اقرب ياهانـــــــــــــــــــــــــــــــي

[العقيد]

استلم اخوي هاني

ياسلامي على الربع الحشامي واتخير من الاجواد هاني=حيث هاني بخيص(ن)بالمعاني والمعاني تكود اللي جهلها
الاصيله تورد كل ضامي وانتبه من صواديف الزماني = عشركم بالعدد صارت ثماني والملاعب يصرفها فحلها



تحياتي

[سعد العبود]

الله الله ............

العقيد أنا بصفك ولا يهون هاني .................

ونتمنى ان نتابع محاورة جميلة كما هي عادتكم............

[الصييفي]

عطاك العافية ربي يبو شلقة نجوم وتاج= على طرق تقاطيعه كثيرة و انت راعيها
يبي يجيك "هاني" بالاجابة كاش ما يحتاج= مفصلةٍ على المطلوب با وَّلها و تاليها

ولك يا "العقيد" التحية و لا يهون أبو ابراهيم و "هاني" و المتابعين.

تراي بصف "هاني" ها المرة. اللي ياسم عادة ما يحتاج مساعدة.

[بعير نت]

مرحباااااااااااااااا يالعقيد وينك يالغالي فقدنااااااااك

لاكن من طول الغيبات جاب الغنايم,,,,,,,,

بيض الله وجهك يالعقيد وتراى بصفك من غير قصور في هاني ,,,

ازهلوا الصفوف يالنشاما ,,,,

[هاني]

اخوي سعد هلا فيك تواجدك بيننا يشرفنا...

خشم الرعن الغالي وقوفك بصفي يزيد من الثقه في نفسي ..لاتحرمني من توجيهاتك لاعدمتك...

بعير نت وجهك ابيض ...بصفي والا بصف العقيد اهم شي وجودك معنا يالغالي..

العقيد هذي الساعه السفره اللي نلعب معك فيها....

استلم فديتك...


مرحبا عد هملول الغمامي واتخير لك الجزل السماني"="جاك هاني ولامعه اسم ثاني واكثر الناس ندري عن خللها
الهدف ما يصيبه كل رامي والمغطى ترى لازم يباني"="مالك حبال يالصاحب متاني كيف تحكم ؟ قبل يدرج عجلها

[الشاعر]

مرحبا عد هملول الغمامي واتخير لك الجـزل iiالسمانـي" "جاك هاني ولامعه اسم ثاني واكثر الناس ندري عن iiخللها
الهدف ما يصيبه كل رامي والمغطى تـرى لازم يبانـي" "مالك حبال يالصاحب متاني كيف تحكم ؟ قبل يدرج عجلها


يمال السالامة يا شعار المحاورة أنا بصف الشاعر هاني

[العقيد]

الاخ
سعد مشكور على وجودك ومسكة الصف مشكور ابو ابراهيم
الاخ
خشم الرعن بارك الله فيك على البيتين بس انا عقيد بدون النجوم
مشكور ابو وليد ولاخلا ولاعدم
الاخ
د بعير نت مشكور على الحضور ومسكة الصف وحضورك هو الاهم
دمت غالي لاعدمتك
الاخ
الشاعر شكرا لك على حضورك المهم

تحياتي لكم

[العقيد]

ارحب اخي هاني واشكرك
على حضورك واستلم لاهنت

ياعميلي تبصر في كلامي لاتخثع طمانن في طماني=من نواني يحالفه الهواني واكثر الناس يسترها سملها
الفشق ضايق(ن) فيه الحزامي واحمد اللي له المنه عطاني= في يديني كما سهيل اليماني والسحاب ان وطا الديره غسلها

تحياتي

[علي العجاجي]

العقيد
هاني

شدوا حيلكم ونبي نستمتع في شعركم والصفوف ارقدوا عنها

[هاني]

الشاعر علي العجاجي حياك الله ....ومرورك يشرفنا..

استلم يالعقيد ...


