اقلط ياهاني الله لايهينك

[القضاعي]

السلام عليكم ورحمة الله وبركاته

الاخ العزيز هاني تابعت محاوراتك وحبيت العب معك محاوره كان ماعندك

مانع ولك مطلق الحريه،وتراني توني مبتدء.
ياهاني اقرب وعن الخيل للخيل"="اكرب حزامك وانا كارب حزامي


نبغا المعاني مابين الجدي وسهيل"="ومن تاه جوف الخلا يلقا المضامي

[هاني]

وعليكم السلام ورحمة الله
الله يحييك هذي الساعه البركة وانا مثلك بعد توني مبتديْ


استلم/

العب على مايسن اكودِ بك حيل****كارب حزامي ولا خنت النظامي

العمرِ نقصه ثنين الصبحِ والليل***تبقى على الحالِ ؟لا لوكنتِ رامي

[سيف السيف]

القضاعي
و

هاني


متابعينكم لاعدمناكم

واصلوا .. ابداعكم ..

ولاهنتوا على هالطاروق

تحياتي

[القضاعي]

فالوادي العود لاتامن من السيل"="كم ديرةًًًٍَِْْْْ بالغرق راحت هدامي

الذوداشوفه غفل وهوه جناديل"="الله يفكه من عيال الحرامي


0

[سعد العبود]

هلا والله بالشباب ترانا متابعين ........

القضاعي بيض الله وجهك.............

هاني حياك .....


متابعينكم ................:)

[هاني]

مساكم الله بالخير..

اخوي الشاعر سيف السيف ابرك الساعات مرورك ولانستغني عن توجيهك..

سعد العبود ..مرورك شرف لنا الله يحييك...على فكره ترى المشكله مازالت معي..تجي وتروح..؟


اخوي القضاعي استلم لاهنت:


حنا نميز بفن الوزن والكيل"="والنور ياصاحبي يجلا الظلامي
دامك تحورف بها صارت تساهيل"="العب بما ترغبه شقران حامي

[القضاعي]

الاخ العزيز سيف مرورك شرف للجميع طال عمرك

الاخ سعد العبو د اسعدنا وجودك يالغالي

استلم ياهاني طال عمرك
ان كان شوفك ضعيف اخذ الدرابيل"="والجوصافي ترا مابه عسامي

ياهاني افخت درب القوم بالحيل"="بالهون بالهون دقق في كلامي

[هاني]

مساكم الله بالخير جميعا

استلم يالقضاعي/


كل (ن) بعينه يشوف العدلِ والميل****وما كلّ رجلٍ يفسّربالحلامي

مانيب حاير واحط الكحل بالميل****واشوفك افطرتِ والعالم صيامي

[القضاعي]

عذرا على التاخير ......

استلم ياهاني لاهنت.
ادلالك اللي تبهر مابها هيل"="فنجالها لاتسوقه للكرامي


ياناس ويش العمل بهل التظاليل"="بللي ترك سلم جده والعمامي

[هاني]

مساكم الله يالخير..

استلم يالقضاعي لاهنت:


ان صرت جاهل نعلمك التحاليل"="زادٍ تجيبه لنا ماله يدامي
لاصار منته بقد الحمل ياشعيل"="جنب وخلك ورى روس العدامي

[بعير نت]

المحاوره حاميه..

بيض الله وجيهكم واصلوا الله لايهينكم ..

والله اني محتار مادري من اكون بصفه......كل يقول الزود عندي.

لاهنتوا على هذا الابداع..

[الصييفي]

يعطيكم العافية ياشباب على هذا الطاروق الجميل و الكلام الثقيل.

كل يوم يظهر لنا مفاجآت و الجايات أجمل.

[القضاعي]

الاخ العزيز بعير نت مرورك شرف للجميع طال عمرك ونشكر للك المرور


والمتابعه


ابن العم العزيز خشم الرعن لانستغني عن مرور شاعر مثلك طال عمرك

ونشكر للك المتابعه ومسكت الصف.
اقريك ياصاحبي واذبح لك الحيل"="لكن مثلك ظرى بأكل الهلامي

لوكنت مارفق بهاني يارياجيل"="لنكان من صبح في كف القطامي

[هاني]

مساكم الله بالخير
شكزا لك بعير نت على مرورك..حياك ياخشم الرعن مرورك نفتخر فيه ..


استلم يالقضاعي لاهنت/


الصوره اللي بها حطيت تجميل"="ماتنفع اليا حضر هاني وقامي
وان كانِ بدّلتها جكّ التماثيل"="والذيب مايزمله كبر الجهامي

[القضاعي]

استلم يا هاني طال عمرك
غديت بين المناره والمعاميل"="ولاني بمكلوف واصح النيامي

البدو للذيب حطوله مخاييل"="ومع المشوك يقفي بانهزامي

[هاني]

حياك الله يالقضاعي واستلم لاعد متك:

كان القضاعي يميز فالمراسيل"="مضرابها بين وفيها وسامي
توك على النقد واقول اِلكِ ياحليل"="صابتك في مقتلٍ كل السهامي

[هاني]

اخوي القضاعي....بيض الله وجهك وصح لسانك..والعذر والسموحه ان جاء منا قصور...

انتضرني بطاروق جديد بعد العيد ان شاءالله..
اخوك....هاني

[القضاعي]

السلام عليكم ورحمة الله وبركاته

الاخ العزيز هاني بعد التحيه والاحترام اشكرك على هذه المحاوره والابيات الجزله التي توحي بان من ورائها شاعر جزل وفرصه طيبه اللعب مع واحد بمثل مستواك لاعدمتك

واقول لك لاتاخذ بخاطرك علينا والعذر والسموحه ان كان جاء منا قصور

فبالنسبه لي ماواجهت الا الطيب يالغالي. والى القاء يعد العيد او في اقرب فرصه قادمه