هدف البيشي ؟؟؟؟؟؟؟؟؟؟؟؟؟

[ابوساره]

بسم الله الرحمن الرحيم



http://www.tabouk.net/Image725.jpg


http://www.tabouk.net/Image722.jpg


http://www.tabouk.net/4.rm



لاتعليق !!!!!!!!

[السيل]

اخوي سيف......

الهدف صحيح 100% .......

وحركة اليد طبيعية.....

تحياتي لك اخي العزيز.....

[ابوساره]

وش دعوه يا السيل ما وصلت تستخف بعقول الناس ضربة اليد واضحه بلقطة الفيديو اكثر من الصور شف لقطة الفيديو اوضح لك

بس حلوه حركة اليد طبيعيه ;)

[فـــــهـــــد]

شكرا على طرحك للموضوع الي تدري انه هدف صحيح لكن ودك تشوف راي الشباب;) وبعدين حبيبي سيف لو إن الهدف فيه لمسة يد كان تشوف لاعبين الشباب الي في الدفاع وبالتحديد عند الكوره (يعني أقرب مني ومنك ) رفعوا يدينهم واحتجوا على الحكم وزي ما قال النجم الكبير والكابتن المخضرم ماجد أحمد عبدالله إن الهدف 100% صحيح وحركة اليد كانت طبيعيه جدا جدا ، ، ،


لاتزعل أخوي سيف الملاعب هذا رايي وأنا أحتفظ فيه ودنا نسمع تعليقك ، ، ،


ياويلك لودرى عن الموضوع فارس تميم لأن اللاعب عبدالرحمن البيشي هو نجمه المفضل والله يعيييييييينك عليه :D



هاه وش صار على الرد والكبوس صاملييين ترى القطه جاااهزه والمكافآت توها جايه:p، ، ،
تحياتي لك ، ، ،|4|

[ابوساره]

اول شي مبروووووووووك المكافأه والسحور عليك الاربعاء

بعدين ما فيه شي يزعل علشان ازعل

اجل ماجد قال هدف صحيح الظاهر انك نسيت ان ماجد نصراوي بعدين المسكين يبي يعتزل وهو يدري ان قال في الهدف شي ما راح نشوف اعتزاله ابد وانت تدري من يقدر يسوي كذا ( الرمذ ) ,,,,,,,,,,,,

اجل انا ادري ان الهدف صحيح هههههههههههههه

ضحكتني وانا في الاحساء

لمسة اليد واضحه وما فيها كلام ,,,,,,,,,,,,

اجل يزعل فارس تميم هههههههههههههه

الرجال مهوب يمك الحين فرحان بالترقيه الجديده بس اوريك فيه القاه عند ابو وحيد هو ويا السيل واوريك فيهم وانت معهم بعد,,,,,,,,,,,,,

اجل الهدف صحيح وحركة اليد طبيعيه والله كلام يظحك

وانا ابجلس لكم عند الهدف هذا يا اقنعكم انه مهوب صحيح ولا تقنعوني انه هدف صحيح زي ما قال لاعب النصر ماجد .|4|

[فيصل الصمصام]

السلام عليكم ورحمة الله وبركاته



والله انا اقول يا اخوي سيف ان القول مافيه شي......


بس حتى لو كانت بيده هذي خفة يد يعني فن لان الحكم ما انتبه....





وشكرا.......

[ابوساره]

هلا فيصل الصمصام

من ناحيه مافيه شي ذي يبيلها قعده

ومن ناحيه خفة اليد لو انها للهلال ما كان سموها خفة يد كان قالو رشوه وغش

عموما شكرا لمشاركتك

وانا جالس لكم يا نصراويين عند القول هذا لين نكشف منهو الى يفوز من غير جداره .

[فيصل الصمصام]

السلام عليكم ورحمة الله وبركاته



اخوي سيف اصلا انا هلالي بس اني حقاني منيب اظلم احد


لاكني الحين صرت اميل للانديه الاجنبية اكثر



وشكرا.........

