المساعد الشخصي الرقمي

مشاهدة النسخة كاملة : نبي نسلم في منتدى(ن)يضم اغث وسمانه

شعراوي
03/01/2004, 09:29 PM
اااارحب ياللي ترد
نبي نسلم في منتدى (ن)يضم الغث وسمانه =تقدم يالسمين اللي يقولون انت قاضيها
انا ودي تلاعبني مع الشارع وسيسانه=اعرفك صاحب ديانه تعد الحق ماليها

سلاااام
علي العجاجي
04/01/2004, 12:27 AM
اخوي شعراوي

جيتك ابا العب معك ولي الشرف
استلم لاهنت

الا يامرحبا ترحيبةٍ بالحيل مليانه= عدد ماشيف برق الوسم يبرق في مناشيها
يقولون الرساله بينه من كتب عنوانه= ولا اسوق القدم ياكود عارف وين اوطيها
شعراوي
04/01/2004, 03:06 AM
تسلم ياخال والحر
تكفيه الاشاره كفيت
ووفيت واستلم
لاعدمتك

هلا باللي لفا فاهم يعرف القاف من شانه= تراك الخال قبل اني اجي للدار واعنيها
ارد الصاع صاعين(ن) لرمز الشعر واركانه=هلا مليون ترحيبه لخالي يوم اغنيها


سلاااام
علي العجاجي
04/01/2004, 01:50 PM
شعراوي
تسلم يالذيب ولي الفخر
خلووووووووووووووووها

يدوم الك البقا يالفارس اللي مسرج حصانه=وحنا النا الفخر لاصار مثلك من بني خيها
بعد صرنا خواله ماعرفنا اسمه وعمانه=وفي شرواك ربعك ياعميل الخير اهنيها
شعراوي
04/01/2004, 06:47 PM
اارحب ياخال واستلم
ياعصابة راسي

انا ما انا ترى وحدي ومن خلفي ترى بطانه= ابا اولع شرارتها لساعه ثم نطفيها
وابي تفهم فوايدها تحر الزنخ واعوانه=ويبين الحر بافعاله حقيقه كيف اخفيها

سلاااام
علي العجاجي
06/01/2004, 12:30 AM
خلوووووووووووووووووووووووها

استلم ياشعراوي وانا خالك;)
بعد غنى عميل الخير قافٍ تطرب الحانه=بني نمشي معه في رحلته يالين ينهيها
ترى ربعك ياشعراوي حجاً للبيت واركانه=وفي وقت اللزوم الرجل ربعه دوم ينخيها
شعراوي
06/01/2004, 10:54 AM
اااارحب ياخال
واستلم لاعدمتك
يجيك العلم ياخالي يعري شيخ ذبانه= نويت اعري الخاين ضعيف النفس طاغيها
معه اعوج ولايمثل مع الباقي لي البانه= اهين النفس من دون العوج والناس تدريها


سلاااام
العقيد
06/01/2004, 08:12 PM
شعراوي ومشرفنا علي العجاجي
بيض الله وجيهكم على المحاوره
انا متابع لكم وبصف المشرف علي

واصلوا واصلوا واصلوا

لاعدمناكم
علي العجاجي
06/01/2004, 11:07 PM
العقيد هلا وغلا وجودك شرف لنا يالغالي
استلم يالذيب


تراني معك ضد الخاين ابا اطب ميدانه=وابا اكحل له عيونه ربع ساعه ثم ابا اعميها
نبي نرمل نساه ونب نيتم كل ورعانه= وبنخليه عبره كل واحد يعتبر فيها
تلعة الصرامه
07/01/2004, 01:24 AM
الله يسلم لنااااااااا الجزاااااااااااله


واصل يالمشرف الله يقويك


ولااااااااااااااايهون شعراوي يعطيه العافيه



متاااااااااااااااااااااااااااااااابعين لكم الله لا يخلينا منكم:eek:


بااااااااااااااااااااااااااااااااااااااااااااااااااااااااااااااي|4|
شعراوي
07/01/2004, 03:06 AM
الاخ العقيد اهلابكواللي ماسك صفالخال ماسك صفي المهم انك ما قصرت وشجعت وتسلم لنا

