اقرب يالـــمــشـهـــاب,,,ولاتــــــهــــــــاب,,

[بعير نت]

مرحبااااااااااا يالمشهاب ,,,,

خل عنك تعقيد الشوش والميدان ياحميدان,,,,,مالك عذر وانا اخوك,,

استلم جعلني مابكيك,,,



اشوفك تدوج تعال اخبرك وين الطريق"="واعلمك كل الحقايق وحذرا لاتهاب
انا اقول والله حلال اذبحك وسط الفريق"="وترى الفرق واضح نعرف العقاب من القهاب

[hotmail]

عساكم على القوه يالربع

بعير نت
ترا الدعوه وناسه و انس و انبساط ولا تكبر الدعوه بين البنيخي:)
لكم فائق الشكر...

[المشهاب]

هلا يالبعير كيف الحال حنا اكبر من تعقيد الشوش والمثل قال لا تسرق

ولا تخاف

الله يقطع عدوك يالبعير تصدق يوم شفت العنوان قلت بس هالحين البعير طالبني ومحدد ساعه معينه انتواجد على الجهاز على شان هات يارد لاني احب كلش عجل بعجل البطا وانا بناخيك ماحبه لان المعروف عن المحاوره انها حضار بحاضر وانت ابخص

والا ترا اللعب معك مكسب بس حددلي ساعه معينه اتواجد على الجهاز ولا لك الا الرضاو ان بغيت تغير الوقفات على شان مايقال عرف بيته وجاب عليه منعا للشك وانت ادرا بس تم الطلب وانت من رجال يعطون روس البل ماهوب لعب عللى الهواء


وعلى العموم يالبعير ما راح العب مع احد لا انت ولا غيرك الا على الهواء

واللي يبي يتقدم الله يحييه يعلمني وابرك الساعات


ودمت بخير يا بعير نت اخوك اللي مايعقد الشوش المشهاب

[بعير نت]

هلالالا وغلالالالالا,,

مرحبا وابرك الساعات ,,,,مباشره ,,

وينك من زمان ,,,,,ابشر والله بسعدك ,,والشرف لنا يالمشهاب ,,,

حدد الوقت اللي يناسبك وينا سبني ويناسب المشرفين,,,وانا حااااااااااااظر يالذيب,,,

وابشرررررررر من ياسم لك البيوت اللي تقعد راسك,,,وبيض الله وجهك على مبادرتك الطيبه واختيار البعير,,,

لاكن عندي طلب وانت ماعليك قصور من رجالٍ يعطون روس البل,,

كمل المحاوره معي لين المشرفين يحددون الوقت يالغالي,,,

ولك مني كل ود واحترام,,,

[المشهاب]

ياهلا والله وغلا في البعير

البعير يقول المثل,,,, الرجال يزل بقدمه ولا يزل بلسانه وانا عطيت كلمه وانت شايفها وانا مناب من اللي يرجع في كلمته ولانتب راظيها علي يقال رجع في كلامه,,,,

اويجيني بكره شاعر واتعذره ويقول وش زودي عن البعير هماك لاعب معه ,,,,


من يم والله لونك طالبني قبل قولي هذا والله ابرك واسعد وانا بناخيك من يبي يحصل له لعب ويعافه وانت شاعر وتعرف الدعوى كلها

وبالنسبه للوقت ان بغيت هالحين تراني والم خل شياطينا مع ذا القايله

تدهر وانت خابر القايله مافيها ظغط على الشبكه


ارجو يالبعير ان تعذرني عن رفظ طلبته مني وقد سمعت رايي فيه مسبقا فوالله لو انني لم اذكر كلامي الاول لما ترددت
اخوك المشهاااااااااااب

[المشهاب]

نسيت يااااااااااااااعزيزي البعير ان اقول لك

عن الموعد اللي يجوزلك ويناسبك هو المبارك بس ارجو ان تختار الاوقات

المعقوله وانت ادرا بها ياخي العزيز وصديقي الوفي البعرور:D


اخوك وصديقك الوفي المشيهيب:D

[شعراوي]

الاخوان
البعير نت
والمشهاب

اخواني سوف نجعل الصفوف
مترامية الاطراف ومتعالية الاصوات
لو يكون تحديكم لبعض على مستوى
نفوسكم النقيه لا نفوسكم الشريره
نعم نفخر بكم كشاعرين ولكن لانفخر
بالتطاول على بعض وفي منتدى كله
واعضائه وزواره منكم وفيكم احترموا ذائقتنا
وتحاوروا كما شئتم وباي وقت ويستحسن
ان لايكون شروط مسبقه المحاورات اللتي
سوف نقرأها ستكون هي الفيصل بجزالتها
ونقائها وصيغتها الشعريه اللي تدل على انكم
شاعرين محترمين غصبا عن الزعل والراضي
الطيب والرجوله والنزاهه تفرض نفسها ارجوا
ان تكونوا من اهلها ودمتم لمحبكم وبناخيكم
شعراوي يهديكم اجزل تحياته وتقديره
تحياتي للجميع

سلاااام

[المشهاب]

