سيف السيف
12/11/2003, 02:09 AM
السلام عليكم ورحمة الله وبركاته
رغبةً في التواصل معكم .. ولعدم وجود الجديد ( مصفده برمضان) :)
هذي بعض المحاورات التي جرت بين (عكاشه) وشعراء من الكويت والسعوديه.
توضيح لبعض الاخوان اللي يمكن مابعد مر عليهم الاسم ( عكاشه ) :)
* عكاشه * هو الاسم الحركي اللي ابتديت فيه بالنشر في الانترنت .. بحكم ان اول منتدى كان تسجيلي فيه لا يعتمد الاسماء الصريحه .. وبعد التسجيل بمده وجدت اني لا استطيع التخلي عن هذا الاسم الذي اصبح رفيقاً ملازماً لي .. حتى في اكبر المواقع على الشبكه العنكبوتيه .. رغم ان بعضها اعتمد في الاونه الاخيره إلغاء الاسماء المستعاره .. الا اني تمسكت به ..لا اعلم لماذا !!؟ مع اني اصرح بالاسم الحقيقي في التوقيع او تحت الاسم ..هذا في البدايه ومع الوقت اصبح معروفاً لدى الشعار بان عكاشه وسيف السيف شخص واحد .. مع ان الاسم عكاشه قد يكون التصق بالشعر اكثر من خلال مالاحظته في بعض الامسيات والمجلات اللي تناولت شعر سيف السيف .. كانت صيغة التعريف بي ( الشاعر/ عكاشه) :)
عكاشه او سيف اسمين في كل الحالات اعتز وافتخر فيهن وانا مع مبدى الاسم لا يجمل صاحبه .. والعكس صحيح .. واتمنى ان اكون من هؤلاء :)
هذي المحاوره كانت مع الشاعر/ مطر الروقي
عكاشه (سيف السيف)
سيلك نحاوي وانت ماتدري بالاسباب
............... لكنّ حلقـي يامطـر دونـه يدينــــي
إن كان رزق الناس عندك قفل الباب
............... العلم يبغونـه يجـي بينـك وبينــــي
مطر الروقي
ان طاب حظ الادمي ياصاحبي طاب
............... انا بوجه الله .. علامك تبتلينـــــي
ياسيف انا رزقي ورزقك عند وهاب
............... وانته لايبقالك ورى العتبان ديني
عكاشه (سيف السيف)
حظك من الانشاب يلحس غاربه داب
............... وانا وردت الجم واسقتنـي يمينـــي
لاوالله الا زان لي فالجنب مضــراب
............... ابا انتظر ردك .. واسميّ واستعينــي
مطر الروقي
حظي تعلا ياعكاشه فوق مرقاب
............... ياللي وردت الجم خذ لك جغمتيني
العب على مازان لك والوقت غلاب
............... بكره يبين الحق والخافي يبيني
عكاشه (سيف السيف)
الجغمه اللي ما تدلبح معها الارقاب
............... تسدني عن منّتـك طـول السنينـــي
دون الحقايق ناقلٍ في يدك مشعـاب
............... تمون؟ مدري تحسب انك مشتريني!!
مطر الروقي
ترى الخطا ياصاحبي جاك من الاقراب
............... والا هنا قدرك على راسي وعينـي
انته تباها بالهواش وفتل الاشنـاب
............... والا تبا الدعوى على سمن وسمينـي
عكاشه (سيف السيف)
لا لا تعلمني وانا اللي مونس الناب
............... وعلى خطاهم قلت لي منتب رزيني
انا معك بالطيب والا بام غصـاب
............... واللي قرب خطوه قربته خطوتيني
مطر الروقي
اللي يودي ياوسيع المعرفه جاب
............... على رصيدن ضاع لك شكلك حزيني
انشبتني وانا مسالم مابغا الانشاب
............... وش رايك اقرا لك رياض الصالحيني
عكاشه (سيف السيف)
انا ادري انك جاهلٍ باسباب الارهاب
............... ماتلحـق المنـات مـد المحسنينـــي
يكثركم كثـراه يامفتيـن (الاعـراب)
............... واكثر فتاويكم على وزن الهجينـــي
مطر الروقي
ماني بجاهل حق ضاع بدون طلاب
............... ياشاعر (ن) مالك شبيه ولا سنيني
صحيح هو هذا بلا والدك ياعقاب
............... ليتك ليا حشت الغنايم تحتريني
****
***
**
*
وهذي المحاوره كانت مع الشاعر/ سعد ابن براك
من شعراء الكويت.
