المساعد الشخصي الرقمي

مشاهدة النسخة كاملة : كرسي الاعتراف;;


البالودي
01/11/2009, 03:06 PM
بسم الله الرحمن الرحيم

جبت لكم لعبه كرسي الاعتراف

كل اسبوع عضوا يكون على الكرسي

و نسئله اسئله عنه او شخصيته

او اي شي


انا ابحط 3 اعضاء و الي بعدي يختار العضوا الي بيكون على الكرسي

و نبدء نسئله اسئله ولازم يجاوب على كل الاسئله

و في نهايه الاسبوع الي على الكرسي يرشه 3 اعضاء و الي بعده يختار واحد...الخ

ارجو التفاعل

نبدء
1- ‏قناص الأزرق (http://www.alsh3ra.com/vb/member.php?u=2482) 2-‏بنت ديرتي (http://www.alsh3ra.com/vb/member.php?u=3604) 3-السيل (http://www.alsh3ra.com/vb/member.php?u=125)

مين الي بيكون على الكرسي

ارجو التثبيت

ولد البواليد
01/11/2009, 03:15 PM
هع هع


اقول تولمي بس شكلك انتي الي بنقعدين على الكرسي المزيون


الا تبينه جلد ولا مخمل < خابر بصير ثابت عند باب الموضوع

سمى
01/11/2009, 05:41 PM
مساهمـه حلـوه أخـوي .. المنتدى كان فيه مثل هـ الفعاليه بس مدري وراها وقفت :p ,,

عافـاك اللـه .. ما قصرت = ) ,,

..

البالودي
01/11/2009, 05:43 PM
وراكم ما اخترتو احد

سمى
01/11/2009, 05:55 PM
نسيت :p .!

أرشح [ قناص الأزرق ] ,,

..

الزين كله
01/11/2009, 06:08 PM
ارششح بنتش درتشي ض1

ونرششح بنت ديرتي ابي استكشف عالمها << برا

ملاعب الصيد
01/11/2009, 06:12 PM
ارشح


‏قناص الأزرق (http://www.alsh3ra.com/vb/member.php?u=2482)

البالودي
01/11/2009, 06:18 PM
هو بس واحد الي يختار

خلاص الاسبوع ذا على

قناص ازرق
انا ابسئله
1-كم عمرك
2-وش اسمك
3-وين تسكن
4-وين تدرس

الزين كله
01/11/2009, 06:33 PM
اممممممم بسأله

وش اكثر بنامج تستخدمه غيير المسن ؟

قناص الأزرق
01/11/2009, 06:35 PM
يعطيك العافيه يالبالودي ..

ومالقيتوا ألا تختاروني |44| تكشفون اسراري كذا << تكفا بس |44|

يالله أمرنا لله ..

انا ابسئله
1-كم عمرك
2-وش اسمك
3-وين تسكن
4-وين تدرس


وراك متحمس الله يهديك |44|

عمري ياطويل العمر 19 سنه ..

واسمي محمد ..

وسآآكن بالشعراء ..

وأدرس بكلية العلوم الصحيه بالدوادمي ..

الزين كله
01/11/2009, 06:52 PM
وانا ماجوبت عن اسؤالي

قناص الأزرق
01/11/2009, 07:00 PM
وش اكثر بنامج تستخدمه غيير المسن ؟

معليش ما نتبهت والله ..

السكايبي .. هذا أكثر شي بعد المسن ..

طِـيـفْ
01/11/2009, 07:49 PM
مسكنااااااااااك :p |44|

وش ننشدك مممم

ايه ذكرت

تحب القصيد ولا ؟!

اقرب صديق لك؟!

وش مخطاطاتك اذا كبرت ؟!

وش تسمع اكثر شي ؟!

افضل مكان تقدره ؟!

وووو بس |44|

لآهنت يالبالودي

شكرا لك

قناص الأزرق
01/11/2009, 07:58 PM
سـ/ تحب تقرا جرآيد ؟! |44| وَ وش الجريده المفضّله لك ؟! وَ وش بعد , وش الموآضيع اللي تشدّك ؟! :p



أحب أقرا الجرايد .. جريدتي المفضله الرياضيه والجزيره .. المواضيع اللي تشدني

مواضيع الروافض ورد المسلمين عليهم << لا تقولون سياسي أستانس اذا سكتهم المسلم|44|

والمواضيع الهادفه اللي تنفع القاريء ..

