اقلط يابن العم الغالي علي العجاجي الله يحييك على البن والهيل

[القضاعي]

ابن العم الغالي علي العجاجي ارجو ان لا اكون قد احرجتك في طلبي هذا وعندي هالطاروق ولك مطلق الحريه يالغالي بالرد او الرفض
استلم يالذيب

سـلام الـله سـلامٍ يعجب الرجال منطـوقه"="سـلام المسـلم اللي وحـد المعـبود في ديـنه
بدابـه شـاعـرٍٍفالملعبه ماتوخـذحـقـوقـه"="ليا صــكت عليه الملعبه مافـرًك يدينه

[علي العجاجي]

القضاعي هلا ومرحبا فيك واللعب مع مثلك وشرواك شرف وابركها من حزه

استلم لاهنت

هلا بالشاعر اللي يوم سلم جر طاروقه= تراحيبٍ بشاعرنا القضاعي ربي يعينه
يقوله شاعرٍ باللعب يارجال له طوقه= ودايم ياعميل الخير راجحتٍ موازينه

[القضاعي]

ابن العم الغالي علي العجاجي شكرا لقبول هذة المحاوره يسنايدي

استلم يالذيب


مـع درب القضـاعي كم غلامٍ زج معلوقه"="وكمٍ واحدٍ لي طالبٍ واحفيت رجلينه

لكن ابغا جوابك عن سحابٍ لاحت ابروقه"="تخيله ياعميلي ثم قلت البرق يازينه

[سعد العبود]

لكن ابغا جوابك عن سحابٍ لاحت ابروقه"
............................... "تخيله ياعميلي ثم قلـت البـرق iiيازينـه

بيض الله وجيهكم :)

متابعينكم .........;)

[شعراوي]

تسلمون على المحاوره اللي بين هرمين شاهقين الشاعر القضاعي
والشاعر علي العجاجي الخال من غلاكم ازهلوا القهوه وما يلحقها
واصلوا متابعينكم الله لايهينكم
سلاااام

[علي العجاجي]

سعد العبود هلا فيك وبيض الله وجهك ومرورك شرف والقضاعي الظاهر انه وصلك:D
الشعراوي حياك الله وبيض الله وجهك وتراي احب الشاهي الحالي بزيادة:D


القضاعي اخوي اسف جداً على التاخير(كنت في البر);)
استلم لاهنت

انا من يفتل اشنابه علي يروح مزلوقه=اعد الطيب للطيب واذل اللاش واهينه
عميلك يالقضاعي مايخيل البرق في موقه=ليامن زل برق النو عن مفلى بعارينه

[القضاعي]

هلا ابن العم كيف الحال اااسف على التاخير يالغالي

استلم يالذيب



وانا مثل الجبل يزمي ثبات الخد بعروقه"="وقرن الوعل يابن العم مازحزح ظلاعينه


تقوله مجزلٍ من عقب قلبك زادت فتوقه"="وسيله في مفال الذود في دارة مقاطينه
[/poet]

[علي العجاجي]

ابن العم الغالي القضاعي استلم لاهنت

انا نجمٍ رفيع وعلةٍ للضلع من فوقه=ليا حولت فوق الضلع زال الضلع من حينه

يقولون القضاعي مخفيٍ اسمه بصندوقه=علامه مخفيٍ اسمه ولابين عناوينه

[الصييفي]

يعطيكم العافية يالبنيخي ترانا متابعينكم و مدحكم و تمجيدكم في محله و يصب في النهاية في خليج واحد.

[القضاعي]

ابن العم الغالي خشم الرعن حظورك شرف لناجميعا جعلك تسلم وترا الدعوى سوالف ومزوح اخوان وامسك الصف اللي تبي وترا صف البديده واحد
كفووووا ياولدعمي واستلم الله لايهينك

يصون الدرع رجلٍ يلبسه عن طعنة البوقه"="وذبح الصيد لا صلع بحزمٍ قدم رامينه

واداري جاهلٍ ماله عهودٍ دوم ماثوقه"="ولطم الهرج بالمجلس من اهل العرف ياشينه
[/poet][/poet]

[علي العجاجي]

خشم الرعن هلا فيك وشرفتنا في مرورك

القضاعي ماعليك زود يالغالي واستلم لاهنت

ترى ما كل رجالٍ يشوف البرق ويشوقه=ولاتسمع كلامٍ مايوثق في براهينه
تبين يالقضاعي قبل راسك تكثر فلوقه=ترى من لاسرق ماتقطع يدينه ورجلينه

[الصييفي]

الله يقويكم يا شباب وترانا بانتظار الإسم الرباعي يالبناخي وكلنا ربع وبنيخي ماحناب غرب.