عكاشه (سيف السيف)
مرحبا ترحيبةٍ تطلـع علـى راس الرقيبــــــه
............... من ضميري سقتها يالربع لسهيـل النــداوي
وين ابن براك انا ادعي من سنه ..ربي يجيبه
............... جابه الله في البلاد اللي على الخوّه تـلاوي
سعد ابن براك
البقـا .. والعـز بالله مابهـا شكـه وريـبـــــــه
.................. بالصحيب اللي نعده من بعيدين الهقـــــاوي
من حضر ماغاب وإن الذيب في راس الجذيبه
............... أبعد أرموسك وعان الذيب فوق الضلع عاوي
عكاشه (سيف السيف)
ابرك الاصحاب رجلٍ عارفٍ نية صحيبــــــه
............... ماتضيق الارض غير بواحدٍ قلبه عمـــــاوي
حيلة اهل الغش واهل المكر شيٍ يندعيبــه
............... والمصيبه ياسعد براك فالامر السمــــــاوي
سعد ابن براك
أبرك الاصحاب من يوم الملاقا تعتزيبـــــه
............... مايضيق وعزوته تخصم كبيرات العـــــزاوي
خل راع الذود يرعى ياعكاشة في شعيبه
............... وأنت خلك في نحايا نيّتك يوم أنت نـــاوي
عكاشه (سيف السيف)
خـل الاولـى بيننـا كلـن يعايـن وش نصيبـــه
............... واترك الاخرى تجي حسب الخطط والا الخطاوي
لو تركت الذود يرعى ماضوى غيـر بمصيبــــه
............... من يناحي مرجفيـن الارض يالقلـب الهـواوي
سعد ابن براك
عام الاول عام الاول ضاعة اثار الذهيبــه
............... والسنه كثرت ذهايبها علي كل النحاوي
الذبيحة نزلوهاا فالصحن عقب الطليبــــه
............... بس قلي من كلأ راس الذبيحه والكلاوي؟
عكاشه (سيف السيف)
انت رمعاتك على ماقيـل يالشاعـر رهيبـه
............... بس طحت بذيبٍ امعط فالملاقـا مايــــراوي
الذبيحه ماطرحها غيـر راعيها..عجيبـــــه!!
............... جاهد اهل الذود حتى جات من حظ الشواوي
سعد ابن براك
لو شليويح العطاوي ماتسلسل من عتيبـه
............... كان ما قالت عتيبه يا شليويح العطـــــاوي
الجهل ينخر وياكل فالعقول المستصيبــــه
............... والعقول المستصيبه ما تجيب الا البـــلاوي
عكاشه (سيف السيف)
علم اللي ياسعد يسكر على حبة زبيبـه
............... اخر الايام شان الوضع فالشعب السناوي
اعتقد ماعاد باقي حاجةٍ تطلـع غريبـــــه
............... عدها لقمه وضاعت بين ذيب وبين واوي
سعد ابن براك
طاش راع الراى واضحى من كتيبه في كتيبه
............... لين جاه امن الجنوب اللى تواليـه الدهـــاوي
لاتضيعهاا وجرح القلـب معـروفٍ طبيبـــــــه
............... ياكبير القوم ماهـي بالمنـااوي والرجـــــاوي
****
***
**
*
وهذي المحاوره كانت مع الشاعر/ مجعد بن متعب
من شعراء الكويت.
