المساعد الشخصي الرقمي

مشاهدة النسخة كاملة : اقلط يالقضاعي الله يحييك..وخذ نفس قبل تدخل

هاني
22/02/2004, 08:29 PM
اخوي الشاعر الكبير /القضاعي ...مساك الله بالخير ...ودنا نلعب معك طاروق اذا ماعندك مانع



استلم لاعدمتك/


الليله الليله نبيها على ماتبون وتريدونِ ياللي لكم حقٍ علينا كبير"="سلامِ مبداها عدد ماتبين النجوم المراقيبِ ياصاحِ والعالم يشوفونها

من لا يحسب في زمانه تبي يالقضاعي عليه الدواير ترى ياصاحبي تستدير"="كلمة وفا من خاطرٍ لك صفا خلنا ياعميلي نغنيبها والكلّ يوحونها
الصييفي
22/02/2004, 09:18 PM
يعطيك العافيةيا هاني و الظاهر أنكم تبون تلعبون "الصيــــــــــــــــــــــــــــــــــــــــــــــــــــــــــــــــــ ـــــــــــــــــــــــــاح"، الله يعينكم و نبي نشوف تاليتها. القضاعي ماعندي شك باستطاعتك يبو نفس طويل.
قواكم الله.
سعد العبود
23/02/2004, 06:35 AM
الله الـلــــــــــــــــــــــــــــــــــــــــــــــــــــــــــــــــــ ــــــــــــــــــــه...........................

الحقيقة طرق عجزت الحق اتلاه....................

الله يعينك يا خالي القضاعي ;) و أنت قدها يا خال.................

أنا مره بصف هاني ومره بصف القضاعي ............:)
hotmail
23/02/2004, 06:56 PM
يعطيك العافيه يا هاااااااااااااااااااااااااااااااااااااااااااااااني
و الله يعين القضاعي

وييييييينك

يا

القضاعي

يالله اخلص علينا وييييينك
تراني بصفك يالقضاعي;)...ولاتهون يا هاني:)
عجلو عجلوا

الليل الليل
بعير نت
25/02/2004, 01:43 PM
هـــــــــانــــــــــــــــــــــــــــــــي,,,,

عزالله اللي سماك الزعيم ماكذب,,,

كل يوم تتحفنا بالجديد وبفنك الراقي الله يعطيك العافيه,,,,,

واصلووووووا الله يعافيكم ,,,وتراي بصف الزعيم ولايهون القضاعي,,,
القضاعي
26/02/2004, 03:55 PM
هلا والله بهاني وابرك الساعات

خشم الرعن حظور شرف للجميع طال عمرك

سعد العبود شكراا على الحظور وانا خالك

هوت ميل شكراا يالغالي على الحظور

بعير نت ماتهون يالغالي واسعدنا حظورك
الليله الليله تراها على ماتشوفون والعلم هاته لنا ياعميلي ودنا بالمسير"="اهلا هلا يامرحبا ردةٍ عد ما هلت مهاليل المطر والعرب ياصاح يرجونها

مادري تباهابيننا سر ياصاحبي والا على كل العرب معلنه عبر همسات الاثير"="مايذبح الرجال كودالتعالي مع زودالغرور اليا اجتمع والغطرسه خصلةٍ دايم يذمونها
شعراوي
26/02/2004, 05:53 PM
شاعرنا
الغالي
هاني
تسلم على البحر الطويل والحق
يقاال سبك شاعر متمكن ويسعدنا
ان يكون من جماعتنا شاعرين متمكنين
يتحاورون بتحدي شعري شريف ولايسعني
الا اشكرك على ابداعك ولا يمكنني تجاهل
شاعرنا الشجاع والمتمكن ايضا مما ارى من رده
على نفس البحر ة وقوة المعنا الشعري تمكنه
من الاستمرار وكاني به يعشق هذه البحور ذات
النفس الطويل وابشر يالقضاعي من يجود صفك
ولايهون هاني انا مع الجميع واميل للقضاعي
وساضل مع من يقبل التحدي شعللها
من توقيعك اوط وتثيقل يالبناخي

واصلوا متابعينكم

لاهنتوا

سلاااام
هاني
26/02/2004, 09:21 PM
مساكم الله بالخير جميعا
استاذي خشم الرعن/اسدعني مرورك يالغالي
سعدالعبود/هلا وغلا
بعير نت وجودك يشرفنا
شعراوي/لاعدمتك يالغالي مرورك يشرفنا

اخوي القضاعي/مساك الله بالخير وحياك الله

استلم لاعدمتك/


ترى الحقيقه ياوسيع المعرفه ثقيله على من يفكر بعقلٍ ياعميلي صغير"="مالي ومال الهرجِ لكن بعض المخاليقِ ماتترك الناسِ يارجالِ في شونها

