أغراني زمانك

[الفيصل]

صاحبي وان جاك عني سالفه والا قصيـده
ماكتبت الا غـلاك ولا رجيـت الا حنانـك

شاعرك هذي حروف العشق تسبح في وريده
كل ما طرز بهـا جيـدك تثنـى خيزرانـك

كل حرف في قصيدي ما تحرر وانت سيده
والقصايد ما يسـاوي طيبهـا زلـة لسانـك

صاحبي حتى جروحك كل ماغابـت فقيـده
من غلاك أزريت لا اميز قساوتـك وليانـك

ليه أغني للقمر والفجـر وسنينـي جديـده
جيت ادور عن ربيع العمر واغراني زمانك

لايهمنـك ليـال البـرد واشواقـي وقيـده

كل ما ضاق المدى بخطاك تستاهل مكانـك

والكلام اللي مغير اقـراه بعيونـك واعيـده
خلني في سالفة نجلك ليـا شحـت ثمانـك

ضـــيــــدان الـمــريــخــي

[عبدالله]

صح لسان القائل وشكرا يا الفيصل

[الصحاف]

شكراً يا الفيصل على ما قدمت

ألخبط بينه وبين ضيدان بن قضعان حتى إني يوم قريتها كنت أقراها

بصوت (خشن) صوت ضيدان بن قضعان.