الاخ تلعة الصرامه اهلا وسهلا وينك من اول قربنا ننتهي ولكن حضورك هو
الباقي سلمت يالطيب ولاعدمناك

سلاااام
شعراوي
07/01/2004, 03:16 AM
الخال تسلم على طيب المعدن
وصدق الحميه دمت بخير وعافيه
و لاعدمتك يالصيرماني
استلم لاهنت


انا واقسم لك بربي قلبت الشري رمانه=ولكن باقي(ن) مده ترى يمكن واثنيها
ويبين العلم ياخالي دليل الحق برهانه = ويدوم العز يا الوافي علومك طيب(ن)فيها


سلاااام
علي العجاجي
08/01/2004, 12:52 AM
تلعة الصرامه مرورك اسعدنا وشد حيلك بالصفوف

شعراوي هذا من طيب اصلك

استلم

ليا وردت ذودي ماتصدر وهي ظميانه=وربعي لا تهقووبي ترى ماخلف هقاويها
تنهض مثل حرٍ لانهض يكفخ بجنحانه=وخل البوم في وسط الخرايب مايعديها
تلعة الصرامه
08/01/2004, 01:18 AM
ياسلاااااااااااااااااااااااااااااااااااااااااااام



على الابداعاااااااااااااااااااااااااات


واااااااااااااااااااااااااااااااصلوااااااااا

والصف يالمعزب:D(علي العجاجي): من نجران الى القريات:D


بس االله الله بالبيوت اللي هي ;)


شعراااااااااااااااااااااااااااااااااااااااااااااااااااااااااااوي مانسيت صفك يابوي

صفك من الليث الى الدمااااااااااااااااااااااااااااااااااام:D



بس شد حيلك تكفااااااااااااااااااااااااااااااااا ياشعراااااااااااااااوي;)
شعراوي
08/01/2004, 03:27 AM
الاخ تلعة الصرامه

هلا والله وغلا بتلعة الصرامه تدوم وتبقى ونشكرك على تواجدك المكرر من طيبك مما دعانا ان نمد من اجل عين تكرم مدينه لاعدمناك يالطيب

سلااام
شعراوي
08/01/2004, 03:34 AM
الغالي الخااال بيض الله
وجهك ونطول بطولك ولا
خلا ولاعدم ياطيب المعدن
استلم
لاهنت
انا اعرفك ترى طاهر وروحك دوم غرقانه= بحب الطيب دايم متعب(ن) نفسك ومشقيها
تمنيت وعطاني منوتي الرب سبحانه = كشفت خيانة الماجن بعد ما عثمنوا فيها

سلاااام
علي العجاجي
10/01/2004, 12:40 AM
تسلم يالطيب ياشعراوي

خلووووووووووووووووووووها

مع طيبك ترى حاتم وقومه مالهم خانه=فعولك كل اهل ديرتك يابناخي حكوفيها
ترى الخاين ولو عاهد يبوق ولا له امانه=ولو قدم مواثيقه يجي باكر وينفيها


وسلامتك والعذر والسموحه ان جرى قصور
شعراوي
10/01/2004, 04:18 AM
البناخي والخال
علي العجاجي
اشكرك من كل اعماقي
على تفضلك بمحاورتي
وتحملك لغثي بسمينك
ابدعت ياخال ووفيت
وكفيت والله يبيض وجهك
على ردودك الوافيه والشافيه
وان دل هذا على شي فأنما
يدل على اصالتك ونبل اخلاقك
اشكرك اشكرك اشكرك
استلم لاهنت

سلمت وما بقى شي(ن) اقوله غير نسيانه=وبنادقهم ترى عوج(ن) تعود لنحر راميها
ونبي نتبع عوجنا لين ينطق حقنا لسانه= وتهون المشكله عندي بعد كشفت غطاويها

سلاااام
علي العجاجي
10/01/2004, 12:46 PM
شعراوي

الله يسلمك والعب معك شرف وانت والله جزل ما يجي منك الغث كل شي عندك سمين واناواهم شي الاستفاده وصقل هذه الفن عندنا بالاحتكاك بمثلك وشرواك.

تحياتي ولنا لقاء.