العقلِ نعمه يالقضاعي وعيب البشر ماتبا تقبل الشورِ ماخاب الذي يستشير"="وانته رميت الشاره اللي وضعنا ولكن تنبه ترى رميتك ياذيبِ من دونها
الناقد
27/02/2004, 12:51 AM
اسعدالله مساكم جميعا

الشاعر الاخ الغالي/ هاني

اشوف ان الشاره غبسه حتى الرماي زمت بندقه

كلمة وفا من خاطرٍ لك صفا خلنا ياعميلي نغنيها والكلّ يوحونها<<هذا لايتناسب مع

انته رميت الشاره اللي وضعنا ولكن تنبه ترى رميتك( ياذيب) من دونها<< والصحيح

انته رميت الشاره اللي وضعنا ولكن تنبه ترى رميتك ( جات) من دونها

سدد الله رمي الجميع

ودمتم لاخيكم/ الناااااقد
الناقد
27/02/2004, 01:23 AM
مالي ومال الهرج لكن بعض المخليق ماتترك الناس(يارجال) في شونها

مالي ومال الهرج لكن بعض المخاليق ماتترك الناس(ياصاح)في شونها
هاني
27/02/2004, 10:32 AM
اخوي /الناقد اسعدني مرورك...واشكرك على ملاحظاتك القيمه

لكن تراك مانتبهت لكلمة (نغنيبها)انت كتبتها (نغنيها) حذفت حرف الباء..هنا يختلف اللحن .انت الان بتعديلك اخلفت اللحن كذلك كلمة ياصاح تختلف عن يارجال ارجو انك تنتبه ولا تستعجل الله يسلمك لكن انا متأكد من اللحن اللي غنيت عليه واشكر ك على روحك العاليه ...تحياتي
الناقد
27/02/2004, 02:53 PM
اخويالشاعر/هاني

ايضاحك في محله وصح لسانك
وفعلا كما ترى اعلاه اني بنيت وجهة نظري على ان الكلمه(نغنيها).. وقمت بالتصحيح على ضوء ذلك .. ولم اتنبه للخطأ الاملائي بجمع كلمتي(نغني . بها) . ونحن في هذا المنتدى اخوان وعلى الحق اعوان ولا يفسداختلاف الرأي ودنا..
واذ اشكرك على رحابة صدرك وردك النبيل .. تقبل تحياتي

اخوك/ الناقد
$البطـ777ـران$
27/02/2004, 02:55 PM
الله الله

ترانا متابعين بشغف

القضاعي ارقد عن الصف ياولد العم ولاتشيل همه ولا يهون ولد العم

هاني
بعير نت
27/02/2004, 05:53 PM
وانته رميت الشاره اللي وضعنا ولكن تنبه ترى رميتك ياذيبِ من دونهـا
وانته رميت الشاره اللي وضعنا ولكن تنبه ترى رميتك ياذيبِ من دونهـا
وانته رميت الشاره اللي وضعنا ولكن تنبه ترى رميتك ياذيبِ من دونهـا
وانته رميت الشاره اللي وضعنا ولكن تنبه ترى رميتك ياذيبِ من دونهـا
وانته رميت الشاره اللي وضعنا ولكن تنبه ترى رميتك ياذيبِ من دونهـا
وانته رميت الشاره اللي وضعنا ولكن تنبه ترى رميتك ياذيبِ من دونهـا
وانته رميت الشاره اللي وضعنا ولكن تنبه ترى رميتك ياذيبِ من دونهـا

صح السانك الزعيم ,,,,......................

اعذر الرجال الطرق طويل,,,, ما ينلام,,,

بيض الله وجهك هاني ,,,

يالله يالقضاعي ,,,.......................,,
هاني
28/02/2004, 10:34 PM
السلام عليكم ..اخي /القضاعي مساك الله بالخير ..اعتذر عن اكمال المحاورة معك بسبب ظروف تمنعني من التواجد بالقرب من النت ارجو ان تعذرني..وان تسامحنا ان بدر منا زلة اوخطأ ولك مني فائق الود والاحترام
ونلتقي ان شاء الله في محاورات قادمه..

البطران/اسعدنا مرورك لاعدمتك بالغالي


الاخ/بعير نت مرحبا فيك ياغالي وارجو ان تتقبل نقدي لك بروح عاليه
حيث ان اسلوبك لا يجب ان يكون كذلك مع اخوانك واهلك فالاساليب الاستفزازيه ليست من شيم الرجال
اذا كان لك نقدخاص او اعتراض استخدم البريد الخاص مع من تنتقده ..ولك مني فائق الود والاحترام
القضاعي
02/03/2004, 04:56 PM
السلام عليكم ورحمة الله وبركاته

الاخ العزيز هاني الشرف لي طال عمرك واللعب مع شرواك مكسب

ولا جامنك الاكل علم غانم والعذر انا كان جاك انت منا قصور

الاخ العزيز البطران بيض الله وجهك على الحظور لا عدمتك

الاخ العزيز بعير نت اشكرك يالغالي على مسكة الصف وانعاش الصفوف