قناص الأزرق
01/11/2009, 08:02 PM
تحب القصيد ولا ؟!

اقرب صديق لك؟!

وش مخطاطاتك اذا كبرت ؟!

وش تسمع اكثر شي ؟!

افضل مكان تقدره ؟!




ومن مايحب القصيد ..

أقرب صديق سري للغايه ..

مخططاتي أني اكون ظابط بعد الجامعه أن شاء الله .. هذا أهم شي أخطط له بالمستقبل ..

كانه أغاني كلش الله يفكنا منها ..

وان كانه شعر أسمع لمحمد بن فطيس ومحمد السهلي و و و ..

أفضل مكان .. البر ..

ملاعب الصيد
01/11/2009, 08:14 PM
هلا وغلا بقناصنا



/وش الفريق اللي تشجعه بعد الهلال


/ وش فريق اللي تشجعه باوروبا



/من الاعضاء تحس انه مجتهد وكذالك الامر للمشرررفين

قناص الأزرق
01/11/2009, 08:30 PM
هلا بملاعب والله ..


/وش الفريق اللي تشجعه بعد الهلال


/ وش فريق اللي تشجعه باوروبا



ما أشجع ألا الهلال ولكن احب متابعة مبارايات الاتحاد ..

الفريق الأوروبي هو مانشستر يونايتد ..

أما السؤال الثالث ياليت تجيب الترجمه حقته .. واجاوب |44|

ملاعب الصيد
01/11/2009, 08:38 PM
قصدي ياقناص

عضو مجتهد بالمنتدى و مشرف مجتهد بقسمه

طِـيـفْ
01/11/2009, 08:42 PM
لآهنت ياقناص

ماقصرت شكرا لك ..

البالودي
01/11/2009, 08:42 PM
الله يعينك

وش بعد عندي

1-وش تحب تاكل غير الرز؟
2-و متى اخر مره صخنت؟>>وش يبي ذا السؤال|44|
3-ما هو تفسيرك للحياه؟>>فلسفه|44|

قناص الأزرق
01/11/2009, 08:56 PM
عضو مجتهد بالمنتدى و مشرف مجتهد بقسمه

عضو مجتهد .. الخيل عشقي ..

والمشرفين ماجو مشرفين ألا أنهم مجتهدين وكفو للمنصب اللي وضعوا فيه .. يعني كلهم مبدعين ..



لآهنت ياقناص

ماقصرت شكرا لك ..





العفو ..


1-وش تحب تاكل غير الرز؟


2-و متى اخر مره صخنت؟>>وش يبي ذا السؤال|44|
3-ما هو تفسيرك للحياه؟>>فلسفه|44|


المكروونه والمصقعه |44|


آخر مره صخنت قبل 8 شهور بالظبط والى الحين آثآرها فيني .. جعلها بعد السماء عنكم ..

تفسيري للحياة انها حلوهـ |44|

رבـيق الجنوכּ
01/11/2009, 10:45 PM
س1 : اسوأ خبر سمعته ؟
س2 : شخص مآ ترفض له طلب ؟
س3 : جريمه ودك تسويهآ ؟< :p
س4 : منهو توأم روحك ؟
س5 : منهو العضو اللي يستحق انك تقول عنه محبوب؟
س6 : كم مره طحت ؟ < :p
س7 : كلمه اخيره بعد مآ آصابك الملل ؟ < :p

قناص الأزرق
01/11/2009, 11:17 PM
س1 : اسوأ خبر سمعته ؟
س2 : شخص مآ ترفض له طلب ؟
س3 : جريمه ودك تسويهآ ؟< :p
س4 : منهو توأم روحك ؟
س5 : منهو العضو اللي يستحق انك تقول عنه محبوب؟
س6 : كم مره طحت ؟ < :p
س7 : كلمه اخيره بعد مآ آصابك الملل ؟ < :p


وفآآة واحد عزيز علي قبل ثلاث اسابيع تقريبآ ..

هم شخصين اللي ما ارفض لهم طلب .. الوالد والوالده الله يحفظهم ..

