ودي تروحين ......

[ابوحمـــد]

ماهيب لله جيتك يوم جيتي.....
أكيد قصدق تجرحين و تروحين
ياما جرحتيني وياما قسيتي.....
وياما صبرت وقلت يمكن تحسين
كنت أفرح بحكيك متى ما حكيتي....
وأقول في نفسي سوالف محبين
و يفز قلبي وأحترق لو شكيتي ...
و من طيبتي أصدق أنك تعانين
كنت أحسب إنك كثر حبي هويتي....
والظاهر أنك ما عرفتي تحبين
شريت حبك وأحسب إنك شريتي...
ولقيتك لصدق المشاعر تبيعين
و الحين قوليلي وش اللي بغيتي...
ما يكفي إنك خادعتني من سنين
قولي وش الي ناقصك ماخذيتي...
خذتي الكثير وما قدرتي تردين
وإن كان حكيي ضايقك وإستحيتي...
لو تسمحين الحين ودي تروحين



قصيدة اعجبتني يا ليت تعجبكم ;)



اخوكم ابو حمد

[الصحاف]

جداً رائعة يابوحمد

وذوقك حقيقة رائع في نظري

ولو كان غيركذا والناس تكلموا وقالو ما عندك سالفة..

يكفيني انها جازت لي وحازت على إعجابي

ويكفيني أيضاً إن ذوقي مثل ذوقك.

والغريب في القصيدة موقعها أنا الآن أراها في المنتدى الأدبي

وليس في ذلك عيب إلا أن هناك منتدى شعبي لمن يهوون الشعر الشعبي

فالأفضل أن تكون عندهم كي يقرؤوها

[ابوحمـــد]

يسعدني مرورك واعجابك بذوقي ولو ان ودي اشيل السطر الثالث من تعليقك ..ولا تؤاخذني مع انها تصير مني واجد اني اكتب بالمكان الغير مناسب بس ارجو انها تجوز للجميع ...


اخوكم ابو حمد

[الفجر]

نقلت للمنتدى الشعبي للاطلاع عليها لكم تحياتي ..

[ابوحمـــد]

لك الشكر اخوي الفجر تحياتي



اخوك ابو حمد