هـــــــــــــانــــــــــي ...ابيك بكلمة راس؟

[بعير نت]

السلام عليكم

الشاعر الكبير هاني ودنا نلعب معك اذا كان عندك استطاعه وادري اني ابثقل عليك..
وانت مشغول باربعه من اعمده شعار المنتدى لاكن ارجو انك تقبلني خامس اذا ماعليك كلافه.
وانت صاحب القرار الاول والاخير...

استلم ياهاني:


الليله الليله ابالعب مع هاني بطرق(ن) جديد"="ومال الذلول اليوم ياللي قراها غير ركابها
حنا نبينا مع هل المنتدى ياربعنا نستفيد"="يقلط نشوفه والجبال النوايف تعوي اذيابها

[سعد العبود]

الله الله الله الله بيض الله وجهك يا بعير نت:)

أيه كذا تعجبني و أنا بصفك وابشيل بيوتك .........

الليله الليله ابالعب مع هاني بطرق(ن) جديد"
"ومال الذلول اليوم ياللي قراها غير iiركابها
حنا نبينا مع هل المنتـدى ياربعنـا نستفيـد"
"يقلط نشوفه والجبال النوايف تعوي iiاذيابهـا

[منصور]

[ ]لله الله يا بعير نت
انت اول من لعب مع هانى..... وبدا بالوسم ... واعتقد ان هانى بيترك اللى بيديه ويلتفت لك... والله يعينك

الله يعينك يهانى جوك الشعار من كل ريع فزوع... لكن ماعليك قصور تبى تواقفهم.......
انا مع الصف الايمن مدرى عاد من هوله.... درب الغانمين[/ ]

[هاني]

اخوي منصور ابشر بسعد امسك الصف وازهل البعير ..بيض الله وجهك يالبناخي...

الشاعر بعير نت هذي والله الساعه المباركه اللي جابتك والشرف لنا اللعب مع شرواك...

استلم ياسنايدي:



العب على ماتشتهي ياوسيع العرف خصمك عنيد"="وان كان ودك نشعل النار فاوقد راس مشهابها
البرق وسط المزن وان عقرب الليله غديتوا بديد"="سحم الذياب اللي تعاوا تراني كاسر انيابها

[صقرقضاعة]

ما شاء اللة واللة انكم توسعون الصدر.................
هاني يا خبير الشعر تلعب على خمس جهات اللة يعينك يا ولد عمي.............
هذي حرب شعار..........أن أشهد أنك راعيها............يا الواثق....
تراي بصفك يا هاني ..........ولا يهون بعير نت......
عـــــــــساكم على القوة.................


تقبلوا تحياتي

[الصييفي]

الإخوة "بعير نت" و الأخ هاني: قواكم الله لكن يا أخ "بعير نت": حياك الله إلى الساحة وبيتك الأول يعكس وجهة نظرك بأن الشعار الأربعة مقصرين وأنك أنت اللي تبي تجيب "الديب من ديلُه" و الديب(بالدال) هو الشاعر "هاني" وعساك على القوة:


طَرْقِكْ مثل طرق غيرك يا"جمل" و الخصم قدمك وحيد @@@ نشوف ركضك، وبدْلَكْ الجديدة شِدْ سحّابها

طبعاً هذا من نوع التكويك على "هاني" لعلّ و عسى!.

[بعير نت]

هلا والله يابوريم ..وجهك ابيض ..ومشكور على مسكت الصف..

منصور الله يحييك ..مابدينا بالوسم الا نبي هاني يلتفت لنا..ونبي نحاول انجاريه لين الله يسهل..

صقر قضاعه مشاءالله عليك والله انك متحمس مع هاني واجد ليت بصفي واحد زيك.....(يحض هاني)

خشم الرعن مرحبا فيك وارجو انك ماتفهمني غلط ..الشعار كلهم فيهم الخير والبركه ولاقصدت قصور باحد

والسموحه ان بدر مني غلط..وبيض الله وجهك على مرورك ..

هاني استلم:



ان كانها هبت شمال انتبه تاقع بوسط المصيد"="حث القدم القوم لاتذبحك ذاليوم بحرابها
انا نويتك والفشق فالحزام ان جاك رميي سديد"="ولاتقوم الخيمه الا ليا طقيتوا اطنابها

[هاني]

صقر قضاعه اشكرلك حسن المتابعه ياسنايدي...

خشم الرعن مرحبا الف ..ومتابعتك نتشرف فيها..

استلم يابعيرنت..



ودي تمعن يابّعَير قبل تكتب حروف القصيد"="ورد جمالك خابرٍ الدلو دايم بيد جذابها
ان طعتني لاتدخل السوق الى ما صار عندك رصيد"="والجمله اللي قلتها ما هقيتك تعرف اعرابها

[صقرقضاعة]

بارك اللة فيك يا بعير نت..................والاخوان ما يقصرون ويجيك واحد أخيرمني.....
لاهنت يا بعير نت.... وعساك على القوة.............


يا اللة يا هاني تراي ما سكن الصف وشايل البيوت:
ودي تمعن يابّعَير قبـل تكتـب حـروف القصيـد"
"ورد جمالـك خابـرٍ الدلـو دايـم بيـد جذابـهـا
ان طعتني لاتدخل السوق الى ما صار عندك رصيد"
"والجمله اللي قلتها مـا هقيتـك تعـرف اعرابهـا

شدو حيلكم...................ياالله.............اللة يعين الجميع

[بعير نت]

الله يقويك ياصقر قضاعه...

استلم ياهاني


الحمدلله عارف وقاري(ن) واعرف وش اللي تكيد"="والظاهر انه بين اليوم يارجال مضرابها
وان كان تبغى الراي مني انا بعطيك علم وكيد"="نجم التويبع حطته قوم تبع مثل محرابها

[هاني]

صقر قضاعه بيض الله وجهك ...امسك الصف ياسنايدي وازهل الباقي...

استلم يابعير نت:


لو كنت قاري كان ماقلت لي ماقلت لي يالبيب"="ودياركم ياصاحبي جيتها عيدت في اهضابها
حنا ذبحنا يابعيّر سعد واليوم نذبح سعيد"="ولو جبت ربعك كلها ماتسرك لو تتقابها

[بعير نت]

الاخ العزيز هاني بيض الله وجهك وماقصرت على هالمحاوره الجميله والابيات الاجمل ,,,

صح السانك ...

الحقيقه اشوف الساحه اكتضت بالشعار الجدد ..والله يعينا نجاري واحد من هالشعار..

تسلم ياخوي هاني ولنا لقاء ثاني بأذن الله..

[هاني]

اخوي الغالي بعير نت وجهك ابيض والله يعافيك يالغالي..
تحياتي لك..اخوك هاني