أذبح اللي كان السبب بعدم تحقيق حلمي .. حسبي الله عليه ..

توأم روحي أخوي دروب السفر ..الله لا يحرمنا منه

كل اللي بالمنتدى والله كلهم محبوبين عندي ..

والله لاتعد ولا تحصى بس اذكر آخر مرهـ طحت قبل أمس مع الدرج بس جت سليمه الحمد لله ..

كلمه اخيرهـ اسألتك محرجه |44| << يعني جايه على الجرح ..

البالودي
02/11/2009, 04:22 AM
سؤال عن رياضيات
كيف تحصل على العدد 100 بإستخدام الرقم (1) خمس مرات؟

سؤال عن الحيوانات
ماهو الطائر الذي يلد ولا يبيض ؟

سؤال مدري وش يبي بس جاوب عليه
أنا بداية النهاية ونهاية الزمان والمكان أنا بداية النبات ونهاية الإنسان و الحيوان .. هل عرفتني ؟

الله يعينك و يوفقك

عبدالعزيز الربيع
02/11/2009, 05:25 AM
^
^

اسالة |44|




قناص حياك على الكرسي



سؤالي

عطنا نبذة بسيطة عن فكرة الفلم حق سنجر الي سويتوه , وقت التصوير وكم استغرق العمل , وكيف حصلت على دور البطولة <<< براد بيت مهوب قناص |44|


برنامجك اليومي ؟


هل الشعراء حلوة للسكن الدائم



ولي عودة ان شاء الله

سعد
02/11/2009, 08:21 AM
السلام عليكم ورحمة الله وبركاته

حي الله

قناص الأزرق

نتمنى أن تقضي معنا ومع كُرسِي الاعتراف أجمل الأوقات.




لدي ثلاثة أسئلة فقط |44|

* تُحدد لنا بِكل شجاعة وصراحة ثلاثة أشخاص بالمنتدى وتكتُب لنا حسناتَ وسيئات شخصياتهم .

* بِكل أمانة رائيك الشخصي حالياً بمنتدى الشعراء ...!!

* بصراحة هل تعتقد ان من بين الأعضاء والعضوات السابقين ممن تركوا المنتدى قد عادوا له بِمُعرفات آخرى ...؟


لكَ كل الوَد على رحابة صدرك وتحملك اسئلة الجميع .

البالودي يعطيك العافية على إعادة موضوع الكرسي من جديد

ولد البواليد
02/11/2009, 02:11 PM
هههههههه


انا جاي ابسألك تبي الكرسي جلد ولا مخمل؟


تسمع فهد عبدالمحسن ؟


من افضل مروس لديك؟


وش تبي بالعسكرية يومك تبيها مستقبلا؟؟؟؟

سمى
02/11/2009, 02:31 PM
= )

..

سـ 1 ] ما هـي نقطـة ضعفـك ؟ّ!

سـ 2 ] فـي لحظـات الحـزن العميـق كيـف تتغلـب علـى حـزنـك ؟ّ!

سـ 3 ] دمعـه سقطـت مـن عينـك مـن كـان سببهـا ؟ّ!

سـ 4 ] مـا هـو هـدفـك وطمـوحـك والـذي تـرجـي أن لا تقـابـل اللـه إلا وهـو محقق ؟ّ!

سـ 5 ] مـوقـف أثـر فيـك .. وآخــر أسعـدك ؟ّ!

سـ 6 ] أي مواضيعــك أحـب إلـى قلبـك ؟ّ!

سـ 7 ] ما هـي طبيـعة المـواضيـع التـي تعجبـك ؟ّ!

سـ 8 ] أفضـل مـوضـوع قرأتـه فـي منـتدى الشعـراء طـوال فتـرة انتسـابـك ؟ّ!

سـ 9 ] شخصيـه تعتـز بهـا ولـم تقابلهـا ؟ّ!

سـ 10 ] فـي أي قـرار تتخـذه .. هـل تحكـم عقلـك أم قلبـك ؟ّ!

سـ 11 ] قـرار إتخـذتـه وندمـت عليـه ؟ّ!

..

عسـاك عـ القـوه أخـوي قناص :p ,,

..