[ابوساره]

حق مين يا عمي بعدين انت منتب هلالي لانك كشفت نفسك يوم تقول انك بديت تميل للانديه الاجنبيه والهلاليين من عاداتهم التمسك بفريقهم وعدم تركه او الميل الى غيره بس شف انت وش تشجع وقل لا تسحي ,,,,,,,,

الشى الثاني نفرض انك هلالي مثلا او تشجع اي نادي اخر انت مالك عيون يا اخي لمسة اليد واضحه حتي لاحظ البيشي يوم الكوره دخلت قول ناضر الحكم ويوم شاف انه ما انتبه ركض فرحان

ما اقول الا مساكين يا الشباب راحت عليهم نقطتين ظلم .

[دايم الشوق]

هلا سيف الملاعب اخبارك...

والله ما اقدر اقول لك الا ان المباراه انتهت والنصر خذ ثلاث نقاط والله ولا جابوا خبرك انت والشباب "واختلاف الراي لايفسد في الود قضيه" اجل بيده ادري انك انت تدري انه هدف طبيعي وصحيح بس ""المعاند"" ما تتركه

تحياتي,,,

[السيل]

حبيبي سيف........

كل ما انهزم الهلال او قدم مستوى تعبان ..... تطلع لنا حضرتك

بسالفة..... اذا الدعوة كذا بنشجع الهلال :D|3|

عالعموم الكورة لعبها البيشي براسة وجابها((قول)) ... :D:D:D:D

وقالها نجيب الامام لو انها بيده كان احتج اقرب لاعبي الشباب للكرة وهو

((لندومار))

اذا انت بتخلي الموضوع معاير ومعاند ... فالله يعينك على نفسك.....

بعدين وشفيك على الاسطورة ماجدونا؟؟؟؟؟

وش دخل حفل الاعتزال؟؟؟.......

وش دخل الرمز؟؟؟ ولا على قولتك يا مشرف (( الرمذ ))....

ابوعبدالله في جميع آرائه لا يجامل احد..... والدليل الموسم الماضي

في مباراة النصر

والرائد عندما قال ماجد عن لاعبي النصر انهم لايستحقون التأهل للمربع

بهذا المستوى...

وقد استاء الامير عبدالرحمن بن سعود من هذا التصريح...........

الزبدة.............

لايمكن ان ابو عبدالله يجامل احد.....



(( انا بستقعد لكم يالنصراوية...... ))

كأني أتكلم مع واحد عمره عشر سنين|3|:D:D:D

اجل فوز غير مستحق....

الله يذكر الدخيل بالخير...


من راقب الناس مات هماً

اخي فهووووووودي اذا تسأل عن الرد والكبوس سلم لي على (( الربعي))....

تحياتي للجميييييييييييييييع بدون استثناء وخصوصاً حبيب الالب سيف الملاعب...

[فارس تميم]

اقتباس من سيف الملاعب :

(( حق مين يا عمي بعدين انت منتب هلالي لانك كشفت نفسك يوم تقول انك بديت تميل للانديه الاجنبيه والهلاليين من عاداتهم التمسك بفريقهم وعدم تركه او الميل الى غيره بس ))

عــــــــــــــــــــــــدال ياريال مدريد:confused: هالحين

وش دعوه ياسيف الملاعب عسى ماشر ،،،،

ياخوي وانت تحسبن كل الهلاليين مثلك ،،، استررررررررررررح بس الله يصلحك

يعني هالحين عشان اصير هلالي متمسك بفريقي ( روما على غفله ) لازم
اشكك في اي هدف نصراوي ولازم يصير سامي احسن لاعب في العالم
لا وبعد لازم تصير كل اهداف الهلال صحيحه،،، وين جالسين عسى ما شر

ياخوي تراك بتكره الهلاليين انفسهم بالهلال،،، اجل فيصل الصمصام هالمسيكين الضعيف
فرحان يشجع هلال عشانه قال رايه سذبته على طول

المهم ،،، ترقيه ما ترقيه لعاد تحش تفهم |594|
واياني وياك يوم الاربعاء تصير عند ابو وحيد مغير زي كذا |544|

