الشبرمي
18/07/2003, 09:51 AM
من القصائد الرائعة في الشعراء
للشاعر سعد بن محمد بن يحي متعه الله بالصحة والعافية
البارحه مع هجعة الناس بالليل * *** هيضت من صدري هناديب وامثال
هيضت مايطري على البال من قيل **** أبيات ناقيها قويات وجزال
وارسلتها للي تجيه المراسيل **** مني ومن غيري ولاهوب زعال
جك الرساله يابو بندر بتسجيل **** عسى يجيني ردها منك بالحال
ليت المقافي يابو بندر مقابيل **** أكودنا من شيبنا نرجع أطفال
لو المناوي ماوراها محاصيل **** لو قلت انا ياليت واللي يبي قال
لو ودنا نرجع مع صفوة الجيل **** الأمر لله مايفيدن الأقوال
الله يجيرك من صدوف الغرابيل **** عساك تسلم من خطرها الا مال
الدار ما دورت فيها تباديل **** وهي بعد مادورت فيك الأبدال
وانا تراي أحبها مثل ماقيل **** حب الوطن جذاب والصدق ينقال
عسى الخشوم اللي عليها مظاليل **** يعلها من رايح الوسم همال
عساه يسقيها حقوق المخاييل **** من مدلهم بارقه يشعل اشعال
يازين نبت العشب في منقع السيل **** الا اختلف بانواعه الوان وأشكال
يادار فيك العدل مايقبل الميل **** ماتقبلين اللي عن الحق ميال
ياما ربا بك من رجال حلاحيل **** اللي لهم بالمجد قيمة ومنزال
اللي الا كالوا يزيدون بالكيل **** مكيالهم واف على كل مكيال
حامين كل حدودهم بالجواهيل **** عن حقهم ماياخذه كل عيال
اهل الدلال اللي بها البن والهيل **** والزعفران مثولثينه بالأشكال
مايذبحون الا الخرافين والحيل **** ربع على الواجب مقابيل وعجال
مقرين هشال الخلا باظلم الليل **** ماعونهم ماينقصه كل وكال
ياما مشوا بفياظها والمساييل **** وياما تعلوا كل مرقا ومحوال
ياما تعلوا فوق روس الأقاذيل **** وياما كلوا من صيدها دق وجلال
مقناصهم زينه مع طلعة سهيل **** وقناصهم ملحوم للصيد قتال
تلقا لهم بالظلع مرح ومقاييل **** ومندى الشحم بالغار تلقاه لو حال
مدهال سمحين الوجيه المقابيل **** اللي يجيبون الشبب بأول الفال
راحوا وخلوها وهي تزعج الويل **** تبكي عليهم تنثر الدمع همال
من عقبهم راحت خراب هلاهيل **** وهي منول للمشاكيل مدهال
كانت لدسمين الشوارب مداهيل **** وغدت بهم عنها المنايا وآلآجال
وحنا بساقتهم نسوق المراحيل **** نرحل وينزل عقبنا فيه نزال
يالله بحسن الخاتمة والتساهيل **** وحل الذنوب اللي كبيرات وثقال
وصلاة ربي عد وبل المخاييل **** على النبي اللي عمل خير الأعمال
للشاعر سعد بن محمد بن يحي متعه الله بالصحة والعافية
البارحه مع هجعة الناس بالليل * *** هيضت من صدري هناديب وامثال
هيضت مايطري على البال من قيل **** أبيات ناقيها قويات وجزال
وارسلتها للي تجيه المراسيل **** مني ومن غيري ولاهوب زعال
جك الرساله يابو بندر بتسجيل **** عسى يجيني ردها منك بالحال
ليت المقافي يابو بندر مقابيل **** أكودنا من شيبنا نرجع أطفال
لو المناوي ماوراها محاصيل **** لو قلت انا ياليت واللي يبي قال
لو ودنا نرجع مع صفوة الجيل **** الأمر لله مايفيدن الأقوال
الله يجيرك من صدوف الغرابيل **** عساك تسلم من خطرها الا مال
الدار ما دورت فيها تباديل **** وهي بعد مادورت فيك الأبدال
وانا تراي أحبها مثل ماقيل **** حب الوطن جذاب والصدق ينقال
عسى الخشوم اللي عليها مظاليل **** يعلها من رايح الوسم همال
عساه يسقيها حقوق المخاييل **** من مدلهم بارقه يشعل اشعال
يازين نبت العشب في منقع السيل **** الا اختلف بانواعه الوان وأشكال
يادار فيك العدل مايقبل الميل **** ماتقبلين اللي عن الحق ميال
ياما ربا بك من رجال حلاحيل **** اللي لهم بالمجد قيمة ومنزال
اللي الا كالوا يزيدون بالكيل **** مكيالهم واف على كل مكيال
حامين كل حدودهم بالجواهيل **** عن حقهم ماياخذه كل عيال
اهل الدلال اللي بها البن والهيل **** والزعفران مثولثينه بالأشكال
مايذبحون الا الخرافين والحيل **** ربع على الواجب مقابيل وعجال
مقرين هشال الخلا باظلم الليل **** ماعونهم ماينقصه كل وكال
ياما مشوا بفياظها والمساييل **** وياما تعلوا كل مرقا ومحوال
ياما تعلوا فوق روس الأقاذيل **** وياما كلوا من صيدها دق وجلال
مقناصهم زينه مع طلعة سهيل **** وقناصهم ملحوم للصيد قتال
تلقا لهم بالظلع مرح ومقاييل **** ومندى الشحم بالغار تلقاه لو حال
مدهال سمحين الوجيه المقابيل **** اللي يجيبون الشبب بأول الفال
راحوا وخلوها وهي تزعج الويل **** تبكي عليهم تنثر الدمع همال
من عقبهم راحت خراب هلاهيل **** وهي منول للمشاكيل مدهال
كانت لدسمين الشوارب مداهيل **** وغدت بهم عنها المنايا وآلآجال
وحنا بساقتهم نسوق المراحيل **** نرحل وينزل عقبنا فيه نزال
يالله بحسن الخاتمة والتساهيل **** وحل الذنوب اللي كبيرات وثقال
وصلاة ربي عد وبل المخاييل **** على النبي اللي عمل خير الأعمال