قناص الأزرق
02/11/2009, 03:06 PM
هدوا تكفون هذا وهو ماراح ألا يوم أجل الله يعين باقي الاسبوع وش بيجي |44|


كيف تحصل على العدد 100 بإستخدام الرقم (1) خمس مرات؟

سؤال عن الحيوانات
ماهو الطائر الذي يلد ولا يبيض ؟

سؤال مدري وش يبي بس جاوب عليه
أنا بداية النهاية ونهاية الزمان والمكان أنا بداية النبات ونهاية الإنسان و الحيوان .. هل عرفتني ؟




البالودي الله يهديك .. شكلك تحسبني بالتمهيدي |44| وش ذا الأسئله ..

السؤال الأول ياطويل العمر : 111-11= 100

السؤال الثاني :هو الخفاش على ما أظن ..

السؤال الثالث أهم شي أنك داري وش يبي |44|

حرف النون |44|

ابو ربيع ..

عطنا نبذة بسيطة عن فكرة الفلم حق سنجر الي سويتوه , وقت التصوير وكم استغرق العمل , وكيف حصلت على دور البطولة <<< براد بيت مهوب قناص |44|

برنامجك اليومي ؟


هل الشعراء حلوة للسكن الدائم



الله يبقيك ..

المدرسه أساسآ تنظم في حفل ختام الانشطه الطلابيه فقرات ومن ضمن هذي الفقرات فلم ..

ولا هوب اول مره .. من يمكن ثلاث سنوات وهم ينظمون مثل الأفلام هذي ..

والمشكله الحفل ما بقا عليه الا 4 أيام ويبغونا نسوي فلم ..

قال هيثم الصعب الله يذكره بالخير ويوفقه .. أمرنا لله ..

وانا اصلآ كنت رافض أني اشارك بس ألحاح المدير والاحرج كذا قررت اني أوافق << تراي القصبي بس لا يدري أحد |44|

المهم الفلم كله على بعضه ما أخذ ألا يومين ونص .. والحمد لله .. في نظري أنه لقا أشاده كبيره ..

وعرض علينا بالعطله المشاركه بفلم متطور .. بس كنت مشغول بالتقاديم ولا بغيته ..

برنامجي اليومي .. الصبح للكليه .. واطلع الساعه 11 أو 12 وارجع للبيت بعض الأحيان أقيل وبعض

الأحيان أتغدا واصلي العصر واجلس مع الوالد والأهل وعقبها أروح للأستراحه ولا لمزرعتنا .. لين

الساعه تقريبآ 9 أو 10 وأرجع للبيت .. وأناظر برنامج الجوله |44| ذا البرنامج مستحيل افوته ..

وأرقد وعلى هالموال .. بس لا بد من التغيير يعني مهوب دااايم ثابت برنامجي هذا .. يمكن يجي تغيير

على حسب الضرووف ..

لوها مهيب حلوه للسكن الدائم ما سكنوها جدانا واللي قبلنا |44| الله لا يحرمنا من هواها أن شاء الله

حيآآك الله يابو ربيع ..

قناص الأزرق
02/11/2009, 03:18 PM
حيآآك الله يابومحمد ..


* تُحدد لنا بِكل شجاعة وصراحة ثلاثة أشخاص بالمنتدى وتكتُب لنا حسناتَ وسيئات شخصياتهم .


* بِكل أمانة رائيك الشخصي حالياً بمنتدى الشعراء ...!!



* بصراحة هل تعتقد ان من بين الأعضاء والعضوات السابقين ممن تركوا المنتدى قد عادوا له بِمُعرفات آخرى ...؟

1 \ابوهتون : محترم من الجميع ومثقف والتفكير السليم والثقافه الجيده
بس لو يفكه الله من حذف المواضيع |44|

2\ ولد البواليد : محبوب وخفيف دم

بس مواضيعه قليله ولو يفكه الله من التعصب اللي على غير سنع |44|

3\ سري للغايه : أطلق صديق بالعالم |44|

محترم من جميع الأعضاء ومواضيعه هادفه وردوده أيجابيه

بس لو يفتك من الذب على الناس |44|

................

رأيي بالمنتدى صراحه الاسبوع هذا في أفضل حالاته ..

من ناحية النشاط ووضع مسابقات جديده وملا حظة الأقبال عليها بشكل جيد ..

...........