لا وتقعد تتناقر انت والسيل لين يسوي مثل كذا|151|
:D :D :D

وبعدين كلش الا البيشي :D ،، تسلم والله يالفهدي فاهمني

واخيرا هذي نصيحه للجميع ولاخوي السيل خصوصا ،،،،،

يقول المثل لاتناقش عنيدا ،،،،،، ويقول الشاعر:
لقد اســمعت لو ناديـــت حيا ،،،،، ولكن لا حيـــاة لمن تنادي
ونارا لو نفخت بها اضاءت ،،،،، ولكن انت تنفخ في رمادي

،،،،

،،،


ولا تواخذونا ياشباب على المداخلة

[دايم الشوق]

يعني هالحين عشان اصير هلالي متمسك بفريقي ( روما على غفله )

ههههههههههه يا سلام عليك يافارس تميم ايه علمهم وصح لسانك

لاحياة لمن تنادي

وحبيت اقول لسيف زي ما قال السيل انت كل ما انهزم الهلال او بمعنى اصح كل ما قدم مستوى رديء تروح تدور شي عن النصر يوم الهلال والوحده جبت لنا سالفة الهريفي اللي صار لها اكثر من سنين وبنين وانت تدري والحين يوم تعادل الجيش مع الهلال او انطرد الجمعان او وقفوه قمت تجيب لنا هدف البيشي (اخطاء عن النصر) حبيبي سيف ليه ما جبت الخبر بعد نهاية المباراه مباشره او بعدها بيوم او يومين بالكثير لو تلاحظ انت كاتب الموضوع فيhttp://www.shohra.com/naif/sef.jpg والمباراه كانت فيhttp://www.shohra.com/naif/sef2.jpg ولو تلاحظ بعد <<< ازعجتكم فيها ادري بس من القهر اللي في صدري وانا صايم المهم نرجع لمحور حديثنا
لو تلاحظ انك كاتب الموضوع بعد نهاية مباراه الهلال والجيش السوري بتاريخhttp://www.shohra.com/naif/se3.jpg

وارجوا انك ما تحذف المشاركه
وتحياتي لكم ... اللهم اني صايم

[فيصل الصمصام]

السلام عليكم ورحمة الله وبركاته



اخوي فارس تميم الحين انت تحسبني زعلان على سيف بالعكس عادي|179|........


اصلا انا اهنيه على جهده وحبه لفريقه لاني والله ماشفت واحد يعز فريقه مثل سيف......



وشكرا..............

[كنداري]

انا مستانس تدرون لييييييييييييييش؟










مدري ليه احس اذا فزنا بالغش معنه مهوب غش <<<يبي يقهر سيف
اذا فزنا بالغش والهلال منقهر احس لها طعم ثانييييي احس اننا فزنا بقوه وقهرنا العالم

اشكرك اخوي سيف الملاعب على موضوعك

اخوي دايم الشوق
انت كتبت هذي الكلمه
وارجوا انك ما تحذف المشاركه
وتحياتي لكم ... اللهم اني صايم

اصلا سيف اكبر من كذا وليش يحذف الرد حقك لأن كلامك معقول وجبت لنا الصور الله يعافيك بس مالها داعي;) وانشالله نشوف مشاركاتكم ويا شباب عادي ترا الوضع بين الهلال والنصر وارجو من السيل وسيف الملاعب انهم ما يحذفون اي رد لأن هذا راي الاخر يعني لازم نحترمه
<<<<قسم بالله جايكم متفلسف من جد:D

وتحياتي لكم:D

[مهاجر]

سيف الملاعب

:D

:D

انت مقتنع وماراح تكون مستعد كي تقتنع ويكفي مصدر الصورة

دايم الشوق تحية لك

[السيل]

يا جماعة......

الهدف صحيح 100%..... والناس تدري انه هدف لكنهم مساكين نفوسهم ضعيفة

لكن الناس تتبع هواها.....

تحيّاتي لكم أحبتي وشكراً لكم على مروركم الجميل.....

[ابوساره]

مهاجر السيل

من جدكم انتم الهدف باليد

شوفو لقطة الفديو اوضح من الصور

السيل اجل حنا اهل نفوس ضعيفه

ما اقول الا شكرا يا السيل وشكرا على مرورك الى زي وجهك الحلو

السيل ليش مغطي السكسوكه كان ودي اهل المنتدي يعرفونك على حقيقتك

فك اللطمه .|4|