الاخ شعراوي شكرااا على هذه الكلامات الطيبه

من يم انا وانا بناخيك والله انك ماااااااااتشوف العلم الردي مني لانت ولا غيرك
ولا تدور عندي علومن فسله

وان شفتواااااااامني علم تقولون انه فيه والاما فيه اقشعوا المشهاب قبل تمسحون مشاركته

والردى لا تحرااااااااااه مني وانا بناخيك لاانت ولاغيرك


ودمت بخير

[شعراوي]

المشهاب
بيض الله وجهك على الكلام الطيب اللي ينم عن انسان يعرف
قيمة جماعته وربعه وانا متأكد تماما ان اخيك وبناخيك البعير من
طيبك وازود ولاهو غريب على اهل الشعراء مزارق الطيب بالامور
الحالكه مابا لكم على هروج وكلمات قلوبكم وعقولكم انزه من
تسيطر علينا افرازاتها السيئه ونترك ايجابيتها المرغوبه دمتم احباء
واخوه وبارك الله بالجميع

سلاااام

[بعير نت]

افااااااااااااااااا تر د طلبه البعير ,,,

مدام يالمشهاب ماعندك لنا تقدير ,,,ورديت طلبي ,,,,ومقدرك وابلعب معك مباشر,,

وانا الحقيقه مجازف في نفسي ,,,لأني ((شاعر)) وانت توك ((عضو جديد)) ,,ومعطيك اهتمام وهذا غلط مني ,,,لائني في الحقيقه ما ادري انت شاعر ولا لا,,,

بكره يجيني ((عضو جديد)) ويقول ابلعب معك مباشر هماك لعبت مع المشهاب وانت ماتدري هو شاعر والا لا,,

وانت ما ترضى لخوك البعرور كل شوي يجيه عضو جديد ويبلشه,,,

لاكن وانا اخوك كمل معي المحاوره واثبت لي انك شاعر وابشر باللي ما يثنيها بالمباشر,,وهذا وعد قدام المشرفين,,,,

انا الحقيقه ودي العب معك مباشر لاكني اشوفك تلف وتدور وهذا خلاني اشك بالموضوع,,,,,

وثق تمام الثقه ان بعد ماننهي محاورتنا هذي لك الحريه المطلقه في تحديد وقت المباشر,,,

ولك مني الود والاحترام,,,,

اخوي شعراوي ,,,,

مرحبا وابرك الساعات اللي مريت عليتا فيها يالغالي ,,,,

حنا وانا اخوك مثل ما قلت عيال عم ولابيننا ان شاءالله الا كل علم طيب,,,

وكل الدعاوي مزوح وتروح لاكن اللي في القلب هو الود المتبادل لامني ولامن اخوي المشهاب الله يحفضه,,

بيض الله وجهك ياولد العم ودمت سالم وغانم,,,,

[المشهاب]

لاااااااااااااوالله يالبعير ماااااااااااااااعاش وانا اخوك من يبلشك


لاوالله مرظاها عليك انه يجيك من احد احراج والا بلش


مير وانا اخوك حلها عند اخوك الاشهب اللي مايعسره شي

ابا اطلبك انا على الهوااااااااء مباشره وان شفت ان البيوت ماهيب بيوت

شاعر والا شفت ان البيوت متكسره والا خو يسعانيه لا ترد ونكتفي

بتعليقك وتفسير السبب اللي منعك او تبين العيب فيها وانت شاعر

تعرف العدله من الميله والشعار بينا حكام الله ذممهم


واتعهد ان شفتوا ان البيوت ماهيب سنعه ولا هيب بيوت شاعر انكم

تشوتوني برا المنتدا ,,,,,,,,,,,,,,وكذا الى جاك احد الاعظاء وطلبك قل المشهاب هذي سواته انت تبي

تسوي مثله ابرك ساعه

وانت ابخص واظاهر اني عدلت معك ولا قصرت وانت كريم ولا يقصر

بس متى الموعد ترى كبدي تشفشف على المحاوره

اتلى مالعبت العام بالصيف بعرس واحد من الربع

وهالحين طقتني الشهوه على اللعب تقول ابشر هم تحط فيها مثنوي

متى الليله اللي تناسبك والساعه اللي تناسبك علمني وانا بناخيك

خلنا نلعب لين ينهرس الليل ويشيب القاف ,,,,وترى هذا هو المراد اللي

يحك صفرة الرجال ويبن معدنه ماهوب المراد اللي تنقى بالبيوت

ومتى مالقيت رديت وتخير فيها مايبن الجزاله والقوه الا الميدان وانت

شاعر ومعايس الملاعب وتعرف العلم

تخيل العنوان وهو مكتوب المحاوره الثالثه بين المشهاب اللي مايهاب

والبعير نطاح الجمع الغفير

فكر ترااااها موافقه

[بعير نت]