بالنسبه للأعضاء اللي تركوا المنتدى .. طبعآ أنهم رجعاو بمعرفات أخرى ..

ولا بالعقل أحد بيخلي شي أخذ نص وقته ولا يرجعله ؟

.........

الله يعطيك العافيه يابو محمد

قناص الأزرق
02/11/2009, 03:31 PM
سـ 1 ] ما هـي نقطـة ضعفـك ؟ّ!

سـ 2 ] فـي لحظـات الحـزن العميـق كيـف تتغلـب علـى حـزنـك ؟ّ!

سـ 3 ] دمعـه سقطـت مـن عينـك مـن كـان سببهـا ؟ّ!

سـ 4 ] مـا هـو هـدفـك وطمـوحـك والـذي تـرجـي أن لا تقـابـل اللـه إلا وهـو محقق ؟ّ!

سـ 5 ] مـوقـف أثـر فيـك .. وآخــر أسعـدك ؟ّ!

سـ 6 ] أي مواضيعــك أحـب إلـى قلبـك ؟ّ!

سـ 7 ] ما هـي طبيـعة المـواضيـع التـي تعجبـك ؟ّ!

سـ 8 ] أفضـل مـوضـوع قرأتـه فـي منـتدى الشعـراء طـوال فتـرة انتسـابـك ؟ّ!

سـ 9 ] شخصيـه تعتـز بهـا ولـم تقابلهـا ؟ّ!

سـ 10 ] فـي أي قـرار تتخـذه .. هـل تحكـم عقلـك أم قلبـك ؟ّ!

سـ 11 ] قـرار إتخـذتـه وندمـت عليـه ؟ّ!




ج1 : أسمحيلي أخاف تستغلونها |44|

ج2: أنا لله وأنا اليه راجعون

ج3: موت واحد عزيز علي ..

ج4:رضى الله ثم رضى الوالدين ..

ج5 : اللي اثر فيني عدم تحقيق حلمي .. واللي اسعدني أحتفظ فيه لنفسي ..

ج6: الفكاهيه والقصائد المؤثرهـ

ج7: المواضيع اللي تعجبني هي اللي تكون هادفه ويستفيد قارئها وتغير شي من مجرى

حياته ..

ج8: والله المواضيع المتميزه كثيره ولا اقدر احصي منها واحد ..

ج9: جدي سعد بن حمد الضويان الله يرحمه

ج10: احكم عقلي لان القلب يمكن يوديني بستين الف داهيه

ج11: التفكير بالعمل العسكري لأنه ترك فيني عواقب .. وأنا ما جربت ..

لكن والله ما اخليه لين أخذ حقي |44|

يعطيك العافيه سمى .. على الأسئله اللي تهد الحيل |44|

ولد البواليد
02/11/2009, 03:32 PM
هههههههه


ابد ابشرك فيه كم موضوع موب شين يبي ينزل بالفتره الجايه

واما من ناحية التعصب صرت اشجع نجران يالغالي بس اخاف اني اببلشك بالحسن اليامي

قناص الأزرق
02/11/2009, 03:40 PM
انا جاي ابسألك تبي الكرسي جلد ولا مخمل؟


تسمع فهد عبدالمحسن ؟


من افضل مروس لديك؟


وش تبي بالعسكرية يومك تبيها مستقبلا؟؟؟؟

والله لا جلد ولا مخمل ..

فهد عبدالمحسن مهوب مره ..

الموروس ما اهتم يعني أي شي ..

العسكريه ذي وراها وراها لين اجيب راسها |44|


[/QUOTE]

رבـيق الجنوכּ
02/11/2009, 04:11 PM
رجعت مره ثآنيه < احس انك تقول ياليتس مارجعتي :p

س1 : هل انت تفعل ما تقوله هنا بالمنتدى ؟

س2 : اعتذار تريد ان تقدمه لمن ؟

س3 : ماذا ستكتب لنا لتعبر عن حياتك التي عشتها الى الان في كلمات قليله ؟

س4 : هل تعتقد ان حظك سيئ ؟

س5 : هل هزمك حزنك في يوما من الايام ؟

س6 : ((مستحيل انساك)) لمن تقولها ؟

س7 : (( اللي راح راح وماتفيد كلمة ياليت )) إذا أردت ان توجه هذه العباره لنفسك, فماذا تقصد بها ؟