عكاشه (سيف السيف)
لو تغيّب صاحبـي مجعـد فالايـام الاخيـره
............... مانقص قدر الرجال اللي تجيب المد وافي
يوم لاحنتوا..لابو (سلطان)(والحمله خطيره)
............... تحسبون إنّ اخر الدعوى تبا تطلـع عوافـي
مجعد ابن متعب
مرحبا لو ماتسلم والله اعلم بالسريره
............... ياعكاشه صاحبي بانت.. ولا فيها خوافي
اخر الدعوى عوافي بالنسور..اعن الجزيره
............... من رقا في راس عيطا..ماعليه من الضعافي
عكاشه (سيف السيف)
القلوب اللي يجيها الشك يامجعد ضريره
............... وانت مايحتاج فاهم بالطبيعـه والقوافـي
من سببكم صارت الفزعه رحاتن مستديره
............... قامت الهييه وشفنا فالمواقيـف اختلافـي
مجعد ابن متعب
الفقر بالمعرفه تحتم على صاحي ضميره
............... التمادي بالجهل والروس من تحت اللحافي
يستريح اللي ورى هرج القفا يشعب بعيره
............... يبتدي باخر شهر ويعانق الركبان حافي
عكاشه (سيف السيف)
من جهل سلم القصيده والله اني ما استشيره
............... وانت شاعر معتبر ماجيت قِدم ولا خلافــي
روجوها المرجفه لين انها صارت كبيـــره
............... وانت ماتبرى بعد شكلت لك حزب إتلافــي
مجعد ابن متعب
لاتشير ولا تشاور والكبيـره والصغيـره
............... في بحر تسعين قامه لاتهـاز ولاتشافـي
حزبنا بالله نحولها على الظالـم كسيـره
............... من وقف من دون حقه لايهاب ولا يخافي
عكاشه (سيف السيف)
الله العالـم ولاغيـر الله احـدٍ نستخيـــره
............... واخر الايام وش فرق الثقال من الخفافي؟
حولت من حظ (مخطي ملته) (راع المسيره)
............... وانت لك وقفه عظيمه كنها عقد احترافي!!
مجعد ابن متعب
لوسمير ايطيع عمه ماتولع فـي سميــره
............... عينها يم البعيد وذيبهـا يهـرف هرافــي
الاراضي جرد والحاجر تفهق عن غديـره
............... والدريك ايصد عنها دونها اسيوفن رهافي
عكاشه (سيف السيف)
حايزن منها الجزيلـه حايـزن منهـا السفيـــره
............... ماعلي من الهزيل اللـي يقـول انـه سنافـــي
من ثناها طيب مـاروح وفـي رجلـه جبيـــره
............... بس بعض اعروق خلق الله تجي حمر وصخافي
مجعد ابن متعب
القناعه كنز والحر القطامي من مطيـره
............... بارك الله بالسنون وبـارك الله بالاشافـي
البحر في بطن حوت ونابتن بالحوت ديره
............... قدرت الله لاتكذبني وتذريهـا السوافـي
عكاشه (سيف السيف)
مايحن اشعيل يا مجعـد بعـد قـب ابهديـره
............... والسعي سبعه وقبله سبعه اشـواط الطوافـي
والجبال .. اوسودها.. مااظنها جت مستذيـره
............... خذّ من اليشموم.. والصفري وتكشف كل خافي
مجعد ابن متعب
انتهى نقد الذهب فالبنك مـن دبـرت مديـره
............... من سبب حزنه على مطلق بعد صقر النصافي
ماتهيا بالظنـون وكـل سيـفٍٍ فـي جفيـره
............... انتهى زيف البطوله عقب خمسيـنٍٍ عجافـي
عكاشه (سيف السيف)
مابقا فالبنك يا مجعـد ولا حبـة شعيـره
............... عقب ماشفت الرساله!! زعلت ملفي ولافي
انتهى زيف البطوله وابتدى زيف الحقيـره
............... وانت مستانس وشق الصف مايرفاه رافـي
مجعد ابن متعب
منهو اللي ياخذ الرايه من اكفوف الاميره
............... لاتقول افلان ولا افلان يارجـال كافـي
ما اذكر ان به صف اشقه لاعشير ولاعشيره
............... قومي عز الاشاوس ياصهاريج المصافـي
كل ما اتمناه هو ان تنال بعضاً من استحسان اذواقكم
الراقيه ,, والعذر والسموحه على اي قصور تلاحظونه.
