نوووز المشوووك!!

[سيف السيف]

السلام عليكم ورحمة الله وبركاته


قصيده متواضعه اتمنى ان ترتقي الى مستوى اذواقكم..


والعذر والسموحه مقدماً على التقصير معكم ومع القصيدهـ


الهـوى فـي غبـة البحـر سـاق الجيلبـوت= ويبطـي البحـار مافارقـه هــم الشـتـات

ما اخبل اللي يـزرع الزعفرانـه فالخبـوت=هيّه ما كل البسيطه تبا تطّلع نبـات

ماتسوق مع الصباخـي نوامـي عـرق تـوت= كل نبتـه طيبه يعترضها معضلات

واحتضـار النهـج الاول وترميـز البـيـوت=من ظنون المرجفه قولـة انـه مات..مات

فووق يانووز المشوووك وقافـي مايموت=مايموت القـاف واسمـي على قيد الحياة

الهـوى والعشـق لـذات غيّـه فالسكـوت= والرخامـه ساعـة الضيـق تكمـن فالسكات

ولو جمعت اصوات كل الحبايب صوت..صوت=ماتـوردك الهلايـم علـى شط الـفرات

افرض انك جيت خصمي على صكـة بلوت=مـعـك 50 و100 وال100 صفة بـنات

في اعتقادك ممكن انـك علـى غفلـه تـفـوت؟=حطنـي قدام عينك على كل الجهات

لو تروج لك دعايه على انـك حـوت حوت= مـاش علـه صارمـه غيـر قافيهـا موات

توّ الـى ذالحيـن ماجـاك غيـر العـنـزروت= باقـي اللـي لقبـوهـا بمخلـفـة الصـفـات

مالهـا تحريـم شرعـي ولانــصٍ ثـبـوت= بـس ملعونـة جـدف ماتبات..الا..تـبـات

التلـون والخطايـا عـلـى راعّ السمـوت= تطلـع اكبـر مـن طميـه وضلعـان السـراة

والحقيقـه رمحهـا فـي سراجيفـك نحوت= وإعرف اني ما احترفـت التـزري والشمات

اطلب الله كل مـا جيت تدعـــي فالقنـوت= وخـلّ شبحـك للسمـا واطلـب الله النـجاة

الحضـارات الغبيـه سبـب هـدم البـيـوت= الله الله لاتقولـون مــات الطـيــب مـات



وســــلامتــكم,,

[ابو عبدالله]

صح لسانك يا سيف الشعر. وبصراحه قصيده قمه في الروعه. والله الله بالجديد

[سيف السيف]

هلابك ياابو عبدالله


وصح بدنك وتسلم على المرور والاطلاع

وابشر بالخير الجديد والقديم انشاءالله


تحياتي لك

[عاشق الضلع]

اخوي سيف صح لسانك وماقصرت على هذه القصيده الجيده ومشكور جدا على مشاركاتك الجميله في هذا المنتدى والله يعطيك كل عافيه........
عاشق الضلع....

[الكاسر]

افـرض انـك جيت خصمي على صكة iiبلوت
مـعـك 50 و100 وال100 صـفة iiبـنات


فـي اعـتقادك ممكن انك على غفله iiتفوت؟
حـطني قـدام عـينك عـلى كـل iiالـجهات
تعبير رائع
ومشكور والله الله يا بو عبيد بالجديد
:)

[ابوشعيل]

سيف الشعر ابداع في الوصف تسلم يمينك يابو عبيد :)

[سعود]

صح لسانك ياسيف الشعر وفعلا اثريت المنتدى الشعبي بحضورك ولايهونون الربع

[سعدالسيف]

صح لسانك ياسيف وماقصرت على هذه القصيده الجيده ومشكور جدا على مشاركاتك الجميله

[الشبرمي]

حنا ممنونين جدا لك ان اتحفتنا بهذا الإبداع
وعذرا ، فانا احيانا ارى تشابه في الاسم الاخير السيف بينك وبين سعد

[سعد العبود]

الـهوى والـعشق لـذات غـيّه iiفـالسكوت
والـرخامه سـاعة الـضيق تكمن iiفالسكات

بيض الله وجهك يا ابوعبيد وصح لسانك ................

[سيف السيف]

عاشق الضلع

هلابك

وصح بدنك يالغالي

ومشكور على مرورك واطلاعك اللي شرفني

تحياتي لك

[الصييفي]

فوق يا نوز المشوَّك و قافي ما يموت $$$ ما يموت القاف واسمي على قيد الحياة

كلام قوي وصور حية . والمنتدى محظوظ بمشاركاتك يبو عبيد. أرجو ألا أثقل عليك بالقراءة و الثناء لأنني سأكون متتبعاً لكل ما تنشره.

[الجامح]

## صح لسانك اتمنى من الله يسعد ايامك ويجعله فرح وسعاده


اخوك الي ما تنام عينه

والسلام عليكم...........................................

[ابو قشعه]

صح السانك ياسيف قصيده جميله

[سعد بن سيف]

مبدع دائما يابو عبيد

[السامر]

صح لسانك ياابو عبيد على هالقصيدة ذات الأبعاد الأكثر من متميزة .. الحقيقة إنبهاري ب ( سلطنة كاسك ) مابعد انتهى .. وقبل ماينتهي إنبهاري زدتني إنبهار بالالماسة الأخرى ( نووز المشووك ) .. الحقيقة أنت شاعر فوق الوصف .. شاعر يوظف الكلمات ويدمجها ليصنع سلسلة من الإبداع والعذوبة .. تسلم ألف مره على هالقصيدة وننتظر ألماستك القادمة .. تحياتي لشخصك الكريم ..