س8 : اي الدول تتمنى ان تزورها ؟

س9 : بماذا تقر وتعترف أمامنا الان ؟

س10 : هل تعترف بشيء اسمه الصداقه بين الرجل والمرأة ؟

وبس

قناص الأزرق
02/11/2009, 04:30 PM
رجعت مره ثآنيه < احس انك تقول ياليتس مارجعتي :p




وفرتي علي |44|


س1 : هل انت تفعل ما تقوله هنا بالمنتدى ؟

س2 : اعتذار تريد ان تقدمه لمن ؟

س3 : ماذا ستكتب لنا لتعبر عن حياتك التي عشتها الى الان في كلمات قليله ؟

س4 : هل تعتقد ان حظك سيئ ؟

س5 : هل هزمك حزنك في يوما من الايام ؟

س6 : ((مستحيل انساك)) لمن تقولها ؟

س7 : (( اللي راح راح وماتفيد كلمة ياليت )) إذا أردت ان توجه هذه العباره لنفسك, فماذا تقصد بها ؟

س8 : اي الدول تتمنى ان تزورها ؟

س9 : بماذا تقر وتعترف أمامنا الان ؟

س10 : هل تعترف بشيء اسمه الصداقه بين الرجل والمرأة ؟



ج1: ليش اقوله من الأساس دامني منيب فاعله ..

ج2: اقدم الأعتذار لكل من أخطأت في حقه سواءآ داخل أطار المنتدى أو في حياتي اليوميه ..

ج3: حيآآة جميله .. فيها من الافراح والأتراح .. عشتها بين أهلي وأحبابي .. تغلبني مره وأغلبها مراات ..

ج4: نوعآ ما ..

ج5: أكتفي ب نعم ..

ج6: للي في بالي ..

ج7: أن الدنيآ لا تتوقف عند أمر معين فيجب أن أكمل حياتي وأتخطا الصعاب التي أواجهها ولا انظر للخلف ..

ج8: فرنسا ..

ج9: اعترف بأني أحبكم فردآ فردآ ولا اتخيل نفسي خارج هذا الصرح .. ألا بشيء لا يردهـ ألا الله ..

ج10:أعتقد ان هذا المفهوم غير معترف به بمجتمعنا لأن الشرع لم يأمر به .. ونحن نتبع سنة النبي صلى الله عليه وسلم

ونعمل بها .. وهذا الامر لم يؤمر به بل نهي عنه ..

$$ زينــــة $$
02/11/2009, 07:07 PM
ماشاءالله تبارك الله |44|

1- كيف الحال ؟
2- مثلك الأعلى في حياتك ؟
3- صفة سيئه فيك تتمنى تتخلص منها ؟

بس ماودي اطول عليك |44| .. ان تسان ذا رجعت مرتن اخرى |44| <<كني اشوفك تقول لاتكفين |5|

أبوهتون
02/11/2009, 08:20 PM
السلام عليكم ورحمة الله وبركاته

حياك الله أخي الفاضل قناص الأزرق مع كرسي الأعتراف والأجوبه السنعه |44| قل تم

السؤال الأول الموضوع مكرر ودي أحذفه |44|

السؤال الثاني/ نبي نبذه مختصرة تتكلم فيها عن نفسك بإسهاب؟

السؤال الثالث/ بعد فلم سنجر اللي أشتهرت فيه عند الشعب الشعراوي |44| متى نشوف
لك بطولة مسلسل من ثلاثين حلقه مثل باب الحاره |44|

السؤال الرابع /ودنا نشوف لك طبخه من صنع يديك الله يسلمك وش قلت ومن أختيارك ؟

أكتفي بهذه الأسئله

كل الشكر لك أخي الفاضل البالودي على أعادة كرسي الأعتراف من جديد

دمت بحفظ الرحمن

أخوك إبراهيم اليحيى ( العسكري )

قناص الأزرق
02/11/2009, 08:39 PM
1- كيف الحال ؟
2- مثلك الأعلى في حياتك ؟
3- صفة سيئه فيك تتمنى تتخلص منها ؟

بس ماودي اطول عليك |44| .. ان تسان ذا رجعت مرتن اخرى |44| <<كني اشوفك تقول لاتكفين |5|


ج1: بخير الحمدلله |44|

ج2: أبوي الله يخليه لي ..