وسلامتكم,,,
رغبةً في التواصل معكم .. ولعدم وجود الجديد ( مصفده برمضان) :)
هذي بعض المحاورات التي جرت بين (عكاشه) وشعراء من الكويت والسعوديه.
توضيح لبعض الاخوان اللي يمكن مابعد مر عليهم الاسم ( عكاشه ) :)
* عكاشه * هو الاسم الحركي اللي ابتديت فيه بالنشر في الانترنت .. بحكم ان اول منتدى كان تسجيلي فيه لا يعتمد الاسماء الصريحه .. وبعد التسجيل بمده وجدت اني لا استطيع التخلي عن هذا الاسم الذي اصبح رفيقاً ملازماً لي .. حتى في اكبر المواقع على الشبكه العنكبوتيه .. رغم ان بعضها اعتمد في الاونه الاخيره إلغاء الاسماء المستعاره .. الا اني تمسكت به ..لا اعلم لماذا !!؟ مع اني اصرح بالاسم الحقيقي في التوقيع او تحت الاسم ..هذا في البدايه ومع الوقت اصبح معروفاً لدى الشعار بان عكاشه وسيف السيف شخص واحد .. مع ان الاسم عكاشه قد يكون التصق بالشعر اكثر من خلال مالاحظته في بعض الامسيات والمجلات اللي تناولت شعر سيف السيف .. كانت صيغة التعريف بي ( الشاعر/ عكاشه) :)
عكاشه او سيف اسمين في كل الحالات اعتز وافتخر فيهن وانا مع مبدى الاسم لا يجمل صاحبه .. والعكس صحيح .. واتمنى ان اكون من هؤلاء :)
هذي المحاوره كانت مع الشاعر/ مطر الروقي
عكاشه (سيف السيف)
سيلك نحاوي وانت ماتدري بالاسباب
............... لكنّ حلقـي يامطـر دونـه يدينــــي
إن كان رزق الناس عندك قفل الباب
............... العلم يبغونـه يجـي بينـك وبينــــي
مطر الروقي
ان طاب حظ الادمي ياصاحبي طاب
............... انا بوجه الله .. علامك تبتلينـــــي
ياسيف انا رزقي ورزقك عند وهاب
............... وانته لايبقالك ورى العتبان ديني
عكاشه (سيف السيف)
حظك من الانشاب يلحس غاربه داب
............... وانا وردت الجم واسقتنـي يمينـــي
لاوالله الا زان لي فالجنب مضــراب
............... ابا انتظر ردك .. واسميّ واستعينــي
مطر الروقي
حظي تعلا ياعكاشه فوق مرقاب
............... ياللي وردت الجم خذ لك جغمتيني
العب على مازان لك والوقت غلاب
............... بكره يبين الحق والخافي يبيني
عكاشه (سيف السيف)
الجغمه اللي ما تدلبح معها الارقاب
............... تسدني عن منّتـك طـول السنينـــي
دون الحقايق ناقلٍ في يدك مشعـاب
............... تمون؟ مدري تحسب انك مشتريني!!
مطر الروقي
ترى الخطا ياصاحبي جاك من الاقراب
............... والا هنا قدرك على راسي وعينـي
انته تباها بالهواش وفتل الاشنـاب
............... والا تبا الدعوى على سمن وسمينـي
عكاشه (سيف السيف)
لا لا تعلمني وانا اللي مونس الناب
............... وعلى خطاهم قلت لي منتب رزيني
انا معك بالطيب والا بام غصـاب
............... واللي قرب خطوه قربته خطوتيني
مطر الروقي
اللي يودي ياوسيع المعرفه جاب
............... على رصيدن ضاع لك شكلك حزيني
انشبتني وانا مسالم مابغا الانشاب
............... وش رايك اقرا لك رياض الصالحيني
عكاشه (سيف السيف)
انا ادري انك جاهلٍ باسباب الارهاب
............... ماتلحـق المنـات مـد المحسنينـــي
يكثركم كثـراه يامفتيـن (الاعـراب)
............... واكثر فتاويكم على وزن الهجينـــي
مطر الروقي
ماني بجاهل حق ضاع بدون طلاب
............... ياشاعر (ن) مالك شبيه ولا سنيني
صحيح هو هذا بلا والدك ياعقاب
............... ليتك ليا حشت الغنايم تحتريني
****
***
**
*
وهذي المحاوره كانت مع الشاعر/ سعد ابن براك
من شعراء الكويت.
