفجر ما انباج = شجعان نجد مجنبين الدجاجِ
يا مجهز الجوال ما جن الابراج = جوّد جهازك لا يجيه ارتجاجِ
يجوز جوالك للاحجار محتاج = جدد حجرك ولا يجي بك خْلاجِ
وعجّل بتجهيز المجـِلاّن بهاج = ننهج الى جا الفجر وجهة سْواجِ
وسجّل عجب وجْهاد وامجد وحجّاج = وجهجاه ومناجا وجبري وناجي
وجنّب مجال مجربع الهرج لجلاج = الجاهل المرجوج وجه السماجِ
وجب في مجال الجيم جهدك بلا احراج = وباجود انتاجك جوّد اجود انتاجي


نجد في الجمعة 5 جمادى الآخرة 1422
___________________________________________________

رد الأخ محمد بن علي بن عواض النفيعي:


الجيم جتني جوهرة جودة انتاج = جادَه جميل النهج والانتهاجِ
جواهر ن ما جابها هرج هراج = ولا جمّعوها جامدين المزاجِ
نهجه توهّج به جهوده توهّاج = نهجه جميل ولا بنهجه سماجِ
أسرج جواده للمراجل وبه داج = ولا للسذاجة في مجاله رواجِ
من جودة المنتوج ابا اجوّد التاج = تاج الرجال اللي حَجاهم ملاجي
واجاوب المجروح والفجر ما انباج = وانا بجهدي باجتهد له واناجي
هاجن هواجيسي وجابن لي ازعاج = من ما لجا به جابن لْي انزعاجي
جوفه جريح وللعماهيج مسهاج = جرح ن لجا به ما يجيه العلاجِ
وهجنه من جْروح ن لجن تدلج ادلاج = وجنيف جاه ولا وجد به خراجِ
وجفنه جحيم وهجعة الجفن سوهاج = والجوف جال من الجروح اللواجي
لاجْله باجيب الجيب ومن اجمل انتاج = جاهز مجهز من جميع احتياجِ
جكسار ن مجرّب ولا بالمجر داج = ولا دوّجوا به جامعين النعاجِ
في حاجتك ينهج ولو هاجت امواج = موج الخليج ان جاه يرجع عجاجِ
مْن جْبلة بنوجهه جو الافلاج = ومن الجنوب لجوّ اجا لـْهْ اندراجِ
جعله يجيب لما لجا جوفك عْلاج = وليا ابتهجت يجيني انا ابتهاجي
وان ما وجد جهِّز على جية الحاجّْ = نبا نجوّد له جميع المحاجي
جعله يجي للحج مع جمع الافواج = ويجود لجروح ن جرحها الخلاجِ
جعل الجليل يجيب للجرح مخراج = ويجيك من جود الجليل انفراجِ
نهجك نهجته ما وجدنا به احراج = لا جا الدجَى يسْرج لرجلي سْراجِ
وِاجمع جميع الجايزة جوف الادراج = وانا جمعت انتاجكم مع انتاجي


بحار في 1 رمضان 1422
___________________________________________________
على أية حال فلم أكن أتوقع انتشار قصيدتي وإلا لجنّبتها الهزل

[الصييفي]

تسلم يبو علي أنت و النفيعي ومن يريد أن يكتب دون أن يستخدم الكلمات التي وردت في القصيدتين يحتاج إلى كمبيوتر ولكن خذ هين البيتين:

جَهمْت من جِرْف "المجيفل" إلى "ثاج" @@@ و جَنْب "الجبيل" الجادّة ما تساج(ي)

الجرْبْ تجْفِلْ من مِجاهيلْ عَمّاج @@@ "عِلْج" (ن) يجي بمْجازفات(ن) عْواج(ي)
و المعذرة إن أي من الكلمات ورد من قبل.

[نـــد ثهلان يـــم]

سعد الشعيلان

صح لسانك على القصيده ( الجيميه)

لقد ابدعت بها وتجلى ابداعك في نظم الأبيات بحرف الجيم

وهذا فيه ابداع لايستطيع الغالبيه الوصول الى مستوى ابداعك

احيي فيك شاعريتك الفذه

ولا يهون النفيعي اللذي جارك في القصيده بأبياته الجميله

ولا يفوتني ان احيي الأخ خشم الرعن اللذي كان فارس من فرسان

حرف الجيم بمداخلته

للجميع التحيه والتقدير

وداااااااااااااااااعة الله

[سيف السيف]

صوت وصدى من اروع ما قرات


ماشاءالله تبارك الله



صح لسانك يا ابو علي وتسلم يمينك


وصح لسان النفيعي


وشهاده لله انكم متمكنين ولاتجيبون الا الجزال



وصح لسانك يا خشم الرعن على هالبيتين اللي ما يقلن روعه عن سابقاتهن


دمتم بخير ودام ابداعكم لاعدمناكم


تحياتي للجميع

[علي العجاجي]

تسلم يابوعلي انت والنفيعي على القصيدتين الرائعتين

وكما هي عاداتك دائماً انت تثري منتدانا بماهو جديد

[ابودحيم]

أجمل مجـال الجيـم تمجيـد هـداج
.............................. جاه ووجاه وجا لـه الجـود iiلاجـي


استاذنا سعد بن شعيلان

صح لسانك و بيض الله وجهك انت و النفيعي

و اشكرك على نشر هذي القصيده الممتعه

[سعد الماضي]

شكر خاص لخشم الرعن الذي أضاف بُعدًا جديدا للقصيدة

شكر وتقدير للإخوة سيف السيف وعلي العجاجي وأبو دحيم على تعليقاتهم الأخوية

شكر استثنائي للمشرف على هذا المنتدى نديم ثهلان الذي لم يعلق أبدا قبل هذه على أي مشاركة مني وكدت أصدق قول المثل :لو قيل لك راسك مهوب عليك ..الخ

[سفانه بنت الطائي]

ماأقول الاماشاء الله تبارك الله0

رائعة ***رائعة***رائعة

[سعد العبود]

ما أجمل أن تدمج جميع الجمل الموجودة بجوف جميلتك بجيم ...............

بصراحة حتى الكلام يصعب بأن أقوله وتكون جميع الكلمات لا تخلو من الجيم ..........

كسرت حاجز التحدي يا أباعلي وجدت بجذابة جميلة ...................

وصح لسان النفيعي ...................

[سعد الماضي]

شكرا لكم لتعقيباتكم
الحقيقة أنه لم ينشر سوى عشرين بيتا أما من البيت التاسع حتى العشرين فلم ينشر

[الرياشيه**]

لاهنت سعد الماضي

[مشاري شعيل]

ماقصرت يبو علي على القصيدة الجميلة

وماقصر النفيعي والله يعطيكم العافيه

وسبق اني قريت القصيدة اول ماحطيتها

وكنت حاضر سبب وضعك للقصيده


تحياتي



اخوووووكم المخلص ولد خريبيشان

[سعد الماضي]

ولد خريبيشان: شكرا
لا تكون أنت سبب القصيدة ولو كنت أنت ذلك الشخص فإني أستغرب إن ما لك إلا 57 يوم مسجل في المنتدى
الرياشية شكرا جزيلا