اقسى قصيدة حب !!

[جريح الذكريات]

لا جيت ابنسى واتراجـع واسامحـك صاحن جروحي واشتكن لي طعونـك


كلك خيانه قول .. وشلـون ابمنحـك وش موقفك من شخص دايم يخونك !!


اكبر خطا.. لو جيت يمـك اصالحـك اول تحـوّل .. لاتـغـرّك إلحـونـك


اللي تقوله صح .. لو كنـت جارحـك (مير) انت غارق للاسف في ظنونـك


وصفك نسيته بس .. باقي ملامحـك بنهيـك وانهـي بالنهايـه جنـونـك


ماتستحـق امـد (كفـي) واصافحـك مثلك غلط عمري وابحيـا .. بدونـك


لعبـت دورك شاهـداتٍ مسـارحـك خدعتنـي واظهـرت خافـي فنونـك


كنت اعتقد .. قلبي هو ابرز مطامحك اللي يبيـع النـاس لجلـه يصونـك


تعبت اسوق الشوق يمك واصارحـك اخلصت لك بالحب .. شوفت عيونك


لكن خسارة صرت غايـة مصالحك ياليتنـي ماجيـت .. لحظـه بكونـك


بالامس كنت بنشوة الحب .. امازحك اخيـل برقـك واتحـرى امزونك


واليوم من صفحة حياتي .. ابمسحـك هديت صرحـك ثـم طاحـت ركونـك


ولابي عيوني لـو تصـورت تلمحك اعلنت موتك .. وانسجن لي كفونـك


وان جيت تطلب .. ترتجيني اسامحك بهديك طعنه .. مـن بقايـا طعونـك

[فــارس نــجــد]

مشكور صح لسانك

[almoress]

صح لسان الشاعر




وتسلم يمينك



وماقصرت



أخوووك
الموورس

[سيف السيف]

الاخ &*مخاوي الليل*&



هلابك


وتسلم يمينك على هذا النقل الرائع الذي يدل على ذائقه شعريه جميله


وصح لسان الشاعر محمد العسكر فهو شاعر جميل ويستحق الاعجاب ونقل ابداعاته


شكرا لحضورك الجميل بهذا النص الجميل


تحياتي لك

[bader]

صح لسان الشاعر
وتسلم يمينك على هذا النقل