عكاشه (سيف السيف)
مرحبا ترحيبةٍ تطلـع علـى راس الرقيبــــــه
............... من ضميري سقتها يالربع لسهيـل النــداوي
وين ابن براك انا ادعي من سنه ..ربي يجيبه
............... جابه الله في البلاد اللي على الخوّه تـلاوي
سعد ابن براك
البقـا .. والعـز بالله مابهـا شكـه وريـبـــــــه
.................. بالصحيب اللي نعده من بعيدين الهقـــــاوي
من حضر ماغاب وإن الذيب في راس الجذيبه
............... أبعد أرموسك وعان الذيب فوق الضلع عاوي
عكاشه (سيف السيف)
ابرك الاصحاب رجلٍ عارفٍ نية صحيبــــــه
............... ماتضيق الارض غير بواحدٍ قلبه عمـــــاوي
حيلة اهل الغش واهل المكر شيٍ يندعيبــه
............... والمصيبه ياسعد براك فالامر السمــــــاوي
سعد ابن براك
أبرك الاصحاب من يوم الملاقا تعتزيبـــــه
............... مايضيق وعزوته تخصم كبيرات العـــــزاوي
خل راع الذود يرعى ياعكاشة في شعيبه
............... وأنت خلك في نحايا نيّتك يوم أنت نـــاوي
عكاشه (سيف السيف)
خـل الاولـى بيننـا كلـن يعايـن وش نصيبـــه
............... واترك الاخرى تجي حسب الخطط والا الخطاوي
لو تركت الذود يرعى ماضوى غيـر بمصيبــــه
............... من يناحي مرجفيـن الارض يالقلـب الهـواوي
سعد ابن براك
عام الاول عام الاول ضاعة اثار الذهيبــه
............... والسنه كثرت ذهايبها علي كل النحاوي
الذبيحة نزلوهاا فالصحن عقب الطليبــــه
............... بس قلي من كلأ راس الذبيحه والكلاوي؟
عكاشه (سيف السيف)
انت رمعاتك على ماقيـل يالشاعـر رهيبـه
............... بس طحت بذيبٍ امعط فالملاقـا مايــــراوي
الذبيحه ماطرحها غيـر راعيها..عجيبـــــه!!
............... جاهد اهل الذود حتى جات من حظ الشواوي
سعد ابن براك
لو شليويح العطاوي ماتسلسل من عتيبـه
............... كان ما قالت عتيبه يا شليويح العطـــــاوي
الجهل ينخر وياكل فالعقول المستصيبــــه
............... والعقول المستصيبه ما تجيب الا البـــلاوي
عكاشه (سيف السيف)
علم اللي ياسعد يسكر على حبة زبيبـه
............... اخر الايام شان الوضع فالشعب السناوي
اعتقد ماعاد باقي حاجةٍ تطلـع غريبـــــه
............... عدها لقمه وضاعت بين ذيب وبين واوي
سعد ابن براك
طاش راع الراى واضحى من كتيبه في كتيبه
............... لين جاه امن الجنوب اللى تواليـه الدهـــاوي
لاتضيعهاا وجرح القلـب معـروفٍ طبيبـــــــه
............... ياكبير القوم ماهـي بالمنـااوي والرجـــــاوي
****
***
**
*
وهذي المحاوره كانت مع الشاعر/ مجعد بن متعب
من شعراء الكويت.