ج3: العصبيه اللي من غير شعور << حتسي |44|

حيآآآك زينه ..

قناص الأزرق
02/11/2009, 08:44 PM
السلام عليكم ورحمة الله وبركاته

حياك الله أخي الفاضل قناص الأزرق مع كرسي الأعتراف والأجوبه السنعه |44| قل تم

السؤال الأول الموضوع مكرر ودي أحذفه |44|

السؤال الثاني/ نبي نبذه مختصرة تتكلم فيها عن نفسك بإسهاب؟

السؤال الثالث/ بعد فلم سنجر اللي أشتهرت فيه عند الشعب الشعراوي |44| متى نشوف
لك بطولة مسلسل من ثلاثين حلقه مثل باب الحاره |44|

السؤال الرابع /ودنا نشوف لك طبخه من صنع يديك الله يسلمك وش قلت ومن أختيارك ؟

أكتفي بهذه الأسئله

كل الشكر لك أخي الفاضل البالودي على أعادة كرسي الأعتراف من جديد



وعليكم السلام ورحمة الله وبركاته ..

ج1: تسويها ترا |44|
ج2: أتكلم عن نفسي انسان عصبي شوي بس من دون شعور اي شي ينرفزني أقب علطول ..

احب المكاشيت والسفر .. اقدر الأكلات الشعبيه .. احب أعضاء منتديات بلدة الشعراء من أكبر راس لأصغر راس |44| هذا اللي أقدر أقوله |44|

ج3: الظاهر على تسبدك مر يابوهتون .. أحمدوا ربكم ان جاكم فلم بس |44|

حيآآك الله ..

محبكم في الله
02/11/2009, 10:06 PM
عاشق الازرق

تحية اخويه

س1/ اخوك اسماعيل في كلمتين؟؟

س2/الخيمة اللي تروحون لها يومياً بعد العصر>>خبري منول هالحين مدري عنك
وش استفدت منها

س4/وش ناوي تخصص بعد ان تنتهي من السنة الاولى؟

س5فيه شوي فضول/من الشخص المتوفى قبل كم اسبوع؟ >>مخير لك الاجابه


تحاياي محبك

قناص الأزرق
02/11/2009, 10:19 PM
تحية اخويه

س1/ اخوك اسماعيل في كلمتين؟؟

س2/الخيمة اللي تروحون لها يومياً بعد العصر>>خبري منول هالحين مدري عنك
وش استفدت منها

س4/وش ناوي تخصص بعد ان تنتهي من السنة الاولى؟

س5فيه شوي فضول/من الشخص المتوفى قبل كم اسبوع؟ >>مخير لك الاجابه




الله يحييك ...

ج1: أبثر أخو |44|<< الله يحفظه ..

ج2: معرفة المرجله والمطاليق شرواك ..

ج3: والله الحين مافيه الا تخصص واحد اللي هو التمريض ... لكن يقولون فيه تخصصات السنه الجايه وافكر بالعلاج الطبيعي ..

حيآآك الله يأبو خالد ..

البالودي
03/11/2009, 12:04 AM
الله يوفقك يا قناص و انشاء الله يحصل لك الي تبيه(العسكريه)


س - ليش تبي العسكريه و انت بتصير معك شهاده؟؟؟؟؟؟؟

سري للغاية
04/11/2009, 11:31 AM
ياحبي لك http://vb.eqla3.com/images/smilies/004.gif

والله رصوك الشباب ولاخابرني بثر وبنشب بكذا سؤآل |44|

الموهيم عندي سؤآل وييحد << من جاب طاري مسلي |44|

وشسمه

س/ إذا تخرجت من كليتك الصحيه فيه إمكانيه توظيفك بالسلك العسكري ؟!

ووبس |44| << بالله منب ذرب ؟ |44|http://vb.eqla3.com/images/smilies/004.gif

قناص الأزرق
04/11/2009, 07:09 PM
الله يوفقك يا قناص و انشاء الله يحصل لك الي تبيه(العسكريه)


س - ليش تبي العسكريه و انت بتصير معك شهاده؟؟؟؟؟؟؟


آمين ان شاء الله .. الله يجزاك خير ..