اخخخخخخخخخخ على العنوان عزالله انك شوقتني زياده,,,,

لاكن حلك وانا اخوك هذا على راسي ,,,الى اجتمعوا الصفوف وجوا الجماعه من كل صوب ,,,وطلع الخصم ماهنا احد ,,,,وصار الفاس بالراس ,,,معاد تفيد لو نشوتك ثم نشوتك خلاص ,,,سمعه البعير في هذا الصرح الشامخ تبي تروح وطي ,,,,بعدها قلي الله يوفقك وين اودي وجهي من الربع ,,,انت ماعندك مشكله ,,((عضو جديد)) تنشات وتسجل بسم غيره لاكن ,,,,,البعير وش مصيره,,, قدر حجم الموقف وانا اخوك تراه مهوب سهل بالنسبه لي اذا كان سهل بالنسبه لك,,,,,,ولاهقيتك ترضى يلحقنا شرهه من الربع,,,

وانت تخيرت البعير يعني دخلت مدرسه جديد ,,,,لابد من اختبار القبول يا راسب يا ناجح,,,
واتمنى لك النجاح والتوفيق يالمشهاب ,,,,,

ومثل ما قلت لك نكمل المحاوره عشان اعرف اللي قدامي شاعر فقط,,,,وابشر بعزك ,,,,

وترى العنوان اللي كتبته هيضني زود ,,,,والله من زمان ما نهشت راس واحد مثل اللي بالتوقيع ,,,,عجل رد يمال الشحم,,,

تحيات اخوك البعرور الصبور,,,

[المشهاب]

جااااااااااااااازلك العنوان ;)خابره يبي يجوزلك

بس ياليتك خليتنا نتراد


وخليتني اصرملك الوهط والكتاد والقمكيه وهوماشوي مثل اللي بالصوره

بس اللي بالتوقيع ما معه مشغار وانا الى لعبنا انشاء الله يبي يجي

معي مشغار اعدي البعير لا يعرش راسي:D وان عرشه فدوه للبعير:D


بس ناظر يالبعير موقف جمهورك ومشجعينك اللي يتحمسون لمرادك

وش لون تخذلهم بالسهوله هذي


وانت على راحتك يالبعير انا طلبتك وانت مارظيت

قلت لك ابد وعييت وقلت ابا ابدى وعييت ولا ادري وش السبب



بااااااااااااااااااااااااي بعرور

[بعير نت]

هلا المشهاب ,,,,مشاءالله عليك كل يوم طالع براي,,,,,,لو فيه شمس وانا اخوك بانت من امس,,

تبي ترسل قصيده وعجز ترد على بيتين وش ذا التناقض ,,,,,وبعدين ما خبرنا الطالب يختبر المدرس وانا اخوك,,,
كلها بيتين ,,,وانا اخوك يالله جمهوري على الابواب يحترون تثبيتك لكلامك,,,,,

عجل تراك طولتها علينا وهي قصيره هالحين لوك منهي هالمحاوره معي كان خلصنا ,,,,تكفى ترى بيوتي معلقه وانا اخوك ,,,,تبي منك الرد ,,,,

يالله يالمشهاب,,,,,عجل وانا اخوك,,,

[المشهاب]

هلا بالبعير والله مابغيت احرجك بالقصيده


بس ان كانك تبيني اوجها قلي وابشر بسعدك

بس تعهدلي انك ترد اذا صارت موزونه ولافيها كسور وجزله

والشعار بينناهم الحكام الله ذمهم


بعدين تعال وراك ما تشكرني وانا ماسك صفك :)


شاكر اللي مروا كلهم الا انا|1|

[بعير نت]

المشهاب ,,,,,

لم ينجح احد,,,,

الحقيقه رسبت في اختبار البعير ,,,,جتك البيوت ولا رديت عليها للأسف ,,,ولو لاحضت اني كاتب في العنوان لاتهاب,,,لائني كنت متوقع الشي هذا,,,ولاهيب غريبه عليك,,

تكفى يالمشهاب لاتحرجني قدام الربع,,,,تكفى يالبناخي,,,ترضى لخوك البعرور ,,,كل ماجانا عضو جديد,,,

قال استلم يالبعير جتك القصيده,,,همن يبلش البعير بخلق الله من يرد عليه ومن يخلي ,,,والجمل لاطاح كثرت سكاكينه,,,


على العموم مدرسه البعير عندها دور ثاني ,,,,يعني لاتخاف ,,,,عندي محد يرسب,,,

راجع الرابط هذا ,,اللي كان لك مشاركه فيه وكانت مشاركتك مبينه انك غير مجيد للطروق,,وسوف تجد شرح موجز لهذا الطرق من شرح الشاعر الكبير والمراقب العام الاستاذ سعد العبود,,,
واعتبره درس خصوصي لك ببلاش ,,,,,من قدك واسطه,,,
ولك مهله اسبوع قلب فيه على كيفك ,,,وتراي حاضر لك ولغيرك اذا تعسر عليك شي ترى الخاص بيننا ,,
لايجيك احراج ابد وانا اخوك ترانا جماعه نتعاون على الخير,,,,

ارعص هنا:http://www.alsh3ra.net/vb/showthread.php?threadid=3680

على العموم الموضوع انا عطيته اكبر من حجمه,,,,غلطان يالبعير,,ادري,,

لاكن لن يكون لي رد على اي تعقيب الا اذا كان رد على البيتين,,,,,,والسلام ,,,

المهله اسبوع لاتنسى,,,,