اقلط ياسعد العبود........الله يحييك

[هاني]

الشاعر/سعد العبود مساك الله بالخير ..ودنا معك مرواس



استلم لاهنت/



الجمل يذكرونه صارِ فيه اخلاف "="والسبب من ذلولٍ دوّرت ثاني

عن علاجه لزومٍ ننشد العراف"="علموني مادام العلمِ مجاني

[ابو قشعه]

السلام عليكم ورحمة الله وبركاته الشاعر سعد العبود وينك الرجال يدورك :D:D:D:D تراء سعد العبود شاعر محاورة كبير

[سعد العبود]

هلا والله بالزعيم الساعة المباركة اللعب معك يالزعيم ..............

هلا ابوقشعة يا حافظ عقايل الله نحمد اللي ردك أفتقدناك وأشكرك على هذا الإطراء الرائع من شخص رائع...............


الجمل ما ذكر لي فيه كلٍ شاف=عجز ينقل كثير حمول وأوزاني

علته باطنية مخلف الأعراف=يوم جبت الوثايق قال غلطاني

[ابو قشعه]

الله يحفظك بحفظه ياسعد ابن عبود شاعر منتب بسيط ولايهون هاتي

[هاني]

هلا وغلا بالشاعر الغالي /سعدالعبود
اشكرك على قبول الدعوه ..

واستلم لاهنت/



اشهد انك خبير وتحتم الميقاف"="وكلّ بيتٍ تجيبه دومِ ملياني

منكرالحقّ ماعدا على المشراف"="وجهك ابيض وقولك فيهِ برهاني

[سعد العبود]

هلا والله ابوقشعة مشكور على هذا الإطراء الذي لا أستحقه لا هنت يالغالي.........

الزعيم أستلم لاهنت يالغالي:

يا زعيم البلد يا كامل الأوصاف=ويش اسوي بعلمٍ ما تعداني
ليت كلٍ سواتك يكشف المحراف=وعنده أليا هرج حكمه وميزاني

[هاني]

مرحبا ياسعد..فديتك يالغالي


استلم لاهنت/


انته ابخص وتعرف من يقد القاف"="والزهر ماطلع في كلّ بستاني

الله اللي عطى والدر بالاصداف"="ولايهمك كلام افلاني وفلاني

[سعد العبود]

جعلك والله تسلم يالزعيم

أستلم لا هنت:
الجمل هو نقل دعواه والا خاف=قال ابلقى مفازيعي وعماني
مير جت فوق راسه والامور انصاف=جاه رجلٍ يعرف الحق ماخاني

[ابو قشعه]

السلام عليكم ورحمة الله وبركاته بيض الله وجهك ياسعد والله منتب بسيط

[شعراوي]

الاخوه الكرام
الاخ الشاعر هاني
والاخ الشاعر سعد العبود

تسلمون على المحاوره الجميله
بجمال شعارها سلمتوا شيلوها
ترانا متابعين لاعدمناكم

سلاااام

[هاني]

هلا والله فيك يابوريم ..فديتك يالغالي

هلا ومرحبا فيك يا شعراوي ..مرورك شرف الله يطول عمرك وعساك سالم يالغالي






مر دار الجماعه كنه الحواف"="علموه الحقيقه جاكِ زعلاني

وكلّ بيتٍ يبا يبنى على ميهاف"="بالنهايه يطيح بكل الاركاني

[سعد العبود]

شعراوي يا مرحبا ويا هلا شرف كبير مرورك يا طويل العمر..............

هاني هلا والله فيك لا خلا ولا عدم يالزعيم...............
استلم لاهنت:

ناسي اللي صرف ماله هو الصراف=قال أدور بدارالربع عمياني
مير جوه الرجال اللي تجيب أهداف =قالوا اركد تراك المخطي الجاني

[هاني]

هلا فيك وغلا يابوريم


استلم لاهنت/


يومِ كابر ترى كلٍ لقوله عاف"="شف علي حكمته بالقولِ تخفاني

وضح اللي نبيه بكلمتين نظاف"="يعترف بالحقيقه عالي الشاني

[سعد العبود]

هلا وغلا يا الزعيم

استلم يالغالي:

علموه الخلايق مير به خفخاف=عنز لو طارت العنزه بجنحاني
مع علي خلق واجد بس راسه جاف=ماله الا قذايف صنع نصراني

[ابو قشعه]

الله وكبر ياسعد كلام مصفف يهز الجبال

[هاني]

هلا بابو ابراهيم.وبيض الله وجهك انت وشعراوي على المحاور الجزلة اللي امتعتوا الجميع فيها


واستلم/


اصبحت ياعميلي قطنة النداف"="مالها داعِ تكبر ماخفى باني

سالفتنا نبي يسفي عليها الساف"="كلّنا ياسعد ربعٍ وِخلا ني

[سعد العبود]

الله لا يهينك ياهاني وحياك الله يالغالي ومشكور على هذا الإطراء العذب .........

استلم طال عمرك:

اشهد إنك تسجل واسمك الهداف=عادتك ساعي(ن) فالخير ياهاني
سالفتنا تركنها وهي تنعاف=كثرت الهرج خليته وخلاني

[ابو قشعه]

ابو ريم لله درك والله انك ولد والله انه فلا يعلم قلبي من انت طالع عليه

[هاني]

الغالي /ابو ابراهيم...فديتك يالغالي...وبيض الله وجهك واللعب معك

مكسب لكل شاعر يحب يطور مستواه...تقبل تحياتي يسبقها اعجابي..