عكاشه (سيف السيف)
لو تغيّب صاحبـي مجعـد فالايـام الاخيـره
............... مانقص قدر الرجال اللي تجيب المد وافي
يوم لاحنتوا..لابو (سلطان)(والحمله خطيره)
............... تحسبون إنّ اخر الدعوى تبا تطلـع عوافـي
مجعد ابن متعب
مرحبا لو ماتسلم والله اعلم بالسريره
............... ياعكاشه صاحبي بانت.. ولا فيها خوافي
اخر الدعوى عوافي بالنسور..اعن الجزيره
............... من رقا في راس عيطا..ماعليه من الضعافي
عكاشه (سيف السيف)
القلوب اللي يجيها الشك يامجعد ضريره
............... وانت مايحتاج فاهم بالطبيعـه والقوافـي
من سببكم صارت الفزعه رحاتن مستديره
............... قامت الهييه وشفنا فالمواقيـف اختلافـي
مجعد ابن متعب
الفقر بالمعرفه تحتم على صاحي ضميره
............... التمادي بالجهل والروس من تحت اللحافي
يستريح اللي ورى هرج القفا يشعب بعيره
............... يبتدي باخر شهر ويعانق الركبان حافي
عكاشه (سيف السيف)
من جهل سلم القصيده والله اني ما استشيره
............... وانت شاعر معتبر ماجيت قِدم ولا خلافــي
روجوها المرجفه لين انها صارت كبيـــره
............... وانت ماتبرى بعد شكلت لك حزب إتلافــي
مجعد ابن متعب
لاتشير ولا تشاور والكبيـره والصغيـره
............... في بحر تسعين قامه لاتهـاز ولاتشافـي
حزبنا بالله نحولها على الظالـم كسيـره
............... من وقف من دون حقه لايهاب ولا يخافي
عكاشه (سيف السيف)
الله العالـم ولاغيـر الله احـدٍ نستخيـــره
............... واخر الايام وش فرق الثقال من الخفافي؟
حولت من حظ (مخطي ملته) (راع المسيره)
............... وانت لك وقفه عظيمه كنها عقد احترافي!!
مجعد ابن متعب
لوسمير ايطيع عمه ماتولع فـي سميــره
............... عينها يم البعيد وذيبهـا يهـرف هرافــي
الاراضي جرد والحاجر تفهق عن غديـره
............... والدريك ايصد عنها دونها اسيوفن رهافي
عكاشه (سيف السيف)
حايزن منها الجزيلـه حايـزن منهـا السفيـــره
............... ماعلي من الهزيل اللـي يقـول انـه سنافـــي
من ثناها طيب مـاروح وفـي رجلـه جبيـــره
............... بس بعض اعروق خلق الله تجي حمر وصخافي
مجعد ابن متعب
القناعه كنز والحر القطامي من مطيـره
............... بارك الله بالسنون وبـارك الله بالاشافـي
البحر في بطن حوت ونابتن بالحوت ديره
............... قدرت الله لاتكذبني وتذريهـا السوافـي
عكاشه (سيف السيف)
مايحن اشعيل يا مجعـد بعـد قـب ابهديـره
............... والسعي سبعه وقبله سبعه اشـواط الطوافـي
والجبال .. اوسودها.. مااظنها جت مستذيـره
............... خذّ من اليشموم.. والصفري وتكشف كل خافي
مجعد ابن متعب
انتهى نقد الذهب فالبنك مـن دبـرت مديـره
............... من سبب حزنه على مطلق بعد صقر النصافي
ماتهيا بالظنـون وكـل سيـفٍٍ فـي جفيـره
............... انتهى زيف البطوله عقب خمسيـنٍٍ عجافـي
عكاشه (سيف السيف)
مابقا فالبنك يا مجعـد ولا حبـة شعيـره
............... عقب ماشفت الرساله!! زعلت ملفي ولافي
انتهى زيف البطوله وابتدى زيف الحقيـره
............... وانت مستانس وشق الصف مايرفاه رافـي
مجعد ابن متعب
منهو اللي ياخذ الرايه من اكفوف الاميره
............... لاتقول افلان ولا افلان يارجـال كافـي
ما اذكر ان به صف اشقه لاعشير ولاعشيره
............... قومي عز الاشاوس ياصهاريج المصافـي
كل ما اتمناه هو ان تنال بعضاً من استحسان اذواقكم
الراقيه ,, والعذر والسموحه على اي قصور تلاحظونه.
وسلامتكم,,,