خابر النور يقفاه الظلامي والمغفل مغفل يالذهاني"="واحمد اللي على المله هداني لكن اصحابنا نرفا خملها
اشقر الريش بالجنحان حامي مايهمه فلان ولافلاني"="ويمتحن كل راسب دور ثاني ديرتك دور الليله بدلها

[العقيد]

المشرف
علي العجاجي
يشرفنا تواجدك ومتابعتك
لاخلا ولاعدم

الشاعر هاني ارحب واستلم
لاهنت
لو تعومس عميلي مايلامي قام يردي مع السوق اردياني=تتعب الرجل وانت اليوم فاني ويش يحدك تعدي في وعرها
يااشقر الريش مختلف الاسامي مابقىلك مع النادر مكاني=احكم الناس في كثر التماني والجنيه ان حكى يسكت هللها

تحياتي

[هاني]

استلم يالعقيد ....لاهنت.



ماتروعت من كبر الجهامي ياحليلك ترى عودك لياني"="وانت تدرج بها بس ادرجاني ضعت وانته تقول انك جملها
كان ودك نعلق لك وسامي اطلع اليوم في راس اذهلاني"="وارفع الصوت كلٍ معه اذاني كل نفس تجازى في عملها

[العقيد]

مرحبا اخ هاني
واستلم لاهنت

حذفكم ياولدشامي وعامي والنتيجه سقطتوا بامتحاني= لوبغيناك ماتاخذ ثواني والا انا ماخذن صافي عسلها
يذكرونك تعذر يالقطامي عن مواجه عريبين المجاني= انتبه لاتناطح خشم اباني قلتها لك وقبلي من فتلها

تحياتي

[ددسن ابو الليل]

يعطيكم العااااااافيه ياشبااب


واصلوااا ترانا متابعين والصف ازهله يالعقيد ولا يهون هاني


ابشر بصف ينومسك يالعقيد واشهد انك على اسمك عقيد من غير


قصور بالباقين


تحياااااااااااااااااااااااااااتي

[هاني]

الله يعافيك يالبناخي

واستلم يالعقيد/




حذفنا صارِ في مخ العظامي والنتيجه ذبحتك بالسناني"="جوّد الساسِ لطوال المباني والقوانينِ ترسمها دولها

البعير زهَمِك رد السلامي لكن الظاهر ان الحيلِ واني"="الضعيّف ضعيّف ماقواني مايميز وعرها من سهلها

[العقيد]

هلا بددسن الليل
وجودك يزيدنا شرف
ومشكور على مسكة
الصف لاعدمتك

اخوي هاني ارحب
واستلم لاهنت




اول معيركم جل اهتمامي مابقى الا نسوي المهرجاني= واثر ابن هن قرم(ن)باللساني يوم جته الثقيله ما احتملها
عفري الخشم ياربد النعامي اعتلينا على ظهر الحصاني= في يدينا تشوفون العناني والبعير ابدع بصورة مثلها

تحياتي

[بعير نت]

السلالالالالالالالالالالام

كن السالفه فيها ,,,,اسم البعير,,

فكونا من شركم الله لايهينكم,,,,



العقيد تراي منلطع انتظرك ,,,,وش السالفه لاحس ولاخبر,,,,

[هاني]

حياك الله يابعير نت



استلم ياالعقيد/


البضاعه جلبها ماتسامي والغليّم به الغل استكاني"="خالطٍ الصفار بحمرقاني والقيادة تحت راية بطلها

انتِ وشبك تخالف للنظامي انتبه انتبه مس البطاني"="بيّنه ماتبا شاهد عياني كلمة الحقّ ماكلٍ نقلها

[العقيد]

اهلا بالاخ بعير نت
ولم اتجاهلك بل اريد ان اعطيك جل اهتمامي سوف تجدني هناك حيث انني انتهيت من محاورة اخوي هاني لك الشكر

تحياتي

[العقيد]

الاخ الشاعر هاني
اشكرك على هذه المحاوره وقبولك محاورتي رغم جهلك بهويتي وهذا يدل علىطيبك يالطيب سوف على الخير نلتقي باذن الله تعالى

تحياتي

[هاني]

كل عام وانت بخير يالعقيد وهذي الساعه البركه اللي لعبنا معك والقصد الفائده وكسب الخبرة
سواء اعرفك او ماعرفتك الله يبارك فيك.

[هاني]

كل عام وانت بخير يالعقيد وهذي الساعه البركه اللي لعبنا معك والقصد الفائده وكسب الخبرة
سواء اعرفك او ماعرفتك الله يبارك فيك.