قصيدة غزلية لشاعر من اهل الشعراء

[فارس تميم]

هذه قصيدة غزلية لشاعر من اهل الشعراء يقول فيها:

ترى البكا ياعين مافيه منقــــــــــــــود"="لاصار من تبكين ياعين غالي
ومادام فيك الدمع ياعين ماجـــــــــــود"=" لاتذخرين وهلي الدمع تالـــي
على الذي مثله مع الناس مفقــــــــــود"=" ماله شبيهن ولامثيلن يحالـي
ولعني بحـبه وعــــــيونه الســــــــــود"="وفي مبسمن بين الشفايا عسالي
وفي ريقه الحالي على الكبد قرهـــــود"=" حلون حلاه يخلي المر حالــي
وفي هرجته في بيض صفحات الخدود"="في عنقه اللي مثل عنق الغزال ِ
وفي زمة نهــــودن على لين العــــــــود"=" غضات ما درن حليب العيالي
وفي ضامرن من تحت الاضلاع مقدود"=" ومحزمه شبر مع اربع اقفال ِ
وفي هــــــزة ردوفن نوابيبــــهن زود"="من شافهن خطر عليه الهبالي
وفي مشية اقدامه على الارض بركود"="وفي لفتته ياهل الهوى سم حالي
خذوه واقفــــوا به وانا عنه مـــــردود"="وراحوا وخلوني وحيدن لحالي
مريت ابي بيته والا الباب مســـــــدود"=" والبيت من عقب ريش العين خالي
حار القدم كنه على الارض مشــــدود"="وقفت عند الباب وا عزتـــالي
ابكي على فرقاه والقلب ملهـــــــــــود"="ومن الحسوفة كن يصلاه صالي
ياما عطاني من مواثيـق وعهــــــــود"="ويا ما حلفلي ماله احد بدالي
وان كان حبل الود يازين ممــــــــدود"="بيني وبينك لو تطول الليالي
والله لاصــبر الين ياكلنــــــي الـــــدود"=" وارجي من الله فيك قرب الوصال ِ
حتى ولو جازيتني هجر وصــــــدود"="واخذك مني واحدن مايبالي
واسهرتني يازين والعالم رقــــــــــود"=" والسهر مايخصر علي متوالي
وخليتني بين المخاليـــــق ملهــــود"="ماحدن يعاوني على ماجرا لي
حتى ولو شبيت في القــــــلب بارود"="وغدا لنار الحب فيه اشتعالي
مادام تذكــرني ولك فــيً مقصـــــود"="فاللي تبي سوه عليك الحلال ِ
انا حياتي كلــــها مابــــها فـــــــــود"="لاصرت يالمجمول منتب قبالي
هذا الهوى بحر بلا شط وحـــــــدود"="ماتنفع اللي غاص فيه الحبال

وسلامتكم


ولا تبخلون علينا برايكم

فارس تميم

[الصحاف]

أحسن الله إليك يا ( فارس تميم )

والله قصيدة وبيموت راعيها ماابطى اللي هذا لون حبه


ذكرني بنظلة ( مصلة ) إللي بياخذ اخت الزيروذبحوه يوم واعدها إن

تسانهم صادقين.

[فارس تميم]

شكرا اخوي الصحاف على مرورك وبيض الله وجهك ،،،، وعز الله انك صاززز يا سمج نضله سمجاه ،،،،


فارس تميم

[الشبرمي]

الله يعينك يا راعي الهوى , ولو ان حرف ( ن ) تكرر واجد !
ولكن انت تقول : واخذك مني واحدن ii مايبالي
فلا عاد تطرد المقفي ومثل ماقال ابن سبيل : المقفي اقفي عنه لو كان مملوح ***
والمقبل ارفع له شراع السفينه

[فارس تميم]

عساك سالم يالشبرمي ،،، وانت هقوتك ان راعي الهوى على كيفه يقفي ويخلي وياخذ،،، ماسمعته يقول:
هذا الهوى بحر بلا شط وحدود" "ماتنفع اللي غاص فيه الحبال

وعلى العموم شكرا وبيض الله وجهك وانا اخوك على مشاركتك ،،، وعلى فكره اي حرف (ن) الي تقول تكرر مافيه شي ملحوظ يعني مافيه نون بين قوسين زي ماتقصد

اخوك

فارس تميم

[Professional]

خذوه واقفوا به وانا عنه iiمردود" "وراحوا وخلوني وحيدن iiلحالي
مريت ابي بيته والا الباب iiمسدود" " والبيت من عقب ريش العين iiخالي
حار القدم كنه على الارض iiمشدود" "وقفت عند الباب وا iiعزتالي
----------------------------------------------------------------------------------------

صح لسان الشاعر .....

والله يعينه على مابه ....

يعطيك العافيه اخوي فارس تميم ......

تحياتي ،،،،،،،

[فارس تميم]

شكرا اخي بروفيشنال على مرورك الكريم وبيض الله وجهك ،،، وعز الله ان لك من اسمك نصيب



فارس تميم

[بعير نت]

تسلم يالفارس على هالقصيده وبيض الله وجه الشاعر ووجهك...

لاكن ماعفنا الشاعر من هو؟

[سيف السيف]

لاهنت يافارس تميم على هالمشاركه الطيبه


قصيده عذبه ومشاعر اعذب

[علي العجاجي]

بيض الله وجهك يا فارس تميم على هذا الاختيار الجميل
قصيدة عذبه وجميلة وياليت نعرف قائلها....................