يآآخي مدري أنا كنت ابيها من ثاني ثانوي ..

ولا حصلت ولا نيب مخلي تعبي يروح بلااش ..

شي سعيت له وفي امل انه يتحقق ليش ما اجرب ثانيه

لو يصير معي دكتوراه ..

قناص الأزرق
04/11/2009, 07:11 PM
س/ إذا تخرجت من كليتك الصحيه فيه إمكانيه توظيفك بالسلك العسكري ؟!

ووبس |44| << بالله منب ذرب ؟ |44|http://vb.eqla3.com/images/smilies/004.gif


هلا باالطش |44|


فيه امكانيتين .. |44|

ألا متعدي الذرابه ..

ليت اسألتهم مثلك بس |44|

قناص الأزرق
05/11/2009, 02:02 AM
ودنا نشوف لك طبخه من صنع يديك الله يسلمك وش قلت ومن أختيارك ؟



أبوهتون .. العذر والسموحه ماشفت السؤال الرابع ,,

أبشر بعزك .. باقرب وقت أن شاء الله بنزل طبخه .. بس ملينا ياخوي من الكبسات |44|

أبشوف لي طبخه سنعه وبسويها وأنزلها .. ولا يهمك

قناص الأزرق
06/11/2009, 09:36 PM
بكره وبعده |44|

سمى
06/11/2009, 10:51 PM
:p .!

سـ 1 ] شعـارك فـي الحيـاة ؟ّ!

سـ 2 ] شيء حققتـه وتفتخـر فيـه ؟ّ!

سـ 3 ] كيف تـرى نفسـك بعـد 10 سنـوات ؟ّ!

سـ 4 ] نصيحتـك لكـل عضـو :

خجـول ~>

كسـلان ~>

لا يثـق فـي نفسـه ~>

متكبـر ~>

متشائـم ~>

..


عـافـاك اللـه أخـوي قناص = ) ,,

..

ولد البواليد
06/11/2009, 11:54 PM
8

8

ايه هذا وجهي ان تكيت على كرسيكم الاحتفالي


هع هع هع

قناص الأزرق
07/11/2009, 12:27 PM
سـ 1 ] شعـارك فـي الحيـاة ؟ّ!

سـ 2 ] شيء حققتـه وتفتخـر فيـه ؟ّ!

سـ 3 ] كيف تـرى نفسـك بعـد 10 سنـوات ؟ّ!

سـ 4 ] نصيحتـك لكـل عضـو :

خجـول ~>

كسـلان ~>

لا يثـق فـي نفسـه ~>

متكبـر ~>

متشائـم ~>

..


عـافـاك اللـه أخـوي قناص = ) ,,




ج1: لا لليأس ..


ج2: أذا كان ديني فهو رضا والديني عني وهذا أهم شي بعد رضا الله عز وجل ..

وأذا كان دنيوي لاحقين على خير تونا بالطريق لتحقيقه ..


ج3: لا أعلم الغيب |44|


ج4: النصيحه للعضو الخجول : ابتعد عنه لكي تعيش ..


للعضو الكسلان : أجتهد فانت مثال لنفسك قبل أن تكون للآخرين ..


للعضو اللي ما يثق بنفسه : يجب عليك أن تتجنب هذه المرحله لأن الثقه بالنفس ركن أساسي من اركان الحياة .. فلكي تعيش لا بد أن تثق بنفسك


للعضو المتكبر : الكبر لله ودوم أبن آدم صغير |44|


للعضو المتشائم : تفائلوا بالخير تجدوه ..



الله يعافيك سمى .. ~

البالودي
08/11/2009, 01:03 AM
سؤال اخييييييير لان الاسبوع خلص ولازم واحد ثاني يجلس على الكرسي المزيون بدل قناص

س- مييييييييييييييين الي بترشهم يا قناص على الكرسي لاسبوعه الثاني ؟؟؟؟


اخوكم (البالودي)

قناص الأزرق
08/11/2009, 11:14 AM
أرشح ..

البالودي .. سمى .. بنت ديرتي ..

يعطيك العافيه ..

البالودي
08/11/2009, 02:11 PM
بنت ديرتي هع هع

س- الكرسي تبنه جلد ولا مخمل؟