المشرف العام ازهم وكيلك يجي

[حمدان]

القوه يا سعد

تفضل انت صدرك وسيع



مبروك عيد الفطر يالمشرف العام = الله يعيده عليكم كل عامي
ازهم وكيلك سعد والدرب قدام= وقله يكثر رصاصه فالحزامي

[الصييفي]

الأخ سعد العبود: الظاهر ان حمدان ناويك مادام هذي أو مشاركاته بالمنتدى.

الأخ حمدان: لك التحية من تكون ووين ماكنت!

[حمدان]

مرحبا اخوي خشم الرعن والله ما نويت احد المقصد الاستفاده
طال عمرك مع بني عمي فقط .

[سعد العبود]

ههلا والله بحمدان حياك الله وتشريفك اسعدني

خشم الرعن:
الله يعين وعسى الله يعيننا على مجاراة شعارنا الجدد........
استلم يا حمدان :
بامر القيادة حضرنا بآخر الزام=ولك بالنيابة تباريك وسلامي

حمدان جانا عقب ماعيد وصام=من دون جوه عواصيف وعسامي

[الدكتور]

صح لسانكم كلكم

وانا ماني بصف احد منكم بصفكم كلكم

بغني للأخير

بامر القيادة حضرنا بآخر iiالـزام
"
"
"
ولك بالنيابة تباريـك iiوسلامـي

حمدان جانا عقب ماعيد وصـام
"
"
"
من دون جوه عواصيف وعسامي


الله يعافيكم

[علي العجاجي]

حمدان هلا ومرحبا فيك

حمدان وابو ريم بيض الله وجيهكم وانا ابمسك الصفين:D

[حمدان]

السلام علييكم
حياك الله يا لدكتوروشرفت بحضورك طال عمرك
ومرحبا يا علي العجاجي وجودكم يشرفنا واستلم يا سعد




يا صاحبي لاتلخبط عد الارقام= انهض جناحك مع الحر القطامي
لك قصةٍ تنذكر من خمسة اعوام= قصتك لاهي حلال ولا حرامي
:D

[سعد العبود]

الدكتور حياك الله ووجودك شرف لنا طال عمرك.............

علي يا هلا ومرحبا يالغالي...........

استلم يا حمدان:

الله يصلحك منتب رجل الاعلام=وتشتيت الافكار من مثلك نظامي
لي قصةٍ معلنة في صحف الاهرام=والوجه الابيض طليق ولا يظامي


|3|

[رياض]

بيض الله وجهك يا سنايدي يا حمدان لاهنت

[حمدان]

يا هلا يا رياض حياك الله مشكور على حضورك
الاخ سعد لاتدف :D استلم بارك الله فيك


الله يصلحك يا سلطان وسام= مدري يا مستور ولا يالزلامي
اثرك ليا ضقت ما فسرت الاحلام= تاكل من الخبز وتكب اليدامي

[سعد العبود]

ما دفيت يا رجال بس شكلك على ميهاف وحايفٍ تطيح :D

استلم لاهنت:

مانيب ضايق وإلى هبن الانسام=ترتاع واللي يروعك التزامي
حمدان حلمك قسمته خمسة أقسام=وتفسيره اثبت عليك الاتهامي

[حمدان]

الاستاذ الفاضل / سعد العبود الله لايهينك على اتاحة الفرصه
والاحتكاك معك مكسب طال عمرك لكن ضروف عملي اجبرتني
على الابتعاد واعدك انني سوف اعود اذا سمحت الفرصه لي بذالك
وارجو ان اكون لم اتسبب لك بأحراج او اي ازعاج يا اخي الكريم وعلى طريق الخير نلتقي . شكراً

[سعد العبود]

حياك الله يا حمدان في اي وقت

ولا فيه احراج ولا شيء وكل الدعوى احتكاك واستفادة

وانت من الشعراء اللي يشرفني اللعب معهم

تحياتي .......