سيف السيف
21/07/2003, 02:07 PM
السلام عليكم ورحمة الله وبركاته
اول شي مبروك على افتتاح هالمنتدى الرائع
وبيض الله وجيهكم جميع وبيض الله وجه الرجال اللي
اسسه .. وقدر انه يجمع اهل الديره في موقع يكون بمثابة ملتقى ثقافي واجتماعي .. تدعمه روابط المحبه والاخوه..
اتمنى ان تنال هذه المتواضعه بعضاً من استحسان اذواقكم الراقيه ..
واسمحوا لي مقدماً على القصور معكم ومع القصيده .. فأنا مازلت تلميذ في هذا المجال
على هامة سنام الشعر لامنهي ولامامور=بعد قامت تزاحم في خفا الهاجوس قيفاني
واذا هاضت هواجيس المعنى ماحجبها سور=انوخها على جال البحر ويترجم لساني
(احصنها وقايه) قبل لاتعرض على الدكتور=وانا دكتورها اللي يعتني فيها علشاني
مراسم وصف موكبها..عطيته موجبه بالـدور=وزنته حسب عرف الهاجس اللي قام يشعاني
يباريني وانا فوق العشر بأربع وبضع شهور=مضت عقدين انا وياه محدن بار بالثاني
هلا واثني هلا يادرةٍ ماهيب صيد ابحور=فريدٍ شكلها ما جا على لولو ومرجاني
قنصها مرمس المشوار في رجوى(كنين صدور)=مقادمها تجي رجفة رعد.. وتقوم تنخاني!!
تمثنت واستباحت عرش فكري والغت الدستور=ولا واعي ولاغايب.. ولاعايش ولا فاني
تهجاني طلاسمها (عبث تسجيمة المسحور)=تتمتم في تهجيها طلاسم روح كهاني
يقول امارس الهام القصايد في عيون الحور=وانا لولا ولولا كان اقول الهام شيطاني
تفرد مذهبية هاجسه مابين طور وطور=على ماينتهي هوجاس جا هوجاس يبداني
على عكس الرضا؟ والا على الفطره معه مسخور؟=جهلت الرد!! لكنه على مشهاه وداني
وكاد انه يساعدني على الضيقات يوم اتثور=تذوب ارداهن القشرى على لاحي وليحاني
يعزيني ليا حارت بعيني عبرة المكسور=على مطعون رمشك يوم يكتبني ويقراني
وفا..لي بعد ما ماتت نوامي عشقي المنحور=بعد حال القدر دونه وعنه الحظ نحاني
وفا في ليلة الذكرى بعد ماضاع منها النور=ترى هذي نتايجها علي (ياسيد خلاني)
والا ياليلي المثقل تحت جفن السهر ماجور=من الدمعه واثرها ..والزمن..وانواع حرماني
هلكت بليل صمتك يابقايا حلمي المقبور=تكفني توابيت العنا ياقمة احزاني
خيالي كل ماشافك..(هناء غيري) صرخ مقهور=فظيعه صورة الواقع..ياليت الوقت ينساني
واذا صوّرك في حضن القهر كني بدون اشعور=صرخت بحرفك الاول.. وتالّ الاسم ما امداني
مرارة واقعي قسمه.. ولامنهي ولامامور=عزاي اني دفنت اجروح قلبي وسط قيفاني
وســلامتــكم,,,
اول شي مبروك على افتتاح هالمنتدى الرائع
وبيض الله وجيهكم جميع وبيض الله وجه الرجال اللي
اسسه .. وقدر انه يجمع اهل الديره في موقع يكون بمثابة ملتقى ثقافي واجتماعي .. تدعمه روابط المحبه والاخوه..
اتمنى ان تنال هذه المتواضعه بعضاً من استحسان اذواقكم الراقيه ..
واسمحوا لي مقدماً على القصور معكم ومع القصيده .. فأنا مازلت تلميذ في هذا المجال
على هامة سنام الشعر لامنهي ولامامور=بعد قامت تزاحم في خفا الهاجوس قيفاني
واذا هاضت هواجيس المعنى ماحجبها سور=انوخها على جال البحر ويترجم لساني
(احصنها وقايه) قبل لاتعرض على الدكتور=وانا دكتورها اللي يعتني فيها علشاني
مراسم وصف موكبها..عطيته موجبه بالـدور=وزنته حسب عرف الهاجس اللي قام يشعاني
يباريني وانا فوق العشر بأربع وبضع شهور=مضت عقدين انا وياه محدن بار بالثاني
هلا واثني هلا يادرةٍ ماهيب صيد ابحور=فريدٍ شكلها ما جا على لولو ومرجاني
قنصها مرمس المشوار في رجوى(كنين صدور)=مقادمها تجي رجفة رعد.. وتقوم تنخاني!!
تمثنت واستباحت عرش فكري والغت الدستور=ولا واعي ولاغايب.. ولاعايش ولا فاني
تهجاني طلاسمها (عبث تسجيمة المسحور)=تتمتم في تهجيها طلاسم روح كهاني
يقول امارس الهام القصايد في عيون الحور=وانا لولا ولولا كان اقول الهام شيطاني
تفرد مذهبية هاجسه مابين طور وطور=على ماينتهي هوجاس جا هوجاس يبداني
على عكس الرضا؟ والا على الفطره معه مسخور؟=جهلت الرد!! لكنه على مشهاه وداني
وكاد انه يساعدني على الضيقات يوم اتثور=تذوب ارداهن القشرى على لاحي وليحاني
يعزيني ليا حارت بعيني عبرة المكسور=على مطعون رمشك يوم يكتبني ويقراني
وفا..لي بعد ما ماتت نوامي عشقي المنحور=بعد حال القدر دونه وعنه الحظ نحاني
وفا في ليلة الذكرى بعد ماضاع منها النور=ترى هذي نتايجها علي (ياسيد خلاني)
والا ياليلي المثقل تحت جفن السهر ماجور=من الدمعه واثرها ..والزمن..وانواع حرماني
هلكت بليل صمتك يابقايا حلمي المقبور=تكفني توابيت العنا ياقمة احزاني
خيالي كل ماشافك..(هناء غيري) صرخ مقهور=فظيعه صورة الواقع..ياليت الوقت ينساني
واذا صوّرك في حضن القهر كني بدون اشعور=صرخت بحرفك الاول.. وتالّ الاسم ما امداني
مرارة واقعي قسمه.. ولامنهي ولامامور=عزاي اني دفنت اجروح قلبي وسط قيفاني
وســلامتــكم,,,