[القضاعي]

هلا ومرحبا بولد عمي خشم الرعن
خلوووووووووها
استلم ياولد العم
عيونك ترقب البراق قلبك زادت حروقه"="وارد العلم عنكم يوم اسولف في مظامينه

نزيه والعسل في سارقه ينشاف بشدوقه"="واشوف العد مع جذب الدلي بين لناطينه

[علي العجاجي]

خشم الرعن بيض الله وجهك على متابعتك

خلووووووووووووووووووووووووووها

استلم يالذيب

تدس السم في وسط العسل تبغاني اذوقه=وانا سري ماعده والعرب ماهم بموحينه
ترى الماء لانتثر ياصاحبي ما تقدر تحوقه=وماك احفظه يارجال في داخل مواعينه

[القضاعي]

السلام عليكم ورحمة الله وبركاته

ابن العم الغالي علي العجاجي فرصه طيبه هذه المحاوره مع شاعر


مثلك طال عمرك وامل ان لا اكون قد تسببت باحرج لك يالغالي والعذر


والسموحه من القصور ياولدالعم,وتراني مااحمل لك في صدري الا الود


والاحترام .


وترى قصدي في قولي هذا(واشوف العد مع جذب الدلي بين لناطينه)


انك مسري كلمه (رجلينه)وهذا للتوضيح مع انه لا يحق لي ان افسر



البيوت ومعناه ومتأسف لعدم اكمال المحاوره لظروف اجبرتني على ترك


النت لفتره ليست بالقصيره


والى اللقاء بمحاورات قادمه

[بعير نت]

بيض الله وجيهكم,,

محاوره كانت ممتعه بين شاعرين كبيرين ,,,صح الله السنتكم,,

القضاعي عسا ما شر ,,, تراني انتظرك يالغالي ,,,

على العجاجي ,,,ما مريت علينا الله يبيض وجهك حتى نستفيد من ارشاداتك,,

[علي العجاجي]

القضاعي بيض الله وجهك واشكرك على اختيارك لي واعرف ياخوي ان مافي قلبي لك الا الود والاحترام والتقدير. واشكرك على هذه الملاحظه اللي فاتت علي ولاتفسر بيتي لك الاخير تفسير اخر انما كان تهرب منك على موضوع (( البرق )) ولك تحياتي واتمنى ان اراك قريباً وترجع بالسلامه

اخوي بعير نت

هلا فيك واشكرك على المتابعه والعذر والسموحه منك والله اني مقصر بس اعذرني كنت مشغول جداً ولا ادخل الا اشوف الرد واخذه واطلع بس ابشر بالخير.....

[القضاعي]

السلام عليكم ورحمة الله وبركاته

ابن العم الغالي علي العجاجي الشك زايل بيني وبينك طال عمرك وللمعلوميه يابو ابراهيم تراك عندي غالي بلحيل بلحيل وخلك على ثقه

انه مايطري علي الخزى مع الرفيق

واني ادرى اللي يلعب باسمه الاصلي والعب معه بكل احترام

وبالنسبه للبرق والله الذي لا اله الا هو اني ماقصدت فيه شي يحسك انت او اي واحد من البديده او اي شخص كان من كان وان بغيت معناي علمتك

برساله خاصه او اكتبه هنا

ومره اخرى لايجي بالخاطر شي وانا قرب وداعي ولا ودي اني اكدرك

بشي انت او اي واحد اخر فوالله لا اريد الا الذكر الطيب من خلال

مكوثي بينكم .

ودمت بخير يابن العم

[علي العجاجي]

القضاعي مثل ما قلت الشك زايل مثل ما قلت والله الذي لااله الا هو ان مافي خاطري شي وادري ان ملك قصد بس تعرف انا ماعرفك باسمك الشخصي والا ادري من انت بينما انت تعرفني وربما انه يكون بيني وبينك موضوع معين وهذا ما فهمت والا انا عارف انك بعيد وتكرم عن الشين يالبناخي بس انت عارف طريقة المحاورة نقض وفتل ولك تحياتي الحاره ولا نرضى يالغالي برحيلك لانك الان اصبحت احد اعمدة المنتدى والمبنى اذا نقص عمود يهتز او يطيح وحنا ما نرضا برحيلك لانك احد اعمدة ميدان المحاورة وانت علوك كلها طيبه يالطيب. حنا في انتظارك وفي انتظار طواريقك الجميله...

لا تطول في الغيبه