[العتاني]

نبي زيها الفارس وخاصه من شعار اهل الشعراء والي عنده زيها من اهل اديره يعطينا من قصيدهم وبيض الله وجهك اخوي

[فارس تميم]

بعير نت: شكرا لمرورك الكريم
ابو عبيد : هذي والله الساعه المباركه اللي جابتك عندنا يا هلا والله ويا مرحبا واشكرك من كل قلبي على تكرمك بالمرور

علي: اول شي شكرا لك على تفاعلك مع الموضوع،

وبالنسبه للشاعر صدقني شاعر مهوب سهل ابد وابحاول اجيب زود من قصيده العذب بس الله بهديه ما يحب البروز والظهور وطلب مني ما اذكر اسمه يوم درى عن نيتي في هالموضوع وللمعلوميه القصيده يالله قدرت اسلبها منه سلب :)

العتاني: ابشر يالعتاني بس تبوني انخش عن وحده غزليه مثل اللي فوق ولا تبون شي ثاني


فارس تميم

[ذيب ثهلان]

الله يعطيك العافيه على هالقصيده
مع العلم ان الاسلووووب مهوووب غريب علي
وعندي له ديوووووان كامل اذا سمح ابشروووووو بالخير

[فارس تميم]

انت متأكد ياذيب ثهلان ،،، اخاف ان الاسلوب متشابه ،،،، ان كانك متأكد ارسل اسم الشاعر برساله على الخاص بسررررعه ،،،،،،،،، وشكرا لك على مرورك الرائع


اخوك
فارس تميم

[الصييفي]

الحقيقة هذا كلام جزل و من شاعر فحل والا شعر واحدٍ أكبر من عمره (إذا كان شـاباً) و الله يعطيه الصحة و يعينه إن كان في هذه الدنيا أو يرحمه برحمته الواسعة إذا كان متوفى. على أي حال هناك بعض الملاحظات على بعض الكلمات، و هل بإمكان أخوي فارس تميم أن يرجع لها في النسخة الأصلية أو يسأل عنها الشاعر إذا كان ذلك ممكن؟
الكلمات هي:
-- في البيت الرابع قال الشاعر: "ولعني بحبه وعيونه السود" وقد يكون البيت أكثر استقامة لو قال: ولعني بحبه مع عيونه السود أو ولعني بلاماه وعيونه السود. أو مشابه ذلك.
-- في البيت الثامن قال: "و مِحْزمْه شبر" أو حتى "محَزّمه شبر". ألا ترى ان كلمة "مْحَيزْمِه شبر" أبلغ خاصة وأنه يريد أن يبالغ في صغر الخصر؟
-- في البيت الثاني عشر قد يكون البيت أقوم في إضافة "أ" ليكون "أريش العين"
-- فيي البيت السابع عشر: حذف الألف من "الين" لتصبح "لين ياكلني الدود"

أخي فارس تميم قد يتهمني البعض بالدقة أوبالتعدي كما حصل في "المنتدى الأدبي" و لكن أرجو أن يفهم الجميع بأن هذا كله حرص على معرفة الصحيح و أن لا يكتب في هذه المنتديات إلا الصحيح وأنا لا أنزه نفسي عن الخطأ لكن أشعر أن المناقشة الهادفة يمكن أن تفيد مرتادي المنتديات وهذا بالتأكيد هدف الجميع.
و لك و للزملاء الشكر و التحية.

[الصييفي]

الحقيقة هذا كلام جزل و من شاعر فحل والا شعر واحدٍ أكبر من عمره (إذا كان شـاباً) و الله يعطيه الصحة و يعينه إن كان في هذه الدنيا أو يرحمه برحمته الواسعة إذا كان متوفى. على أي حال هناك بعض الملاحظات على بعض الكلمات، و هل بإمكان أخوي فارس تميم أن يرجع لها في النسخة الأصلية أو يسأل عنها الشاعر إذا كان ذلك ممكن؟
الكلمات هي:
-- في البيت الرابع قال الشاعر: "ولعني بحبه وعيونه السود" وقد يكون البيت أكثر استقامة لو قال: ولعني بحبه مع عيونه السود أو ولعني بلاماه وعيونه السود. أو مشابه ذلك.
-- في البيت الثامن قال: "و مِحْزمْه شبر" أو حتى "محَزّمه شبر". ألا ترى ان كلمة "مْحَيزْمِه شبر" أبلغ خاصة وأنه يريد أن يبالغ في صغر الخصر؟
-- في البيت الثاني عشر قد يكون البيت أقوم في إضافة "أ" ليكون "أريش العين" إلا إذا كان "ريِّش" (بتشديد الياء وكسرها) فقد يستقيم البيت ولكن الكلمة غريبة شوي على الشعر العامي.
-- فيي البيت السابع عشر: حذف الألف من "الين" لتصبح "لين ياكلني الدود"

أخي فارس تميم قد يتهمني البعض بالدقة أوبالتعدي كما حصل في "المنتدى الأدبي" و لكن أرجو أن يفهم الجميع بأن هذا كله حرص على معرفة الصحيح و أن لا يكتب في هذه المنتديات إلا الصحيح وأنا لا أنزه نفسي عن الخطأ لكن أشعر أن المناقشة الهادفة يمكن أن تفيد مرتادي المنتديات وهذا بالتأكيد هدف الجميع.
و لك و للزملاء الشكر و التحية.